بخيتان =
صباح له فالوجود وجود = وبجود الاجواد لك جوده
يتنفسك حرفه المحدود = وتبقى معه داخل حدوده
المستشار =
صباح عطره زهر و ورود = زادو معه من دهن عوده
ياصل لكم يامقر الجود = يمعرب الخال وجدوده
بخيتان =
زوّد على حيلي المهدود = من قسوة الوقت وزهوده
وضيع لي الجهد والمجهود = احترت فأمره ومقصوده
المستشار =
من قبل لاتثور البارود = اشرح لنا خافي سدوده
ايش القضية مع المقصود = يامخايل البرق ورعوده
بخيتان =
خلك معي واتبع المسرود = جتك الحسابات معدوده
ماهي طبيعه ابيح سدود = اترك مسارات مسدوده
المستشار =
انتا تبيها بدون قيود = كل المسارات ممدوده
عطني اشارات ما ابغى زوّد = حتى نحلل لك عقوده
بخيتان =
للمدعي بينة وشهود = وفي حال ما حضّر شهوده
وش قلت في ناحل العنقود = للي شكى جور عنقوده
المستشار =
يستوجب الحكم فالمعدود = توضيح مايثبت بنوده
لو كان فيها وعد وعهود = يستلزمه يوفي عهوده
بخيتان =
فالزمرة الطيبة معهود = ولا انكر معي طيب مردوده
بس العواذل عليه حشود = والخوف لو كثرو حشوده
المستشار =
كان البنا بينكم مشيود = وسيسانكم فيه مشيوده
لاتخاف مايجيك منه لهود = خل الحسابات مجروده

المشاركة الأصلية كتبت بواسطة فهد احمد اليوبي (المشاركة 1239611) صح لسانك اخي ابو محمد وبيض الله وجهك

المشاركة الأصلية كتبت بواسطة وليف الشوق (المشاركة 1239614) ياســــــــــــلاااام ياســـــــــــــلاااام صحت السنتكم مليووون وبيض الله وجيهكم محاوره في قمة الابداع والروعه ومن اجمل ماقراءت دمتم على العز والتقدير