|
ديوان الشاعر محمد بن سند
سمعنا يوم حنا صغار يقـال ان البحـر غـدار=وانا اسئل ذالبحر وشهو وانـا اقـول وش زيـه حسبته طاغي ويمشي مابيـن النـاس بالاقطـار=يصبحهم علـى الهـم ويمسيهـم علـى الكيـه وتعبت اسئل عن الغدار واثـاري هالزمـن دوار=وجاوبني عن الغـدار لقـاء مـع بنـت نشميـه ونظرت بعيني بدهشه من الحيره وانـا محتـار=انتي من وبنت لمـن وش اللـي صادفـك بيـه وقالت لي انا فلانه وانا اسكن في هذيـك الـدار=وقلت إلها انا محمـد صدوقـن واحسـن النيـه تعالي بشتكـي همـي وابيـح خافـي الاسـرار=ابحكيلـك معاناتـي حـزيـن وفـاقـدن بـيـه ونزل دمعي على خـدي وقالـت ليـه ياستـار=اشوف الحزن في عينك وقامـت شـدت ايديـه وراحت بي وقالت لي هذاك الصاحـب الجبـار=على جاله وفـي قربـه يجـون النـاس يوميـه وخاطبته وعلمتـه وشكيـت الحيـن والتذكـار=وقال اصبر تعال شوي هذيك البنـت مـن هيـه اذا تبغى السعاده يـوم ياابـن النـاس لا تختـار=اشـوف بعينهـا يفـلان إلـك طيبـه وحنـيـه انا مدري وش اللي صار وقمت الفت بها الانظار=اطالعها وانـا مـدري واشـوف بودهـا الجيـه اشوف عيونها ليه عيـون الطيـر ليمـن طـار=واشوف اني صعب بآصل مها في وسط محميـه وتعاهدنا علـى جآلـه تواعدنـا بكـل إصـرار=نحب بصـدق نطيـع الله وربـي يغفـر السيـه وانا ادري وان بغيت آخذ لقيت ان البنات كثـار=ولكـن ربـي العالـم ولآبـي غيرهـا بنـيـه وانا حربي سطع ذكري مابين الناس عز الجـار=سلالتنا بهـا طيـب وبهـا جـود وبهـا حميـه واخيراً شفت في عيني سواة الصاحـب الجبـار=ولا أصـدق ولـو قالـو ولـو زادو بـه بليـه وانا في نجد ماعندي سوى رمل وزهر = واحجاروالآ من ضاق بي صدري سريت الليـل رجليـه |
مجبور يافيصل على الهـم مجبـور=إصبر وأبصبـر كلٌهـا أيـام شِـدٌه حِنا بشر من طين لسنا مـن النـور=وإلٌنا قـدَر مكتـوب ماعنـه صـدٌه إصبر على الدنيا يجي وقت وتـدور=والله يعينـك بالشـقـى والمِـكـدٌه ومعذور لٌو تعجٌز عن الهـم معـذور=صبرك نفذ وأدري وصل ليـن حـده أنا بعد مثلـك مـن الوقـت مقهـور=ومجروح من سيفه ومن قُـو حَـده فيني أسى واضح من الهم والجـور=ومكتوب في عيني ترى الوقت ضـدٌه ووسط الحشى همٌي بناء عِدٌة قصور=هم وشقى وأحـزان وأوجـاع عِـدٌه من دونها يا خوي من دونها السـور=ومن حولها عالي لي سنيـن أهـده عشرين عام أضحك ولاني بمسـرور=واليوم ما خذ لي عن الضحـك مِـدٌه كيف أضحك وقلبي مع الهم مأسـور=ومن يضحك ودمعه على أطراف خده يالله أنا عبدك مـن الهـم مكسـور=ادعيك من قلب(ن) ترى بـاح سـده رحمتك في عبد(ن) له سنين وعصور=إن زانـت الدنيـا لـه الحـظ لٌـده يارب أنا ساكن فناء بيـت مهجـور=أشفٌق علـى الشٌـده ولا فٍـي شٌـده |
كنت غايب عن هواء نجد والنـاس=وحكاية المجنـون أصـل الجريمـه فيها غدابي مركبي وسط الأرمـاس=يابوسنـد قصـه جديـده قديـمـه أسنتدت شعري وانت شاعر وحساس=ومن لآبـةً مايـوم ذاقـت هزيمـه أبيك تجمـع الجواهـر واللألمـاس=والدر واللؤلـؤ والحجـار الكريمـه وأنظم لها عقدٍ كما لـون الأطعـاس=وأهده لمنهي فـي حياتـك عظيمـه يامرحبـا حييـت ياطيـب السـآس=أرحب وإلك قيمه مهـي بـأي قيمـه عزيز لك قدر(ن) على العين والراس=وغالي غلاك من الحشى من صميمـه كآنك جّرعت من الهوى السم في كاس=أنـا شربتـه والعـواقـب وخيـمـه وطّبيت بحر الحب والشوق غطـاس=ولا أرتحت فيه ولآعجبنـي نسيمـه وندمان في حبً مضى دون مقيـاس=حـبً وّهّبتـه للقـلـوب العديـمـه وعّرفت بأن الحب يُبنى على سـآس=ومن لآ بنى سآسه وقّع في هشيمـه ومافآت قد عدى وأنا اليـوم لابـأس=بّريت من حبً مضـى فـي جحيمـه واليوم حبي مع ( ؟ ) عذبة أجنـآس=تسوى بنـات المملكـه مـع حليمـه ماشفت ريمً مثلها طيـب وأحسـاس=تملك مشاعر غير عـن كـل ريمـه جّتني وجاء معها على القلب حـراس=وصكّت عليه وثم بنّـت فيـه خيمـه تبغى الحشى جوفه لها دوم مجـلاس=وبه ترتكي تّطرد عّنـه كـل غيمـه أنا فدى رمش(ن) لها مـوت نعّـاس=وكلّي فـدى لعيـون ذيـك اليتيمـه |
يابنـت لا تشكيـن مـن حـر مابـك=يكفـي مـن التنهيـد يابنـت يكفيـك هـذا حكـم ربـي وقـدر كتـابـك=مكتوب لـك يابنـت فقـدان مغليـك الحـال مامـن حـال قفـى شبابـك=مابيـن هـم وغـم والنـار تصليـك ادري واعرف اني ولا أقـوى غيابـك=لكـن لـزوم أفـز لامـر طـاريـك وأدي التحيـه حـق حظـرة جنابـك=وياليتهـم يـدرون وش كثـر بفديـك فديـت انـا ربعـك وحتـى ترابـك=وفديت منهـو بالنسـل معرقـن بيـك يرحمه ابـو يابنـت يرحمـه جابـك=علـمٍ وديـنٍ وحشمةٍكلـهـا فـيـك عشق بـدى منـك وعشـق انتهابـك=روفي بحالـي وارضـي الله يخليـك هـذا لنـا مكتـوب شيلـي زهابـك=يالله فـمـان الله لعـيـون غالـيـك روحي عسانـي المحـك عنـد بابـك=مره واشوف الطفـل مابيـن اياديـك والعـن بـذاك الحـظ يـومٍ غدابـك=وامسح دموع العين واجري وانا ادعيك ولامن وصلت الطفل ادعـي هلابـك=اسمـك محمـد صـح امـك تناديـك قال الطفـل ياعـم شلـي سطابـك ؟؟=أمـك وانـا عمـك بيـوم تحاكـيـك قـام وحضنـي قـال أبغـى جوابـك=إنـي أرى الدمعـات مابيـن عينيـك أمـي وهـل أمـي سبايـب عذابـك=أرفع يدك واطلـب مـن الله ينسيـك |
السنيـن العـوج خلتنـي كسـيـر=زادت جروحـي ولا حّنّـت عّلـي كل ما اضرب درب انا دربي عسير=والله إليـا حـب عـبـده يبتـلـي أبتلانـي يـوم انـا تّـوي صغيـر=في همـومً سقمهـا يّغلـي غّلـي حرّهـا كّنـه مثـل نـار السعيـر=وجمرها في جوف قلبـي يسطلـي أصبحت عيني كما عيـن الضريـر=وأنعمت مـن دمـع ماليهـا مّلـي يابشر حسو قسى الوقـت المريـر=لا تزيـدون القـسـى باالمبتـلـي القسى في هالزمن سيـفً شطيـر=والله أن لـه حّـد موجـع يّقتلـي صابني حّده صوابـه لـي خطيـر=صابـنـي لآ ماتمـكـن مّقتـلـي كم حملت من العنى شلـت الكثيـر=وكـم دّعيـت الله بهمـي ينجلـي ياعسـى ربـي يعّوضنـي بخيـر=وياعسـى يآمـر بخيـرً عاجلـي يالله افرجها علي من حيـث أسيـر=وأكفني من شـر هالوقـت البلـي ماأبتغيك المال لاأجل البس حريـر=ولا أطمح من المال رفّعة منزلـي منزلي عالي ولو فرشـي حصيـر=والله العالـي وقــدري معتـلـي يالله أنت أعلّـم بحالـي والمصيـر=أبتغي رزقك عشان أكفي (هلـي ) مغتني يـارب لّـو كنـت الفقيـر=مغتني من طاعتـك وأنـت الولـي |
في ثالث يوم من عيـد الضحيّـه=أبترك نجد وأبغـى لـي مطيّـه وأبي لي صاحب(ن) يمشي ورايّه=وأقـول البيـت ويـرده علـيّـه وأقول أرفّع بعال الصوت عالـي=لعّل النـاس تسمـع ويـش فيّـه يلومونـي ولا يـدرون مـابـي=وأنا قد طحت في حب (بدويـه) خذّتنـي وملكتنـي فـي يديهـا=ثـلاث سنيـن ملـك الأجوديـه خذوهـا زوجوهـا دون مـدري=تولـوهـا ولايــة جاهـلـيـه يتيمه وأبتلت فـي حكـم قاسـي=تشوف المـوت والدمعـه خفيّـه تمنى لـو أبوهـا كـان عايـش=يجـي ينشـد علامـك يابنـيّـه يشيل السـم ثـم يآمـر وينهـى=ويذبّـح كـل دآب وكـل حيّـه وهـذي قصتـي بالعيـد هـذا ؟=سريت الليل مـن بعـد العشيـه ورحت لدار ذيك البنـت وأبكـي=وأنا جالس وأصفـق فـي يديّـه وأنا أسمع صوتهـا تكفيـن يمّـه=تعالـي وأمنعـي مابـي هديّـه تعالي وأسمعـي منـي وصاتـي=وزفيني علـى حـوض المنيّـه |
هرجت(ن) تهرج وعلم(ن) لي يقال=ماعرفنـا مزحهـا مــن جـدّهـا من جبال آجا وسلمـى سيـل سـال=أنحـدر دون الحفـر فـي حدّهـا ومن جبال العارض لحـد الشمـال=جيـت اسابـق خطوتـي وأشدّهـا قلت أبمشي يوم علم السيـل طـآل=أمشـي الليلـه ولآأنـوي غـدّهـا وشفت ذاك السيل ثم جانـي هبـال=شفتـه بوّسـط النـفـود بخـدّهـا هـو عليـان الطهيمـي يـارجـالقـال= كلـمـه والله انــه قـدّهـا يوم كل(ن) جهّـز وّشـد الرحـال=جهّـز وّشّـد ومـشـى مالـدّهـا وحي شيخٍ سـاق ذوده مـن شمـال=والخسايـر ماحـسـب ماعـدّهـا مابخـل دون القبيـلـه بالـريـال=دون حرب ولا احتسب فـي ردّهـا أحتمى للصيت في جهـد(ن) ومـال=وكـم نفـوس اليـوم بيّـح سدّهـا اشهد انـه صـال فالعليـا وجـال=اتجـه ضـد الـريـاح وصـدّهـا جاب وضح(ن)وصفها فآق الخيـال=مامشـت بـالارض محد(ن)شدّهـا عن عيون الحسـد والنـاس النـذال=احمهـا يــارب لآمــن هـدّهـا وحط بيت(ن) معتلي فـوق الرمـال=معتلـي فـوق الـرمـال بسـدّهـا مرحبا وأن جيت تلقى طيـب فـال=كلمـة الحـق وعـلـي اعـدّهـا الكرم والطيب مـع ذبـح الحـلال=قبلـه الطائـي عـجـز مامـدّهـا والرجـال افعـال لآقيـل الرجـال=تآصـل العلـيـا وتـهـزم نـدّهـا والطهيمـي هـو جـوابٍ للسـؤال=وأدري ان بعض العـرب ماودّهـا وطالبـك يالله يــارب الـجـلال=عّوضّه عـن ماخسـر فـي كدّهـا وحرب حرب ليا أحتمى وقت النزال=تلطـم عـداهـا وتّلـعـن جـدّهـا |
الله وهبني كيـف صقـل الجزيـلات=اقولها والقلـب مـن جـد مطعـون الشعر فن وله مـع الوقـت حـزات=وانا اتفنن واكتـب الشعـر مـوزون اصخره تصخيـر فـي عـدة ابيـات=واعيد واقرأ كيـف نظمـت بالهـون واهيم وآخذ لي مع الوقـت سجـات=وأعـد كـم شعـار مثلـي يعانـون وكم من وصل للموت مثلي ولا مآت=عايش وباقـي دايـم الـدوم مغبـون أبكي وأحس بداخل القلـب حسـرات=اضحك وقلبي يشتكي هـم وحـزون مـرت علـي أيـام والله صعيبـات=لآني بلآ صاحـي ولآنـي بمجنـون وشلون انا من بـدّة النـاس بالـذات=أسهر وكل النـاس حولـي ينامـون اشيل هم وغـم واصبـح ولا آبـآت=ويطري علـي أبـوي يـومٍ يعـزون راح وترك بالبيـت خمسـة بنيـات=وأمي بعـد باقـي ثلاثـه يصيحـون وحبست دمع العيـن مـره ومـرات=اخاف انا لا صحت يمكـن يشوفـون وعشان ما ازود على الحزن لوعـات=وأخشى لياشافـو دموعـي يموتـون أسري بليل أعتم معـي هـم وآهـات=وأبعد وأجر الصوت مـوال ولحـون ماهمني وأن هلـت العيـن عبـرات=محد(ن) يشوف ولا بعد ظن يـدرون مغيـر أنـا والليـل ونعيـد مافـات=وأدعي رحمـك الله ياعـود مدفـون عسى الولي يابـوي يسكنـك جنـات=قولـو ورآي آميـن يانـاس تكفـون يكفيني اللي صار لي مـن معانـات=أقـرو وش بعينـي إذاكـان تقـرون وزاد المرض فيني على الحال طعنات=قالـوه لـي العـام يـومً يـقـرُون بينك وبين المـوت باقـي مسافـات=وفي خاطري لو مت بعدي يضيعـون سقت القدم يابـوي لا أبعـد متاهـات=أمشي ولكن يلعـن الـدرب ملعـون |
بتركـك يانجـد وأّروح شـمـال=من جروحي ماهو من زود البطاله من سبايب جادلٍ وصلـه محـال=كاملٍ والكامـل الله فـي كمالـه أن بغيت انسـاه يدعينـي تعـال=وان بغيت ا سج لّوح لـي خيالـه ماخـذن عقلـي وحبـه لايـزال=والزمن وان طال يبطي في زواله وليت قلبي يوم حب ويـوم مـال=حب له بنتٍ قريبـه مـن خوالـه ولاهي اللي بنت عم وبنت خـال=(أجنبيه) زادت أبها الحال حالـه ودمعي اللي من على الخدين سال=ليتهم شافوه فـي روعـة همالـه كان قالو ياولـد كـب (الهبـال)=ماتبـي نعطيـك ماتآخـذ بدالـه والله انه لك حـلالً فـي حـلال=ولا لغيرك بنتنا صـارت حلالـه وياعظيم الشـآن يـارب الجـلال=ارحم اللي من عنى الآيـام جالـه شايل همـومً علـى قـد الجبـال=عافنـي يـارب يـارب الجلالـه |
من سئلني ضيقتي وش هي عشآنـه=وليه انا من بـد خلـق الله معانـي من سؤاله هل دمعـي فـي آوآنـه=وقلت له ياخوك انا ربـي بلانـي فجوديه بنـت نـاس إالهـا مكآنـه=بين جفن العين وفي وسط المحآني أبدوين طول عمـري فـي تكآنـه=كل همي في حياتي فـي اخوانـي الوفـاء طبعـي مـدور للخيـانـه=وسايق دروبي على حلوم وتمانـي وليه ياأهلهـا حكمتـم بالحصانـه=وش كسبتـو يـوم هديتـو كيانـي الهوى مابالهـوى عـارن ٍوإهانـه=واستدلو من قصص هاك الزمانـي هل ذكرتـم شهـرزاد وكهرمانـه=ام بقيـسٍ عندمـا مـات يعـآنـي لا تقولـو عنـتـراً ولآ زمـانـه=انني عنترو علـى ذاك الحصانـي ولا بسامح من تسبب فـي جنانـه=لين اشوفه قدم عيني فـي جنانـي واترك اشعاري واغنـي بالكمانـه=وعقب ذا كله ترى مانـي بجانـي والله انـي صاينـه معطيـه شآنـه=ووالله انه مرخص(ن) عمره عشاني وبسئلـك ياحـب جاوبنـي أمآنـه=هو صحيح انك معاد تعـود ثانـي |
جيـت نجدولالقـيـت الابقايـامـن رمــاده=فالمكان اللـي شهـد مولـد غـرام العاشقيـن وهل دمعي مـن عيونـي دون علـم ولا اراده=حيـن شفتـه فالخيـال وفـوق خـده دمعتيـن قلت ليه الدمـع هـذا قالـت ان الدمـع عـاده=من فقدتك يامحمـد ويـن انـا والنـاس ويـن لا بغيـت انسـى واكـآبـر وآتنآساهالنـكـاده=واذكرك بالخير وادعي قمت اصلـي ركعتيـن ذكر ربي وان ذكرته رحمـة الله فـي عبـاده=ولايضيق العبد مؤمن كـود ربـي لـه يعيـن وياحبيبي لـك مكانـه وسـط قلبـي بالسيـاده=وانت سيدي وانت كلي وانـت اميـر الوافييـن بسئلـك بالله قلـي عـاد قلبـك فـي جـهـاده=وعاد قلبك مانسانـي عـاد قلبـك بـه حنيـن وعاد قلبك مانساهـا قـول احبـك يا(حمـاده )=يوم تضحك (لـب قلبك)لـب قلـب الكلمتيـن كلمتيـن وصوبتـنـي وصلتـنـي للسـعـاده=علمتني هالمدينـه كيـف تكـرم لأجـل عيـن وحطي اسمي زخرفي به من على صدرك قلاده=لومشطتي شيب راسك لو على طـول السنيـن هل علمتي ان قلبـي باقي(ن)لـك فـي عنـاده=وباع كل البيض لأجلك منتظـر لحظـة تجيـن |
باالعاصمه جيتي وأنا كنت موجود=لابارك الله ساعتـك يـوم جيتـي يّدك بيده تمشين خطـوات بركـود=أنا أسئلـك بالله وش بـه لقيتـي عميّا وصميّا يوم رحتي مع العـود=لكن تعالي وأسمعي وأن مشيتـي اليوم حالي عقبك سهـود ومهـود=نوره عطتني فوق منتـي عطيتـي بنت الشيوخ اللي لهم فعل مشهود=جّتنـي ونسّتنـي بعـد مانسيتـي وان كان قصدك باالمحبه لك آعود=أنتي هدمتـي كـل مّنتـي بنيتـي العام هايم كنت أغني مـع الـذود=واليوم أنا مرتاح في وسـط بيتـي وعندي على هذا براهين وشهـود=كنت الجريح من الهوى مادريتـي يوم الليالي تنقلـب بيضهـا سـود=وأنتـي تعديـن المّهـر ماشقيتـي وكان المّهر يابنت مّدو لك بـزود=ياما عطيتك من ذهب مارضيتـي رحتي وخنتي كّم نقضتي من عهود=رحتي خذلتينـي بعـد مارويتـي والحب مبدء له مواثيق ووعـدود=ياخاينه عصر الهوى ماأحتريتـي أنا الوفاء طبعي وأنا طيب جـدود=جدي نقاء يايبنت والطيب صيتـي |
الشعر بحر وعل ماأخطي بحـوره=وللناس بكتب من جزيـل العبـاره والحب نهـر وكـل منـا يـزروه=كم مّره من الناس كّم شخص زاره وأنا شكيت من الهوى مـر جـوره=تايه غشيـم ولاعرفـت الشطـاره لآني على ماقيـل بسمـع مشـوره=والحب غصب ولايجي بأستشـاره واللي تعب مثلي على شآن صـوره=لزوم يوم(ن) يعتـدل عـن مسـاره وقفت ثـم فكـرت وأخـذت دوره=وايقنت باللي فـات أكبـر خسـاره وقطعت حبل الوصل بأقصى جذوره=وأخفيت أنا الصوره بخلف الستاره لكن بليت اليوم فـي حـب نـوره=خلتنـي انظـر للشعـر بأستـداره وجبت القلم عندي ثم اعلنت ثـوره=وجّبرت كسرً لها بطـى بأنكسـاره وطهرت جرحً كان يصعب طهوره=والحب الاول مـات طفيـت نـاره واللي تعب مثلي على شآن صـوره=لزوم يوم(ن) يعتـدل عـن مسـاره |
الساعة الآن 03:07 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir