ياكثر ماشفت ياظبي غيرك من ظبي = قصيده
شعر : سعود بن عبدالله المبيريك
ياكثر ماشفت ياظبي غيرك من ظبي =تختلف باللون والنوع حسب اصولها من ظبى نجد وبعضها تواصيف أجنبي =اليا جفلت من حسنها يجفل اللي حولها كنها أنجوم(ن) تلامع ورى سود العبي = الرجال اللي تثاقل تهز اعقولها من الظبى غير انت ياظبي قلبي مايبي=قلتها لك قبل وأردها وأقولها من يوم ما كنتي صبيه وأنا مثلك صبي =والمحبه لك بقلبي عليها اقفولها مطلبي اليا طلبت الله انتي مطلبي = العواذل لوتشوفك تغير قولها كل ماناظرك أصلي قبل على النبي = لاتصيبك نظرتي بالحسد من هولها من نواقض توبني شوفتك ماني غبي = توبتي من نظرتك ينتهي مفعولها لو على أيديه من الكبر بالعمر أحبي =طال حبك مع سنين العمر في طولها |
مطلبي اليا طلبـت الله انتـي مطلبـي=العـواذل لوتشوفـك تغيـر قولـهـا
الشاعر الكبير سعود المبيريك صح لسانك وعلى شانك على القصيدة الجزله والرائعه دائمأ تتحفنا بالجديد والرائع وهذي قصيدة من رواءعك بيض الله وجهك |
ابوعبدالله
صح لسانك واعتلى شانك وبيض الله وجهك قصيدة رائعه من شاعر رائع الله يعطيك العافيه اتمنالك التوفيق اخيك ابوروان |
صح لسانك و علا شأنك يا أبو عبدالله
دائماً تزودنا بجديدك بإستمرار ماهو مثل بعض شعارنا الله يهديهم يمر الشهر و الشهرين ماعطروا المنتدى بقصيدة |
الحب الباقي
اشكر لك تواصلك المستمر واعتبره وسام فخر تحياتي لك من القلب |
صح لسانك
وسلم بوحك قصيدة رائعه وجزله |
صح لسانك يابوعبدالله
وبيض الله وجهك |
ابو روان النويمي
اشكر لك تواصلك المستمر واعتبره وسام فخر تحياتي لك من القلب |
فارس عوف
اشكر لك تواصلك المستمر واعتبره وسام فخر تحياتي لك من القلب |
انا والليل
اشكر لك تواصلك المستمر واعتبره وسام فخر تحياتي لك من القلب |
الساعة الآن 04:30 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir