ياعاذلي لوعذلـت ولمـت=لي طرف عما يرى مصروف
أحوال تفرض علينا الصمت=رغم الذي نسمعه ونشـوف

عيني بكت والسبب قلبي = وقلبي يقول السبب فالعين
احتار في حالهم طبي=ابغا افاده من الاثنين

يا صحاب والله الهوى بلوى= وابلى منه ترك من تهواه
واكبر بلى ان كان من تهوى= يهوى العذول اللذي تخشاه

اللي هويته وحبيته =وقالت عليه الجوارح تم
شلته وفالقلب حطيته=وانشا عليه اللحم والدم

تأتي بها في صميم الذات= ماتنتظر دوم طوالي
ليا متى تخيب الهقوات = وليا متى هكذا حالي

يخطي وانا آخذه باعذاره=واقول يرجع وينصفني
الين ماصرت كسّاره=مغير الامواج تصفقني

هم علموك الجفا والصد= خلوك تنسى محبينك
واليوم بيني وبيني حد = وخليتني من معادينك

كم اتمنى و كم اعد=كم اعذل القلب وقله
ان كان خلي تركلي الود=انا هجرت الهوى كله

هانت عليك المودة كيف = اللي بها ذقت طعم الود
كان الغلا للمشاعر كيف =ارخصتها في عيون موّد

هـذا الزمـن صعـب ويربّـي=انـا اعرفـه فالقسـا والليـن
أما انت لا تقول وِشْ ذنبي=طاح الجمـل قَـرِّب السكيـن

نار الهوى مالها مطفي = يالله ياربي تنجيني
والحب وصط الحشا مخفي= ماتفضحه دمعة العيني

لملت وسط البحر تسبح = خل العقل ركزة الربان
للحب لا لا لا تسمح = دام البحر يشكي الشطأن

تفرجوا ياحضور فحي = أجنى عليه الدهر وأقدم
يطوي عليه المآسي طي = تأتيه من حيث لا يعلم

مهما عن الود قلنا زلّ=وقلنا كسرنا نطاق الطوق
يبقى منه شي مهما قلّ=يسوقنا للعواطف سوق

قالوا صبر قلت كيف اصبر=لاوين في حالتي صابر
العظم لو ينكسر يجبر=ولا تنجبر كسرة الخاطر

روحي مع الود مغلوبه=عدّا عليها الشتا والصيف
والمرء من دون محبوبه=بالله قلي حياته كيف

هذا الحشا قد ماتقدر=اطعن وسو الذي ودّك
دام الصبر للهنى معبر=ياماحلا الطعن من يدّك

كل ماتصل ماتجاوبني = يقولو صاحبك ماهو فيه
ان كان زعلان عاتبني =بين خاطايا وانا اداويه

هجرك ترى زاد عن حده = والهجر ياصاحبي قتال
اما تجي وتحسن الرده = ولى هجرتك انا فالحال

لما نسيم الهوى شفته = اشرح فؤادي وزال الهم
مديت يدي وصافحته = وحطيت فمي فذاك الفم

مضى ليالي وجات ايام = والقلب من ودهم خالي
صارت حياتي شقى واوهام =وكل عين تبكي على حالي

كل ماتجهنا لنا مع درب=نبغى بعيد المدى يقرب
نلقى طريق المروّح صعب=نرجع نلاقي الرجوع اصعب