سر ياقلم واكتب على عذب الاوزان=من هاجس(ن) طوع بيوته طواعه
مايقطف الا الورد من كل بستان=ويقدمه للي يريد أنتفاعه
يعطي تجارب نافعه عبر الازمان=والمرء معرفته بحجم أطلاعه
والمعرفه ماتباع في وسط دكان=ولاحد(ن) رضعها من صغرته رضاعه
من لاخذا الدنيا بتفكير وإمعان=ماحاز منها شربة(ن) في ذراعه
بالعلم والتفكير ياعلو الانسان=وبكثر مايجهل يقل أرتفاعه
ووصيك ياللي للعلا دوم عشقان=وعندك لعلم الطيب حب ولاعه
لاتنهج ألا نهج سنه وقران=ونبينا أضفر بحسن أتباعه
قدوه لنا حسنه بحجه وبرهان=وشفيعنا لاجا نهار الشفاعه
كل من مشى بهداه ماهو بخسران=شرى السعد والخير والشر باعه
بسنته أوصيك ياذرف الايمان=والزم طباع اللي تنومس طباعه
أدرى على ربعك واهلك والاخوان=وازرع ثمار الطيب فيهم زراعه
والجار لاتنساه لوكان ماكان=كمل مواجيبه وداره وراعه
ورحب ليا جولك من الناس ضيفان=الضيف تكريمه عباده وطاعه
واصحى تصاحب كل كاذب وخوان=ولاتستمع فمروجين الاشاعه
كم فرقو مابين ربع(ن) وحيان=وسوو مشاكل مانحصل فراعه
والناس عاملها بلطف(ن) وباحسان=وخلك طموح وخل عندك قناعه
وإن كنت متعافي طيب وبامان=غيرك مشرد في ديار المجاعه
ولاتدعي في الناس ظلم(ن)وبهتان=ترى البصل والثوم أردى بضاعه
وإن كان جاك الجور لاتكون جابان=في واجبك لاتقبل الانهزاعه
ويهون لامن جاك من ناس عدوان=كل الدروب اللي تباها وساعه
مار البلا لاجاك من ناس صدقان=يوجع وياملا خطيره وجاعه
لكن ليابليت بسليط لسان=مايجوز عن درب الخطا والتياعه
رجل(ن) على ربعه منغص وفتان=يسعى لتفريق الشمل والقطاعه
يخطي عليك ولاحسبلك بحسبان=وانته موفي فوق مده وصاعه
شرف عليه إن كان للرجل شيبان=وإن كان ماله أتركه في ضياعه
حاول تجنب عنه بقدر الامكان=حاول تحمل دام فيك استطاعه
أكظم على غيضك ولو كنت غضبان=حدمان بات ولامفرق جماعه
يكفيك في ردعه بعيدين قشران=راع الطباعه مايسيب طباعه
أما تجيله قمعة(ن) بين الاعيان=ولاتجيله قمعة(ن) في خناعه
أما أعتدل منها وصلحله الشان=ولالقي جزاه راع اللكاعه
الصبر والله طيب بكل الاحيان=راع الصبر ماجور في كل ساعه
عند المصايب يحسب الصبر إيمان=وصبرك على زلة رفيقك شجاعه