سلك العلاقــه بيننا صار مجروح
العام باب العز والقدر مفتوح = مشرع ٍفي ليل وإلا صباحي لاجل الصداقة بيننا تجي وتروح = عليك من حسن الصداقه وشاحي حيثك عزيز ولا بدا منك منضوح = شئ يغير فكرتي و ارتياحي صديقنا نفداه بالمال والروح = ونصير بالشدات درع ٍ سلاحي ناقف معه لين ازمة ضروفه تروح = حتى يبدل ضيقته بأنشراحي بجهودنا عنه اكثر الحمل مطروح = نشيل حمله لا تعثر وطاحي وإن صار له في درب الأخطار ساموح = نقوم وندله طريق الصلاحي وانت الذي صداقتك مالها روح = طارت علومك مع هبوب الرياحي وين الكلام اللي كتبته على اللوح = رمز الصداقة والوفاء والتضاحي صداقتك بالمصلحه ريحها يفوح = بانت عيوبك من جميع النواحي من اول ٍ لجاء الخطاء منك مسموح = والسر مابيني وبينك مباحي واليوم بعد ان الخطاء صار مفضوح = غيرت رايي واتخذت اقتراحي ترى الخطاء مابيننا ماهو مدموح = احذر وخلك للمقابيل صاحي وجير صداقتنا على كل سلتوح = سلتوح . وإلا من طيور الفلاحي الحاصل انّا مالنا فيك مصلوح = يا مساوي يدين الكرم بالشحاحي سلك العلاقة بيننا صار مجروح = خطير قطعه بين ليل وصباحي نداء الغيداني |
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداعك وحيد الجزيرة |
صح الله لسانك
ولاهنت وسلم فكرك وبنانك دمت برعاية الله وحفظة |
|
, , , صح لسانك وعلا شانك والله يعطيك العافيه على القصيده الجزله بيض الله وجهك مع التحيه |
رقي حروفك تعدى وصف الخيال
صح الله لسانك ..ولاهنت تقبل مروري واحترامي وتقديري |
صح لسانك ..
.. أسجل اعجابي بالقصيدة .. ويعطيك العافيه .. |
صح لسانك يانداء
خيانة الصداقة أمر مشين عبرت عنه بكل تلقائية فكان الشعر حاضرا وبقوه هنا. |
الله الله عليك
صح لسانك قصيده رائعه وتستحق الاعجاب من شاعر متمكن لاهنت تقبل تحياتي |
لا تعليق مررت للمتعة التي أجدها دائماً في بروح
صح لسانك تحياتي لك |
الساعة الآن 05:24 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir