ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مـلـتـقـى الالــغــاز الـشـعــبــيــة (http://www.m-harb.net/vb/forumdisplay.php?f=151)
-   -   1922... أنشدك عن بنتٍ تسمت على بنت...محلول من قبل ابوهليل صح لسانه (http://www.m-harb.net/vb/showthread.php?t=119580)

الصتيمه 20-06-12 05:46 PM
1922... أنشدك عن بنتٍ تسمت على بنت...محلول من قبل ابوهليل صح لسانه
 
..السلام عليكم ورحمة الله وبركاته :

.....إليكم هذا اللغز عسى أن ينال رضاكم واعجابكم:

أنشـدك عن بنتٍ تسمت على بنـت = بـالاسـم وإلا الـشكــل مـا هـن حــلايا

الاوله تـحـتـار فـيـهـا أن تـفـطنـت = خـاوت اضعـوف النـاس هـم والدهايا

والثـانـيـه مـنـدونـها الموت لاهنت = حـدب السيــوف اللي تـجيب المــنـايـا

وبـغى تـجـيـب الـحـل كـانك تكرمت = ويـجـزاك فـي حـلـه جـزيـــل العـطـايا


....وللجميع تحياتي....

ابوفهد الحربي 20-06-12 06:11 PM
وعليكم السلام ورحمة الله وبركاته.
أخي العزيز الفاضل. ابوعبد الله .أمدك الله بالصحة والعافية.
وصح السانك على الغز الطيب وطيبه من طيب راعيه:

وش رايك: بالشهادة في سبيل الله: وهي الاستشهاد في سبيل الله

والشهادة الدراسية. أو شهادة الاسلام
أو أي شهادة

الصتيمه 20-06-12 11:09 PM
السلام عليكم ورحمة الله وبركاته :
ابو فهد المزيني أسعد الله جـميـع أوقـاتـك بـكـل الـخـيـر والـمـسـرات
وصـح الله لسانـك وأشكرك جـزيــل الشكـر عـلى مـرورك المــشرف
وانت كلك شرف شرفك الله بالعافيه والأعمال الطيبه بالدنيا والأخرة
والرمعه طيبه من طيب ولكن خيرها بغيرها وانت طيب ولك تحياتي.

ابوهليل 20-06-12 11:20 PM
صح لسانك يابوعبدالله الله يعطيك العافيه
جاري التفكير

ابوفهد الحربي 21-06-12 01:08 PM
وعليكم السلام ورحمة الله وبركاته.
أخي العزيز الفاضل. ابوعبد الله .
أسعد الله ماساءك بالخير والعافية.

وش:تقول طال عمرك: بالساعة: ساعة ظبط الوقت
والبنت الثانية: الساعة: هي يوم القيامه

الصتيمه 21-06-12 05:22 PM
السلام عليكم ورحمة الله وبركاته :
ابو فهد المزيني أهلاً وسهلاً بك وبمرورك
الطيب والرمعه ما لك لوا. ولك تحياتي..

محمد راضي العريمه 21-06-12 10:53 PM
صح لسانك على اللغز الطيب ياطيب

مازلت اقص الاثر

تحياتي .

الصتيمه 21-06-12 11:49 PM
السلام عليكم ورحمة الله وبركاته :
الأخ العزيز محمد العريمه أسعد الله مسائك بالخير والمسرات وصح بدنك....
واشكرك على مرورك المشرف وبنتظار رمعتك ان شاء الله....
ولك تحياتي وللجميع...

ابوهليل 22-06-12 12:30 AM
اقتباس:
المشاركة الأصلية كتبت بواسطة ابوهليل (المشاركة 1270711)
صح لسانك يابوعبدالله الله يعطيك العافيه
جاري التفكير
ابارمع لو انك مارديت علي
وش تقول بالصفاه الحصاه والصفاه الي بالرياض

أبوفيصل 22-06-12 02:10 AM
صح لسانك يالصتيمه وتسلم على اللغز الرايع

جااااري التفكير ولو ان ألغازك صعبه لكن الله يجيب الغايب

أبوفيصل 22-06-12 02:18 AM
اقتباس:
المشاركة الأصلية كتبت بواسطة ابوهليل (المشاركة 1271103)
ابارمع لو انك مارديت علي
وش تقول بالصفاه الحصاه والصفاه الي بالرياض
اعتقد رمعة ابوهليل بالصميم والعلم عندك

ياسلام على حرفنة اللغز - - حسب فهمي للبيت الثاني على هذا النحو :

الصفاه = لضعوف الناس > مثل قولة فلان طقة صفاه
والصفاه = للدهاه > مثل قولة فلان صفاه يعني من قساه

محمد راضي العريمه 22-06-12 05:58 AM
اقتباس:
المشاركة الأصلية كتبت بواسطة خليجي نت (المشاركة 1271126)
اعتقد رمعة ابوهليل بالصميم والعلم عندك

ياسلام على حرفنة اللغز - - حسب فهمي للبيت الثاني على هذا النحو :

الصفاه = لضعوف الناس > مثل قولة فلان طقة صفاه
والصفاه = للدهاه > مثل قولة فلان صفاه يعني من قساه
ياعيني على التحليل

والله هاللغز ابلشنا عسى ابو عبدالله مايصعب التالي ان شاء الله

عامر الروقي 22-06-12 11:07 AM
ابوعبدالله صح لسانك وبيض الله وجهك
وش رايك في
(ساعة اليد) و (ساعة مكه)

ابوفهد الحربي 22-06-12 04:15 PM
السلام عليكم ورحمة الله وبركاته.
أخي العزيز الفاضل. ابوعبد الله .
أسعد الله جميع أوقاتك بالخير والعافية.

الرمعه: الحياة الدنيا:
والحياة الآخرة:

الصتيمه 22-06-12 09:32 PM
اقتباس:
المشاركة الأصلية كتبت بواسطة ابوهليل (المشاركة 1271103)
ابارمع لو انك مارديت علي
وش تقول بالصفاه الحصاه والصفاه الي بالرياض
أستاذنا القدير ابو هليل أسعد الله مسائك بكل الخير والمسرات
وأستبيحك عذراً يعلم الله أني أنسى ومثلك عارف صغر السن له
دور بالنسيان وإلا انت تعرف قدرك عندي عزيزالله يعزك بالطاعه
ومني العذر ومنك السموحه وصح لسانك ملايين والحل كما تفضلت
( الصفاه والحصاه والصفاة الرياض) والله أني توقعت اللغز يبطي ولكن
ما شاءالله عليك يابوهليل ذبحته الله يعطيك العافيه. والأخ العزيز خليجي نت
أشكرك على موافقتك لبو هليل الرمعه وعلى التوضيح المميز وصح الله ألسنتكم
جميعاً. ولكم تحياتي وتقديري والسلام...

الصتيمه 22-06-12 09:42 PM
السلام عليكم ورحمة الله وبركاته :
الأخوه الأعزاء/ محمد العريمه ابو ناجي ابوفهد المزيني
أشكركم على مروركم المشرف ورمعاتكم الطيبه واللغز
تم حله من قبل أستاذنا القدير ابو هليل والشكرموصول
للجميع ولكم تحياتي وتقديري والسلام..

عامر الروقي 22-06-12 09:56 PM
ابوهليل
صح الفكر والتفكير في حل الغز وبيض الله وجهك ولا هان فكر وتفكير خليجي نت
تقدير واحترام
ابوناجي

ابوهليل 22-06-12 10:42 PM
ابوعبدالله لاهنت مشكور
ابوناجي لاهنت مشكور
العطاوي مشكور على التايئد الله يعطيك العافيه



الساعة الآن 12:10 PM

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi