|
1665انشدك عن رجال يحكم بلا روح@محلول حله الترمس صح لسانه
اليكم احبتي هذا اللغز عساء ان يحوز على رضاكم وهو للشاعر / عبدالله بن شعوان المزيني رحمه الله .
يقول / انشدك عن رجال يحكم بلا روح // يومرَعلى بعض العصاة وتطيعه ولولا حكمه كان مافيه مصلوح // لامنافيٍ للحق ولاهو شريعه . ودمتم بود ,,,, |
الله يغفر ويرحم الشاعر عبدالله بن شعوان المزيني
وبيض الله وجهك يابو سامر على الغز الجزل رمعه اوليه وش رايك بالميزان |
بيض الله وجهك على المرور السريع ومالك لواء ياطير شلوى .
|
وش تقول بالقانون او الدستور
|
غفر الله للشاعر عبدالله بن شعوان المزيني: وصح السانك وبيض الله وجهك:
أما اللغز ان ماخاب ظني طيره ابوهليل, والعلم عند الله ثم عندك: |
يابو هليل رميك خطير لاكن حاول مره ثانيه يالذيب الاشهب
ابو فهــــد مشكــور على مرورك . |
الله يرحم ابن شعوان
ويسلم يدك على النقل المميز يابو سامر رمعه مايكون السجن او الختم |
سلم من قنصك يالقناصه ومشكوره ولالكي لواء .
|
ابوسامر الحربي بيض الله وحهك:
وش رايك بالريموت, يعني اي ريموت قنوات أو سيارة أو غير ذلك: أو كباس حق نور السيارة العالي والواطي: إلى أزعجك أحد بنوره العالي تكشخه فيه حتى يعرف أنه مخالف للنظام: وهذا ماتوصلنا إليه بعد جهد جهيد من المحاولاة المظنيه: |
طيب اخوي ان كان اخوي ابو فهد ماصاده
اقول وش قولك بالمسدس تحياتي |
وش تقول بالشمع الاحمر
الشرطه والا البلديه لالقومحل مخالف لنضام سكروه بالشمع الاحمر |
ابو فهد القناصه ابو هليل جزاء كم الله خيرا ومالكم لواء بما تفضلتوا فيه .
|
وش رايك بالملحس الي عند قضاة البدو وخاصه اهل الشمال
|
وش رايك بالبو وهو (جلد الحوار اذا مات) لكي تعطف عليه الناقة |
ويش رايك بالوجه او الدخل حيث انه يردع الخصم عن خصمه واحيانٍ يدعي الطرف الثاني يقبل الحق والصلح أو المعدال الذي يطرح بين طرفي النزاع وشكرا لك على طرح اللغز ورحمة الله على صاحبه رحمة واسعة تحياتي
|
أبوسامر :
الله يعطيك العافية على النقل الرائع وأسأل الله أن يرحم صاحب اللغز. أنا أقول القلم |
ابو هليل ــ الترمس ـ مبارك بن نايش ــ النويشر ( اعزاء اجلاء في اهتمامكم ولالكم لواء .
|
طيب يا ابو سامر الله يصبحك بالخير وش رايك بسيف العدل
|
السلام عليكم ورحمة الله وبركاته وش رايك بالمطب الصناعي أورادار تحديد السرعة |
مبارك بن نايش و الترمس منورين المنتدى بحضوركم بيض الله وجيهكم ولالكم لواء .
|
صح لسانك أبو سامر وصح لسان الشاعر عبد الله الشعوان أبو صالح
ومشكور على النقل الطيب وش تقول في ( السلم ) جمع سلوم وتقاليد الأباء والأجداد |
بيض الله وجيه الجميع
ويش رايك با الحاسب الكبيوتر او المسمي بساهر |
ماجد التويجري
القلب الابيض مشكورين على المرور ولالكم لواء خيرها بغيرها ياطويلين الاعمار . |
الله لايهينك ابو سامر
اتوقع انه الموت والله اعلم الله يكفينا الشر |
يمكن يكون القرءان
وحكامه |
يمكن يكون رسن الذلول |
الترمس الترمس مبروك الف مبروك لقد اصبت الهدف وصح لسانك نعم هو ( رسن الذلول او الخطام لأنه يدب العاصي اي الصعب من الخيل والابل تسطيع من خلال هذا الحبل ان تجعلوه مؤدب .
كما اني اشكر الاخوه الذي شاركوا في المحاولات لحل هذا اللغز . |
الترمس بيض الله وجهك على حل هالغز الرايع
:076::076::076::076::076: |
الساعة الآن 09:12 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir