التكبر يا روح الروح قالو حرام=كيف قلبك يطيعك يوم تتكبرا
ليه ترمي فؤادي في عتي السهام؟=وانت لك المودة صعب تتصورا
ماخبرٍنا مودٍ بين شرقٍ وشام=يجرح القلب ولفه غير من لادرا
وانت ودك تخبره واخذٍ به وسام=فيه ختم المودة مثل ختم أومرا
سهرٍ طرف عيني وانت طرفك ينام=وش يجيب اللي امرح عند منهو سرا
ودي اللي رفعته يم حد الغمام=مبعدٍ عن عيون الحسد واللي زرا
بس لجلك قرب وهداك غصن السلام=ولك قرا خط قبلك ماحدٍ له قرا
نقش خطه بزرفه مثل نقش الوشام=فوق خدٍ بياضه للعيون اجهرا
وانت تفهم شعوري فوق هذا الكلام=انك انت الوحيد وغيركم مُنذرا
صدق اني اشوف الخلق غيرك عدام=مو تكبر ولكن شيء ماقد طرا
اتجاهل وجود الناس زود احترام=للمودة و ودٍ عالي المنبارا
عطْر الحرف منه مثل عطر الخزام=بين صفحات شعري عطرها ينشرا
ياسلامي عليك بكل لحظة سلام=عد مالح بارق في مخيل امطرا
وانت يالي قريت الحرف كف الملام=الموده نصيب وشيءٍ مقدرا

المشاركة الأصلية كتبت بواسطة رابح الجحدلي (المشاركة 1122614) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 1122634) الشاعره/ الكحيله صح الله لسانك قصيده معبره تحياتي وتقديري

المشاركة الأصلية كتبت بواسطة مساعد الجليدي (المشاركة 1122867) الله الله ودي الـلــي رفـعـتـه يــــم حــــد الـغـمــام مــــبـعـدٍ عــن عـيـون الحـسـد والـلـي زرا بس لجلك قرب وهداك غصـن السـلام ولــك قــرا خــط قـبـلـك مـاحــدٍ لـــه قـــرا نقش خطه بزرفه مثـل نقـش الوشـام فـــوق خـــدٍ بـيـاضـه لـلـعـيـون اجــهــرا وانت تفهم شعـوري فـوق هـذا الكـلام انـــك انــــت الـوحـيــد وغـيـركــم مُــنــذرا صدق اني اشوف الخلق غيرك عـدام مــو تـكـبـر ولـكــن شـــيء مـاقــد طـــرا نص رااااااايع جدّاً دمتي بهذ التميّز ياالكحيله لك اجمل التحايا