|
ديوان الشاعر عجاب صالح الحنتمي المزيني
يالله يامنزل تبارك والاعراف
طالبك حسن الخاتمه والثباتي لاشيل جثماني على روس الاكتاف وناحن عليه بعد موتي خواتي وان عشت دنياء مابها عدل وانصاف يالله لاتجعل حياتي شماتي وان شفت من بعض البشر ميل واجحاف فضلت عن بعض الكلام السكاتي ماصير مثل اللي على راس مهياف اثقل من جبال الهدى والسراتي عشت الحياه وشفت من كل الاصناف وزرعت فيها الطيب زرع النباتي الطيب يبقى والمخاليق ذلاف غلطان من راهن على المقبلاتي عجاب صالح الحنتمي |
يامنيف فينا وجهن للمغيبي
يالله حسن الخاتمه والتياسير الكبر ماله في زمنا طبيبي نطلب من المولى عن الذنب تكفير سير على صمدان ريف القريبي صمدان ابو سلطان راع المباهير في مجلسه تلقى الطراقي عزيبي يفرح ليا جوه النشاما مسايير من شبته حتى غزاه المشيبي هداج تيماء بالليال المعاسير تنسى الهموم وكل عله تطيبي سوالف الشيبان حمكه وتذكير اما عن الماضي سوال ومجيبي والا بمور الدين لناس تذكير عجاب صالح الحنتمي |
هواي سج القدم ياسعود
في وادين تو ماسالي مدام عمر الفتى محدود ابا اتونس لو لحالي ضغط البلد ياوريث العود يثر على الحال والمالي لديت فرض الله المعبود وعرضت عن هرج الانذالي في خير لو الليال السود تبحث خفى كل رجالي فيها الفتى بين نقص وزود اسقتني المر والحالي حبل الرجاء بالولي معقود سبحانه الواحد الوالي عجاب صالح الحنتمي |
اهبي يادنيا المتاعب والاهوال
تشيب اللي مابعد لاح شيبه غير الغشيم اللي بها سالي البال يلعب بها لعب الحبيب لحبيبه جاهل وحصل له مع الوقت جهال صحيح من قال الفتى من صحيبه فيها الحضيض اللي على الطايله طال قدام فوق الراس تركز نصيبه معرض بها دايم عن القيل والقال وعن مجلسن كله نمايم وغيبه جلسة خلا مع كاس شاهي وفنجال اخير لي من مجلسن فيه ريبه يسايق الفنجال في كل الاحوال عده عن اللي مايفز بقريبه لاجاه من بعد البطا قدر وجلال ولقاه جنبه من رداوة نصيبه عجاب صالح الحنتمي |
عسى السحاب اللي نشاء من مناشيه
اخيل براقه بعد ماظلم الليل اخيل براقه وانا عن حراويه بعيد لكن هيض القلب بالحيل سراي ليله مايتيه امساريه تقول في دربه مضيه قناديل بامر الولى عسى الهبايب توديه من فوق مشذوبه يهل الهماليل مافيه وادي لنهمر مايمشيه تسعين ليله كل ليله وهي سيل ديرة عيال وسيد حاضر وماضيه من دونها ياما عتلو سبق الخيل كم واحدن خلو نواعيه تنعيه بالشلف والا بالسيوف المصاقيل اهل البيوت اللي بها الضيف تقريه بعد التعب يلقى الشبب والتعاليل منهم دخيل اللي مع الناس طاريه فعله يسولف فيه جيلن بعد جيل فعل البلالي ماش فعلن يحاليه للجار ساق الروح سوق الفناجيل يتلون شيخ كلنا نفتخر فيه هذا الصحيح اللي عليه المعاديل ابن صميعر جعل ربي يعافيه انشهد انه شيخ طيب ومفاعيل عجاب الحنتمي |
يجاهل الدنيا توافيق وقسوم
دنيا دنيه يالله المستعاني فيها البشر مابين معطى ومحروم ماحد على دنياه عنده ضماني لرسل مادامت والا يمكن ادوم مافوقها مع قدرة الله فاني من وقت ابونا ادم ليا وقتنا اليوم الحي فيها من زمانه يعاني فكرت فيها وعزفت عيني النوم غير اتقلب لين وقت الاذاني تدرون ويش اللي بها دايم ايدوم الطيبه ياطيبين المجاني كم واحدن فعله مخلد ومعلوم وراعيه مبطي ياهل العرف فاني عجاب الحنتمي |
سلام يافيحان فكاك الارقاب
شيخن تنومس كل حربي فعوله جاهه يفك ابواب ويسكر ابواب ياطيب هوماته وياطيب قوله عن ماقفه مايوم راع الوفى غاب الله رفع شانه ومعطي قبوله عند الجميع من القرايب والاجناب لاصعبت القالات توخذ حلوله من روس حرب ومن عريبين الانساب جمع النواحل حيهم من حموله اهل كرم يوم انها خيل وركاب قدام مانخضع تحت حكم دوله دولة عدل لفرادها درع وحجاب تحكم بقول الله وسنة رسوله وان صاح صياح الصحى فوق مرقاب ركبو على قحص المهار العجوله من شافهم عطا عن الذود مجناب بعد الطمع مايرفعنه رجوله يابو سعود اقبل تحيات عجاب ياشامخ الهامه ورمز الرجوله عجاب الحنتمي |
يالله يامدير الفلك والهبايب
عفوك وصفحك في نهار التلاقي في يوم ماينفع خليل وقرايب للتف ساق بساق يوم المساقي العمر يادنيا الفناء والعجايب رحله وحنا فيك مثل الطراقي مع كل فج احث عوص النجايب عزمي قوي ماينثني عظم ساقي عشتك شباب وتالي العمر شايب واليوم عن حبك طويت الرواقي لله رزاق المخاليق تايب ماعاد فيك بتالي العمر شاقي عجاب الحنتمي |
يقول عجاب المزيني بالامثال
ابيات من واقع تجارب سنينه ماهو وحيد وقال من ضمن من قال شاعر يحب الهادفه والثمينه عنده نصيحه يوم تشرا بالاموال يدفع بها العاقل محاشة يدينه الدين راس المال في كل الاحوال لازم حبال العبد بالله متينه لارضيت من نزل تبارك والانفال الخلق مرضيها من الناس وينه مقولتن متوارثه عبر الاجيال يالله حسن المنقلب والسكينه عجاب صالح الحنتمي |
البارحه يوم المخاليق غافين
والنوم عن عيني بعيد المنالي تلعبي الافكار لعب الوراعين بالعيبد بين احبابهم والاهالي والياء ارتفع بالحق صوت المواذين قطت تفكيري وطاري طرالي اهبي دنيا ماعليها مضامين لو اقبلت مصيرها لزوالي فيها الحضيض اللي على مله ودين ومحتاج قاصين العرب والموالي شوحه سما لو يشكي القل والدين عن الطمان بروس شم الجبالي ماني بغابط كانزين الملايين المال مايصنع زحول الرجالي كم واحدن مثلي معاشه على الفين ويشيل ماتشيله ضهور الجمالي عن واجبه مايجنح ايسار ويمين ماغيره تيار سود اليالي عجاب الحنتمي |
سلام يافيحان فكاك الارقاب
شيخن تنومس كل حربي فعوله جاهه يفك ابواب ويسكر ابواب ياطيب هوماته وياطيب قوله عن ماقفه مايوم راع الوفى غاب الله رفع شانه ومعطي قبوله عند الجميع من القرايب والاجناب لاصعبت القالات توخذ حلوله من روس حرب ومن عريبين الانساب جمع النواحل حيهم من حموله اهل كرم يوم انها خيل وركاب قدام مانخضع تحت حكم دوله دولة عدل لفرادها درع وحجاب تحكم بقول الله وسنة رسوله وان صاح صياح الصحى فوق مرقاب ركبو على قحص المهار العجوله من شافهم عطا عن الذود مجناب بعد الطمع مايرفعنه رجوله يابو سعود اقبل تحيات عجاب ياشامخ الهامه ورمز الرجوله عجاب الحنتمي |
يقول عجاب المزيني بالامثال
ابيات من واقع تجارب سنينه ماهو وحيد وقال من ضمن من قال شاعر يحب الهادفه والثمينه عنده نصيحه يوم تشرا بالاموال يدفع بها العاقل محاشة يدينه الدين راس المال في كل الاحوال لازم حبال العبد بالله متينه لارضيت من نزل تبارك والانفال الخلق مرضيها من الناس وينه مقولتن متوارثه عبر الاجيال يالله حسن المنقلب والسكينه عجاب الحنتمي |
يالله يامدير الهبايب والافلاك
يارازق الداب العمى بالسراديب رحمتك يارب المخاليق ورضاك في يوم مادونه عن الحق تجنيب من بعد ذكره يابيض الوجه حياك احلا من عذوق النخيل المراطيب مدحتني يارشيد في قاف معناك من طيب راسك ياعسى الراس مايغيب ربعك فداك اللي من الناس يشناك ياما ثنو من دون عرش العراقيب عسل صديق وللعدا سم فتاك ياعل يفدا الطيبين الزواريب هذا مردي بآول العيد وعفاك ياطيب الرفقه بعيد المهاذيب عجاب الحنتمي |
يالله حسن الخاتمه قبل ماموت
ورحمتك في يومن يشيب رضيعه يارازق النمليه ويرازق الحوت بعمق البحور والسهال الوسيعه ياما عليه فات بالعمر ويفوت العمر صرم واليالي سريعه يالعبد ماتنفع ندامه والاصوت اعمل لوجه الله مالك ذريعه لو عشت في دنيا الفناء بافخم ابيوت ولك بالبنوك بكل دوله وديعه اليا قضى عمرك نهايتك تابوت يالله جنبنا المحن والفجيعه عجاب الحنتمي |
يا الله ياللي معتني بالمخاليق
طالبك وجعل طلبتي مستجابه يا منزل القرآن يا فارج الضيق ياللي عن الطلاب ما صك بابه إنك توفقني بحسن التوافيق يا رازق الحيين منشي سحابه من بعد ذكره في جديد الطواريق ذكرت حلوين النباء والرحابه أصحابي الغالين ربعن مطاليق محزم ظفر ورجال عرف وقرابه وهوب للجزلات عطاشا مشافيق شيبانهم واللي بزهرة شبابه عز الرفيق ويحفظون المواثيق مدحتهم ياللي تريد الاجابه من تجربه ما لفق الهرج تلفيق الصدق مثل النور يوضي جنابه الشاعر / عجاب بن صالح الحنتمي |
ياراتبي بعد الغلا والضريبه
يومين خمس ايام والجيب فاضي صعبت ياحلال الامور الصعيبه يصعب علي من القصيم الرياضي وانا بدوين بالديار الرحيبه اسج لو مملك فلوس المقاضي مدام ماحطو علي النصيبه ابغى اتونس في عذي الفياضي بمن وامان وراس شامخ وهيبه في حكم حاكم ماعليه اعتراضي خدام ابيوت الله بمكه وطيبه اشرف بقاع الارض حاضر وماضي يالله ياللي كل داعي تجيبه يعالمن في فرحتي ومتعاضي الستر في دنيا دنيه مريبه اعيش فيها كاسبن للبياضي عجاب صالح الحنتمي |
يادار من بعد البطاء جيت مرار
عهدي بشوفك يوم سني صغيري سبحان من غيرك يادار الاحرار جف القليب ونش فيك الغديري الطير هاجر ونحنت روس الاشجار حتى الورق فيه الهبايب تطيري اخلا جنابك من مواريث الاخيار اهل الشبب ومقدرين القصيري من مات ياجعله مع الناس الابرار والحي جعله بالف صحه وخيري مشيت ودموعي على الخد نثار ادف رجلي دوب رجلي تسيري والقلب كن بداخله دق مسمار شكواي للمعبود عالم مصيري عجاب صالح الحنتمي |
الخيل عند اللي عليها يفكون
جرد الرقاب معبسات الشمايل حمولها ومورده كل مسنون يوم القبايل مايبون القبايل بني علي خذ علم صادق ومضمون عليه من راع القصيده دلايل قال المطوطح والرجاجيل يوحون عن دربهم ياليت مالي بدايل وان حل عند اقطيهن بالنمش كون ياما اقلعو من طيبات السلايل في وسطهم للجار للبيت يبنون والجرب تطلا مابها قول قايل حاضر وماض يفتخر كل دندون بفعول ستر امشطات الجدايل ماني من اللي للحقيقه ايخفون صادق وماحب الخطا والتحايل وكل القبيله بنوايب يسدون حرب الحرايب طيبين الفعايل افخر بهم واحبهم حب بجنوان بفعولهم راسي على العز طايل عجاب صالح الحنتمي |
للي رفع سبع السموات مشكاي
اسجد شكر واستغفره كل الاوقات لاشفت مايكدر حياتي بدنياي عالجة بكتابه همومن خفيات في ليلتن عازف فراشي ومركاي لاطاب نوم اهل الطرب والملذات علاقتي بمسير الدم بعضاي اخير وابرك من جميع العلاقات مالي صديقن غير ديني ومخباي وبعد النظر وكتابتي بعض الابيات على النوايا البيض طبعي وممشاي سيده ماحب الفلفه والحيالات اليا وطيت افهم على ويش ماطاي الفكر صاحي والموارد عذيات عجاب صالح الحنتمي |
انا مزيني من قبيلة مزينه
وسامت العرقاه ستر الرعابيب مع خيرة الامه سكان المدينه ومن خيرة اصحاب النبي مابها ريب انشد عن النعمان راع المدينة تلقاء علوم مخضبين المحاديب لنا بني سالم جذورن متينه ومن روس حرب اهل الوفى والمواجيب مع الحجاز ونجد سقنا الضعينه نتبع هوا بالوقت حرش العراقيب كم شيخ عند نحورها جادعينه بعلط الرماح وحد حدبن معاطيب من دونها مثل الحصون الحصينه ونجيبها فوق السبايا مكاسيب برباعنا للضيف سمن وسمينه وصفرن بجال النار دايم محاضيب وقصيرنا يبطي وتبطي سنينه مايلحقه منا نقاد وعذاريب ودخيلنا ينعم بامان وسكينه مايخاف يوم يباغتونه طلاليب سلم الجدود الاوله مدركينه شبابنا واللي غطا راسه الشيب الطيب ياهل الطيب متوارثينه وماذم غيري ياهل العرف والطيب بالناس مثل الناس فعله ودينه والناس فيها مخطي الراي ومصيب عجاب صالح السالمي |
يالله ياللي تفرج الهم والضيق
يافزعة المضيوم مادونك حجاب يامسير الافلاك رب المخاليق عبدك وابن عبدك لك اليوم طلاب مالي بحبل غير حبلك معاليق ياحي ياقيوم يارب الارباب طالبك حسن الخاتمه والتوافيق كبير سن وعارضي بالزمن شاب من بعد مرقب عاليات الشواهيق اليوم دوب ادف رجلي مع الباب العام لعلومي وشوفي مشافيق واليوم ياستار من بعض الاصحاب عيونهم مثل الرماح المزاريق ونفوسهم شينه عساهم للاسباب ياهل الحسد يناقضين المواثيق مبغى سوالفنا مشاريه وعتاب مالله مضيقها على العبد تضييق البعد راحة بال عن كلب الاطناب واللي يشلق ثومة القلب تشليق ويخلي ادموعى على الخد تنساب يوم اتذكر يالرجال المطاليق امي وابوي ومافقدته من اقراب الموت غيبهم عساهم معاتيق والحال بعد افراقهم مابعد طاب شرحت عن وضعي بجزل الطواريق اخترت صدق القول ماني بكذاب عجاب صالح السالمي |
هل الهلال وهلت العين عبرات
لو حدرن واد الرمه سيلنه من ضيقتي سهران جفني والا بات وقلبي صواديف الدهر حرقنه ماعاد بالدنيا وناسه ولذات مجابت الايام مني خذنه يارشيد يامشكاي زبن الونيات اللي نبي يارشيد يابعدهنه ابعد عليه من اليمن للقريات والعمر قفى والسنين اسهجنه يالله حسن الخاتمه والسلامات في يوم مابه غير نارن وجنه يوم اتذكر بيت من جزل الابيات مشهور واللي قايله بالمجنه ابوي جعله في نعيم وملذات مرحوم ياللي ماشكى الجار منه ياما على الجاهل يفوتن الافوات وكم عاقلن سود الليالي بالنه عجاب صالح السالمي |
ياوادي الجافي عسى فالك السيل
في ذمتي مانته على الاسم جافي فيك الوناسه والسمر والتعاليل وزادك وناسه مجلسن لبو لافي وشرواه من خيرة زحول الرجاجيل قبالهم عن ضيقة الصدر شافي ياعل مابيني وبينك عراقيل ومايذكرون اهل المواشي خلافي كني ليا جيتك على شاطي النيل لو عادتك مابين حر وسوافي ضغط البلد يثر على الحال بالحيل وانا بدوي سلواي جرد الفيافي اليا غطا روس الشجر دامس الليل سبحت للي ماخفى عنه خافي وسميت باسمه ثم جبت المعاميل الارض فرشي والسماء لي لحافي يقطع خواء راسي ثلاثه فناجبل وزادي من الميسور والفكر صافي عن ماتريد النفس موجز وتفصيل وضحتها للمستمع عبر قافي وختامها يالله عليك التساهيل في يوم بين ايديك عاري وحافي عجاب صالح السالمي |
عاد الشريط الذكريات القديمة
ومن ضمن ماعاده وانا الجفن سهران قليب لعليان ربي يديمة فوقه مقامه يارده كل ضميان لو ماه مايكفي ظوامي محيمه عنها مايمنع وارده ياهل الشان عليه من كل الوسايم وسيمه محط دونه راعي الجود حيطان انشهد انه طيب راس وعزيمه يستاهل البيضاء سلايل كحيلان من قبل حكمن جعل ربي يديمه عيال الزغيبي دون حلوات الالبان لازان مضراب الغريم لغريمه عاداتهم جدع المجوخ بالاكوان ياعل تسقي دارهم كل غيمه امين يمكن نبيه سليمان الشاعر / عجاب بن صالح السالمي |
البارحه بالقلب مثل البراكين
تثور تال الليل من ماجرالي وبالعين مثل رهيّفات السكاكين ماني من الهاجوس والحزن خالي يقفي ويقبل بي عسى ربي يعين ارهقني التفكير ما أرتاح بالي احاول انسى وأتناسى عزيزين عون الرفيق وطيبين القبالي الموت ما أمهلهم عساهم عتيقين للتف ساق بساق يوم السؤالي من بعدهم دمعي على محجر العين لو قلت سالي ماني اليوم سالي اضحك واجامل مع بعيد وقريبين والكبد يصلاها من الحزن صالي كبير سن وصحتي بين قوسين يالله يالمعبود تلطف بحالي لا تردني لأرذل عمر قولوا آمين وعني تجاوز يا عظيم الجلالي الشاعر / عجاب بن صالح السالمي |
لاناموا اللي من غثى الوقت سالين
حلو الكرى بالليل عيا يجيني وان غمضت لحظه عسى ربي يعين قمت اتذكر مامضى من سنيني وذكرت عطف الوالدين العزيزين ياعلهم مع زمرة الصالحيني الوالدة في حضنها عايش سنين ياعل قبر ضمها للغشيني ينبت على جاله ورود ورياحين وعنها يتجاوز باعث الميتيني وابوي من عطفه مسح دمعة العين ياعل حبله عند ربه متيني ياليتهم باقي لهالحين حيين وابرهم في كل لحظه وحيني يارب ثبتني على الحق والدين مالي هدف تال العمر غير ديني يالعبد ماعندك على العمر تأمين لابد مايبكونك الاقربيني ماتجمع النمله نصيب البعارين مثل من الامثال يبغى فطيني الشاعر / عجاب بن صالح الحنتمي |
شريتلي مستبيشي غال الاثماني
وكيلها معتمد بانحاء السعودية قلت اتريح بها واقضي بها شاني ديزل ماتصرف عليه بالشهر ميه وخلال شهرين منها خاطري شاني الزيت بالمختلط يادافع السيه قرر عليها المهندس يابو راكاني تخبيط والتكلفة جدا خياليه انشهد اني بها بالحيل خسراني ماجابت الربع في سوق الشريطيه يالشروت الفقر جتها عين عياني مدري خطاء مصنعي وانا لها ضحيه عجاب صالح |
ماني مخلي في مراحي ولا شاه
بلشت في ماها وغالي علفها مع الضريبة والغلى زاد مشراه الله أ يعوضني بها ويخلفها مرتبي محدود والسعر ماقواه والنفس عيا لايتحقق هدفها أ فراق يادنيا الشقى والمعاناه محد(ن) ضمن قبلي وبعدي ترفها فيها السعيد اللي عرف وين ممشاه ونفسه على مرضاة ربه عسفها وتقبل القبلة وصلى وناجاه وبه عاذ من غلب الرجال وصلفها وابعد عن اللي هرجته في دناياه لامرته عوج السوالف خطفها وعن واجبه يعطي مع الباب علباه نفسه دنيه مايهمه شرفها الله لايكثر مع الناس شرواه وعسى جميع اعضاه يشكي تلفها الشاعر/ عجاب الحنتمي |
ياوقت لاتقسى عليه تراني
شايب ومالي بالمقادير حيله الحيل فاتر يالله المستعاني من بعد مرقب فوق راس الطويله خليت عشري بين خمس وثماني وطيتك ياوقت المصايب ثقيله انشدك بالله في فصيح الساني لاتضدني ضد العميل العميله النفس ماهي ضاريه للهواني والعين براق المخايل تخيله سجت خلا مع طيبن المجاني في وادين توه مشى الصبح سيله اللي يشب النار برضن بياني واللي يصلي بعد فرضه نفيله ثم اجتمعنا في رفيع المكاني وقمنا نسولف بالعلوم الجميله خمسين كيلو فاهقين المباني لو الدروب اطوال معنا دليله مثل الكريم اللي يحل الشطاني سرحان ابو سلطان راع الجزيله شيخن لو شان الزمن مرحباني انشهد انه طيب راس وقبيله وكل اخويانا من بعيدن وداني والنعم فيهم عد وبل المخيله هي غايتي مدام الانسان فاني اللي رحل واللي قريب رحيله عجاب بن صالح الحنتمي |
القلب ماهو كل الايام خالي
لابد مايحسه مع الوقت حاسوس اما من الاقصين والا الموالي ولا شقى دنيا مثل شذرة الموس ان قبلت مثل القراح الزلالي وان ادبره ماقدمها داسته دوس يالله يالمعبود تلطف بحالي لاشانت الايام والحبل ممسوس عليك في كل الامور اتكالي وعوذبك من كل حاسد ومنحوس ياعل مايبقى للانذال تالي اللي بهم من علة الوقت فيروس وانا ليازاد الغا والجدالي في عين مبغضني تقل راس دبوس للعقرب ام ذنيب جاهز نعالي لاشفت راس اذنيبها تقل نادوس وعلى رجال الطيب صدري شمالي بعيد شوح وغايتي كل ناموس الطيبه حطيتها راس مالي والعايبه سلعة ملاقيف ونجوس عجاب صالح الحنتمي |
يالعيد شاريلك .. جديد .. الثيابي
جعلك علينا تعود بالخير ..يالعيد لو ان صبحك من .. سبايب ..عذابي اضحك وقلبي فيه مثل .. العباريد واقنب قنيب اللي بروس الهضابي يبي العشا سرحان وافلس من الصيد لين ... الثريا ... قربت ... للغيابي والليل يطوي في عباته .. من البيد يوم ... اتذكر ... طيبين ... الجنابي اللي لهم في صفحة المجد .. تخليد فيهم يارب الكون .. تجبر .. مصابي اقفت بهم دنيا .. الشقى .. والتناكيد معهم قضيت ايام .. زهرة .. شبابي واليوم في وجهي تشوف .. التجاعيد شايب ووقتي بعد .. كبري .. سطابي شوفي قصر والحال ينقص .. ولايزيد وان كان .. ماقدمت .. قبلي .. زهابي بعدي لو املك مال .. قارون .. مايفيد يالله ... حسن ... الخاتمه ... والثوابي وعفوك نهار تشيب .. فيه .. المواليد عجاب صالح الحنتمي |
البارحه يوم الخلايق خواشيع
سهران حتى غابن الغايباتي لاعاشقن بيض البنات المفاريع ولاحب للدنيا بتالي حياتي مودع الدنيا من العام توديع شايب وماعندي عيال وبناتي اخاف لاركعني الكبر تركيع ابقى وحيد بسيتي واحسناتي في دار مافيها رفيق ومنافيع علي كل ابوابها مغلقاتي من بعد ماراسي يشم الذعاذيع والرجل ترقب عالي النايفاتي سود الليالي بالغرايب مضاريع وبالقلب بعض سهومهن مدمياتي فكرت حتى صدع الراس تصديع وطلبت من رب العباد النجاتي عجاب صالح الحنتمي |
نفسي قنوع وعزها راس مالي
ومن لايعز النفس لابد ينهان لاشفت مايكدر من الناس بالي ماني على بعض المخاليق شفقان اصد وبعد عن مجاله مجالي الحر مايرضى مذله وحقران الوقت يمشي عكس والحمل مالي صحيح والا ياهل العرف غلطان اليوم من ماصار كني لحالي لو ماتمشى ينفجر في شريان سجت خلا بين السهل والجبالي على طلوع الشمس والا مسيان رجم اتعلابه ورجمن زمالي برضن خلا ماشوف لناس زيلان اخير من خوة قصير الحبالي راعي مصالح لانتهت بالزمن شان عجاب صالح الحنتمي |
عجيب ياعجاب امر. نشوفه
تغيرت عند الرخوم. المبادي امور صارت قبل ماهي معروفه مذاهب العالم طلاه السوادي يازين وقت زل لو به. كلوفه يوم ان كل للمراجل... ينادي وقت مضى نشوف ناس عطوفه ماهم من الي ضاع وقته رقادي الي مافيهم للضعيف. مروفه محافته باللطف بعض الايادي واليوم رجل الطيب قلت وصوفه والطيب لاهل الطيب مثل القنادي والوقت لو تقسي علينا ظروفه حنا ماحنا عن دروبه شرادي واليوم حنا في امان وتروفه والي قدا ماطاه ماهو بغادي ماغير سلوم لاهله.. معروفه سلوم الابا ورثه نقلها الجدادي وعشنا يابو صالح بوقت الحفوفه وصارت لنا اطناب وارست عمادي وياما على الطيب من اشيا تطوفه اما جهل ولا ارتكبها. اعمادي والطيب لو بكتب بدمي حروفه ماوفيت حقه بس هذا اجتهادي سليمان بن علي السرباتي ///////////////////////////////// الله من قلبن همومه تلوفه لوف الهوا لزرع بقران حادي وياعيني اللي كن فيها نشوفه بالليل يحداها عن النوم حادي اسباب والاسباب نفسي عيوفه طموح ماضريتها لدوادي عن مجلسن قامت توافد ضعوفه سوالفه دايم على غير قادي ابعد عنه بعد الكرك عن هفوفه عزيز نفس وفي مر وجلادي من بعد نبذه يامكرم ضيوفه عن ماب بداخل يالرفيق الفوادي اللي تشوفه يارفيقي نشوفه يالله تهدينا طريق الرشادي اليوم حتى اللي ماتندى كفوفه حطوه ياسليمان راعي شدادي يشوف في نفسه عن الناس شوفه وان صملو بالراي ماله منادي هذا ومثله ماعليهم حسوفه خذ علم ياسليمان مني وكادي عجاب صالح الحنتمي |
سلام ياريف الخوي والقرايب
ياطيب الرفقه بعيد المهاذيب غالي ولك تقدير حاضر وغايب عند الرجال مكملين المواجيب دايم ورايك ياابيض الوجه صايب مانته من اللي يخطي الراي ويصيب صاطي ليا شانت وجيه القلايب به يفرحون مدورين المعازيب ابوك قبلك يوم عصب العصايب ياما عصب راسه على العز والطيب ملفى لحرب ومرتكي للنوايب من بعد ينصونه عريب المناسيب من روس حنتم ناطحين الكتايب ان صاح صياح الضحى بالمراقيب لاطوحن بالصوت شقر الذوايب ردو بحدبن تدب الخصم تاديب ربعي ذرايه عن سموم وهبايب لاغثربت سود اليال المشاريب محسن لربعه مثل غر السحايب شوحه سما ماهو قريب محاضيب عن زلتن من دون قصد وسبايب يقفي كما يقفي عن الميته ذيب عجاب صالح الحنتمي |
ياموتري عسى العواكيس تخطيك
عليك اسج اليا طرت لي طواري علي لاكثرت هجوس ودواكيك عرضت خشمك للهوا والبراري عن زحمة الاسواق مبعد مساريك قدام مالاصبح تطلع مواري بالكاش عن منة هل المن شاريك ياعل ماتجري عليك الجواري وناستي يانجد سجت سحاريك بعيد عن ضغط البلد والحواري يانجد من صغري وانا مغرمن فيك حبك مع الشريان بالدم جاري ياعل همال المراديم تسقيك يومين ولثالث لباذرك طاري يانجد حبك شبك القلب تشبيك لك اعترفت برغبتي واختياري عجاب صالح الحنتمي |
يالله ماطلب غير عفوك وحسناك
رحمتك يارزاق عمي الافاعي عبدك يدور مغفره منك ورضاك قنعان من دنيا الترف والمتاعي مالي ولد فيها يناديك بسماك دعوه بظهر الغيب بعد الوداعي عليم في حالي ولا شي يخفاك انت الوحيد اللي لك العبد داعي الراس شاب وزادني هم ورباك وقتن يخلي مقدم القوم راعي يالعبد لاتامن صواديف دنياك تقبل وتقفي بين يسر ونزاعي قدام مايحدك زمانك على اقصاك من يسرها للاخره خذ متاعي قال الشريف حسين لاقلت اشياك بمعلقه ينصتلها كل واعي لاقل مالك ماتفيدك دناياك تضحك عليك اخبولها والرعاعي نصيحتن ياباغي النصح وعفاك عن الطمان تنزلك بالرفاعي عجاب صالح الحنتمي |
وجدي وجود اللي بعد شبت النار
ونجرن على صوته يجون المسايير وصينيتن يلقابها الضيف والجار حيلن تقلط بعد كيف المباهير يجونه الخطار من كل الاقطار وجهه بشوش وماحسب للمخاسير واليوم دارتبه دواليب الاقدار ماصارله في تالي العمر تقدير حطوه رادين العمل داخل الدار اللي من اول عند بابه طوابير هو ايتوجد مامضى له ومنهار ودموع عينه فوق خده حوادير وانا اتوجد يوم للبدو محدار يوم السنين الاوله والمظاهير وشوف القطين اللي على العد حضار وصوت الرشاء فوق المحاله على البير وسوالف الشيبان وافين الاشبار اهل المعام البيض ستر الغنادير ياطيب جيرتهم مواريث الاخيار اكرام حتى بالسنين المعاسير هذا منايه ياهل الكيف والكار لو ان وقت اليوم عن مانبي غير عجاب صالح الحنتمي |
ياليت لي من نخبة الوضح حاشي
ياخذ من الكنق المسمى حلايا بعير من قبره عساه النواشي مافيه يوم الا تعله نزايا حربي ولد حربي ترعرع وعاشي على العلوم الغانمه والحمايا عن نخبة النخبه يطول النقاشي مرحوم ياعليان ذيب السرايا عنه النخب لقبل تقفي طاشاشي جمل وكمل يوم رد البرايا انا اتمنى والتمني بلاشي وان حققه ربي عليم الخفايا اشريه وابيعه بعد عام كاشي ربحان واحقق ببيعه منايا خلاصة الموضوع يكفي معاشي النفس ماعودتها للهدايا نوهة لايلقون فيها الخشاشي ثغره تفرح عاشقين الزرايا عجاب صالح الحنتمي |
بعد البطى مريت ديرة خوالي
ياعل يسقيها من المزن همال طرقي ومستعجل وماني بخالي من الظروف وضيقت الوقت والبال ياليتني ضليت فيها لليالي واشوفها واقف على بعض الاطلال على الحموديه وذيك التلالي اللي بها عهدي وانا ضمن الاطفال واليوم شاب الراس والحال حالي تقول باريها من الهم سلال فكرت في دنيا الفنا والزوالي وايقنت مافيها مخلد بالاجيال اموات وابناء اموات مابه جدالي مات الرسول اللي عن الحق مامال افضل اجلس بالبسيطه الحالي راجي رضا من ثبت الارض بجبال ماقلت ماهو من نسيج الخيالي حقايقن ماهي سواليف جهال وارجع وشيد بطيبن الرجالي اهل المقام الزين ماضين الافعال عيال حنتم طيبين القبالي شجرة وفاء فيها عن الشمس مقيال قدام يحكمها بعيد المدالي عبدالعزيز الفيصلي طيب الفال مايذبحون الا قروم العيالي دون الجهام اليا اعتزا كل خيال عجاب صالح الحنتمي |
الساعة الآن 05:01 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir