|
ديوان الشاعر/ خالد بن عبيد بن معتوق الاحمدي
وضعي تردى والقهر عقّب اجروح= والناس في وضعي قالت وقالت اصارع العبرات وآون وآنوح= مليت ضيم ومدة الصبر طالت والعبره اللي ترجمة ضيقت الروح= داريتها داريتها وستحالت والعين تنظر للفرح بارق يلوح= تنظر فرج وقت ِ به الناس مالت عن النوم واوطانه لها طرف منزوح= مابينهم كثر المعاناه حالت كثر الأسى ياناس مجبرني ابوح= مايلام حر ٍ منه الايام نالت ببيات شعري يظهر الوضع مشروح= عما جرالي في سنين ِ توالت |
اطلب الغفران فالشهر الكريم = واترك الأشعار واجلس فالحرم احذر الشيطان يوصلك الجحيم = ذي نصيحه حجمها كبر الهرم طاوع العقّال وافهم يافهيم = واعتبر فاللي جرى لعاد أو إرم واسأل الرحمه من الرب الرحيم = طالب الرحمن يبشر بالكرم |
به ضيف ناصيكم قريبه حراويه = ضيف ٍ كريم وزاد بالخير جوده ملزوم يابن ادم ترحب وتقريه = كبش الذنوب اللي متينه عضوده سكين توبه في يدينك تذكيه = وبالحمد والتهليل تصلخ جلوده ثم قسمه بقدور مذنب وغطيه = والنار من صدرك تكثر وقوده وافرد سفر في ليلة القدر عشيه = تلقى عواقبها تجيك محموده واليا سرا في ليلة العيد تبكيه = واطلب من الله كل عام ٍ يعوده ضيف السعد والخير حذرك تخليه = شهر العتق والمغفره والمفوده اللي به الشيطان مخزي واهاليه = مصفّده فيها الحبال معقوده هذي نصيحة شخص صاين مباديه = والعاقل اللي مايربّح حسوده والاجر مادوره من الناس وارجيه = القاه عند اللي تسبح رعوده |
ازكى تحيه عطرت باطيب انفاس= تاصل يابن قحطان موقع بريدك تحمل عبير الورد مع كل نسناس= من معجب ٍ مشتاق يقرا جديدك وش غيبك يابو محمد عن الناس = ناس ٍ ذبحها الشوق تسمع قصيدك ياشاعر ٍ دونت في صحف الالماس = من الذهب ابيات خطة بإيدك شعرك مترجم حس عن كل حساس= صغت المعاني لاعدمنا مفيدك وايضا ًمزج للناس حكمه ونوماس= دايم وجمهورك يدور مزيدك اسمك غدا للشعر معلم ونبراس= واليوم بنكه فايض ٍ به رصيدك مثل البحر عمقه من الصعب ينقاس= ياقع بموجك من يحاول يكيدك حتى الفخر في شخصكم رافع الراس = في ساحة الشعار شعرك عضيدك عساك في دنياك متواجه افلاس= ويالله عسى ايامك كما يوم عيدك واختم وصلي عد من زار تكساس = على احمد المعصوم سيدي وسيدك |
كتبت خطـي للوجيـه المسافيـر= في منتدى فيه المعانـي مصونـه للعزوه اللي كـل ابوهـا مناعيـر = بين العرب نوماسهـم يذكرونـه بالمحفل اللي تابعـوه الجماهيـر= سفيركـم بالشعـر لاتتركـونـه شاعر يمثلنا وحنـا لـه انصيـر = سيفه وريفـه وانبغانـا عيونـه حيثه ولد عم ٍ ولا فيـه تقصيـر = لـه واجـب ٍ ياربعنـا تدعمونـه شعره جمع مابين حكمه وتصويـر = والقاف ياتيلـه برغبـة لحونـه محفوظ له بالقلب حشمه وتقديـر = نجمع عزيز المـال نفنيـه دونـه والوضع مايقبل تـروي وتفكيـر = والراس عزه دايما ً فـي متونـه وان رحت يااحمد وعتليت المنابير = اهدم جسور الخوف واهدم حصونه بس اتكـل باللـي عليـه التدابـيـر = ومن اتكل بالله صابـت ضنونـه عساك في دنياك تمشـي بتيسيـر = وتبقى زبون الخير تبقى زبونـه خطي وصلكم يالوجيـه المسافيـر = والله مع اللي ساعـي ٍ بالمعونـه |
ياالله ياللي كل مضيوم ينصاه = ياواحدٍ بامره تزول المصايب ياللي صفاته كلها اطابق اسماه = واحد يسبح له شجر مع هبايب ياموعدٍ في جابته من ترجاه = ويغفر ذنوب اللي عن الذنب تايب لك عبد قد فارق حياته ودنياه = من بعد ما واجه ضروف ٍ صعايب ياالله نور قبره اللي تغطاه = ولاتجعله في ضيق تحت النصايب وجعل مصيره جنة الخلد مثواه = ولا ينخزي في يوم نشر الكتايب وليا جمعت الناس في يوم نخشاه= اجعله المصحف سواة السحايب وبصبر ثبت شخص ٍ اليوم ينعاه = قلبه من الفرقا جروحه عطايب دنياك ياسالم له طبع مقساه = كم فرقت مابين قلب وحبايب والعبد يمشي تحت تدبير مولاه = والله عليم بكل حاضر وغايب وما خطلك باللوح ملزوم تلقاه= واللي تعدى عنك ماهو بصايب بالملتقى حزن ٍ تعمم على اعضاه = نحزن لحزنك ياعريب النسايب وندعي له الرحمن وانقول ياالله = تكفيه ياربي سعير الهايب والله يعين اللي تأثر بفرقاه = وبلغ تعازينا جميع القرايب |
مجرح شعور الناس مااتحاقر الناس= طبيعيتي من يوم ربي خلقني حساس واتعامل مع الناس باحساس= والله من امراض التغطرس عتقني امشي مع الطيب ولا اخاوي انجاس= والصدق من عمر الطفوله عشقني واوزع البسمه وانا اواجه الباس= اكتم همومي لو زماني سحقني مشكي على مخلوق لو عشت بافلاس= اشكي على اللي بالتوكل رزقني والجاهل اللي دق للشر مرواس= عنه اتغاضا لو بشره لحقني ابحث عن اللي فيه مفخر ونوماس= وحبل المراجل بالوراثه وثقني ولا اقبل علي الليل في ظلم ودماس= والوقت في نار المأسي حرقني اللقا سلايه بين حبر ٍ وقرطاس= لاقمت اعبر عن عذاب ٍ عمقني اسري بهوجاس ٍ واعود بهوجاس= عن واقعي شعري ابد ماسرقني ولا اسب في شعري ولا اعادي الناس= يشهد على ماقول رب ٍ خلقني |
رح جدد الاوتار مع ريشة العود = ووزنها يافواز وزنة شمالي ناخذلنا ليله كما كان معهود = ليله تعيد امجاد ذيك الليالي جلسه بها شرواك ماتجيب منقود = ياصاحب ٍ نغليك فوق الخيالي وانجيب ابوغانم وصاحبه ابو جود=واحمد رجا مخبور راع الكمالي ولافي ولد حامد إلى صار موجود = ويحضر معه اللي يناديك خالي وصاحبك ابو خالد به الطيب مشهود=ولاطيع فمساعد كلام ٍ يقالي مليت يافواز انا هجر وصدود= من صاحب ٍ عامين قاطع وصالي شخص ٍ هجر عنا ولااضنه يعود=اقفى وخلاني وحيد ٍ لحالي نبغى الطرب يحلى على ريشة العود=في جلسة ٍ تجمع قروم الرجالي |
ماجور ياسالم وماصار مكتوب = وامر ٍ مقدر مالكم فيه حيله واصبر على غلبك ليا صرت منكوب= لاواهني من كان ربه وكيله وانا اطلب اللي منشي الشهد من نوب= الواحد القهار مزبن دخيله اللي فرج كربه عن العبد أيوب = يفرج همومك بين يوم ٍ وليله ومن اتكل بالله ماهو بمغلوب= يلقى التوالي بالمسره تجيله وياعين لاتبكين من بعد محبوب = غير الدعا ياعين مالك وسيله قولي عسى الغالي عن النار محجوب = وعسى حسناته في ميزانه ثقيله ويحشر مع اللي فوقهم اخضر الثوب = والروح في جنات عدن ٍ نزيله وحسن ضن العبد بالرب مطلوب = لنه وعد في جابته من لجي له |
يوم الهنا والسعد ذا يومنـا غيـر = يوم الوطن نجم السعد في سماهـا بارض القداسه لاكنيسه ولا ديـر = ارض ٍ من التضليل ربـي حماهـا هيا افرحي يادولتي فالـك الخيـر = فرحة عروس ٍ تفتخر في بهاهـا وحنا على فرحك نبي نلعب الزيـر = ياديـرة ٍ بالقلـب زايـد غلاهـا لو تحسدك حساد ماتعطل السيـر = الخير ماشي واحتـرق ياحشاهـا حنا جذبنا العذب من جمـة البيـر = في ظـل حكـام ٍ تقـدر لحاهـا آل السعود اللي على غير تقصيـر = قادوا مسيرة مجد مابـه سواهـا من فارس ٍ ورث لهم خير تدبيـر = العـدل والحكمـه بكفـه هداهـا اسس لهم منهج علوم المناعيـر= اللي رسم دربـه وحـدد خطاهـا ومشيوا على دربه ويزيدون تطوير = والعلم عم الحاضره مـع قراهـا وحنا مع اهل العدل ناقف طوابيـر= من دونها ناقف ونمشـي معاهـا وانجدد البيعه من عصير لعصيـر= منا لبـو متعـب ونعلـن ولاهـا |
التناصح مرحمه من لدن رب ٍ رحيـم = ورحمة الله شجرة ٍ نستظـل بضلّهـا والنصيحه من ذهب من تجاهلها غشيم= وانا مادورتها غير مـن كفـو ٍ لهـا احمد الله سيرتي الكريم ابـن الكريـم = اعرف ادروب المراجل واعرف ادلّهـا حكمة الله حددت فوق كل عالم عليـم = من وهبه المعرفه غايته ياصـل لهـا وقتنا يابو بدر صار بافراحـه عقيـم = شاين ٍ يابـو بـدر بالخلايـق كلّهـا قلنا كيف العمل خابرك رجـل ٍ فهيـم = مرهفـات المعرفـه لاطلبتـك سلّهـا شوفني ياصاحبي فالهوى قلبي سقيـم = وش يداوي روح شخص ٍ تفارق خلّها ونتي ونيتهـا واسمعوهـا فالقصيـم = من ديار الاحمـدي والدمـوع اهلّهـا غدرة الايام صابت فـوادي بالصميـم = بعد ماهي جاتني من نفـوس اجلّهـا تستكن صدورها نار تاكـل فالهشيـم = كـل ضـر ٍ صابنـي مايبـرّد غلّهـا والمشاكل كلّها جات من يـم اللئيـم = بعد رتـب كذبتـه للعـرب وارسلّهـا والجهار ابو اربعه مايقابـل بالسليـم = انشد اهل الضومنه واللي يعرف دلّهـا ارفع ايديني دعا في دجا الليل العتيـم = اطلب اللي في يده عقدها مـع حلّهـا يالله انك تهدنا لصراط المستقيم = وكل نفس ٍ مذنبه منك يغفر زلّها والقصيده ختمها نطلب الرب الحليـم = الصلاه الوافيـه فـي نبيـك صلّهـا عد ماهب الهوى عد ماهـب النسيـم = وعد ماهل المطر فوق الارض وبلّهـا |
قررت عازم بعتـزل نظـم الاشعـار= واترك مجال الشعـر كلـة ولا جيـه لوكان حطولـي علـى البيـت دولار= جاوبـتـهـم مابيه..مابيه...مـابـيـه وصدفه وصلني منـه توبيـخ وانـذار= الصاحب اللي غاب عني وانـا ابغيـه اللي علـى شانـه تعلمـت الابحـار= ولاني بناظـم شعـر لوكنـت مغليـه يوم اتصلبي قال ويش صار ويش صار= تقطع رسايلكـم عـن اللـي مضريـه من كلمته حسيـت كنـي علـى نـار= من بعدها عزمـت انـا لازم ارضيـه غصب ٍعلي هونت عن كـل الاعـذار= تامـر علـى قلبـي واجاوبـك لبيـه رديتنـي للشعـر ياسيـد الاحــرار= وانقلت تنظـم قلـت ياصاحبـي ايـه ادفع على شانك علـى البيـت دولار= ولوكان بليـورو لـك البيـت نشريـه |
نويت ازور مسكـان ٍ لخلّـي = في ذاك الحي واسمه فيصليه على الرجلين ماشي من محلّي = قطعت دروب ليلـه سرمديـه وصلت البيت مابه من يهلّـي = وجيت اشيل حتفي في يديـه من الحرمان فارقت التسلّـي = اواجه ضيم وسهـوم المنيـه لهيب النار في كبدي من اللي = نوى الهجران ماسلّـم عليـه عليه أون ودموعـي تهلـي = بهي الوجه نفسـه عاطفيـه تتل القلـب والمعلـوق تلّـي = من البدوان ماهي بحضريـه حلفت الزين لو يسكن حولّـي = اجيـه وكنهـم فالفيصلـيـه |
سر ياقلم واكتب على خط كوفي = واشرح معاناة الشقي فوق قرطاس برسل على اللي شب ناره بجوفي = اللي ولا شفنا مثيله بالاجناس نبغى نحط انقاطها بالحروفي = ونبين الموضوع ياضبي الاطعاس عليك دمعي سال واصفق كفوفي = مدري متى اشوفك يابو قد مياس قلبي من الدنيا بعدكم عزوفي = واغليك ياعمري زياده على الناس غلا هل الدوحه لمحمود صوفي = ومنصور ابن مفتاح لافاز بالكاس |
ياجريح فراق كم مثلك جريح = منته اول من تعذب بالفراق قبلنا قالوا ملايين ٍ تصيح = حصلوا بالود سم ٍ مايطاق ياجريح الوقت ماشوفه مريح = دام فيه الحسد مخلوط بنفاق والحسد مايحمله غير القبيح = دايما ً هادف على بعد الرفاق حيلته بالغدر مايمشي صريح = عاشق الحيله وعانقها عناق ياجريح الكل بسقامه طريح = دمعته تجري ويتبعها شهاق اسمع الكلمه من لسان ٍ فصيح = والصراحه منها يجلا الخناق انتبه للود لو شفته مليح = من يقول ان الهوى عذب المذاق |
ياجريح فراق كم مثلك جريح = منته اول من تعذب بالفراق قبلنا قالوا ملايين ٍ تصيح = حصلوا بالود سم ٍ مايطاق ياجريح الوقت ماشوفه مريح = دام فيه الحسد مخلوط بنفاق والحسد مايحمله غير القبيح = دايما ً هادف على بعد الرفاق حيلته بالغدر مايمشي صريح = عاشق الحيله وعانقها عناق ياجريح الكل بسقامه طريح = دمعته تجري ويتبعها شهاق اسمع الكلمه من لسان ٍ صريح = والصراحه منها يجلا الخناق انتبه للود لو شفته مليح = من يقول ان الهوى عذب المذاق |
يابو سامي علامك ماترد الجواب = وأنت شاعر كبار القوم تثني عليه وان خطينا بحقك ياعزيز الجناب = عفوكم ياصديقي مقصد ٍ نرتجيه والبنادم فعوله بين دنب وثواب = والقدر مايجيلك كيف منته تبيه ياندا قاف شعرك بالقصايد مهاب = وانت رجل الجزاله خاتم ٍ في يديه ياندا دوك قلبي فالمحبه مصاب = والاجابه صعيبه بين كلا و ليه بعد لنه وصلكم علمنا بالكتاب = كان ضقتوا علينا سامحونا يابيه |
صدمه وصابت كنها رمي بلجيك= جتني على غفله بلا سابق انذار مسكين ياقلبي زمانك معنيك= صدقت من قالوا على الوقت غدار ياوقت ياغدار مالي رجا فيك= اسقيت زرع الصبر مابان بثمار والحال يامضحي لها عام تبكيك= ضايق علي الكون مع ضيقت الدار عن حالتي لابد الاجواد تنبيك= صار السلا عندي تفكر وتذكار يالصاحب اللي لادعي قال لبيك= افزع لقلب ٍ يحرقه واهج النار ارسله العدوان فيروس تفكيك= خلا علاقات المحبين تنهار وضعه من الوجدان ماضن يرضيك= سيطر عليه الحزن غارات وحصار والعاذل المغبون من عيشتي ذيك= اليوم يضحك شامت بكل ماصار عسى حياتك ياعضيدي تهنيك= وتعيش فالدنيا بلا ضيق واعسار والحاسد اللي بالمضرات ينويك= يلقى غبينه وين ماوجهه وسار هذا جوابٍ جاك من شخص ناصيك= وارضي فؤاد اللي عليه الزمن جار لجلي اعدك شيك مافيه تشكيك= نصرفه باليورو ثلاثين مليار |
تنشد عن احوالي وانا اقول لك زين= لايخدعك تزييف بسمة شفاتي شوف ويش سوى فراق المحبين= خلا الاسى ابرز معالم صفاتي اللي معي كانوا من اول موالين= اليوم خلوني وحيد ٍ بذاتي والقلب يشكي من بلا حرقة البين= وذيك السعاده اصبحت ذكرياتي مطعون في سيف ٍ شطير ٍ بحدين= الله يكافي من سعى في شتاتي اللي جرحني جرح باقي من سنين= فارقت بسبابه لذيذ المباتي جرح الهوى ماحصلوله مداوين= جرح ٍ يأدي لاسطى بالمماتي ياعين يكفي من البكى لاتهلين= الدمع ماينفعك بعد الفواتي الياس سيطر وايضا ً ازداد تمكين= ماعاد في قلبي رجا بالحياتي لاقول متشائم ولا تقول مسكين= هذي حقيقة واقعي ياغناتي |
لو كان قلبي بالهوى ذايب ٍ ذوب = وحبه لقا بالروح ولف ٍ واخاها قررت عن وصله وعن وده اتوب = الصاحب اللي عطوته ماصخاها وانا عطيته بالهوى كل مطلوب = لن العرب تفزع لمنهو نخاها والجمله اللي جات له وسط مكتوب = عيا يميز بين حاها وخاها ياقلب زيد الصبر لو كنت مغلوب = وكل شطة ٍ ياتي بعدها رخاها |
العلم مني يابن غيدان مشروح = يامزن غيث و يعجب الناس رعدك حيثك من اللي مسكنه داخل الروح = واليا طابني قلت له جاك سعدك كيف العمل لو فارقك ولف مملوح = وشفته يوالف بالهوى شخص بعدك انته تعديها ولو كنت مجروح = ولا تعاقب من تهاون بوعدك |
وانتم هل الفزعات مافيكم العيب = وخيولكم دايم بالاعدا مغيره عدوكم سمّتوه بالهم والشيب = وينوح من همه وعينه سهيره |
شيعت ماضي حبنا عشت بحداد= عزيت نفسي مارضيت المهونه وغديت انا والنفس بصراع الانداد= تاخذني برغبه واخذها بصونه على الذي ممنوح من يم الاجداد= ثروة جمال ٍ نادره وسط كونه غرو ٍ ربطني فيه إعجاب ووداد= متقن ماقامات الدلع مع فنونه حبه غزا غزو التحالف لبغداد= ويطلق صواريخ الفتن من عيونه ناره بقلبي كنها نار حداد= من يجرحه حبه خطر يدفنونه واونس بعد فرقاه بالصدر قداد= ولاحدني بعد المسافات دونه عني يحدونه اهل باس وشداد= عصابة ٍ من شوفتي يحرمونه |
مني تحيه وافيه مابها قصور = تحمل عبير الورد في محتواها للشاعر اللي يازن الشعر فبحور= يعجز يجاري ردها من وحاها بحضور قايدنا بطيبه قبل دور= له وقفة ٍ بالشعر كلاً طراها هو شاعر الميقاف لاقام مخبور= تهز المنابر جزلته لاقراها هذاك ابو متعب على سر وجهور= محبته بالقلب زايد غلاها لو صفوا الشعار بالفين طابور= ابيات شعره ينعرف مبتداها مذكور بالجزله بالاعلام مشهور= كم من قناة ٍ بثته في فضاها نجمه بدا بين النجم ساطع النور= فاق النجوم الساطعه في سماها عسى عدوّه فاله يموت مقهور= دونه قبيله تحتمي من نصاها زيد النظم يااحمد لك اليوم جمهور= جديد شعرك دوم غاية مناها عساك تبقى بالمحافل لك حضور= الناس في طلتك يسعد لقاها ارض الخليج تزيد في شخصك فخور= يالاحمدي هقوتك مبعد مداها خذها نصيحه تنفع سنين ودهور= من واحدٍ لاقال كلمه حماها لاتلتفت له راعي الزور محقور= لن الحسد علّه صعيبٍ دواها والتجربه تغنيك عن طب دكتور= والناس لايزعلك كثرة لغاها مني عطيتك كلمة الحق والشور= صمتك عن الجهال يسوى هجاها وصلي على اللي جاك بالخير مامور= عداد سكّان المدن مع قراها |
قلبي من الحرمان في نبضته حزن = كنه وتر جاوب بريشة عبادي يشكي هموم ٍ فاقت الطن بالوزن = والصبر طال وفاق حده وزادي يالله يامجري لنا الريح بالمزن= يامهلك ألأيكه وتبّع وعادي طالبك شاعر جاب قافه على أزن = افرج همومه وانت قادر وهادي |
ربعي هل الوقفات كسابة الطيب = بفعالهم صاروا علم بالجزيره اهل الكرم ومكملين المواجيب = من دون ناصيهم سيوف ٍ شطيره مايسكنون ألا بروس المراقيب = اهل الديار الشامخه والمنيره عدوهم تبقى جروحه معاطيب = يقفي وفي قلبه من القوم ذيره لو كان في صفه بن عباد وكليب = يسقى حميم الموت من جم بيره اهل الفعل ومروضين الاصاعيب = فالموقف اللي فيه قدح الضخيره يامزبن المختاف وقت الاطاليب = بني حمد ياطيبكم من عشيره |
سقم الهوى مايكتشف بالتحاليل= واحتار فعلاجه جميع الاطبا يصعب كفاحه بالأبر والمحاليل= حتى ولو زرنا مشافي اوربا عسى عوضنا بالليال المقابيل= حنا قنعنا من فراق الأحبا ياللي هويت الحب كله غرابيل= ريح المأسي في حياتك تهبا ترمي فؤادك بالعنى والبهاذيل= وتعيش روحك وضع مايستتبا وتعيش فالدنيا بليا محاصيل= في عالم الأحزان مجبر تنبا قبلك ترى قيس انذكر بالهماليل= والياس طفل ٍ في ضميره تربا خذ مني الموجز وخل التفاصيل= خذها من اللي شاب وهو تو شبا اهل الهوى اجساد مثل التماثيل= رغباتهم صعبه وصعب ٍ تلبا |
اكتم حنيني واحبس الشوق بسكات=حاولت اداري مير عينـي تعلـم بسمات في وجهي وفالقلب دكات= نيرانها تضوي في ليلـن مضلـم من اللي هجرنا كله اسباب شكات= وعز الله ان البعد شي ٍ يـأ للـم صن واخذته على غيـر إكـات= خسرتنـي فـي لعبتـي يامعلـم من بعد قرب ٍ كان ما فيه فكـات= ماعـاد يالافـي علينـا يسـلـم والحال مني راح بسكوت كتكات=وانقلت كلم قلت انـا ميـن اكلـم |
شعري منزّه عن غثا الشتم والزور = مالي هدف ياغير كسب الجزيله فيه طبيعه ماعرف الفّ وادور = والغدر ماجيبه ولا مشي بحيله وضح النقا ماشي كما شعة النور = واعز نفسي وافتخر بالقبيله حنا عيال اكرام والصيت مشهور = نصخي عطانا مانمد القليله سلام ياعيسى على الطيب مذكور = ياصلك مني ياعشير الفضيله من بعدها بشرح لك العلم مجبور = وانته ولد رجعان حامي دخيله لك صاحب ٍ بالود مبلي ومقهور = نجم السما عني تحجبه مخيله اللهم يغزيني وانا قوله غور = لهجة اهل النيل ترعى الحسيله واليوم ياعيسى لنا سته شهور = ننطر خبر من يم نافل جديله سافر وخلّى القلب يصلا بتنور = واجر وناتي ثلاثين ليله لو ابتسم ياخوك ماني بمسرور = اخفي ورى البسمه هموم ٍ ثقيله من خوف يشمت بي من الناس خنفور = يفرح الى من شاف عيني مسيله كتبت لك خطي ترى الوضع مخطور = ومن لا عرف مثلك عليه الفشيله |
الساعة الآن 01:19 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir