حسيبك الله ياضبي النفودي=خليتني بين الرجاء القطيعه
ماباقن إلا هيكل الجسم عودي=والحال ضلن قام يدني مريعه
تحدني وأنا عليك أمحدودي=حد المحص على الشروس المطيعه
مثل الفحيم اللي ترقا السنودي=ياروح من ضاقت عليه الوسيعه
صوبت قلبي يامليح الخدودي=وأنته هوى بالي وقلبي ربيعه
عليك ياغضه تقافا وجودي=ياللي من العسرات خلق الطبيعه
كويت قلبي كي عرض وعمودي=واشتلت حملن باهضن ماستطيعه
وعرضتني من كايد الكود كودي=وزرعن زرعته ماتخلفت ريعه
واسهرتني يوم الخلايق رقودي=من ليل ماشوف الثواني سريعه
وقامت تردا الحال عيت تزودي=ومن مابقلبي من صوايب وجيعه
عود علي أو خل قلبي يعودي=وطلق منيعك يامعذب منيعه