تدرين وش قصة حياتي من سنين = مشكله من غث الأيام تشكيل
تراكمت ولشرحها كيف تقوين = عنوانها يكفيك دون التفاصيل
بيتي حزن وثيابي الهم والعين=شابت من اللي شافته من تهاويل
دربي ألم مدري أنا متجه وين =احاول أرقى مير حظي بي يميل
سماي تمطر بالآسى صار لي حين=وتسيل بجروح الزمن داخلي سيل
أروي ظما كبدي وحاليه مُرين = وزادي هموم الوقت بالزايد تكيل
أنورّ الظلمة شموع وقناديل = "ظلمة" 00 تولعها زنود البهاذيل
أظن ماقلته كفاية وكافين = حروف من دمي لحنها مواويل
تدرين هذا من حياتي عناوين = اخاف لو كملت ينهد بك حيل
عنوانها عندك ولو زدت تبكين = اغليك ماودي دموعك هماليل
يكفي ومايخفى مع الوقت بيبين = تكشف لك الأيام من دون تكميل

المشاركة الأصلية كتبت بواسطة سعودية (المشاركة 841965) الله قصيده رائعه صح لسانك استاذ بخيتان البشري قصيده رووعه داام لنا تالقك احترااامي

المشاركة الأصلية كتبت بواسطة بخيتان البشري (المشاركة 841766) تدرين وش قصة حياتي من سنين = مشكله من غث الأيام تشكيل تراكمت ولشرحها كيف تقوين = عنوانها يكفيك دون التفاصيل بيتي حزن وثيابي الهم والعين=شابت من اللي شافته من تهاويل دربي ألم مدري أنا متجه وين =احاول أرقى مير حظي بي يميل سماي تمطر بالآسى صار لي حين=وتسيل بجروح الزمن داخلي سيل أروي ظما كبدي وحاليه مُرين = وزادي هموم الوقت بالزايد تكيل أنورّ الظلمة شموع وقناديل = "ظلمة" 00 تولعها زنود البهاذيل أظن ماقلته كفاية وكافين = حروف من دمي لحنها مواويل تدرين هذا من حياتي عناوين = اخاف لو كملت ينهد بك حيل عنوانها عندك ولو زدت تبكين = اغليك ماودي دموعك هماليل يكفي ومايخفى مع الوقت بيبين = تكشف لك الأيام من دون تكميل

هاذي شهادة ولد جمران =من صدق ماهو بمتحيز
في كل ماقلت يابخيتان= جزل ومبدع ومتميز