|
أقرب هنا ياسعد المحمدي
أنا ودي بشاعر يقدح العلم راسه = وأبن دومان واحد من خيار الرجالي بستشيره ببرجً صار فيه أنتكاسه = والجماعه تشوفه من بروجً طوالـــي |
اقتباس:
ابن دومان لاحصلك راعي سياسه= ينزل السوق لو السوق بالحيل غالي يوم عداه مع بعض الاوادم حماسه= يحلم انه ورى خيطان ياهملالي |
أبو تركي عندي شغيله بعد عشر دقايق أجيك
|
خذ راحتك المحاوره ماهي فرض صلاه
لازم في وقتها خاصه بالمواقع الاكترونيه |
¨°o.O ( ×××××××) O.o°¨
صحت السنتكم والله يـعـطـيـكم الـعـافيـــــــــــة بيض الله وجيهكم |
اقتباس:
أعرف إنك نشيط وفيك ليحة فراسه = تنزل السوق لاكن ماتسوق الريالـــي شكل سلك الظفيره صار فيه التماسه = والمورى تورى يوم جاه الهبـــالـــي |
اقتباس:
كل بيتٍ يابو مطلق على طيب ساسه=ياعريب الجدود وياعريب الخوالي من تحرى المرق من طبخ يالقرم فاسه=لاصديقٍ عزيز والا قريبٍ موالي |
اقتباس:
كل رجال يعرف بالزمن قو باســه = ولحيةً دون شارب ماعليها جدالــــي أعرف إن المسمى جاه شيً وحاسه = لين قام يتبايــن للبكار الغفالــــــي |
اقتباس:
الرجل يستره بين الخلايق لباسه= والليالي نزولٍ يافتى ورتحالي خايف انه يحقق مطلبه قبل ياسه= والمصيبه ليا ركب الرشا للمحالي |
الله الله
صحت السنتكم جميع ياعمالقه متااااااابع |
وكان صارت هدوم الرجل ماهي مقاسه = ماتحطه علومــه من قروم العيـــــــــالـــي الصحاري خليه والبحر فيــه نـاســــــــه = وأنت ماتجهل الموضوع بأول وتالــــــــي |
اقتباس:
انت شاعر فطين وفيك بعض النجاسه=عين صوب الجنوب وعين صوب الشمالي راعي البحر الاحمر بعد فرقاه واسه= وعلمه بالعلوم دقاقها والجلالي |
ابو مطلق
اشهد انك شاعر كبير واللعب معك ممتع لكن عندي دوام استاذنك يالغالي |
والله أني درست الفن هذا دراسه = أترك الوسم واضح في خدود الجمالي وراعي البحر حط الملح في وسط كاسه = والله أعلم يروح اليوم ماهو بخالي |
أبو تركي النهايه من عندك بعد عودتك من الدوام
ولا عليك زود وأنا والله ماني شاعر محاوره بس مجرد تسليه واستمتعنا باللعب معك لاهنت وبارك الله فيك |
صح لسااانك يابو مطلق وصح لسانك يابو تركي
ومحاوره جزله بين شاعرين لاهنتم وبيض الله وجيهكم ,, تحياتي . |
اقتباس:
من يفرق مابين انحاس سوقه وماسه= ان تعامل معه في مقبلات اليالي يمكن الديس حلابه مطول حساسه=قبل ماتحب نوت اعقاب يابن الحلالي |
الله الله
الله شعراء كبار غنيين عن التعريف ومحاوره من الوزن الثقيل فهد مطلق السليمي سعد المحمدي لله دركم وبيض الله وجيهكم وصحت السنتكم جميعاً ياعمالقه تقديري وأحترامي لكم متااااااابع |
أبو شطيط
صح بدنك وتشرفنا بمروركـ ومتابعتك لك ودي وتقديري |
أبو راضي
صح بدنك تشرفنا في مروركـ ومتابعتك دمت بخير |
أبو ثامر
الله لايهينك وصح بدنك وتشرفنا في مروركـ ومتابعتك لك ودي وتقديري |
الله الله
ابداع * ابداع جزاله جزاله ماإ شاء الله تبارك الله بيض الله وجيهكم علي الجزاله الغير مستغرب من شاعرين مبدعين |
محاوره قمه صحت السنتكم وبيض الله وجيهكم اسجل اعجابي بكل حرف خطته اناملكم لاهنتم ابداع وجزاله بأمتياز لا عدمناكم
|
الساعة الآن 07:45 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir