أحترت بين العتب ورضاه=والصد والهجر والغيره
والمشكله لابغـيت أنساه=النفس ماتقبل بغيره
كل مابغى خاطري يفرح=واعيش باقي العمر في ليام
كدر عليه عظـــــيم الجرح=اللي بلتني بــــه الايــــــام
==============
لو زاد في البعد لو طول=مايغير الشوق والاحساس
مابينـــــنا الود من أول=مأسسينه على أحسن ساس

يامعذب الود بالحرمـــــان=وشهو حصيلك ومكسوبك
يكفي من الصد والهجران=أعطف على قلب محسوبك

عن منهج اهل الصفا حادو=والكل منهم أخذ له صف
لاهم مع صفوفهم جـــادو=ولاهم مع اهل البناء والعرف

لي طرف اعياه كثر الدمع=مما بقلبي ومكنونــــــي
كل مانصحه ما بغزره نفع=القى شواريه في عيوني

في جو فيه المطر همال=أستمتع الطرف وفؤادي
عانق جمال الضباب خيال=من سودة أبها الي الوادي

لوخادع الناس بالمظهر=وصدق البعض مفهومه
لابدها الخافيه تظهـــر=وراع الردا تبين علومه

يامن سبب في عذابي كف=زاد الأسى منك وجروحي
أن هل دمعي معاد يجـــف=وان جف يقضي على روحي

يامن لكم في المعاني شان=سلام واغلى امانينا
يابادع القيل يافنـــــــــــان=أصدر لنا حكم وافتينا
لجل الموافا مع الأخــــــوان=جينا ومعنا تهانيـــــنا
كيف الوفا يرد بالنقصــــان=ويجهل بنا اليوم داعينا
==========================================
طبع الادب زين في الأنسان=في قول جانا وناصينا
ترحيب نابع من الوجــــدان=عساه يوفيك ياخينــــا
واللي بخس وزنة الميزان=معك وخالف مبادينـــــــــا
الحق ماهو قصير لسان=سومه على سلم اهالينـــــا
وان ما اعتذرلك عن اللي كان=كامل وزن في الموازينا
عني أجعله عنك في النسيان=لا تقول هذا موالينـــــا

محسب نديم الهوى يقسى=يبخل بوصله ويشقينا
يمشي على عكس مانسعى=ندراه ولا هو مدارينا

يامشـــــغل أفكار مظنونك=سرقت مني هني النــــوم
وش قيمت الوقت من دونك=مادام من شوفتك محروم

ياليل كم فيك متهني=وكم يشتكي من ألم ياليل
كم تكتم أسراروتكني=وكم للصبر فيك قوة حيل

الخافي اللي بدت شمـــــــــــــسه=تظهر لنا في الأفـــــــــــــق وتزود
متعذب القلب من همـــــــــــــسه=زاد الأسى واســـــــــــــتباح حدود

قلبي لكم يــــــــــشتكي مكروب=مكروب من كثر ما صـــابه
اللي في وسط الحشاء مكتوب=اسمه وقلبي تــــــــــــشقابه
اليوم اعـــــلن علي حروب=ونسي الذي في الــــــهوى نابه
يسير من بعدها مرغــــوب=والا الـــــــــــــهوى نقفل أبوابه
طبع الـــهوى داخله مغلوب=محد تخلص من انشـــــــــــابه
مر وحلو كم أذاب قلــــــوب=وحلوه المر نحيـــــــــــــــــــابه
أن كان لهل الهوى منسوب=وصادق معك يوضح أســـبابه
والا فهواك أجعله مشطوب=لجله مايســـــــــــــتاهل عتابه

عن صافي الوقت لاتنشد=راحت لياليه وايامه
ماباقي الا أسى يلهــــــد=في دروبنا ناصب خيامه

من زان طـــــــــــــــــبعه وتأديبه=في ساير القول والأفـــــعال
رب الملا يرزقه هـــــــــــــــــيبه=يحسد عليها من العــــــقال

لا تغصبون المعاني غصب=والكل يبغى له قياده
درب الفتى للمعالي صعب=والقيل له فن ورياده

الي الاحبا بعـــــطر الورد=سلام يحـــــــمل لكم ورده
من قلب صادق لكم ومود=والرب يشــــــهد على وده
ترحيب يامن بكم نــــــسعد=ريس بالاـمـــــــثال ونعده
كلاً على طيــــــــبكم يشهد=وابوك ورثـــه عن جدوده
تبقى وحنا بكم نــــــــــسعد=والسعد تبقى لك ســـعوده
يامن لكــــــم بالوفى مورد=تارد وتنــــــهل من عدوده
هات الذي في الخـواطرجد=لاتحبس القــــيل في قيوده
نبغى مثل نذكــــره في الغد=ويبقى للأجـــــيال مردوده
هي أستمع ما أستكن وجد=في اول الشـــــرح وبنوده
فالروح نار الا ســــى توقد=والقلب تبرا الاسى لهوده
انا مع المـــــــشتكي لا عد=بنود شرحه ومقـــــــصوده
مهما الاسـى كان يبلغ حد=لا بد له أسباب في وجــوده
ما تعد الأســـــباب لو بتعد=شتى فحلقــــــــات مفقوده
أنظر معي بالذي نشـــــــهد=في وقت يامكــــثر انكوده
ماقر فكري قريب وبـــــــعد=حتى لكم يبذل جــــــهوده
نبغى نصـــل غايت المقصد=وجيوش الامال محشوده
مابين جزر الــــبحر والمد=وهاجس القلب وصدوده
دون الهدف والمرامي سد=وافاق صعبه ومـــسدوده
مايدوم فيها الأسى والعند=وايام الأفراح محـــــدوده
المرء لنه ســــــعى ومجد=لا بد يوصل لمنـــــــشوده
ياما سعيــــنا وبذلنا الجهد=بين الرجاء ونار مردوده
عيا يجي ناتـــــــــجه بالرد=لالي تكالبــــــته ازهوده
خلى الامـــــــل دوم متجدد=واليأس مقتول في مهوده
الناس وانته وانا نــــشهد=أن المنى عــــسره مدوده

تهامل الدمع من عـــيني=مجبور لجــــــــلي مودعهم
وشغلني الفكر في حيني=كيف النظر ينحــــجب عنهم

يامشاجي القلب تستعطف=مـاوده القلـب بليامـك
خلاص نبع الموده جف=وطويت أنا صفحة أيامك

عازف نغم في توالي ليل=خلى عليل الغرام ينوح
هيض على خاطره بالحيل=لما تغنى بعذاب الروح

ياعين يكفي سهرك سنين=أوصلك ليل الأسى حدك
لو البكى يردها ياعين=ماجفـــــف الدمع من خــدك

عاندني الدمع في عتابك=أكتب ودمعي يزيل الحرف
عذبتها الروح في غيابك=والقلب سوا سواة الطرف

كل المعاناة توصــــل حـــد=الا أنــــا مـــع معـــــانــــاتي
لي حظ واقف خصيم وضد=ويصد الافراح عــــن ذاتي

لما الامل مد لي يــــده=يبغى جروح العليل تلم
قلبي خلاص الأسى هــده=ودمع المحاجر تبدل دم

مشاعر الود كيف تهون=لاعبرت عن خفوق محب
يلعبها اللي عليها يمون=ويطشها في عظيم الكرب

لا واوجودي على الايام=ماباقي ألا تواليها
كثيرها لو حسبت أوهام=وقليله أرباح راجيها

كيف التقي للملايم درب=واجمع شمل قلبي وفكري
لاسار كلاً خياله خصب=وعنده من الحس مايغري

ياهاجسي ماكفاك سنين=وانا أسيرك وحاكمني
خصمي وقاضي بنفس الحين=وبكل الاحوال ظالمني

نشوة فرح ليلها بـراق=تسربت في حمى غلبي
اخذت معها إلى الإشراق=مع ثورة الشوق في قلبي

عاد الامل وانفتح له باب= وجانا معه من نسيم الود
لكن اسايه على مرقاب=من يوم شافه وقفله ضد

وش له سبب يالذيذ النوم=طاوعت غيري وتعصاني
في عيونهم بالهنا مرسوم= وعن عيني تغيب بالعاني