يارجل سب الرجل في غيبته عيب = ولاهو لنا مذهب ولا هي عقيده
مصيب والا فيه سقة الاكاذيب = يحرم عليك بغيبته ما تكيده
في غيبته تبي تسوي بها ذيب = وتعد نفسك شهم وانك وليده
قابل بوجهك كان مابه عذاريب = اما يزيدك عيب والا تزيده
واخير منها شومة تشبعه ريب= ويكفيك عن حقك عقول رشيده
يا صرت طيب يحتمونك هل الطيب = من لا بتك والا من ايا بديده
يثنون بغيابك رجال المواجيب = من طاب يلقى الطيبين برصيده
مزبنين حظوظهم عالم الغيب =وعن ذم خلق الله تشطر بعيده
والي على عمياه خيله مهاذيب = الناس تدري وش وراه ويريده
اما قصير باع داني محاضيب = والا بجوفه من مداهم وقيده
اهل المسبه للمسبه معازيب = لو النظر فيما سمعنا نعيده
شذابة المقفي شجيعة مشاذيب= وتصير قدامه سواة الرديده
قبلي هجوهم با القصيد الواعيب = ما يحصي الي قيل فيهم زبيده
من عصر ابونا ادم وهارون وشعيب= وناس تجيد الهرج عن ما تجيده
والعفو عن سقط الخطا راي مصيب = وتسيد با الاحسان ما لا تسيده
مدامها ما غير حشة عراقيب = عسى كلامه في غيابك يفيده
لو كل ما نسمع مسكنا التلابيب = كم حلق هراج قطعنا وريده

المشاركة الأصلية كتبت بواسطة العنود. (المشاركة 1166429) صح لسانك وبيض الله وجهك

المشاركة الأصلية كتبت بواسطة سعد المحمدي (المشاركة 1166458) الشاعر الكبير خالد الحصني صح لسانك وعتلا شانك شاعر راااااااااااائع يابو موسى تحياتي وتقديري

المشاركة الأصلية كتبت بواسطة خالد الحصني (المشاركة 1166356) يارجل سب الرجل في غيبته عيب = ولاهو لنا مذهب ولا هي عقيده مصيب والا فيه سقة الاكاذيب = يحرم عليك بغيبته ما تكيده في غيبته تبي تسوي بها ذيب = وتعد نفسك شهم وانك وليده قابل بوجهك كان مابه عذاريب = اما يزيدك عيب والا تزيده واخير منها شومة تشبعه ريب= ويكفيك عن حقك عقول رشيده يا صرت طيب يحتمونك هل الطيب = من لا بتك والا من ايا بديده يثنون بغيابك رجال المواجيب = من طاب يلقى الطيبين برصيده مزبنين حظوظهم عالم الغيب =وعن ذم خلق الله تشطر بعيده والي على عمياه خيله مهاذيب = الناس تدري وش وراه ويريده اما قصير باع داني محاضيب = والا بجوفه من مداهم وقيده اهل المسبه للمسبه معازيب = لو النظر فيما سمعنا نعيده شذابة المقفي شجيعة مشاذيب= وتصير قدامه سواة الرديده قبلي هجوهم با القصيد الواعيب = ما يحصي الي قيل فيهم زبيده من عصر ابونا ادم وهارون وشعيب= وناس تجيد الهرج عن ما تجيده والعفو عن سقط الخطا راي مصيب = وتسيد با الاحسان ما لا تسيده مدامها ما غير حشة عراقيب = عسى كلامه في غيابك يفيده لو كل ما نسمع مسكنا التلابيب = كم حلق هراج قطعنا وريده