اعداد مافغمده اتغمّد=واعداد مايشهر بسحبه
يالله صلّي على محمد=وصلّي على آله وصحبه

بدّل لي السّيه بحسنات=بالعفو يالواحد القهّـار
واسكنّي برحمتك جنّات=من تحتها تجري الانهار

سخّر لنا البحر فيه الفلك=تجري وله فيك تدبيـرا
واحد ولاله شريك بملك=سبّـح وكبّـره تكبيـرا

ضرَّي فؤادك بتقوى الله=مايخزي الله هل التّقوى
وإذا طغى في فتن دنياه=(إنّ الْجَحِيمَ هِيَ الْمَأْوَى)

ابوء بالذّنب مومن فيك=وابوء في نعمتك واثني
وآنا فرجا رحمتك داعيك=لا تُخْزِنِي يوم تبعثنـي

احسب حسابك مدامك حي=ليـوم للمـرء يامقسـاه
مانفس تملك لنفس ٍ شي=( والامـر يومئـذٍ لله )

من لا كسب بالشّهر عتقه=ثكلتـه امّـه وياويحـه
والمومن المحتسب صدقه=صامه وصلّى تراويحـه

كسبان من طاوعه فامره=واللي كفر فيه مايسلـم
(والله غالب على امـره)=بسّ اكثر النّاس ماتعلم

من رحمة الله فالانسان=انّه وعد ينصر المؤمن
وانعم للانسان بالنّسيان=إذا حصلّه امر محـزن

من يتبع البوذ والهندوس=مااهداه ربّـه ولا حبّـه
ولايفرح بجنة الفردوس=إلا الذي راحمـه ربّـه

يارب عفوّك وغفرانـك=وادّيم نعمتـك ياستّـار
وكلّي رجا فيك بحسانك=اتجيرني من عذاب النّار

يارب عبدك بعـد معصـاك=نادم على اذنـوب سوّاهـا
طالبك عفوّك وطيب ارضاك=وجيره عقوبـات يخشاهـا

ياشاكي ٍ قسوة اضروفـك=ويمناك تصفق بها اليسرى
ان كان تقواه في جوفـك=ربّـك ايسّـرك لليسـرى

لقياك في شرطها تعجيـز=وغيري مابا يشوف تعجيزا
اغليك ولغيـري التّحفيـز=(تلك إِذًا قِسْمَـةٌ ضيـزا)

انا مع الناس لـي هيبـه=ماهمنـي حـاسـدي لاذم
عشت وترعرعت في طيبه=بجـوار سيّـد ولـد ادم

لا تلوم قلب ابتلا بالحب= لو جر الاهات يوميّاً
ومن لا يشوف المفارق صعب=تراه مرضان نفسيّاً

يابو سعد والقلوب ابعـاد=وامشاعر الودّ في غشنـه
وراع الهوى مايذوق الزّاد=لو تعجبه ريحـة الكشنـه

انا غرامي سكن بالي=ابو جدايل ماتتقصًّص
حتّى بمنامي تهيّالـي=لنّه بالاحلام يتخصًص

عنّد المسلمين لك هيبه=ومن كل الاقطار تاتيكي
الله مشرّفـك ياطيبـه=سيد البشر مندفن فيكي

بعـد المحبّيـن مانـقـواه=والمبتعـثّ راح لولايتـيـن
صعب التقي به وصعب انساه=ذقـت الامرَّيـن فالحالتيـن

احرص على الموعضه وانصح=وخلَّك بحسن الخلـق مهتـمّ
والوقت مـن يستغلّـه صـح=يجنـي فـوايـد ولا يـنـدمّ

ان كان شفت المدلّع صدّ=احذر ترجّـاه فـردوده
تراه لو كـان يمّـك ردّ=يرجع يطفّشك بصـدوده

لازان بختك ضحك وقتـك=ولولا البخت ماتجي شهره
ياكوكب المشتري بختـك=قرّبك من كوكب الزَّهـره

ايزيد من هيبتك فهمـك=وراع العقل عقله ايصونه
والموتر اللي ماهو بسمك=اصحى تقرّب دركسونـه

لفّ الزّمن لفّـة الطّـاره=وصرنا انتوجّد على ماكان
يوم انّها كانـت الحـاره=بالأنس تقتضّ بالسّكـان

الله يعين الـذي يعشـق=ويمـرّ بازمـات ماليّـه
من مأزق ايطيح في مأزق=منضام والحـال مبريّـه

من منسوبين الغرام اسنين=وها انا فـي قطاعـه قـد
عزّمت لو باصل السّتيـن=إذا تقـاعـتّ بتـعـاقـد

اخشع على تـلاوة القـرأن=للشّيخ عبدالـودود حنيـف
ولاخفيك سرّ انخزا الشّيطان=من دون لايقول ليش وكيف

وقتٍ مضى كان مالك حسّ=نوحيـه لنكـان ناديـنـا
وقلبك بدا فالوداد ايحـسّ=من بعـد عفنـا وقفّينـا

نفسك لو فداخلك هانت=النّاس ماهي تقدّرهـا
ودنياك لاشفتها زانت=احسب حساب لتكدرها

خالد بن عبيد بن معتوق ألأحمدي=
لو كان شفـت الهـوى هفهـف=واغـواك فـي تالـي عصـوره
تيـارنـا فـيــه لاتـجــرف=واعرف تـرى السّـن لـه دوره
راع الهـوى بالهـوى اسـرف=شـايـب ويشـتـب بـغـروره
والشّيـب يخفـيـه لايكـشـف=والا خـطـب دس بـاكــوره
العـم /ابـو سـلـم الـرّحـال=
آنا اعـرف ان الهـوى مقـرف=مسـأل عـنـه يــوم واادوره
وتيـاركـم عـنـه مـااعـرف=اجـهـل نظـامـه ودسـتـوره
ومن كان له فـى دروبـه شـف=علـيـه يسـعـى بـمـقـدوره
امّاآنـا مالـى بصفـه صــف=ولاعـاد لـى عـوم فبـحـوره

خالد بن عبيد بن معتوق ألأحمـدي=
من شهم يعجبك منهاجه=ردّة وفـا مانوجّلـهـا
ياصاحب ٍ دوم نحتاجـه=وان شاف ميله يعدّلهـا
صاحبك ماضاع مخراجه=فعلوم يعـرف مداخلهـا
والجرح لو حرت فعلاجه=ناس ٍ لها عرف ماجهلها
وان جتني اعلوم هرّاجه=اشطب عليها وكنسلهـا
ولايمكن احكم على حاجه=إلا وعنـدي دلايلـهـا
سرور بن بريك البشري =
من حرّ يمتاز بانتاجـه=حاز المراجل من اولهـا
حيّيت يامن طرب عاجه=وافي عسى الله يجمّلهـا
صاحبك في عالي ابراجه=والناس تعرف منازلهـا
والكابتن اللي فميراجـه=مهمتـه لـو تساهلهـا
ماظنه يعـود لادراجـه=وطيارته نفس هيكلهـا
واللي بغى يسلم احراجه=الناس يحسـن تعاملهـا

خالد بن عبيد بن معتوق ألأحمدي=
القصد واضح ولايندس=لـو المعانـي بندفنهـا
الورشه اللي بلا مهنّدس=تشكي مجافـا زباينهـا
سرور بن بريك البشري=
يشوقك شعيل لاهنـدس=فـي عمقهـا يامثمنهـا
وإن كنت رغبان بتهندس=خبرتك محـدٍ يخونهـا

خالد بن عبيد بن معتوق ألأَحمدي =
طبعي كذا مالتفت مااهتمّ=نقايص اللي يحسدونـي
ولو كثّروا من هروج الذّم=ترى ياعمّار مااشقونـي
عمّار بن غازي ألأَحمدي=
شرواك شروى وبحره علم=مايحسده كـود ملعونـي
طبعي مثل طبعك المحكم=ما اشوفهم لـو تعدّوني

خالد بن عبيد بن معتوق ألأحمدي =
عمده ومعروف يابو صليب=والكـلّ فالكـلَّ فالحـاره
لاكن فتال الليـال تغيـب=والحـيّ ماتاخـذ اخبـاره
سالم بن علي بن سالم البشري=
ياصقر سالم قبل لايجيب=بيسطَّر حروف معذاره
في غيبته والظَّروف تصيب=كم أبعدت حي عن داره

خالد بن عبيد بن معتوق ألأَحمدي=
اعرف ضنيني على ضنّي=مايختلف ديدن اسلومـه
ان ماارتفع ماهو مدنّـي=لولا هله تهدم احلومـه
من بعـده أونّ وآغنّـي=عاللومه اللومه اللومـه
اقفوا بها ياحسن عنّـي=إلى جهه غير معلومـه
حسن بن علي البشري=
لا باس ؛ ثمّ اِستمع منّي=ياصقر ؛ بأعطيك معلومه
الـودّ راعيـه متعـنّـي=عليه ما أشره ؛ ولا ألومه
كلّ أهله تصيح و تونّـي=وكلّ الأحاسيس مكلومـه
ما تلتقـي فيـه متهنّـي=كلّ العشاشيق مظلومـه

خالد بن عبيد بن معتوق ألأحمدي =
اصحابنا اللي نجاملهـم=وهم بنا ماهم امحنّيـن
نبغى نفتّـش دفاترهـم=حتّى يبان الخلل من مين
سرور بن بريك البشري=
خبير وانته معاملهم=ماهو من اليوم قبل سنين
ومثلك يراعي مشاعرهم=يمكن قلوب القساه تلين

ياحيف طاوعت بي عذال=من هرجهم صرت متغييّر
طـال العنـا يالمجافـي طـال=مدري متى تحـنّ وتسييـّر

حنّا ربينـا علـى التّهذيب=ربّي من الشّين خلّصني
والذّيب طالـع لبـوّه الذّيب=ماتروعـه روغـة الحصنـي

وش غيّر النّاس ياصالح=اللـي مـن سنـيـن تهـوانـي
بسباب هرجه من الطّالح=فارقـت انـا عــزّ صدقـانـي