!!.. يا صاحبي ما كل الافراح افراح ..!!
بسم الله الرحمن الرحيم . . احبتي في الله بعد التحيـّه والسلام انثر لكم بعض مشاعري .. اللتي دونتها بالسابق قديمه جدا ً .. ولكن ربما كانت هذه الليله مجدده لما سبق ..!! اتمنى أن تحوز على الرضاء لكم هي َ كما هي َ والشكر يتكلله العذر مقدما ً على تواضعها ملاحظه متواضعه : ( لم يتم نشر الملف الصوتي في منتداي الأول برغم وجود اسمي المستعار به ) . .
قلب وعقل ..!! ومعانق ( أرواح ) لـ ( رواح ) ..!! = وليل ٍ نجومه كثر شوقي .. جمعنا ..!! ثارو .. وألقو .. بي .. على كل ما راح ..!! = واسترقصت بنت ٍ تغنـِّي جزعنا ..!! شفت الهلاك بعالم الضيم مرتاح = وشفت السعاده ما لها أي معنى ..!! يا صاحبي ما كل الافراح أفراح = ولا كل قلب ٍ صاحبه منه يَعنى ...!! نكتم ونضحك لكن البرق لا لآح = شف ( ورده ) اللي بداخلي قد زرعنا ...!! يرجف يموت الورد ما نال الأطماح = ويا كم ينادي .. يا ( زمن ) بس ضعنا ؟؟ قتلت طفل ٍ سلَمك كل مفتاح = واقفيت سالي ما شفقت بوجعنا ...!! أوااه ثم أواااه أواااااه يا صااااح = ليت الليااالي في وصالك رجعنا ...!! ما كان روحي تشتكي طعن الارماح = ولا كان كلِّي من فراقك دمعنا ...!! لكن شِقـِيَّ الحظ لا قام له طاح = حظ ٍ رمى حظه لـِ ( حظ ٍ ) لسعنا ...!! لا تعتذر في قولة الكحل قد ساح = لجل العيون اللي عميتو خضعنا ...!! أشتاق لك والشوق جبر ٍ وقداح = وياما على لاماك جعنا وشبعنا ...!! وياما رسمتك حلم بالواقع انزاح = وياما بحلمي لملمسك ما طمعنا ...!! ياما وياما عطركم بالسما فاح = وياما لعطرك للسما قد طلعنا ...!! وياما اشوفك وسط هالدم سباح = وياما غرق في وسط دمي ولعنا ...!! يا صاحبي ما يجني الخاسر أرباح ..!! = وبعض البشر لو نزهمه ما سمعنا ...!! كل ٍ نصيبه بين فرحات ونياح = وش عاد فعلي .. لو .. نصيبي منعنا ... ؟؟ !! لا تعتذر ما للعذر جرح وجراح = حنا ( مَلَكْنا ) الجرح .. وللجرح طعنا ..!! سقتك جوابي عقب ما خاطرك باح = عشرين بيت ٍ لجل عينك بدعنا ...!! ما قلت لك ما كل الأفراح أفراح ؟؟ = خلاص.. ابضحك ..!! دام كونك .. خدعنا ..!! . . والسلامه والسعاده لكل نظره وقلب اخوكم الصغير خالد بن سنيد الجابري ذيب القوم |
صح الله لسانك ملايين
شاعر كبير وابيات عن قصائد |
|
شاعر جزل و مبدع لا عدمتك
لن اوفيك حقك من الثناء .. دمت بخير اخوك |
أقول كفو والقصيدة كفو والله
صح لسانك وعظم شأنك تحياتي لك |
علم من اعلام الشعر , دام تواصلك الطيب 0
ومرحبا بك دائما 0 |
صح لسانك وعلا شانك
والله يعطيك العافيه على القصيده الجزله بيض الله وجهك تحياتي |
نص رائع وجزل
صح لسانك ودام ابداعك سجل اعجابي ومتابعتي |
صح لسانك وعلا شانك
|
الله الله الله يالقرم بيض الله وجهك مبدع من يومك
صح لسانك الله يعطيك العافيه |
الساعة الآن 09:30 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir