1830في صرح مجدٍ ياهل العرف معروف محلول من قبل سعد رجاء صح لسانه
 

...السلام عليكم ورحمة الله وبركاته...
...إليكم هذا اللغز المتواضع. عسى أن يحوز على رضاكم...


ويش رجلٍ كان مشرف على رجال ... فـي صـرح مجـدٍ ياهل العـرف مـعــروف
وفـعـل رديــه من رديـات الاعـمـال ... ومن عقبها صار اسود الوجه مقصوف
رديـــتــه مـوجــودةٍ عــنـد الانـــذال ... تـسمـع بهـا بـسمع مـا تـشوفـها شــوف


....وللجميع تحياتي....

أهلاً وسهلاً بالأخ نافع. شرفتني بمرورك. والرمعات طيبه من طيب.
مار ما لك لوا.
وتحياتي.

الأخوه الأعزاء/ ابوهليل ..ومانع اهلاً وسهلاً بكم وشرفتموني بمروركم . والرمعات طيبه من طيبين.
وما لكم لوا. ولكم تحياتي.

صح لسانك يا الصتيمة وش تقول في ( القبيسي ) عندما سب معاوية بن ابي سفيان

مرحبا يا سامي الفكر وأشكرك على مرورك.
...الرمعه. مالك لوا...

الأخوه الأعزاء/ ابوفهد. أشكرك على مرورك وصح الله لسانك بنتظار رمعتك.
و الشاعر القديرنافع الحربي. لك مني جزيل الشكر والتقدير.وشرفتني بمرورك ومحاولاتك الطيبه.
والرمعه. ما لك لوا. وتحياتي للجميع..

الصتيمة اسعد الله مساك بالخير والمسرات
وش رايك في ( ساهر الخبيث )

اخي سعد رجاء الحصني.......
اشكر مرورك الطيب ومنور اللغز.....
والاخ/ نافع الحربي......اشكر محاولاتك الطيبه وانت كلك طيب.....والرمعه مالك لوا.....

وتحياتي للجميع..........

صح السانك لاهنت

ونقول طير بن برمان؟

كحيلة حرب أسعدالله صباحك. أشكرك على مرورك. والرمعه مالك لوا,
وتحياتي.

أهلاً وسهلاً خليجي نت وأسعدالله جميع أوقاتك بالخير والمسرات. أشكر لك مرورك ومحاولاتك الطيبه. وبعدين وينك من أمس مختفي عن الساحه. عسى ما باس وانت والله خطير. مار هالمره اللغز سلم منك . والرمعه . خيرها بغيرها.
.. ولك تحياتي....

بيض الله وجهك يا الصتيمة وصح لسانك وش تقول في صدام حسين وغزوه للكويت وقبلها كان يقولون صقر العروبه ( صدام غلطان من سماك صدام ـ هم ليه ما سموك صقر العروبه ) ايام غزوه لإيران

هلاً وسهلاً ابن العم شرفتني بمرورك الطيب. طيب الله اعمالك وأشكرك جزيل الشكر على محاولاتك الطيبه.
ولكن الرمعه مالك لوا.
...ولك تحياتي...

صباح الخير

ويش رايك بالفيش ((الحرامي))

أبو حجيج

.....ابو حجيج أسعد الله صباحك بالخير والمسرات. أشكرك على مرورك..... .
..الرمعه مالك لوا.
..ولك تحياتي..

مني صباح الخير يسبق الرمعه لصتيمه والي معه
الصتيمه لالالاهنت وش رايك في
(( ابن خميس و ابطال من الصحراء ))

الأخ ابو ناجي أسعد الله مسأك بالخير والمسرات,
الرمعه ما لك لوا,
وتحياتي.

اهلاً وسهلاً يابن العم سعد بن رجاء الحصني. وصح لسانك والله يعطيك العافيه. الحل كما تفضلت/ البرعص. أوالوزغ/ والقصه كما هو معروف بين الناس قصة الرسول عليه الصلاة والسلام هو وابو بكر في غار حراء وكانو المشركين يبحثون عنهم و خلال ذلك كان البرعص يطنقر عليهم وبعدها جعل الرسول صلى الله عليه وسلم ذبحه سنه. لأنه كان يريد أن يبلس عليهم . وكما هو معروف عند الرجال بأن البلاسه عيب ولا يفعلها الا الأنذال وهاذي هي الرديه الذي فعل البرعص وموجوده مع الأنذال من الرجال . والصرح كما هو معروف هو غار حراء للتوضيح .اعزكم الله من البرعص ومن الأنذال.وكذلك ألشكر موصول لكل من شرفني من خلال مروره ومحاولاته وللجميع فائق تحياتي....

الأخ العزيز ابوناجي أسعد الله مسأك بالخير والمسرات. و أشكرك على الأشاده الطيبه.
وهذا يدل على حسن ذوقك وطيبك. وطيب السلعه من طيب ملفاها.
وتقبل فائق تحياتي واحترامي...

صح لسانك على اللغز الجزل

وش رايك بالظابط اللي خان العهد في وقت ازمة الجنوب ايام الحوثيين

والرديه الخيانه

الأخ بدر العريمه أشكر لك مرورك.
واللغز تم حله من قبل الأخ سعد رجاء الحصني.
ولك تحياتي.

أستاذنا القديرابو هليل أسعد الله مسأك بالخير والمسرات. شهدت للغز باالنجوميه. فاشهادتك أفتخر بها طول الله عمرك على الطاعه. ولك تحياتي..

صح لسانك يالصتيمة وصح لسان ابو مشاري على الحل
بيض الله وجيهكم

صح لسانك على اللغز الجزل
وصح لسان سعد رجا على حله الوافي

تحيتي للجميع