المسجد الاقصى
المسجد الاقصى علينا ينادي = ويقول صبري طال يالمسلمينا متى يجينا من طرفكم جهادي = مثل صلاح الدين ذيك السنينا صبري قضى وحصارهم لي زادي = سيسان جدراني لها حافرينا قلت استمع مني كلامٍ وكادي = قضيتك فيها العرب عاجزينا اسباب ضعف الدين بين العبادي = وحب الحياه وحب مال وبنينا الدين قل وزاد فينا الفسادي = والنص منا للعدا خادمينا مليارا لاكنا على غير قادي = متخالفين الراي متناحرينا ماعندنا ياكود هرج ودوادي = وفلان فيه وفيه ومهمشينا بالشرق لاتصدق كلام الربادي= كذاب خلفه زمرةٍ كاذبينا والغرب عنهم غاسلين الايادي = اوصيك لاتسمع بها ناصحينا لك يمزجون السم وسط الزبادي = وعباس عيا ماقفه لايبينا ان جاع جابوا له شرابٍ وزادي = واذا طفش راح يتمشى بسينا حطوه مثل البو فوق الشدادي = من ديس واحد كلهم راضعينا يذر وسط عيون شعبه رمادي = لاما غدو باراي متخالفينا جاك الكلام اللي جرح لي فوادي = وان قلت غيره شي تبت يدينا |
هلابك اخوي القدير والشاعر الرائع سعد المحمدي صح لسانك على هذه الرائعه والله ينصر الاسلام والمسلمين تقبل تقديري واحترامي |
الشاعر القديرسعد المحمدي
صح لسانك على هذه الرائعه والله يعز الاسلام والمسلمين ماعندنـا ياكـود هـرج ودوادي وفـلان فيـه وفيـه ومهمشينـا بالشرق لاتصدق كـلام الربـادي كـذاب خلفـه زمـرةٍ كاذبيـنـا |
صح لسانك
يالمحمدي وبيض الله وجهك يالنشمي |
اخوي القدير والشاعر الرائع
سعد المحمدي صح لسانك على هذه القصيده والله ينصر الاسلام والمسلمين |
اقتباس:
صح السانك وحقيق لا يوجد في يدينا غير الدعاء اللهم فك اسره من يدين اليهود وانصر الاسلام في كل مكان |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
اقتباس:
اشكرك على المرور الطيب مرورك شرف لي تحياتي وتقديري |
اقتباس:
صح بدنك اشكرك على مرورك العطر تحياتي وتقديري |
اقتباس:
صح بدنك الله يعطيك العافيه على المرور العطر تحياتي وتقديري |
الساعة الآن 12:24 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir