|
ديوان الشاعر (ناصربن مصلح الحربي ) ... جميل النوايا
يا صبح عطني من إشراقك=وزيل الهموم التي بالقلب ودّي ولو يوم أسـلآ بـك=وانسى معك دمعتي والغلب |
بنيت لك في فؤادي صرح=ماغيرك احدٍ سكن عاليـه وسبّبت لي في قليبي جرح=يومك هجرت الذي بانيـه |
نـاصـربـن مـصـلـح = بسم الله أبدأ علـى ماقـول=وسـلام بحـلا عبـاراتـه لكل الاحبّه تـرآ موصـول=ويخـصّ طوّافنـا ذاتــه الـــــطـــــواف = أعوذ بالله مـن المجهـول=ويامرحبـا فـي بدايـاتـه وللجمع من عندنا مدبـول=ويخـصّ ناصـر تحياتـه نـاصـربـن مـصـلـح = دآم البقاء والوفاء مرسـول=منـي لـك بكـل حالاتـه نبغى المعاني تجيب حلـول=للـي كثـيـره سـؤالاتـه الـــــطـــــواف = نعمين يااهل الوفا وكمـول=ذا شئ نشهد علـى اثباتـه منك المعاني لهـا مدلـول=ومنهو سأل حـق جاباتـه نـاصـربـن مـصـلـح = شاعر واعدّك أنـا شملـول =اكتب لنـا اسمـك وهاتـه نفخر بمثلك بطيـب فعـول=والذيب ما يهـاب وقفاتـه الـــــطـــــواف = اسمي حسابه لكم مجمـول=وانتـه عليكـم بيانـاتـه 300 و 8 حـــقـــول=و 200 تكمـل اشـاراتـه نـاصـربـن مـصـلـح = لابد يـوم الجسـد بيـزول=والشعـر تبقـى سجلاّتـه وتبقى الاسامي سنين اتجول=واجيـال تقـرأ كتابـاتـه الـــــطـــــواف = بالعون هرج العقل مقبـول=يجلى عن القلـب ضيقاتـه لاجالنا مـن كبـار عقـول=وكل شئ مرهون باوقاتـه نـاصـربـن مـصـلـح = في داخلي جرح أنا محمول=عجـز ألأطبّـه مـدآوآتـه من غايب(ن) بالبعاد إيصول=زوّد علـى القلـب علاّتـه الـــــطـــــواف = اسباب تجري بعرض وطول=تفرض على المرء غيباتـه احيان في سدّها محصـول=واحيـان رغمـاً اراداتــه نـاصـربـن مـصـلـح = ياصاحبي الفكـر مذهـول=حتى الامل أعلـن اوفاتـه واقضي الليالي أنا معلـول=كل مـا تذكّـرت وجناتـه الـــــطـــــواف = فالمرء شَوْف النظر مسؤول=يشقيـه ويقـل راحـاتـه مثل الذي يخايل المخيـول=وغيـره يتهـنـا بلـذاتـه نـاصـربـن مـصـلـح = ماكـان هـذا لنـا مأمـول=نجني ألـم فـي مجآرآتـه ياليت حبل الرجاء مفتـول=ويـداوي الصـدر ونّاتـه الـــــطـــــواف = ماكل منهـو تمنـى ينـول=ويحقق اللـي فـي نيّاتـه لإن بحـر المـودّه مهـول=خطيـر غُـزره وغُبّـاتـه وحنا سمعنا رجـال كهـول=تروي لنـا عـن حكاياتـه كم من غدا فالغرام فحـول=راحـو ضحيـه لغـدراتـه |
أفكارنـا أللـي تودّيـنـا=يم الحبايب بـلا تصريـح راحـت وراهـا امانيـنـا=وضاعت معاها بمهب الريح ناصربن مصلح |
ناصـربـن مـصـلـح= يا قاضي الشوق خبّرنـي=عن الذي خاطري يهـواه لازال بالـود يذكـرنـي=ولآّ الزمن غيّـر فمبـداه الـــعــــيــــد= الشوق حكمـه يحيّرنـي=ويحيّر الّلي عرف مبنـاه مالـه قوانيـن تطربنـي=حتى أقرر حكم وارضـاه ناصـربـن مـصـلـح = ياعيد كانـك تسايرنـي=تجلب لى القاضي وفتواه خمسة عشر عام جاورني=واليوم بفقد امـل القـاه الـــعــــيــــد = فعلك مع الجار باهرنـي=عاشق وصابر على بلواه عيد النظر ثـم حاورنـي=لابد تلقى سبـب فرقـاه ناصـربـن مـصـلـح = هايم وله شوق غامرنـي=وقلبي وضعته وسط يمناه وآخر تعاملـه يهجرنـي=يمكن لقي واحد(ن) أغراه الـــعــــيــــد = شيء بقلبـي يساورنـي=بكتبلكم بعض من فحـواه إن كـان ودك تشاورنـي=خل المعاذير في مرمـاه ناصـربـن مـصـلـح = شورك انا شوف يجبرني=اساير القلب في شكـواه واقبل معاذيـر تقهرنـي=تجعل فـؤادي يجـر الآه الـــعــــيــــد = رمز الوفاء ليه تحصرني=وتبيني أقطع حبال رشاه بزرع امل وانت خابرنـي=وابيك تفرح بشربة مـاه |
قلبي حبيس الغرام سنيـن=وباب السجن ضاع مفتاحه أشكي عذاب الغرام لميـن=وطول العنى وقلّة الراحـه |
بنيت لك في فؤادي ساس = فيه الغلا والمعزّه غير ياطيّب القلب والإحساس = عسى مساك وصباحك خير |
== == == == == ==
