|
1675وش تختخٍ من دونه الشوف يرتدابوفهد حله صح لسانه
بسم الله الرحمن الرحيم
أعزائي أهديكم هذا اللغز الخفيف الظريف أرجو إن يكون مفيدا مريح وشكرا
وش تختخٍ من دونه الشوف يرتـدّ=متسلسلٍ ما تـقـطعـــــــــــــــه سُبّق الخيل نسائمه تــــــفـــــوح بالمسك والنّد=يــــــزرع ومـزورعــه عديم المحـــاصيل يبُنا علــيه ومحكـم البني يــنـــهـدّ=أن شعّت أنواره تغيب بدجى الليل يتيه في صحـراه من لا وضـع حـدّ=لسياحـــــته من قبل يــــشــــــتـاله السيل |
الاخ العزيز مبارك بن نايش الغامدي, أسعد الله صباحك بالخير والسرور, صح السانك على اللغز الكافي الوافي يراع الوفى: هذي رمعه متواضعه جداً ولا ترتقي لمستوى اللغز, لكن نفتح بها باب الرمعات: وبالله نستعين:
وش رايك طال عمرك: 1ـ الكذب: 2ـ التمني: 3ـ المدح: ولكم أجمل تحياتي |
الاخ ابو فهد الله يصبحك بالخير والرضا تشكر على جميل ما تفضلت به نحو اللغز الله لا يهينك الرمعات الثلاث منها واحدة خطيرة ويمكن تحاول مرة ثانية وتصيد المقصود من اللغز تحياتي
|
حياك الله يابو نايش ومشكور على اللغز الجزل ولدي ثلاث رمعات مثل ابو فهد طال عمرك .
الاوله / الخيال الثانيه / الحلم ( الرؤى ) الثالثه / التفكير بالماضي او المستقبل . |
ابو سامر الله يعافيك ومن كل شر ينجيك رمعت واجدت ولكن خيرها بغيرها تحياتي
|
ابو معاذ حياك ربي ومن كل شرا عافاك بالنسبة الرمعات خيرها بغيرها لا هنت تحياتي
|
صح لسانك يامبارك وبيض الله وجهك
لغز جزل الله يعطيك العافيه وش تقول طال عمرك بالزمن بس انا خايف لاحليته يطلع لغز ثاني وسط الغز مثل الغازك السابقه هههههه احب امزح معك تقبل تحياتي واحترامي |
ارمعاة الواردة اخذوها الولين يعطيهم العافيه
وانت ماقصرة طال عمرك اما بنسبه لرمعه الولا مانتبهة لرمعة ابو فهد ولاكن هاذي بدلها دوك والله يعافيك يقولون هرج اليل يجلاه النهار الهـــــــــــــــرج ودي وحترام |
ابن نايش اسعد مساءك بالخير والسرور:
1ـ الرياء: 2ـ اتفاخر بالماضي: 3ـ الأمل: |
ابو معاذ الله يعطيك العافية بالنسبة للرمعة خيرها بغيرها لا هنت تحياتي
|
أبو هليل صح بدنك والله يعطيك العافية بالنسبة للمزح مزحك نور يا أبو هليل واللغز اللي يطرحه صاحبه ويجحد حله اذا حل اعتقد ان ذلك يرجع للخزانه فارغة وبالنسبة للرمعة خيرها بغيرها تحياتي
|
ابو فهد حياك الله رميت فأصبت نعم حل اللغز هو طول الامل الذي يمتد امام الانسان والديان اقرب: صح لسانك لا هنت تحياتي
|
الاخ العزيز مبارك بن نايش الغامدي: مرة ثانية صح السانك: بصراح من وجهة نظري لغز من الدرجة الاولى: باك الله فيك وفي جهودك: وننتظر جديدك:
تحياتي وتقديري لشخصك الكريم |
ابو فهد لا هنت وانا لا استنكر النقد الهادف البناء ارحب به ونحن بشر ما نقول ونعمل مجرد اجتهادات يمكن نبذل الجهد ونخطي مهما تكون ثقافتنا في نفس الموضوع الذي نجتهد فيه ووجهات النظر والملاحظات القيمة تجعل بعضنا يستفيد من البعض شكرا لك: تحياتي
|
الساعة الآن 03:08 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir