محمد العجي=
يامرحبا بالحاضرين اللي يسرون الصدور=امن الكويت ومن قطر واللي من ارض المملكه
بعض المواقف تجبر الرجال ولا هو بمعذور=وانت قطري من لاد مره ولاد مره محنكه
المري=
عسى البقا بالطيبين ولا على الطيب قصور=واللي يجنـّـب عن طريق الخير مافيه بركه
حنـّـا بنينا في ديرنا ثمّ علـّـينا القصور=والجاهل الكذّاب حطـّـه يامحمـّـد فشركه
محمد العجي=
تستاهلون الطيب والايام يالمري تدور=واللي يريد الخير غير الخير دربه ماسلكه
والنعم في كل القبايل والدرر وسط البحور=يالله عساك اللي ليامن شال حمله ما اهلكه
المري=
الله يبارك فيك وانته رجل طيـّـب ومخبور=منته سواة الاجرب اللي مايكبّ الحكحكه
والنعم في كل القبايل والنصايب للقبور=لكنّ درب والظلم والفسق اتركه
محمد العجي=
يالاجودي حنا رجال وناقفن قدم النحور=والاجرب اللي واجهك في ديرتك رح واشبكه
ابليس يالمري براسك لا يسويله جسور=لكن ابا اعلمك ما قلت الكلام ولا ادركه
المري=
انتم رجال طيبين اشهد لكم من دون زور=ومحمد الليله مشى له في دروب مشوّكه
امـّـا تعشيت السمك ولا تخزنه للفطور=مار الجمل نسمع هديره لو برك في مبركه
محمد العجي=
الشكر لله غيره ماله عندنا شخصٍ شكور=والدرب هين والهبوب الراس لي ماتحركه
انت عشايا يا اجودي وان ماتعشيتك سحور=وخشيمك اللي به عرام ابشر بمنهو يفركه
المري=
ان طعتني ياطير لاتقرب مخاليب الصقور=خلك تطيـّـر فالسما (ف)العيص ولا مدركه
اليا كليت السم راحت فوقك الدنيا دبور=مرحوم يامحمد عساك تروح مرواح سمكه