ياراكب اللي ليا جاله تونداقي=يقلع مدى ضيقة الخاطر تونداقه
مواصفاته تهيض كل ذواقي=وصوت اشتغاله يوسع صدر سواقه
لونه تحت ضو قرص الشمس لهاقي=في طوكيو مصنعه وبنجد عشاقه
هو منوة اللي عنه تعميم الحاقي=وهم اهل الثار يقتاده ويستاقه
زاده ذواقه وشربه فوق مايطاقي=يشرب من الماء ويطبخ دم معلاقه
نار القهر والغبن محرقته احراقي=يقفي ويقبل وصلو النار باعماقه
تصلفقه قلة الحيله تصلفاقي=يقضي نهاره وليله ماثنى ساقه
نصه رفيق الرفيق المولع الشاقي=بالطيب من يوم رف الشوف باحداقه
محمل في تحياتي وباشواقي=وقل لابوسامي تركت العشق واسواقه
بشر حسين النبا والشكل بافراقي=واخذ يانداء مني بشاره على فراقه
وش عاد لو هز زينه كل خفاقي=ولا عاد للي يشوفه بالصبر طاقه
عزلت عشق ام عين رمشها دقاقي=وبدلته بعشق وضحاً شوفها شفاقه
انا بدوي ونويت اشري لي نياقي=عقب ابن بتلاء ذعار اهدالي الناقه
كم لي وانا للنياق الوضح تواقي=وشجعني اللي عساها تكثر ارزاقه
ابى لاحنت رعود ولاح براقي=نو هماليل وبله ماهي دقاقه
امشي باثرها ووجه الشمس ماواقي=مع ضف ربع مافيهم قاطع الساقه
اتبع هواها واجر الصوت مشتاقي=في مرتع قبلها عشبه مااحد ذاقه
روض نوامي حياه اشكال وارناقي=طياحها مثل حذف المرو باشناقه
جو نباته زماليقه لها اعناقي=وزهوره اجمل شذاها من شذا باقه
من شم ريحة هواه من العمس فاقي=نسى التعب والهموم وزانت اخلاقه
دنيا تقلب وتخلف هقوة الهاقي=والعمر لابد ماينصاب في عاقه
العمر والمال يفنى والله الباقي=سج القدم وانبسط مادام لك فاقه

ياسايق الجيب جعلك ماانت سواقي=ابطيت تمشي وهاذي ماهي سواقه
طال انتظاري وانا واقف على ساقي=اتعبت رجلي مابين الباب والطاقه
الناس ناموا وانا في حروتك باقي=يامرحبا اقلط ولافي عطني اوراقه
تقهو لين اني اقرأ كل الاوراقي=واعطيك رد الرساله كان لي طاقه
يامرحبا في قصيد الشاعر الراقي=اللي له الناس ولهانه ومشتاقه
شعرمثل شعر لافي ماله املاقي=انا على كتابته ماعندي لياقه
لكن ابى اكتب مردي والله الواقي=من نقد ناس تجي للنقد منساقه
الجو توه صفا والفكر تو راقي=وكتبت ماجادبه فكري من افاقه
يالافي حمود شعرك يغدق اغداقي=على مسامع محبينه وذواقه
انته جبل من جبال الشعر عملاقي=وقصايدك ياوسيع العرف عملاقه
علمك في ساحة الامجاد خفاقي=وراية قصيدك بجزل الشعر خفاقه
ويمناك للي تجيبه تنفق انفاقي=تصرف معاشك على الضيفان والحاقه
دايم لمبدا رجال الطيب سباقي=يانسل ربع على الطالات سباقه
دامك لشوف النياق الوضح عشاقي=تستاهل اللي عطاك ذعار(لهاقه)
ابن الحميدي له الاشعار تنساقي=نفسه لحب العطاء والطيب تواقه
يامغرم بحب وضح تبحل الناقي=لوشافها هيف يحسبها من نياقه
لاشك يسرق غلاها منك سراقي=لاشفت من زينها يجذبك براقه
لاتامن القلب نوب القلب بواقي=لاتله الشوق تل الصقر مسباقه
ويازين ياللي جمالك بعضه عراقي=احرص ترى عيون بعض الناس سراقه
حسن اختيارك دليل لذوقك الراقي=يازين ياللي عطاه الزين خلاقه
عقل وجمال وكمال ودين واخلاقي=وبينك وبين القمر في ليله علاقه
لو ان لافي يشوفك صابه ارهاقي=يكتب بك الشعر لين يخلص اوراقه
انا اشهد انك عذاب لكل عشاقي=قلته شهاده لزينك ماهي عشاقه
قلته وصدري من الاشواق ماضاقي=مرتاح مااحب لابنت(ن)ولاناقه

المشاركة الأصلية كتبت بواسطة خالد الحصني (المشاركة 1158387) هلا يا بو سامي كيف حالك انشالله بخير ماشالله تبارك الله الشاعر لافي حمود شاعر كبير وغني عن التعريف وابدا ردك ليس متواضعا بل ابداع ويعكس شاعر يكتب من موهبه فطريه والحقيقه اني اذا قرات لك قصيده اجد فيها السلاسه وجمال الفكره وهذا ليس غريبا عليك وانت من بيت شعر وشقيق الشاعر المعروف محسن الغيداني الذي تعد ابياته من ذهب صح السانك يا بو سامي والسان الشاعر لافي حمود الغيداني

المشاركة الأصلية كتبت بواسطة حميدان العوفي (المشاركة 1158391) الله الله الله هاهو قصيد العمالقة ... و هذا الشعر الحقيقي ... صح لسان شاعر حرب / لافي بن حمود الغيداني على هذه القصيدة التي تحمل ابياتها قوة الشعر و طراوة الشعر الحقيقي... و صح لسانك يا ابو سامي على هذا الرد بهذه القصيدة التي لاتنقص عن قصيدة العملاق لافي الغيداني بشئ صحيح إذا قيل ان فيه شعراء ظلمهم الاعلام و الجمهور فحقيقة انك انت اولهم يا ابا سامي.... و بارك الله في الشاعر / لافي الغيداني الذي آثار قريحتك و جبت لنا هذه الجزلة...... و اخيرا اقول الجزالة لاتستغرب من اهلها و صح لسانك انت و لافي ملاييييييييييين

المشاركة الأصلية كتبت بواسطة سعد المحمدي (المشاركة 1158394) الشاعر لافي حمود شاعر كبير وغني عن التعريف له حضوره المميز والراااااااااائع بالساحه الشعريه عبر القنوات الشعريه والحفلات الغير مصوره ويعتبر من اعلام الشعر بالساحه وسناده على شاعر لايقل عنه مستوى الشاعر الكبير نداء الغيداني يدل على قوة شاعرية ابو سامي الحقيقه مساجله رااااااااااائعه وفيها صور شعريه جميله ابو سامي الله يبيض وجهك ويبيض وجه لافي على المساجله القيمه والراااااااائعه تقبل مروري المتواضع دمت بصحه وعافيه

المشاركة الأصلية كتبت بواسطة فايزموسى البشري (المشاركة 1158408) بسم الله الرحمن الرحيم صح لسان الشاعر لافي حمود الغيداني وصح لسانك على الرد تحياتي

المشاركة الأصلية كتبت بواسطة خالدفهدالحربي (المشاركة 1158496) صح لسان الشاعر لافي حمود الغيداني وصح لسانك على الرد الخصم ملياٍ باالحكم

المشاركة الأصلية كتبت بواسطة فهد مطلق السليمي (المشاركة 1158589) الله الله الله الله صح السان الشاعر لافي حمود الغيداني على البدايه والقصيدة الأكثر من رائعه والحقيقه أنه وجها لشاعر كفو وجزل وصح السانك يانداء الغيداني على الرد الأكثر من الرائع صوت وصدى أكثر من رائع من شاعرين مبدعين وليس غريب عليهم الأبداع بيض الله وجيهكم وكثر الله من أمثالكم شعار كبار ومبدعين لاهنتم

المشاركة الأصلية كتبت بواسطة رابح الجحدلي (المشاركة 1158655) ¨°o.o ( ×××××××) o.o°¨ صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة ابوفياض النويمي (المشاركة 1158681) صحت السنتكم وابداعكم الرائع كلام جميل من الشاعرين الله يعطيكم العافيه / \

المشاركة الأصلية كتبت بواسطة حمود الغيداني (المشاركة 1159099) صح لسان الشاعر / لافي الغيداني وصح لسانك وجمل الله حالك يابو سامي على الرد الوافي