|
ديوان الشاعر :الشيخ:/ حسين مريع العبيدي
سلام مني وانا حربي= سلام مني وانا حربي واسطر زيـن الامثـال=من هاجس يوم فكر وانتقـا زيـن المعانـي سلام صافي مصفا مثل وبل الغيـث همـال=يشدا لذوب العسل مجناه من روس المجاني ينصى لحرب النشاما كلهـم رجـال رجـال=ارسل سلامي لهم ويعمهـم قاصـي ودانـي وكل من قال اناسعودي سلامي له على البال=وكل منه قـرى واللـي سمعهـا بالاذانـي ياحرب ياهل المكارم والوفا في كـل منـوال=اخذتـم المجـد بالافعـال ماهـو بالتمانـي ياحرب ياهل المواقيف الشريفه قول وافعـال=الربعه اللي صقور ولا يجي فيهـم هدانـي لا شفت لك نار في سود الليالي تشعل اشعال=تراه شبابها حربـي وخذهـا بالضمـا نـي انصاوتلقى الكرامه والشحم والهيل فـي دلال=وتلقى علوم الرجال اللي تسـر المودمانـي وميقافهم مع حكومتهم نقا ماهـو تمحيـال=هذي هي سيرة الحربي ولو جـار الزمانـي وكل القبايل تراهم مثلنا في كـل الا حـوال=انعم بكل القبايـل ماتبـي نقـص الوزانـي ياحرب قولواهلا يابن سعود اقفـاي واقبـال=الحاكم اللـي عـدل فينـا وخلانـا خوانـي تحيه لـك ياعبـدالله ولخوانـك والانجـال=مقرونـة بالـولا والحـب مافيهـا مثانـي نفديك ياحكمنا بارواحنـا بالحـال والمـال=الله يديمـك علينـا مايجينـا حكـم ثانـي اخذت عهد الجدود وعهدنا محفـوظ مـازال=لومال غصن الهوى ماميل دايم في مكانـي والله ماقلتها نفقـه ولا هـو قـول محتـال=اللي يضمه صميم القلـب يبديـه اللسانـي وان قلت حربي فاناحربي عريب الجدوالخال=انا العبيدي وكل اللي عنـا حـرب يعنانـي واد الفرع ديرتي دار الكرام ولا بهـا انـذال=والعون بالله وبال اسعـود عززنـا المبانـي |
المجالس مدارس للقلوب الصحاح= دور العرف واكسب من رجال الفـلاح=واستمـع للعلـوم الـلـي يقولونـهـا من حضر جلسة الشياب جاهـا وراح=كاسب من السوالـف يـوم يحدونهـا المجالس مـدارس للقلـوب الصحـاح=كـان طابـت معانيهـا مـع لحونهـا يوم جـدي وجـدك فالليـال المـلاح=العلـوم احفظوهـا يـوم يطرونـهـا اعرفـو للمراجـل بالحـلال المبـاح=والسفـايـف تـراهـم مايدانونـهـا والمشاريب عذبـه مـن عدودالقـراح=والـعـدود الوبـيـه مايرودونـهـا يعرفون الدوا للمشتكـي مـن جـراح=كـل عـلـه وتلقـاهـم يداوونـهـا وفي نهار المـلا قايحتمـون السـلاح=يـوم بانـت ضريبتهـم يصيدونـهـا يو م ضرب السيوف ويوم طعن الرماح=والبنـادق بـعـد جتـهـم يقدونـهـا محتمين البيـوت ومحتميـن المـراح=والعدو لا نصاها طـاح مـن دونهـا كل واحد ليا سمـع النـدا والصيـاح=قـال عونـك وفزعاتـي تشوفونـهـا قام يصرخ كما صقر طويـل الجنـاح=يوم حاف الحبـاري يعمـي عيونهـا والمشاكل لها ناس(ن)تحـب الصـلاح=لـو تـزايـد نشبـهـا بايحلونـهـا بالفراسه تعـرف الصادقـه والمـزاح=لا نظـروا فالرجـال يبيـن مكنونهـا لاحكـم بينهـم قـاض بكـل ارتيـاح=وسمـتـه لاوسمـهـا مايردونـهـا كـان بالحـق ولا بالعفـو والسمـاح=كـل دعـوى لهـا خطـه يمشونهـا مكثرين العطا والمـد ماهـم شحـاح=مـدة الضيـف وا لمحتـاج يعطونهـا مشيهم مع بعضهـم بالنقـا والنصـاح=والخبـايـث تـراهـم مايسوونـهـا كل هـذا واهلنـا ماقـروا فالصفـاح=غير فـي مجلـس العقـال يوحونهـا شوف تاريخ حرب اهل الوفا والربـاح=وشـوف سيـرة قبيلتنـا وقانونـهـا دايما فـي مواقفهـا تشـوف النجـاح=والمتـاعـب لــك الله مايعانونـهـا والبشر مثلنا فيهم مريـض وصحـاح=كـل ديـره بصاحيهـا ومجنونـهـا من مشى في الطريق المستقيم البـراح=خطوتـه بايمشيهـا عـلـى هونـهـا والختم ذكر من يجري هبوب الريـاح=رحمتـه واسعـة والنـاس يرجونهـا ثم صلوا على محمد مسـا والصبـاح=يشمـل الال والاصحـاب مضمونهـا |
ابدي بذكر الله وعـزة جـلا لـه= واذكر علوم جعلها تنفـع الحـي شاعرمعبر عن هواجيـس بالـه= تقبلوها شـي والا بعـض شـي ذكرت فيها علم كـل سعـى لـه= احد يصيبه صوب والبعض يخطي المجدحيث المجد صعـب منالـه= ماهو بكثر المال والجاه والـزي المجـد لللـي طيبـات خصالـه= ماهو لراع الظلم والبطش والغي مثل الكريم اللي بذل راس مالـه= ليا جمع فالصبح فالليـل يعطـي تكـرم يمينـه ماتعلـم شمالـه= ماحد درى والله من الفعل يـدري في ظل عايش والعرب في ظلاله= من يزبنه يدخل من الشمس للفي والا الردي لو كان ابو زيد خالـه= ماله مع الله والمخاليـق قـدري مانع ضيوفه ثـم محـرم عيالـه= من زود بخله مابذل شربة المـي دور سليل المجد وانزل في جالـه= واشرد عن الا نذال ياصاح بدري ماحد مدح قارون من كثر مالـه= المجد ناله بالكرم حاتـم الطـي |
مرحبا بضيوف حرب ومرحبا برجال حرب = خذ تحيات كما ذوب العسل باديبـــها مرحبا ياحرب ياللي ماقنو هـــيما وجرب = يارجال تاخذ الزينه ولا ترميبــــها حرب في كل المواقف لا حصل شده وكرب = ياخذون الفوز من خبث النفوس وطيبها حرب وان جات اللوازم جوك من بعد وقرب = نجدة المظلوم دايم والمصيب ايصيبــها حرب ممشاها على وضح النقا مافيـه ذرب = وان عطوك عهود توفيها ولا تهفي بـها ياخذون الدرب الا بيض مامشو مع كل درب = مامشو بعض الدروب اللي تباين عيـبها مكرمين الضيف من بن ومن كبــش وحب = حرب اهل شيمه واهل نخوه وذا ترتـبها عاش من جمع قبايل حرب من شرق وغرب = اجتمع شمل القبيله في مرابع ذيبـــها قدم الدعوه وجوله كلهم عن طـــيب قلب = شيخ راع الا وله قسمه وهو ضاريــبها من قديم الوقت بيت شيوخ في الميقاف صلب = من سرح بالوافيه في المسا يضويبــها والفضل لله وللعهد الســـــعودي ياعرب = راية التوحيد قامت والعرب تمشي بـها ما بقا في الدار سلب ولابقــاحرب وضرب = امش من شرق الجزيره لين تصل امغيبها كثرت الخيرات في الا وطان والامن استتب = عاشوا ال سعود عاشوا دعوة ندعيبـــها قلتها وانا العبيدي في مقلط شـــيخ حرب = عزوتي حربي وتزهاني واناراضيبــها |
اناعلى كثر مااشــــــــــــوف البنى ماهزني ميل = لوزانت أوصافــــها والبسوها دايم مجدة ما غير بنت مولعنــــــــــــتى هواها زود بالحيل = في كل يوم يتزايد حبها شــــــوق ومودة ماالد في ام الجدايل والعيون اللي مكاحــــــــيل = كل النظــــر يمــــــها والد لده بعــــد لده بنت لك الله معـــــــي طول الدهر ماطالها الطيل = حتى بعد شاب راسي هي شباب ومستجدة وان جيت في مجلس تبقا معي وسط الرجاجيل = دايم معي ماتفارقنـــي رخـــا وإلا في شدة ام الجمايل يشــــــــــــرف نقلها فالصبح والليل = وان نمت حطيتها مابين راســي والمخدة مكانها مجلســــــــــــي لاجا اللزوم اشيلها شيل = وتقول خذني معك مالي عن الماجوب صدة لاجات ميلة من العقال والا من جهـــــاهيل = اللي نقل مثلــــــها فايز ولا ينباح ســـــــــد ه هي عزوة اللي تعزوى في نهار العدل والميل = ترزم رزيم الرعد وقت الشدايد مستعــــدة ماتشــــكي الجور صبارة ولو زو د لها الكيل = أرسل ولدها على قلب الهدف وان جات ضدة واليا طرى القنص والمقناص رحنا بالتساهيل = أخذتها محتســــي ماتطلبه حسية وعـــــــــدة ركبت جيب مضــــــرى للمساري والتهاويل = ماينهزع يوم ســـــواقه على العســــــرة يحده اروح يم القرى ثم اخذ الديرة بتفصـــــــــيل = امشي مع الحرة اللي مابها درب و مجدة الصــــيد يبغى ولد نشمي على الشدات حلحيل = ضاري لقطع الفيافي لانوى مااحـد يصـــده وليا لقيت الســـــــمين اللي لها الحرة مداهيل = ارمي علـــو الكحـــــال ورميها كل يعـــــده واخذت مايقسمه ربي وما جا من محا صيل = وان قام حظك خدمك وجاك كل اللي توده رجعت عند المهيد وثم دنيت المعــــــاميل = شبيت ناري ومن جا للشبب مااحد يرده وســـــوي القهوة اللي مكرمة بالبن والهيل = والطرقي اللي يبي من صيدنا قسمه نمده نجلس نسولف تحت ضو القمر نضرب تماثيل = ماهي سوالف جهاز ماعرف مزحه وجده خوياني بريك وابراهيم ومحمد مشــــــــاكيل = الكل منهم مدرّك فعل ابوه وفعل جده يعجبك ســـبع الخلا لاراح يقنص يذبح الحيل = ماهو كما اللي ليا راح الخلا دمعه في خده الناس تبغى الســــــــفر وتروح يم الهند والنيل = وانا تمشايتي فالبر ماهو سوق جـــــــــدة عسى يجيها هليل الغيث ثم يعلها الســـــيل = ويزين مرباعها والخير ماينقاس حـده واللي يحب البداوة ماعليـــــــه من الغرابيل = يالو بنى قصر فالحارة من البكرة يهــــده ولي طلبة منك ياربي وانا باختم بها القيـــــل = الخير جبته لنا والشر نطلب منـــــك رده |
بسم الله ابدى وانتقي زين الاوراق = واكت نصيحة في بيوت القصيدة من قلب يطمح للفضايل ومشتاق = يسعى الى العليا برغبة اكيدة ثمرة هجوسي جات من جو الاعماق = ومن حس نية سطرت فالجريدة الله علينا حط عهد وميثاق = والعبد محكوم تحت حكم سيده نال المكارم من بالاخلاق سباق = ماحصلوها اهل النفوس الشديدة المال ماينفعك لوكنت عملاق = في قصور فخمة والملابس جديدة مادامه الانسان للكبر عشاق = مايعتلي شانه ولا احد يريده والفقر ماهو عيب لوكنت مفتاق = لوكان وصلك الفقر للحديدة مقسم الارزاق من جاب الارزاق = احد غني واحد قليل رصيده الرابح اللي عامل الناس بارفاق = تراه ينعم بالحياة السعيدة الله يرفع من تحلى بالاخلاق = اهل العقول الراجحة والرشيدة اهل التكبر حطهم وسط محراق = واهل التواضع في حياة سعيدة والشمس لو غابت تعود للاشراق = وتبين اهل الخير واهل المكيدة باكر اذا مالتفت الساق بالساق = الرابحين اهل الخصال الحميدة والمرء لوطول معود للافراق = ولاجا نهار البعث يجني حصيده صلاة ربي عد مالاح براق = على رسول الله صفوة عبيده |
