المختلف=
سلام فيه الوفا ضافي = للي في علم الوفا وافين
جيت اتذوق عسل صافي = في ملتقى العز والتمكين
وليف الطير=
يامرحبا والسعد لافي = حياك ربي فنون العين
انت عسل والعسل شافي=ياللي عزفت اللحن تلحين
سالم البشري=
ترحيب وافي فميقافي=تقدير تثمين للافين
ضافي للاعيان ينشافي=فالملتقى اهلين بالغالين
فريج أبومديده الجدعاني=
ترحيب طيب و متعافي = للي في درب الوفا ماشين
جيتم على منهج اسلافي = و منزالكم في حجاج العين

)

كل ماغفى للمعنّى طرف = وارتاح جسمه فمرقاده
عليْه يطري من اسمك حرف = ويرجع كما كان فسهاده

المختلف=
بسألك من واقع الخبره = وقبله سلامي لكم زافات
هل يحصل الحب من نظره ؟ = ولاّ المحبه بعد نظرات ؟
أسير الغرام=
سؤال عشرة على عشرة=يا مرحبا وابرك الساعات
الحب ما تشمله كسرة=بالشرح وتحدده أبيات
لكن تدري ؟ على فكرة=أبختصر مجمل الجابات
فالحب ما للملا دبرة=يأتي كذا.. أو كذا مرات
ويقال : يحصل بلا كثرة = بالسمع قبل النظر حزات
وان خالط الهمس للشفرة=من النظر للقلوب آهات

المختلف=
ظلّى الهوى يستميل قلوب = كانت عن الود في عنايه
حتى جذبها معه باسلوب = ساحر وجذاب للغايه
أسير الغرام=
القلب يا مضعفه مغلوب=ضد الهوى ما له وقاية
إن كان عند الهوى مطلوب=سلاح طرفه له كفاية

أشعر حديث السفر راقك = وعلى عجل تجمع الاوراق
مدري كذا تعلن فراقك ؟= ولاّ الهدف تلهب الاشواق ؟

نفسي عزيزه

(
)
(
)
(

ماكل موقف يوافقها = نفسي لها فالمعالي سبوح
واذا بدا مايضايقها = ماارضى عليها اسى وشحوح

أقولها لك واحماها = القلب ملكك ويهنالك
ومن قبله الروح برضاها = فدوى عيونك وتبقالك

نصيحـــــــــــــــــــــــــــــــــــــــــــــه

)
(
)
(
)
(
)
(

لاتشري الشين لو يشريك = ولا ترغب فيوم مجلاسه
راع الأدب بالأدب يثريك = خَلّك نديمه وجَلاّسُه

لجلي عليْه السفر صامل = وحتى عليْ لا احد يشره
عندي اجازه شهر كامل = تاريخها يبتدي بكره

المختلف=
أشرف على المنظر الفتان = الليل والنيل والقمرا
وعلى ضفاف النهر غزلان = مرباعها قلوبنا الخضرا
سالم البشري=
وصّفت يالمختلف باتقان=المنظر اللي علي اطرا
ومادام جنبك غصين البان=بلغ سلام الذي يقرا

تبغى تعيش الحياة انسان = مفعم بالاحساس والطيبه ؟
إبعد عن مثلّث الاحزان = الشك والزيف والغيبه

لو الغلا من فؤادك راح = واطفى وله لي فعيونك
لأصنع من الذكريات وشاح = اتقلده واخلف ضنونك

المختلف=
خلّيه لاحارت شفاتك = يحكي حديث الغرام الطرف
ويكون للود مرسالك = يترجم شعورك لهم بالحرف
الـصامـت=
يالمختلف ما أروع أبياتك = دايم وهي تفوق الوصف
الله ينولك رغباتك = وتبقى كذا دوم أول صف

المختلف=
من اجل عينه هجرت عيون = أهدابها ظلّها وارف
خوفي على قلبي المفتون = يندم على عشقه الجارف
الكاشف=
مادام عينه عليك تمون = والقلب للقلب متوالف
عيش الغرام الذي مجنون = لو صرت طول العمر خارف

لا لفّنا الليل بسكونه = ونامت عيونه خلي الهم
تطري على الخاطر حزونه = وتذرف عيون المعنى دم

افرح اذا جيت فالميعاد = واحزن اذا فات ميعادك
لجل المسافات والابعاد = تذوب في سكة ودادك

المختلف=
ماتدري ان الغياب يضير؟ = ياموقف الوقت بغيابك
ارجع وخلي الحياه تسير = لانا ولاالوقت نسخابك
أسير الغرام=
جميل هذا لو انه يصير=ما يضيّع الود ما نابك
لو غاب يحصل منه تجيير=ما فات يضيفه على حسابك
..............=
إن كان ما للزمن تأثير=أو إنه يكون حرّابك
وما له في طي العمر تدبير=وتوقف مع وقوفه ركابك
..............=
يمكن كذا للأمر تبرير=تحسب حسابك على ما بك
وبخلاف هذا لك التحذير=لو أوقف الوقت ينحى بك
ويضيع نصف العمر تبذير=ويصيب ودك كما صابك
ما يفيد فاللي حصل تغيير=والوقت ما يقبل عتابك
...........=
مطلبك لا تكتبه تحرير= إن شفت لك ود يرضى بك
قبل قرارك لك التفكير=وخذ النصيحة من أصحابك

ياما حكى عن هجير الصد = اللي انكوى فيه قدامي
واللي انا فيه ماينعد = لو باكتبه يدمي اقلامي

إسترسل الطرف في شوفُه = منظر وحتّم عليه يجــــول
لكن تملّك منه خوفُه = لمّا اختفى المنظر المجهول

المختلف=
من بين زحمة ظروفي جيت = أتبع هوى رغبة اشواقي
مع فارق الوقت والتوقيت =عن ماضي العمر والباقي
علي عيد البشري=
يامرحبابك بعد هليت = ترحيب من داخل اعماقي
باقي مكانك ولو ابطيت = لابد للشمس مشراقي

(
)
(
)

الطرف مامل منظرهم = جعل لهم فالفكر صوره
رغم انه القلب هجّرهم = وعنهم مراسيه محظوره

جاني خبر رغبته يبعد =عن ناظري ولهفة اشواقي
ولمّا لقيته على الموعِد = كذّب خبر رغبة فراقي

=الـــــــــمـــــــــخـــــــــتـــــــــلــــــــــف
مابين طرفـي وشوقـي وِلـف =والــقــلــب عـــيّــــا يـوالــفــهــم
يـبـغـى بـيــدّه قـــرار الـحـلــف =حـــتـــى بـــأمــــره يـصــرّفــهــم
=ابـــــوســـــالـــــم الـــــــرحــــــــال
لاتـدور مـن حولـهـم وتْـلِـف =واجـــبــــك لازم تـنـاصــفــهــم
مايوافق القلب منهو صلْف =لـجـلــه يـعـانــي مـصـالـفـهـم
=الـــــــــمـــــــــخـــــــــتـــــــــلــــــــــف
ماني معك صاف فالموقـف =لو يضعف القلـب يِضعِفهـم
وين التقي لحالهـم منصِـف =لااخْلـف عليهـم مواقفـهـم ؟
=ابـــــوســـــالـــــم الـــــــرحــــــــال
لاتـخـالــف الــــراى وتــولـــف =وانــتـــه حـبـايـبــك عـارفــهــم
الـقــلــب مــســـؤل ومــكــلــف =مـافــيــه غـــيـــره يـعـاطـفـهــم
=الـــــــــمـــــــــخـــــــــتـــــــــلــــــــــف
لاتنـصّـب الـقـلـب وتـجــازِف =مـخـطـور يُـفـتـن ويكشـفـهـم
ومن نصّب العقل مايخالِف =رجـوحُــه يـــداري عـواطـفـهـم
=ابوسالم الرحال
بلا قلب نبض العقل تالف = خــلـــك مــعـــه لاتـحـالـفـهـم
من خوف لاتكتب مخالـف = ويـلـومـك الـلــى مخـالـفـهـم
= المختلف
ماقلت عن حلفهم حالِف = لاشـــــك بُــعـــدُه يـكـلّـفـهـم
القلب من طبعه ملاطِـف = وابـغـى بلطـفـه يلاطـفـهـم
= ابوسالم الرحال
مـــن لايـوالــف مـــا يـنـوالـف = وعـــــزازك احـــــذر تـنـاكـفـهـم
جاك الحكم نص من عارف = ينـصـف جانـابـك وينصفـهـم
= وياصحابنا سامحونا

كنا على شاطىء العشاق = نمشي والاحباب سهرانين
جانا نديم الغرام وساق = كاس الهوى ... قلت رويانين

يوعدني القلب يتحرّر = يداوي جروحه وينساهم
لكن الى الآن ماقرّر = لا زال عايش بذكراهم

يامطمّعك غيظه المكظوم = حتى تجاوزت لحدودك
لاتظن صبره عليك يدوم = نهايته آخر وجودك

= المشتكى ( مسافر لبعيد )
سـلام عـبـر الاثـيـر زلال = اقريـه مـع كـامـل بـنـوده
للطيـب اللـي اكيـد يـقـال = مكسوب طيبه من جدوده
= الرد ( ابوفياض )
ترحيب مع فايق الاجلال = متـجـاوز الـنـت وحـــدوده
للمحترم من جدود وخال = ويـؤكــد الـقــول مــــوروده
= الرد
هذا العشم فيـك دون اجـدال = منـك الوفـا يـثـري وجــوده
وان كـان ماعندكـم اشـكـال = بأبدا المثل واحتري ردوده
= الرد
ماستغرب الطيب من عقال = وانـت الـوفـاء قــدوة عــدوده
تمـون مهمـا يـكـون الـحـال = تسـمـع صــدى رد مـنـشـوده
= الرد
اللي مضى في صفا وإقبال = نسمه وقمـرا مـن اشهـوده
والآن لـيـل المـعـنـا طـــال = ولاشـي أمـل للجـلا يقـوده
=الرد
الوضع يطرح عليـك سـؤال = فــي ذات كـنــه ومـقـصـوده
لجل ايش حال المعنا مال = لو ماسبـب اخلـف عهـوده
= الرد
صامد على عزته ماحـال = واللي سبب قوة اصموده
قفـوا ومنـه بقـي مــازال = مضيـع الغـيـر مجـهـوده
=الرد
إن كان مايعترف بمحـال = ولا زال عـاشـق لـمــودوده
مايضيع لو حاول العذال = لابــد يـخــرج مـــن قـيــوده
= وياصحابنا سامحونا

يوم انبنى للسعاده صرح = وصب الهوى كاس واسقاهم
في ظلمة الليل صوت الجرح = نادى عليهم وصحاهم