مشكور حمود الغيداني على الخبر ... عيال حمايل ويستاهلون

نبارك للشيخ / خالد بن سالم بن محمد بن نحيت حفيد شيخ الشيوخ ونسل ابو حرب
الذي قال فيه الشاعر الحميدي السليمي في احد مواقفه اللي ماهي غريبه على سلايل محمد بن نحيت

عـلى شــرف خـالد ســلايل كحـــيلان
شــبل(ن) على الطــولات طـالت يمــينه


تنشــر له البيـضــا عـلى راس مـابان
ونــدعي عــسى ربــه يطــول سـنينه


كــم ماقـف(ن) ما يلحــقـه كـل جـابان
يـبيـن به ثقــل العـقــول الرزيـــنه


يـبيـن به للأصــل مـعـنى وعـــنوان
يـبيـن في العــرف زيــنه وشــــينه


اسـمع ما اقــوله زين يالذيـب ســرحان
رد الخــبر عــني وعــندي ضـــمينه


من لا شكر مخلـوق في فـعــل الاحـسان
لا شــاكر(ن) ربــه ولا الله معــيــنه


وش داعــي الانســان من دون الانسـان
والله مــع اللــي بالعمـــل مـتقينـه


ولا انـت لك فعــل(ن) جـلي(ن) للاعـيان
وحـــنا تـرانـا يا فــتى مـثـمـنينه


اطلـقت لك مســجون باســباب ديــان
ما كـــل رجــال(ن) تهـقــوا بديـنه


له ستة اشــهر بيــن شــاكي وسـجان
والبـاب حــراس السجـــن قافلــينه


ولاهي غــريـبـه منك ياطــير حـوران
جــدك من حــداد الســيوف الســنينه


يعتــق له ارقــاب(ن) تحـت حد شـامان
المـوت فـيها طــال شــكه يقــــينه


ابن نحــيت لــيا هــبا كل خــــوّان
اســـمه محمـد والعــرب عـــارفينه


وجــب الكــلام اللي مــعانيه مــيزان
تسمـعوا يا اهـــل العقــول الفطــينه


لاخــيرفي قــول(ن) على غير برهــان
ومن لا يـثبــت ما يقـــوله غــبينه


وخلافها من فوق مـصنـــوع الالـمـان
غـنيت جـزلات البيـوت الحـــــسينه


من فوق بنز(ن) لا اسـهمت تقل شــيهان
أو طلقة من حــلق شــــقرا ثمــينه


لـيا وقى عـثراتها عــالي الشــــان
سـبحان من جي نــوح فوق السـفـينه


نفهق طميه شــــرق بين الصــلاتان
ونصلي الوســـطى اببيت المـــدينه


بيت الرسول اللي شرع خمــس الاركان
بامر(ن) من المــولى على عـــابدينة


وليا قضينا فرض رب اهــل الايمــان
رب(ن) يعلم الظاهــره والضـــغينه


نقلط على مجلس طــويلين الايمــان
أبنا الرجال اللي تقــدّ الضــــعينه


عادة مجالسهم على طـول الازمـــان
للجود حصن من الحصـــون الحصينه


فيها دلال وطيب وافطــاح خــرفان
تسلى بحوزتها القــوب الحـــزينه


قلته وانا اسابق خطا الرجل عجــلان
كلـش على ما قيل حـله بحـــينه


دعاني الداعي مع اصحاب واخــوان
على الكرم والطيب ســلمت يمـنيه


وانته حفـيد الشيخ والعلم نيـــشان
فعل(ن) فعــلته عـن ربك وزيــنه


ولا انسى رجال(ن) بالقضيه لها شـان
كل(ن) على ما قدمه ذاكـــــرينه


من يجـزي الاحسان نكرا وجحـدان
اكبر خطا واصـله نفسه وعـــينه


مابه بشـر كامل ولا فيه نقصـــان
الكامل اللي كامــل(ن) كل ديـــنه