على قناة ٍ بالحقيقه تواعد=نالت مسمّى بالعروبه ملحّق
خلّت مراسلها بوجه المشاهد=يجري مقابل بالحوار المنسّق
ولسان بن شلقم هرج هرج واجد=شي ٍ يصدّق شي صعب ٍ يصدّق
كنّه ظهر بالهرج ناكر وجاحد=ماباح بعلومه يومنّه مرفّق
وانته من العرّيف باحث وناقد=اصدر لنا حكمك بعد ماتحقّق
ان كان قوله مصدره قلب حاقد=لوهو صدق فالبعض بعضه ملفّق
ولوهو يواجه ضغط معذور لابد=انجامل اللي بالغصيبه ينطّق
وان كان قوله يدفعه قلب حاسد=راع الحسد لاتحسبونه موفّق
واللي يدور الحق لازم يجاهد=حتّى يبين الحقّ خصمه يزهّق
واليا فزع بشهود صالح وحامد=نجبر نصدّق كان هرجه ٍ موثّق
وامر ٍ يحزّن بالعرب يوم تاجد=مابينهم حسد ونفاق يتدفّق
الرّجل يمدح يوم عنّده مساند=واليا وقعّ بالشّين قام يترشّق
جاوب يابن رجعان من كان ناشد=رجل ٍ عن ادروب الجهاله معتّق

معاد بعدك وانت شاعر وناقد=خضت البحور وناسف الموج يصفق
ياكبتن الرحله معاك المساعد=اسري بها قدام مالشمس تشرق
ياصاحبي هرج القنوات واجد=والوضع لو دققت للقلب يحرق
باعوا ضمايرهم من اجل الفوايد= وحطوا لهم عن معبر الحق مفرق
اقوالهم صارت وراها مقاصد= حتى كبار القوم تسرق وتدرق
اعلومهم مابين صادر ووارد=واللي تسمع للسواليف يشرق
تصحي اللي في غفا النوم راقد=لكن سحابة صيف ترعد وتبرق
الصدق راح ولاعن الصدق ناشد= واليوم عن قبل امس بالحيل يفرق