شفت لي في الملتقى ريَس عصابه = وايتجسس فالديَر صبح وعشيه
يحسب انه ماعلى راسه رقابه = ما درى انه في ديار اهل الحميه
خذ كلام الجحدلي واسمع جوابه = في مجالس ما تخالطها الرديه
كلهم فالراس من عز القرابه = ومن عوايدنا ترى دمح الخطيه
لاحت ابروق السعد سد السحابه = عقب كانت بين شمس وبين فيه
العرب يالجحدلي لا ما تشابه = لاتقول الحر يشبهه للحديه
عارفين السيف حده من نصابه = والمعاني واضحه ليه جليه
إن بغيت الذيب بتجيلك ذيابه =ما تها ب ولا تخاف من المنيه
انت ضيَعت القرايه والكتابه = والنتيجه لاهذيك ولاهذيه
من كسر للذيب ضرسه قبل نابه = قولها لاهنت والذمه بريه
ملعبتنا لايصادفها رتابه = خلها قدام عيني نار حيه
سوق لي يالشيخ لحنك بالربابه = والنواقض لا توردها عليه
الليالي بين ميله وانقلابه = وانت لك ياصاحبي عشرين نيه
دوك فنجالن يعالجكم شرابه = كان تبغى الكيف جتك الشاذليه
في طريق الحق نمشي في ركابه = ومن وفاي أمد لك يمنى يديه
احتسبها عند ما يضيَع حسابه = مدركين العلم والدنيا فنيه