وش حيلة اللي جفاه النوم=وطول العنا صار منهاجـه كنّه سجين الهـوا محـروم=من ساعة(ن) تجلب إفراجه عايش حياته وهو مظلـوم=من خـلّ يتعمـد إزعاجـه من زود مابه حزن وهموم=يخشى من الناس إحراجه يجني بصبره ألم وسقـوم=وفي داخل النفس دولاجـه ما قط صفا له زمانه يـوم=من يوصف ويكتب علاجـه ناصربن مصلح الاحمدي الحربي |
ناصربن مصلح= سلام مع كامل اشواقي=للّي سكن عالي القمّـه شاعر وفيه الأدب راقي=ودايم وفي مع بني عمّه ابو سالم الرحال= ترحيب يالمعدن الناقـى=اللى مانلقى من يذمّـه لكم مسجـل فأوراقـى=نبع الوفى من غزر جمّه ناصربن مصلح= عساك دايم لنـا باقـي=طول الزمن عالي الهمّه ودى معك ابلغ افاقـى=واشكى لك احوال ملتمّه ابو سالم الرحال= مااعدمك ياخيرة ارفاقى=يامروى العذب من يمّه هات الذى بالخفا تاقى=اللى لنا تشتكى همـّه ناصربن مصلح= كيف اشرح الحال واعماقي=سهم الغدر زادهـا غمّـه من خل ساكـن بخفّاقـي=أسقاني عقب الوفا سمّـه ابو سالم الرحال= خلك على الطيب سباقى=والسعى بالطيبه تمّـه يمكن ملى كاسه الساقى=وخلا الأسى يجرى بدمّه ناصربن مصلح= أسقيته الشهـد رقراقـي=وعطفي حوآ عمره وظمّه وآخر مجانيـه بآلاقـي=درب الجفا ينطقـه فمّـه ابو سالم الرحال= مادمت له دوم مشفاقى=عليك ترعـاه وتزمـّه وتصبر على كل ماتلاقى=يرده الوقـت لاشمّـه ناصربن مصلح= صابر على حفـظ ميثاقـي=مع جاحد الجهـل مختمّـه واخشى الرجاء بعد الاخفاقي=يقطـع انـا ثوبـي وكمّـه ابو سالم الرحال= هذ الذى فيك انا هاقى=تراعيه والجاهل تيمـّه الجهل معروف حرّاقـى=ياكثر ما يجيبها مطمّه وراع العقل بالعقل راقى=واللى بلا عقل فالذمّـه لاتقول هـذ ماينطاقـى=لابد بالعطـف ماتعمـّه |
محاوره مع الشاعر النصايف الصاعدي
النصايف= جينا نسلم علـى الوافيـن=ونقول لهم يامساء النـور وان كان لاهل المثل تثمين=نبغى لنا في المعاني دور ناصربن مصلح= يامرحبا بمطلع الغصنين=في مواصلك قلبنا مسرور ان كان حنّا من الحييـن=عذب المعاني يجي منثور النصايف= جانا حشيم الكلام الزيـن=ياعزوتي ماعليك قصـور وابغاك تنظر لنا وتعيـن=حسب الذي تسمعه وتشور ناصربن مصلح= غالي وتبقى من الغاليـن=وما بيننا يارفيقـي سـور قلبي وفكري مع العينيـن=وجهدي وكلّي معاك حضور النصايف= حتى سوى نكون متفقين=بسْألك قبل المعاني تدور اللي تردى وطبعه شين=هل التعامل معه ميسور؟ ناصربن مصلح= جواب قولك من المفتيـن=فالمسأله واضح ومذكـور أهل الردى بالردى باقيـن=والمشي معهم ترآ محظور النصايف= قبل كذا مااعرفه تعييـن=وكان من عرفنا منكـور لكنهـا دعـوة الداعيـن=هي اجبرتني على الدنكور ناصربن مصلح= ان كانهم بالـردى داريـن=ماتنفعك قولتـك مجبـور ابعد جنابك عـن الغاويـن=وامشي على منهج ودستور النصايف= لبيّتها دعـوة الزاكيـن=اللي وفاهم معي مقرور دارين ولاّ عنه غافيـن=ماني في قِل الوفا معذور ناصربن مصلح= شوري يجي من بعد بيتين=وسط الورق كاتبه بسطور شيء انعرف من قديم سنين=(الصاعدي بالوفاء مشهور) ومايختلف بالمقـال اثنيـن=حاضر وماضي ترآ مخبور أمّا الردي مايـزن قرشيـن=وما تنفعه وصفة الدكتـور في صحبته لو تروح لمين=منته على شوفته مشكـور مير الحذر واجب وبالديـن=وراع الحذر يقتفيـه النـور |
بسام الهذلي= ياعين يكفي سهر و اوجاع = وياقلب يكفي تعب وجروح الحـب مـن عادتـه خـــــداع = يـا كيف يصبــح دوا للـروح ناصربن مصلح= للحب ياصاحبـي أوضـاع=حزن وفرح في سماه ايفوح وكم من فتى بالمحبه ضاع=يبغى الدوا ثم غدآ مذبـوح بسام الهذلي= يـامرحـبابــك مُـد وصاع =منزالــكم انبنــى بصــروح مابين قلبي وعيني صراع = عيد النظر في الذي مشروح لا طحت ياصاحبي في القاع =واصبحت في غبته مطروح وشلون تبحر بدون شراع = في الحب ياهل ترى مسموح ناصربن مصلح= دام البقاء والقلوب وسـاع=من نبع طيبه شذاها يلـوح للـي بجـزل المعانـي ذاع=منهل أدب باللسان ايبـوح من قبل قالـوا وبالإجمـاع=مالك بدرب الهواء مصلوح القلـب للعاطفـه متـبـاع=والعين تتبع خُطى المملوح وراع الهواء دايماً ملتـاع=ينزف وجرحه يجي ويروح يمشي فبحر العناء بسـراع=ويرسي فميناء الشقا وينوح |
ابو سالم الرحال= سلام يانجـم ياسـارى=على سنا نورك الوضاح لامر طيفك على ديارى=يانجم تغمرنى الآفـراح ناصربن مصلح= تعـداد همّـال الامطـاري=ترحيب فيه الغـلا قـدّاح ترحيب من زود مقـداري=ياصل لكم والقلوب إصحاح ابو سالم الرحال= تبقى وتسلم يابو مشارى=وتدوم دايم ذخر ياصاح ياعد مورد نهر جـارى=قلبى تحت مشرط الجرّاح ناصربن مصلح= ياطيّب الفكـر والطـاري=يامن بفيض المشاعر باح إحتـار بالـي وأفكـاري=محتاج للمسأله إيضـاح ابوسالم الرحال= اساير الجرح واادارى=وآسامر الآه للأصباح والآن من جورها نارى=مانى من اسبابهامرتاح ناصربن مصلح= الصبر في حالك إجبـاري=وإشعل بدرب الأمل مصباح وارمي حمولك على الباري=تلقى الفرج في طريقك لاح ابو سالم الرحال= سنين صابر على اسرارى=على الأمل لى جلدوكفاح ومجرى الفلك بـه دارى=مالى بغيره رجا واطماح ناصربن مصلح= دنيا وفيها القـدر جـاري=وساس الألم واجهه بصلاح مثلك صقر للصبر ضـاري=يارمز فيك الفخـر جمّـاح |
ناصربن مصلح= سيدي زمانين يالغالـي=سلام منّي لـك إنمـدّه مثل العسل بالطعم حالي=من ِعدّ صافي لك إنعدّه ياسيدي زمانين= ترحيب فـي اول وتالـي=فالطيب ماينحكـر حـدّه نعطي المثل قدر واجلالي=ونسعى في عمارُه ولانهدّه ناصربن مصلح= تسلم عسى دوم تبقالي=وشرواك من طيبه إنودّه بشكيلك اليوم احوالـي=واحزان بالقلب مشتـدّه ياسيدي زمانين= لك ود في مستوى عالي=واللي على الطيب مانردّه الحـزن لاتجعلـه والـي=عليك 0 واعمل على صدّه ناصربن مصلح= الموت لا جاله إظلالي=على الذي مد لي يـدّه بالقلب ساكن ولا زالي=كيف التقي بالبشر ندّه ياسيدي زمانين= لله تحديـد الآجـالـي=من حان يومه جبخ فدّه فالأمر لاتشغل البالـي=كلاً مقاسه علـى قـدّه |
نـاصــر مـصـلــح = العم أبـو سالـم الرحـال= الاحمدي طابـت علومـه منه يتعلـم كثيـر اجيـال= استاذ للشعـر مـن يومـه الـــــرحـــــال= تسلم لنـا ياسليـل رجـال=من ذاتها الطيب واسلومـه أخ وعزيز ولـك المنـزال= اللى لـه الفخـر بقرومـه نـاصــر مـصـلــح = دام البقاء يا كريم خصـال =يا رجل به يفتخـر قومـه ابنشدك عن بعض أحـوال =للناس من وقـت معلومـه الـــــرحـــــال = قولك شرح خاطرى والبال=وسرنـى رسـم مرسومـه خذ الأفاده عن اللى تسـال=بأوقاتها النـاس ملزومـه نـاصــر مـصـلــح = ليه العرب عند شيخ المـال= احلوقهـا تسيـر ملجومـه ولـو الفقيّركثيـر افعـال =ماتفـرح النـاس بقدومـه الـــــرحـــــال = ياما فزمانك تـرا اشكـال=من عزة النفس محرومـه المـال مايغـرى العقـال=والفقر ماعـاب شيشومـه نـاصــر مـصـلــح = قولك حكم ماعليـه اجـدال=يا كيف يرضى بمقسومـه لاشاف دنيـا تبـدل حـال=الصقر اصبح كما البومـه الـــــرحـــــال = مافى عن الواقع استبـدال=والكـل مـوزم بموزومـه والصقر مافيه قـول يقـال=البـوم ماتجهـل اعزومـه نـاصــر مـصـلــح = الثانيه يـا جويـد الخـال=يانجم نـوّر مـع نجومـه ليه الاخـوه تهـد جبـال=مع الزمن تقلب خصومـه الـــــرحـــــال = للثانيـه نوفـى المكـيـال=وفعايل الـذرب محشومـه وانااعرف ان الرجال جمال=هـذى حقايـق ومفهومـه نـاصــر مـصـلــح = الثالثه مـا عليهـا فصـال=فيها المواجيـب محكومـه لك عندنـا ياسعيـد الفـال=واجب له الناس معزومـه الـــــرحـــــال= وافى وكلك وفـى واكمـال=راع الوجب وانت زيزومه نشكرلك الطيب والأفضـال=ونعمين بشرواك ونعومـه |
ناصربن مصلح= ياعم ابو سالـم الرحـال=ماعاد لي فالهـوى نيّـه أتعبت روحي سنين اطوال=مع خلّ ساق الأسى ليّـه ابو سالم الرحال= لاشك طرد الهوى بطال=غدار ميه علـى ميـه كبوه قبلك كثيرأرجـال=وعافوه كل الهواويـه ناصربن مصلح= ليت الذي بالفكر ينقـال=واشرح لك اسباب مخفيّه ان كان سم الهوى قتّال=شربت انا السـمّ بيديّـه ابو سالم الرحال= ماشوف فالمسأله إشكال=شكـواك متبينـه ليـه بالعزم تلقى الدوى وتنال=علاج سم الهوى وخيّـه ناصربن مصلح= كيف التقـي للوفـا منـزال=في نفس صـارت شقاويّـه عشرين عام(ن) على ذا الحال=ماشفـت منـهـم محنـيّـه ابو سالم الرحال= منهو منه ماتشوف إقبال=عنه اقصر الروحه والجيه وارفع جنابك عن المحتال=اللـى مماشيـه ملويـه ناصربن مصلح= طال العنا والهوى مختال=جاثم وضيّـع هقاويّـه استعمرت هاجسي والبال=بسلاح صاب الهدف فيّه ابو سالم الرحال= من قبلنا قالـو العقـال=ماله قتيل الهـوى ديـه لايضيع وقتك عنا وجدال=وتبقى على حالتك ذيـه إنكان غصن البخت مامال=ماتسير الأيـام ورديـه استبدل اليـاس بالآمـال=وابعد عن الداب والحيـه |
أبو ذياب= مــدامـــه الـــــود يـجـمـعـنــا=ياهل الأدب والمثل والكار في مجلـس الفـن والمعنـا=ســـلام يـاجـمـلـة الـشـعــار ناصر بن مصلح الأحمدي = يامرحبا بالذي معنا=في مجلسٍ يجمع الأخيار اليا حضر دوم يسعدنا= وله عندنا زايد المقدار أبو ذياب= لا شك والكل يسمعنا =جيت ولقيت .. الوفاء فالدار ياحرف جذاب يطربنا = تسمح لنا .. نعزف الاوتار ناصر بن مصلح= عطـنـا القـوافـي تنومسـنـا=وانـا معـك بشعـل الانــوار وبدعي عسى الله يجملنا=مـعــاك يـاطـيّــب الافــكــار ابوذياب= طال الأمل فيه واقعنا =واصبحت في حالة أستنفار مدري متى الوقت يسعفنا = ويزول ذاك العنا ياجار ناصر بم مصلح = يامـن علـى الـجـزل عـوّدنـا=وكّـل امــورك عـلـى الجـبّـار بــالــعــدل دايــــــم يـعـامـلــنــا=ونمشي على حكمة الأقدار أبو ذياب= لاشك قولك مطمنا = هيا أستمع موجز الاخبار خلي نحا عن مواقعنا =من بعد ماكان لي بار ناصر بن مصلح = ان كــــــــان بــالــبــعــد يــتــجــنّـــا=شوف السبب واحصي الاضرار مــــن بـعــدهــا إحــســـن الـظــنّــا=وضاعف جهودك معه بإصـرار ابو ذياب= عاتبتهم من خواطرنا = وقليل زاد العتب معيار بس الذي الذي ماتوقعنا = يصبح لذاك العهد مكار ناصر بن مصلح= الـمــكــر ســـمّـــه يـعـذبّــنــا=لا صار بين البشر يندار والنـاس عاشـت ولا زلـنـا=مـن الهـوى ذاقـت الأمـرار لاتـقـضـي الـعـمـر تسـتـنّـا=وهذي ترا غلطـة الشطّـار احفـظ جنابـك ياصاحبـنـا=لا تنجرف مع هوا التيـار |
ناصربن مصلح= سلام مع أجمـل الترحيـب=زانت بها حـروف قيفانـه من موج بحر الوفاء والطيب=يهديـك لولـه ومرجـانـه ابوسالم الرحال= ترحيب مثل العسل لاجيب=من عالى كهوف ضلعانه ياصاحب الذوق والتهذيب=وحلو المثل منطق لسانه ناصربن مصلح= من قبل شمس النهار تغيب=وقبل المثل يعزف الحانـه الله يديمـك لنـا وتطيـب=بدعـي لـك الله سبحانـه ابو سالم الرحال= يامن لها الطيبه كسيب=وراجح به الود ميزانه لعل رب العباد يجيـب=ويشمل دعاكم برضوانه ناصربن مصلح= طبع العرب اختلط بالعيب=بالعولمه الناس حيرانـه الشاه تمشي بجنب الذيب=من يقدر يقول غلطانـه ابوسالم الرحال= ماشى فى هالزمان يعيب=كل حى يمشى مع ازمانه وصاحب المعرفه مايخيب=والقرم يبقى على كيانـه ناصربن مصلح= بأصل المبادئ بدآ تخريب=منه العدو حـث شيطانـه خلّت فطين العرب في ريب=والسم يجـري بشريانـه ابوسالم الرحال= صياح الغنم مايهم الذيـب=ولايقلل الذيب مـن شانـه ولآ عمر طرد السراب يثيب=لو سرّج الضامى حصانـه ناصربن مصلح= من حولنا للعـدو ترهيـب=وما بيننا ذنـاب سعرانـه والغدر سهمه ولو مايصيب=تبقى مع الوقـت أحزانـه ابوسالم الرحال= منهو بخلف الخفا حريب=يطيح فى يدين من خانه ياخذ نصيبه من التعذيب=والمر يتجـرع الوانـه ناصربن مصلح= مابين تشريقـه وتغريـب=حربٍ على الدين ولمانـه والراس ممّا نشوف إيشيب=وكم مبتعث ضيّع إيمانـه ابوسالم الرحال= الرب عالـم بمـا فالغيـب=ماشى يخفى عـن اعيانـه يـأدب المفتـرى تـأديـب=ويكتب له المحسن إحسانه له فاالأمر حكمه وترتيـب=من عرشـه يديـر سكانـه بإحساس صادق وقلب منيب=ادعى على مخالف اخوانـه |
ابو ذياب= كم لي واَنا أصارع الهوجاس=اللي معي محرقن جوفـي !! ((مع الذي فاقد الأحسـاس=ماحـنّ ماقـدر ظروفـي )) سقى فؤادي مـرار الكـاس=جاحد .. ودادي .. ومعروفي والأن لما لبسنـي البـاس=أشكي على مين معزوفي ؟؟ ناصربن مصلح= إشكي على خالق الأجناس=وماقدّر الله لـك تشوفـي وبقرآ عليك الفلق والناس=وعليك بعلن انـا خوفـي ياصاحبي لا يجيك الياس=وتعيش بالحزن مكتوفـي الناس فيها ذهب ونحاس=والحـر للطيّبـه يوفـي كلّن بفعله تـرآ ينقـاس=والجاحد بشـرّه يطوفـي ارفع جنابك عن اللـوّاس=ولا يلحقك صوبه إحسوفي |
ناصربن مصلح= سلام مع أجمـل الترحيـب=زانت بها حـروف قيفانـه من موج بحر الوفاء والطيب=يهديـك لولـه ومرجـانـه ابوسالم الرحال= ترحيب مثل العسل لاجيب=من عالى كهوف ضلعانه ياصاحب الذوق والتهذيب=وحلو المثل منطق لسانه ناصربن مصلح= من قبل شمس النهار تغيب=وقبل المثل يعزف الحانـه الله يديمـك لنـا وتطيـب=بدعـي لـك الله سبحانـه ابو سالم الرحال= يامن لها الطيبه كسيب=وراجح به الود ميزانه لعل رب العباد يجيـب=ويشمل دعاكم برضوانه ناصربن مصلح= طبع العرب اختلط بالعيب=بالعولمه الناس حيرانـه الشاه تمشي بجنب الذيب=من يقدر يقول غلطانـه ابوسالم الرحال= ماشى فى هالزمان يعيب=كل حى يمشى مع ازمانه وصاحب المعرفه مايخيب=والقرم يبقى على كيانـه ناصربن مصلح= بأصل المبادئ بدآ تخريب=منه العدو حـث شيطانـه خلّت فطين العرب في ريب=والسم يجـري بشريانـه ابوسالم الرحال= صياح الغنم مايهم الذيـب=ولايقلل الذيب مـن شانـه ولآ عمر طرد السراب يثيب=لو سرّج الضامى حصانـه ناصربن مصلح= من حولنا للعـدو ترهيـب=وما بيننا ذنـاب سعرانـه والغدر سهمه ولو مايصيب=تبقى مع الوقـت أحزانـه ابوسالم الرحال= منهو بخلف الخفا حريب=يطيح فى يدين من خانه ياخذ نصيبه من التعذيب=والمر يتجـرع الوانـه ناصربن مصلح= مابين تشريقـه وتغريـب=حربٍ على الدين ولمانـه والراس ممّا نشوف إيشيب=وكم مبتعث ضيّع إيمانـه ابوسالم الرحال= الرب عالـم بمـا فالغيـب=ماشى يخفى عـن اعيانـه يـادب المفتـرى تـأديـب=ويكتب له المحسن إحسانه له فاالأمر حكمه وترتيـب=من عرشـه يديـر سكانـه بإحساس صادق وقلب منيب=ادعى على مخالف اخوانـه |
فاقد خوي= جاني وعد منك وافرحني=بالعيد قلتوا لي زياره ياصاحبي ليه تجرحني =وعن دارنا لفّت الطاره ناصربن مصلح = المعذره منك سامحني= وقتي جبرني بأقدآره ولا بد من يوم يمنحني=والقاك وتقدّر اعذآره فاقد خوي= وش عذركم قول واقنعني=عل العتب ينجلي غباره ياصاحبٍ ما يفارقني=بين المعاليق مقدآره ناصربن مصلح= اليوم الاول وعازمني =عمّي وانا جالس بدآره وفي ثاني العيد تطرحني =زكمه وقامت علىّ غاره فاقد خوي = يلزم لك الحق تجهلني=عمّك كما الوالد أدوآره مرسولك اليوم طمّني=ريّحت قلبي من افكاره ناصربن مصلح= يامن بطيبه يعاملني=والنفس تسعد بأخباره حقك على الراس لازمني=ولاشك الايام دوّآره فاقد خوي= بالقلب لك ود يجعلني=افرش لك الورد وازهاره وعساك سالم تقابلني=وتفرح بجيّتكم الحاره ناصربن مصلح= مشكور لاصرت عاذرني=وفكري هدا اليوم إعساره بالطيب تحيا وتامرني =وانا لكم رافع الشاره |
محمدحجيج= النوم ماعـاد يهنانـي=ينتابني فالمنام أحـلام يفز قلبـي ووجدانـي=والعين ماعاد تبقى تنام ناصربن مصلح= يامرحبـا بالـذي جانـي=بحروف مسترسله بنظام يقضي لياليـه سهرانـي=مشغول فكره بامر(ن) هام محمدحجيج= ياناصر الخوف يحدانـي=ليلي نهاري اعيش اسقام حتى الحزن صار يغشاني=في داخل القلب له مخيام ناصربن مصلح= هآت الذي منّـه تعانـي=ياعزوتي ودرعها واحزام كلى لك اصغي بالآذانـي=وبسمع انا شكوة المنظام محمدحجيج= مابين عينـي وأجفانـي=فرقا ولا عاد فيـه ليـام والرمش مابينهـم فانـي=تنازعوا وأصبحوا أخصام ناصربن مصلح= الصلح مابيـن الاخوانـي=خل العقل يكتبـه باحكـام وبالصبر وبطيب الاحساني=تطوي خصومه لها اعوام محمدحجيج= كيف اصلح الشأن وأشجاني=أخشى عليها تروح اعـدام يامـا تكلمـت بلسـانـي=ماخذت قسمي من الأقسـام ناصربن مصلح= ثبّت حقوقك على الجاني=بالعدل وبسنة الاسـلام ودامك على حق وايماني=ينصرك ربي مع الايـام محمدحجيج= لو جيت طـلاب للعانـي=يشهد لي الناس غرب وشام لاتردنـي فكيـد احزانـي=اللي مضالي زمان العـام ناصربن مصلح= لا تفني العمـر سقمانـي=وخلّك على مبدأك مقـدام وانته على النايفه بانـي=وخابرك من خيرة الفهّـام ان كان لك خصم عدواني=ارفع جنابك ومـا تنـلام ترجح بفعلـك بالاوزانـي=وتقضي العمر بالنعيم التام |
ناصربن مصلح= سـلام لشّاعـر الطـوّاف=يسري على مذهب وملّـه سلام مثل النجم ينشـاف=مع مطلع الصبح يوصل له الطوّاف= حنا لفانا رجل عـراف=نحفظ له الطيب ونجلّه يامرحبا والسعد ميلاف=وراعي العقل عقله يدلّه ناصربن مصلح= دام البقا ياجميـل القـاف=ومن شافه يقول ما شاالله بمشي معك والقلوب انظاف=وابشكي لك احوال معتلّـه الطوّاف= مالي عن اهل المثل محراف=وانتـه معانيـك مقتـلّـه والمرء عقله معه صـراف=والصعب يسهل معه حلّـه ناصربن مصلح= ليه العرب دايماً بخـلاف=وأرض ومخاليق محتلّـه وفي شامنا حربة السياّف=على المساكيـن مستلّـه الطوّاف= هاذي فِِتَن من وراها احلاف=والكل شايـل معـه غِلّـه ولو لقْيت العقل والإنصاف=ماكان هـذا حصـل كُلّـه ناصربن مصلح= زود الغبن كسّر المجـداف=وحنّا على مشـرف التلّـه نقوا الحكي والحكي ما طاف=يسعـى ولا جـاوز الحلّـه الطوّاف= ماتستوي وزنة الأكفاف=والنور ماهو مثل ظِلّـه والمؤتمن لاعليه تخاف=يقدر على المفتري يذلّه |
ضاوي الليل= جيت ارتكي فوق مشعابي=ابغى الصفا والصفاويـّة سلام ياساير أصحابـي=منهـج وسنـة سماويـة ناصربن مصلح= ترحيب فيـه الوفـا رابـي=للّـي لفـى صافـي النيّـه في مجلس(ن) يجمع احبابي=بنفـوس بالـود مسقيـّّه ضاوي الليل= من قبل لانزل عن ركابي=وابني لك القيـل بيديـّه هيا استمع فأول خطابـي=وخـل المراسيـل ليليـّة ناصربن مصلح= هات الذي فيه مرتابي=وكلي لك آذان صاغيّه ياتيك ردي وميجابي=مكتوب بوراق مقريّه ضاوي الليل= غربني الشوق وانحابي=ماعاد لي فالبلـد فيـّه ماصدق انه تخلوابـي=راحت حياتي علانيـّه ناصربن مصلح= كانك بالاشواق منصابـي=خل الهواجيـس مخفيّـه ولو واجهك بعض الاتعابي=اصبر على بعـدك شويـّه ضاوي الليل= في مامضى كان يشقابي=يعدنـي فـأول الهيـّه مدري ويش اللي تبلوابي=خلاه يجفل عـن عنيّـه ناصربن مصلح= انا اعرف الشوق غلاّبي=والبعد سـم الشقاويّـه داريه وافتح له البابـي=ولا تحسب حساب للسيّه ضاوي الليل= انته وانا فوق مرقابي=بيناتنا علـوم جديـّه خذ مابدالك من جرابي=لاصار لك عين نجديّه ناصربن مصلح= من كـان للمجـد طلاّبـي=مافيـه مثلـه ولا زيّــه ومالك عن الصبر مجنابي=وللصبـر حكمـه الاهيّـه لا صار ما يحسب حسابي=للّي مضـى بينكـم طيّـه جنّب ولا تقـول يسلابـي=وتحط نفسـك لهـم ديّـه |
بين الأمل وانعدام الياس=واحساس عايش فوجداني لا بد يوم(ن) يزول الباس= واسعد انا بشوف خلاني |
خالد بن عبيـد الاحمـدي= سلام واصلـك ياشملـول=والطّيب مانصـكّ بيبانـه ياالشاعر اللي من اسطنبول=يرسل للاصحـاب قيفانـه ناصر بن مصلح الاحمـدي = أهلاً هلا عطرها مرسـول=فيها الغـلا زادت اوزانـه للشاعر اللي بعرض وطول=يعزف لنا أعـذب الحانـه خالد بن عبيـد الاحمـدي = لك البقى والوفا موصـول=والشـكّ مانطلـق اعنانـه ليتك تفيد الـذي مذهـول=من جيل ماانصفه ميزانـه ناصر بن مصلح الاحمدي= حكم الزمن دايماً مقبـول=ولو عاصر الجيل بحزانه ومنهو مشى سكّته بأصول=يبني مع الوقـت بنيانـه خالد بن عبيد الاحمدي= معذور يومه يدور احلول=اللي على الطيب سيسانه لاساووا الميـل بالمعـدول=وحطّوا له اللاش بوزانه ناصربن مصلح الاحمدي= قايست فكري ولك باقول =يامبدع برسم ديوانه دنيا وفيها جبل وسهول=وكل بحر يوحيه ربانه ولا بد يوم(ن)نرى المأمول=ويزول لاشه وطوفانه واللي تصبّر لا بد ينول=ويقضى على كل عدوانه |
ناصربن مصلح= يافارس الحرف ياحرّيف=يارمز واضح للاعيانـي سلام مني لكم بالصيـف=نابع من احساس وجداني ابوسالم الرحال= اعرفك مااحتاج لى تعريف=ذوقك ولطفك مايخفانـى يامرحبا مثل ورد الريـف=على سنا خضر الأغصانى ناصربن مصلح= ياصاحبي بسألك عن طيف=لاغمّض الجفن ينصانـي اخاف يطلع سراب وزيف=واجرح انا القلب من ثاني ابو سالم الرحال= بعد إطلاعى على التوصيف=وحسب الذى شفته وجانى ماشوف انا فيه شى مخيف=وكلاً من إحساسه يعانـى ناصربن مصلح= كيف ارتجي للهوى تصريف=مـادام الاقـدار تبـلانـي ودّي اشوفه حقيقـه كيـف=وانسى معه كـل أحزانـي ابو سالم الرحال= للآن سر الهوى ماشيف=ولاطب له فالزمن بانى ياكم من طرف له ذريف=من غالى الدمع هتانـى ناصربن مصلح= أخشى العنا لو جرى تكليف=أقضي أنا العمر وحدانـي ياليتني عايش(ن) فجنيف=وانسى الذي دوم يبرانـي ابو سالم الرحال= مقره الصقر فوق النيف=لو كلفه امـر سلطانـى وديره بها مايمر الضيف=ماهى له الصقر اوطانى ناصربن مصلح= يمكن مع البعد والتسويف=ومشاهدي لكل الالوانـي اقضي حياتي انا كالسيف=من دون تفكيـر يبلانـي ابو سالم الرحال= من كان صوب الهدف هديف=وله فـى مراميـه نيشانـى البعد مايسير لـه صفيـف=لـو إنـه البعـد قومانـى لاتقول هذ عنـى وتنكيـف=وإنته من رجـال شجعانـى من خوف ما يقال لك ياحيف=خلك على الريـس ربانـى |
ابــــو حـجـيــج = سلام في مطلـع أقوالـي=من بعدها ننشر الأعـلام يابو مشاري علـى بالـي=علوم وأخشى من اللـوام ناصـر بــن مصـلـح = يا مرحبا بريحة اخوالـي=درعي ووقت اللزوم حزام عطنا علومك ولا تبالـي=مثلك على النايفه مقـدام بــــن حـجـيــج= اخفي بعضها لـو ثقالـي=والبعض يستدعي الأحكام لك عين مثلـي يورالـي=والعين تشهد على الأقلام ناصـر بــن مصـلـح= حالك ترا يا بعـد حالـي=تلزم على الحاضرين الزام ينصت لها كـل عقّالـي=ونسمع بها شكوة المنظام بــــن حـجـيــج= مثل الذهب سعرنا غالـي=الرأس من تحته الأقـدام مالـد عينـي لعـذالـي=لاصار تفكيرهـم اوهـام ناصـر بــن مصـلـح = بعض العـواذل تهيالـي=تلجم به العاطفـه الجـام تلعبّـه يميـن وشمالـي=تحسبه يبني وهـو هـدّام بــــن حـجـيــج = لاصار لي صف في قبالي=مثلك انـا متبـع الأقـزام مصيره الوقت لو طالـي=يظهر لنـا البينـة قـدام ناصـر بــن مصـلـح = قالـوا وقلنـا بلامثالـي=ظهر الجمل بالثقايل قـام واصبر على شان كرمالي=خل الزمن يفضح الاقـوام ابــــو حـجـيــج = لجلك انا بطـوي حبالـي=لو كان روحي تروح اعدام واصبر على المر والحالي=وابعد عن الظلم والظـلام ناصـر بــن مصـلـح = عسـاك سالـم وتبقالـي=يا صقر فوق السماء حوّام واسمع كلامـي وموالـي=ولا يشغلك من معاه فصام بعض البشر فكرهم خالي=ماهو من المعرفـه لمّـام ان غاب ما عاد يطرالـي=وليا حضر ما عليه الـزام |
ناصربن مصلح= أبـدا كلامـي بذكـر الله=من بعد ذكره بدعت القاف واثني سلامي انـا كلّـه=للشاعر الغالي الطـواف الطوّاف= راعي الأدب يوم ما نملّـه=الصاحب اللي كريم اوصاف نحشّـمـه دوم ونجـلّـه=يامرحبا بطيّـب الميقـاف ناصربن مصلح= الطيب من طيبـك إنهلّـه=يرقى على عالي المشراف والمشتكى جيـت ابفتلّـه=وسط الورق بالنظر ينشاف الطوّاف= إفتل كما شئـت او فِلُّـه=آنا وغزر المعاني ولاف وكل عود ياقف على ظِلُّه=وانت الذي ماعليك خلاف ناصربن مصلح= روحي بالاشـواق معتلّـه=والياس بين الحشا رفّـاف من خل سهم الجفا سلّـه=يحلف وينقض كثير احلاف الطوّاف= من واجب الخل مع خلُّه=يعامله بلطف واستلطاف وان كان درب الوفا زلُّه=العقل في حكمته صراف ناصربن مصلح= المشكله كيف أناوصلّـه=والبعد ما بيننـا ينعـاف أمشي على مذهب وملّـه=لكن لقيت الجواب إجحاف الطوّاف= نقّاض الايمـان مانحلُّـه=يحمل ذنوبه على الأكتاف ومن عاشره ويش بانقولُّه=لاترتجي صدق من حلاّف |
الطوّاف= براجع حسابي الجـاري=واجرّد البنـد واصفّيـه مادام حتى ابو مشـاري=ماعاد في المنتدى نرعيه ناصربن مصلح= ان غبت ينشد عن اخباري=الصاحب اللي أنا أغليـه دايم على الطيّبه ضـاري=طوّافنا ياعسـى مابكيـه الطوّاف= عليك بشكي خطأ جاري=اللي المقدر بلاني فيـه دايم يدوّر على اكداري=مآسي القلب ومآذيـه ناصربن مصلح= الجار له حق واجباري=بالطيّبه دايـم إتلآقيـه وانا على حسب منظاري=بالصبر من علّته تشفيه الطوّف= عايش معـه دايـم مـداري=طيبي وحسن الأدب معطيـه لكـن علـى الشـر دوّاري=فاض الصبر من كثر ماارجيه ناصربن مصلح= ان كان بالجار محتـاري=وفكري انا اليوم تستفتيه دامك على حق ووقـاري=خل الزمن لا عصف يكويه وان كثّر بفعل الاضراري=بيع الردي والوفي اشريه ماقـدّر الله بـالاقـداري=مكتوب لا بد مـا توحيـه |
ناصربن مصلح= سلام من طيب أنفاسه=طابت بها نفس مرسلها للشاعر اللي بإحساسه=أحلا المعاني يترجمهـا الطواف= ترحيب باللي سَعَد ناسه=وافرح حضوره خواطرها دايم على الطيب نبراسه=هاذي حقيقه ماننكرهـا ناصربن مصلح= ياصقر معروف قرناسـه=معزّتـك أنـت خابرهـا في داخل الروح هوجاسه=من عبر الابيات بكتبهـا الطواف= ياكاسب الطيب من ساسه = ومن ربع زينه مخابرها توْ المثل ما صفي كاسه = ابدي معانيك وانشرها ناصربن مصلح= ياصاحب الناس محتاسه=خوف وقلق صار حاضرها قالوا (كرونا) قوي باسه=وامراض كثرت مخاطرها الطواف= هذا ( بلى ) دقت اجراسه = فأيام كثرت مناكرها والمرء لايزيد وسواسه = الإستقامه يدرّكها ناصربن مصلح= قالوا بلا فكر ودراسه=النوق هي من سبايبها عزالله ضاعت بنا الطاسه=دام اليماني مصدّقها الطواف= هاذي دراسات وفْراسه = والمختبر زاد قررها كلاً يحسس على راسه = من عنده نياق يحجرها ناصربن مصلح= المختبر الخطأ داسه = وفيه الاشاعات نظّمها لو جاز له يوم مجلاسه = في أرضها كان لازمها الطواف= انته رجل حلم وكْياسه = والمايله ماتسايرها مادام الاخطار حواسه = كلاتنا لزوم نحذرها ومادامها البل دساسه = للداء لابد نحصرها قرار صادر من الساسه = واجب ننفذ اوامرها |
= = =
وش عاد باقي تشوف العين=ظلم وشقا شفت من صغري مدري نهاية طريقي وين=وكم باقي أيام من عمري = =
أبكي لحالي على ماصار= واشكي على الله أحزاني ومهما زماني عليّه جار= بصبر على كثر ما جاني |
دنيا وفيها البشر لآهيـن=والكـل نفسـه معنّيهـا ياحظ راع الأدب والديـن=أحسن تجـاره لراعيهـا (ناصربن مصلح الاحمدي) = |
(احمد عبد الرحيم)= ياناصر القلب له حزّات=احسّه يفزّ بضلوعي اردد الآه بالساعات=واكمل بهاباقي اسبوعي ( ناصر بن مصلح)= وش الذي ثوّر الآهات= وخلّاك بالحيل موجوعي بليّا سبب ماتجي أزمات =اشرح لنا بشكل موضوعي (احمد عبد الرحيم)= مقدر ابوح الذي بالذات=على الملا غير مشروعي لابد ما قايس الخطوات=الناس ماهي على طوعي ( ناصر بن مصلح)= لابد ما تحدّد إجابات =عن السبب نآخذ رجوعي في كل حاله من الحالات= اقدع من الصبر قرطوعي (احمد عبد الرحيم)= اخاف لاتكثر الطعنات=والجرح ايزيد في وسوعي ولاعاد تنفعني الونّات=واهلّ من بعدها دموعي ( ناصر بن مصلح)= مادام باقي أمل مامات =إشعل بدربك له اشموعي وان كان ماضي وزمانه فات=إنسى وهدّيّ من الروعي (احمد عبد الرحيم)= ياليت باقي امل هيهات=كان الصبر منك مسموعي وكل مااتجه لي انافي جهات= تردّد صدى صوته سموعي ( ناصر بن مصلح)= اقسم بمن انزل الايات =من حالتك صرت مفجوعي باقول لك بآخر الابيات=وانت الوفاء فيك مطبوعي مادام لك صوله وجولات=وحبل الرجاء صار مقطوعي حاول ولوطرفكم مابات =تنساه والرزق متبوعي (وياصحابنا سامحونا)= |
الساعة الآن 11:24 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir