مانبي جندي ولانبغى عريف = ياوطن عفنا المراتب كلها
ودنا يومن مثل يوم الصريف = والكبود المضميات نبلها
القبيله حرب من دور الشريف = لابتن لاخاف من يزبنلها
عزوتي ربعي عمى عين الحفيف=لاطمع يبغى نوادر بلها
والله انـــّا للمعادي والحليف=سقم عينه والسيوف نسلها
دون عانينا مثل حد الرهيف=والعلوم المكرمات اهلنلها
وقت نطحات اللوازم مانخيف=كم عقودن محكمات نحلها
والصخا يلقاه زوّار المضيف=كرمتن ماجات غير بحلها
يلتجي فيها القوي قبل الضعيف = كم تفيّا من عزيز بظلها
والخطا لامر نعتبره طفيف=كل عثره للرفيق نقلها
وان وصل جرح الكرامه يالطيف=تلطف بحاله عقب ما انعلها
والصحيب اليا انجرح عزه نقيف=ماقفن يبري جروحه كلها
يامساعد راعي القلب النظيف=وقفتك ماني بناسي حلها
لوربيع القلب يقفاه الخريف=ولو بقت نفس الشقا في غلها
ماقفك مايجحده كود الخفيف=والحقيقه كل رجل يدلها
سارة اقدامي ولاحولي رديف=واطوي الطرقه واعود افلها
لجل ماقلبي ولافكري صخيف=ماجهرت اقول نفسي من لها
وجهتي عقب الحيا غرب المصيف=والحيا لاجى النفوس يجلها
بين ثقل الكايده والمستضيف=عيني اكبر ماعليها ذلها
وقتنا يالقبع ميلاته تخيف=والنفوس احيان ماياونلها
تبتلي راع النقا حتى يعيف=فوق راسه كل ساع يصلها
وانت حرن نادرن ماله وصيف= لانصتك اللازمه قدن لها
والحرار شوزنها لولا الرفيف = يالعديم اللي شهر عن جلها
ماتحير بماقفك لو هو كليف =والمواقف مثلها كفون لها
رايتك بيضا على راس المنيف=والعلوم الغانمه محرن لها
يالوليده يانضر عين الكفيف=ياجمل كل الحمول يشلها
القبول الذرب والساس الشريف = والعلا لو كايده واصلها

المشاركة الأصلية كتبت بواسطة بدرالهبيري (المشاركة 1118059) [color="black"][b][center][font="arial black"][size="4"] السلام عليكم ورحمة الله وبركاته ... وقت نطحات اللوازم مانخيف=كم عقودن محكمات نحلها [/poem] " " أطيب الأوقات "

المشاركة الأصلية كتبت بواسطة ابو سامر الحربي (المشاركة 1118771) بيض الله وجه من سويبه معروف وبينه وانت مشكور يالهبيري على رد الثناء لراع الوفاء . ومشكور على الدرر الثمينه .

المشاركة الأصلية كتبت بواسطة صوت قادم (المشاركة 1119082) صح لسانك وملاحظة على الشطر وهو أن معناه عكس ماتريد وهذا ماوددت تبيانه وارجو قبولها بروح رياضية واستغرب كيف مرت على الشعراء الذين ردوا عليك 0

المشاركة الأصلية كتبت بواسطة حميدان العوفي (المشاركة 1119249) صح لسانك يالهبيري دائما مبدع و الابداع لايستغرب من اهله

المشاركة الأصلية كتبت بواسطة فهد مطلق السليمي (المشاركة 1119278) أول شي صح السان الشاعر بدر الهبيري على القصيده والقبع يستاهل وبالنسبه للأخ صوت قادم وملاحظته أنا أوافقه ميه بالميه على أن المعنى أتى بخلاف قصد الشاعر ولاكن قوله أستغرب أنها مرت على الشعراء الذين ردو عليك يا أخي صوت قادم الشعراء الذين ردو عليه يلاحظون الملاحظه ويسكتون لأن الشاعر ماطلب إبدى الملاحظات على نصه ولاطرح القصيده في قسم النقد حتى الشعراء الذين ردو عليه يبينون وجهة نظرهم بالقصيده وإذا كانت القصيده سليمه بالوزن والقافيه معناها أبخص فيه شاعرها والقاري حكم هذا شي. الشي الثاني إن بدر الهبيري شاعر كبير ومتمكن وأنا ما أقول هذا الكلام مجامله للشاعر ولاكن إني قريت له الكثير من القصائد الجزله والقويه والتي لاتأتي إلا من شاعر كبير وهالملاحظه ماتقلل من مكانة الشاعر وقصيدته الجزله.. بالتوفيق يالهبيري أرقى سنود يابدر وسامحنا على المداخله المطوله في متصفحك لك ودي وتقديري

المشاركة الأصلية كتبت بواسطة ابوفياض النويمي (المشاركة 1120775) قصيدتك كفو وانت نوماس وعلمك غانم صح لسانك وانا اخوك على هلقصيدة الأكثر من رائعة من شاعر جزل ومتمكن .. شكرا ً لك من الأعماق على هذا الحضور وهذا الابداع وتقبل خالص تحياتي وتقديري

المشاركة الأصلية كتبت بواسطة الحيادي (المشاركة 1123060) الشاعر بدر الهبيري صح لسانك مليون وبيض الله وجهك ووجه مساعد القبع مايرد الثنا غير راع الثنا والرجال الطيبين مثلك وشرواك اللي يقدرون المعروف وراعيه لاهنت اخوي بدر

المشاركة الأصلية كتبت بواسطة القبعي (المشاركة 1124615) أخي بدر الهبيري انت كلك بركه عرفتنا على منتدانا الرائع باعضائه ومشرفينه ...وانت تستاهل الرد على قصيدتك الجزله بأجزل منها ولاكن انا خوفوني اللي ردو عليك وانتقدو بعض ابياتك .لذا مابغيت ارد ولاكن ابتوكل على الله : وابقول كما قال الشاعر الكبير /سبيل بن سند الحصني يرحمه الله (يقول لاسمعت شعر غيري يعيفني قصيدي )وهذا من تواضع ابوسلمان الله يرحمه ولايقول احد اني اقلده ماأعتقد ان أحد بياصل الى مواصيل ابوسلمان واليكم الرد على أخي بدر الهبيري: قال المزيني ياهلا ويامرحبا براع الصريف ترحيبتن لامرت كبود العطاش تبلها من واحدن ماجا طريف ولايبي ياصل طريف حده ربوع العاصمة والاطريف يدلها والشجرة اللي يالهبيري نابته وسط الرصيف لوجازلك ظلن تحتها لا تجي في ظلها وحربن على وقت النبي ماهم على دور الشريف كم غزوتن مع سيد الانام حرب تصلها تاريخها يسمع به الصم البكم وايضاء قراء فيه الكفيف في ذمتي حتى رسول الله حرب يجلها مادامها تمشي على شرع الولي وتطبق الدين الحنيف وكل الخصال الطيبة يابدر فيها كلها والعسر من بعده يسر ولاكن بنادم ضعيف مايدري ان اللي عقد روس الحبال يحلها وانته من اللي يذكر المعروف لصحابه ولو انه طفيف والاتراني مافعلت افعال تسوى هالقصيدة كلها ولاهي غريبة لافعلت الطيب بالشهم النظيف ويمنن متقوى الطيب في شرواك ربي يشلها عساء ان تنال أعجاب أخي بدرواعجابكم....

المشاركة الأصلية كتبت بواسطة بدرالهبيري (المشاركة 1131699) هلا والله وغلا ببو عبدالعزيز .. الله يحييك ويبارك فيك على هالردود الرائعه .. صح لسانك ولاهنت على هالقصيده ولايهمك ماحنا قاربين شجرة الرصيف ام الظلال المريف :0726: .. اما النقد فهو حق متاح للجميع ولكن ليس بالضروره ان كل نقد يكون صائب فبعضعه تخبط وبعضه فهم خاطئ .. أشكرك واتشرف بردك وبرسالتك العزيزه .. أطيب الأوقات ..

المشاركة الأصلية كتبت بواسطة طلال الحنيحني (المشاركة 1131838) القبيـلـه حـــرب مـــن دور الـشـريـف لابـــتـــن لاخــــــاف مــــــن يـزبـنـلــهــا بدر الهبيري وش اقول وش اخلي والله لولا اني تشرفت وكلمتك مره واحده كان قلت هذا شايب سبك وحبك ومعني وجرس موسيقي ولا هي غريبه من الهباريه الشي ذا ولا ننسي قصيدة محيشير الاشقر من الهباريه البارحه جانـي مـن الحشـر ضيقـي كنـك تقلبنـي عـلـى الجـمـر تقلـيـب الشـيـخ بالـخـوْه سـبـورة تـويـقـي جت له سبوره من طوال المراقيـب قالوا هـذي البـل مـار دونـه فريقـي قالوا شواوي مـا يفكـون مـن ذيـب والله لا يهينك يالهبيري والله الله من ابداعك لا تبطي عنا