قالـو علامـك مادخلـت الحضـارة= عايش في وسط الريف طول المدودي مالـك رصيـد ولا بنيـت العمـارة= والبيت شعبي من عصور الجـدودي تمشـي بسيـارة بـدون استمـارة= موديلها من عهـد عـاد وثمـودي ضيعت نفسك في القـرى ياخسـارة= تخايل بـروق المطـر والرعـودي روح المدن وادخل مجـال التجـارة= ماينفعك دخل (ن) قليـل امحـدودي اسمع كلامي وانـت عنـدك مهـارة= لاتكون عن تبع المراجـل رقـودي قلت اذكـر الله خـل عنـك العيـارة= مـازادت الاعمـار كثـر النقـودي = مـن لمهـا ماجابهـا عـن جـدارة= بالحـظ ماجاتـه ببـذل الجـهـودي والـرزق ياتـي للحنـش فالمغـارة= واللـي عطـاه الله مالـه حسـودي اخوك شاطر محترف فـي الشطـارة= واسعى لكني مـا أتعـدى حـدودي ساكن فـي داري واعتبرهـا منـارة= وحبي لها فـي كـل يـوم يـزودي راضي بها فـي بردهـا والحـرارة= واعرف جمايلهـا ولانـي جحـودي يـوم السنيـن القاسيـة والعسـارة= ربيت فيها ليـن كبـرت عضـود ي ثابـت ولا دورت عنـهـا خـيـارة= مثل الجبـال الراسيـات الركـودي وا للي يجـي زايـر هـلا بالزيـارة= والثانيـة ماعـن لقاهـا صـدودي من دونهـا زنـدي يولـع شـراره= يعجبك فعلـه يـوم قـدح الزنـودي والـحـر مايـتـرك مـقـره وداره= واللي يروح اليـوم باكـر يعـودي واعطيك جملة من صحيـح العبـارة= حكم ضميـرك واستمـع للـردودي وانـت لبيـب وتفتهـم بـالاشـارة= حنا تحت حكـم المليـك السعـودي الحضر واهل الريف واهـل البـرارة= ترعاهم الدولـة وعنـدي شهـودي اخـذ تقاعـد مـن مقـام الـوزارة= ومن جـود خالقنـا ترانـا نجـودي راضي على المقسوم سـر وجهـارة= مانشتكـي والـلا نبيـح السـدودي وانـا اطلـب الله دائمـا فالصـدارة= ولا خاب من يطلـب كريـم ودودي واخيـل البـراق وارعـي مسـاره= واقـول يالله مـن سحـاب يقـودي |
ابدي بذكرالله عزيزالــــــــــــــــجلالي= مجري هبوب الريح شرق وشمالي ومنزل الماء من صدوق الخــــــــيالي = ومدبرالاكوان جهر وخفـــــــــــيات يالله ياعالم بما في الضـــــــــــــــماير= ياللي وهبت المعرفة والبصــــــاير وعلمتناا بالرابحة والخســـــــــــــاير = انك تجنبنا الزلل والخطـــــــــيات قال العبيدي يوم ساق القــــــــــوافي = زين معانيها على شرح وافـــــــي اوصى العيال وجملة السامـــــــعينا = نصيحة للي لها قابليـــــــــــــــــنا حيث النصيحة شيمة المسلـــــــمينا = يوصي بها الاسلام في كل الاوقات مااخص واحد من عيالي ووصــــيه = اقولها والكل يسمع باذانـــــــــــــيه راع العقل لابد عقل يقـــــــــــــديه = والحريفهمها برمز الاشــــــارات احفظ وصاتي ياولد يوم اوصـــــيك = واسمع كلامي يوم ابرك واربيك نصيحة الوالد من الضيم تنـــــــجيك = وانا مجرب حلوها والـــمرارات علمتكم ياعيال كل الفضــــــــــــايل = وجنبتكم درب الردى والرذايل وحفظتكم فيالصغرمن كل عايــــــل = وساعدني المولى جزيل العطيات اوصيك بالثنتين سر وجــــــــــهارا = ثنتين لاتاخذ عليها خيـــــــــــارا هذي حقيقة ماعليها غـــــــــــــبارا = احذر تحالفها وتندم بالاثـــــبات الاولة توحيد رب العــــــــــــــباد = توحيد خالص من صميم الفواد اللي خلقنا واليه المـــــــــــــــــعاد = الواحد اللي منفرد بالعــــــــبادات حكم كناب الله وســــــنة محـــــمد = واحفظ شرايعها من الجزر والمد واحذر امور جات من غير مســند = دينك نجاتك فالامور المهمات واطلب من الله كل شيىء تريــــده = الله رحيم ويستجيب لعبــــــــــــــيده وانهاك في يسر الزمان وشــــديده = لاتمد يدك الا لرب البريـــــــــــات كمل فروض الدين واركان الاسلام = وداوم عليها فالليالي والايـــــــــام يوم ورى يوم وعام ورى عــــــــام = واعمل لحسن الخاتمة في النهايات والثانية رفع المضرة عن النـــــاس = اسعى لفعل الخير مع كل الاجناس ترى العلوم الخيرة ترفع الــــــراس = والدين يوصينا برفع المضرات وان شفت لك بين القرايب طــــلابة = وصلت مشاكلهم لحد الحرابة عليك بالاصلاح بين الــــــــــقرابة = اصلااح ذات البين للشهم غايات وان جات من بعض المحاليق زلة = اصفح وسامح واحتسبها على الله ترى السماحة عز ماهي مـــــــذلة = واجرك على مولاك رب السماوات والضيف قدم له هلا حيبن يــــلفي =واصجى عن الضيفان يالصقر تقفي الجود بالموجود للضيف يكــــــفي = مع كثرة الترحيب به والتــــــــحيات وافرح لياماجوك فالليل خطــــــار = ماحلى مقابلهم على شبة النــــــــــار والمكرمات مكملة بن وابـــــــــهار = وسوالف تشدى لسلم الجنيهات اتبع رجال الفكر واختارالاصحاب = اللي لهم فالحل والربط مضراب اللي نهارالضيق تفتح لك الــــــباب = ويوصلونك للعدود الرهيات وابعد عن الاوباش واهل النــــمايم = اللي مجالسهم فسوق وظــــــــلايم ترى النميمة من كبار الجرايـــــــم = كم فرقت بين اللحم والقرابات واختار لانسابك ترى العرق دساس = حذراك تنزل منزلة مالها ســـــــاس وشاور ترى للبحر عايم وغــــطاس = ولاخاب منه شاور اهل المــشورات ياذيب وان جاك الغلط والــــــتحدي = مالك وعرضك ماعليها تـــــــــعدي خلك مع العادي قوي التصــــــــي = هذي طباع اهل الوفا والـــــــــمروات قاوم ليابان الخصم والـــــــــمعادي = خلك كما ذيب طويل الايــــــــــــادي اما شهيد وفي سبيل الجـــــــهادي = والا انتصرت وجات لك بالسلامات وخلك على الشدات عندك مناعــــة = وصبرك عليها من طروق الشجاعة واجعل يمينك مع يدين الجــــــماعة = من شذ عن ربعه حياته خســـارات وارفع لسانك عن هزيل الــــــــكلام = خلك حكيم وكلمتك ماتــــــــــــلامي ترى الكلام الزين يرفع مـــــــــقامي = ويزيد من قدرك في كل المقامات والجارله حق علينا ولوجــــــــــــار = افزع لجارك واحسبه من هل الدار ترى حقوق الجار واجب على الجار = احسن جواره لو منعك الزيارات والمال لايشغلك جمعه ولمـــــــــــه = الرزق من صورك يكفيك هـــــمه واللي يحب المال عايش في غمه = يقضي حياته في حساب الريالات وعينك على والدك في كل حيـــني = ترى رضا الله من رضا الوالديني البر والطاعة وهم عايشـــــــيني = ثم اطلب الرحمة لوالدك لامات عن المحرم عف والزم حدودك = والياعطيت الوعد تمم وعــــــــودك واحذر مدى الايام تنقض عهودك = العهد نقضه من فنون الخــــــــيانات وطاعة ولي الامر له حق مشروع = عليه يامر والامر منه مســـــــــموع ترى حياة الناس تابع ومتبــــــوع = والله يعز اللي حكم بالـــــــــعدالات انظر لما يجري في وسط الجزيرة = القايد الظافر يقود المســـــــــيرة امن وامان وخير عم العشـــــــيرة = متحدية بالامن كل الحكومــــــــــات بعد عرفت المخطية والصواب = وقريت ماجا فالسنن والكــــــتاب راجع حسابك قبل يوم الحساب = واعمل لمسح السيئة بالحسنات واود الخص كلمتي في النهاية = خل الشكالة لك وسيلة وغاية والله يهدي من يحب الهدايـــــة = ويجنبه درب الخطا والغوايات يالله ياللي فوق عرشك تعليت = انت الكريم ولامر عبدك توليت طالبك تغفر زلتي كان زليت = واللي جرى لي في عصور الجهالات واعداد ماهبت علينا الهبايب = واعداد ماهل المطر من سحايب وسالت عليه الاودية والشعايب = صلواعلى محمد كثير الصلوات |
صدفة نظرت الغزال اللي حماه الله من العيب= عرض قبالي وانا من شوفته حالي عطيبي عصرية مرني من غير تخطيط وترتيب= رمتني العين واخذني هوى الغصن الرطيبي وقفت انا غايب الاذهان لااودي ولا اجيب= واهتز قلبي من الشوفة وقمت اخطي واصيبي رحت اتخيل جماله في ضميري عنه مايغيب= والشمس غابت ونور الزين عيا لايغيبي ظليت اراعيه لين انه دخل بيت المعازيب= ابا اطلب الوصل لعل الوصل ماهو صعيبي روحت يمة هله واستقبلوني بالتراحيب= وجابولي الدلة اللي شربها يطفي لهيبي انا على كثر مااشرب ماء واذوق من المشاريب= ماشي كما الدلة الي في حجارك ياصحيبي اخير من شربة الضميان في ايام الملاهيب= واحلى من السكر الحالي ومن شرب الحليبي وقلت انا طالب الله ثم طالبكم مطاليب= ياالله عسى اللي مولعني يعود من نصيبي ردوا وقالوا صغير وانت راسك طاله الشيب= وحنا نرى الشيب عيب وقلت شيبي مايعيبي ياكم شايب ليا جا فاللزوم اقوى من الذيب= والنفس خضرا تريد وتشتهي ماهو بعيبي شايب سواة الجمل يطلع بحمله فالمراقيب= ماهو كما الحا شي اللي منثني وسط الشعيبي وقال قصر كلامك لوتنادي مالك امجيب= الشايب ان كان جا يبغى الشبب ماله مجيبي وقلت مالي عن المقسوم والاشياء مكاتيب= واستغفر الله كان اخطيت يوم الله حسيبي |
اناعلى كثر مااشوف البنـى ماهزنـي ميـل= لوزانت أوصافهـا والبسوهـا دايـم مجـدة ما غير بنت مولعنتـى هواهـا زود بالحيـل= في كل يـوم يتزايـد حبهـا شـوق ومـودة ماالد في ام الجدايل والعيون اللـي مكاحيـل= كـل النظـر يمهـا والـد لـده بعـد لــده بنت لك الله معي طول الدهر ماطالها الطيـل= حتى بعد شاب راسي هي شبـاب ومستجـدة وان جيت في مجلس تبقا معي وسط الرجاجيل= دايم معي ماتفارقنـي رخـا وإلا فـي شـدة ام الجمايل يشرف نقلهـا فالصبـح والليـل= وان نمت حطيتها مابيـن راسـي والمخـدة مكانها مجلسي لاجا اللـزوم اشيلهـا شيـل= وتقول خذني معك مالي عن الماجوب صـدة لاجات ميلة من العقـال والا مـن جهاهيـل= اللي نقـل مثلهـا فايـز ولا ينبـاح سـد ه هي عزوة اللي تعزوى في نهار العدل والميل= ترزم رزيم الرعد وقـت الشدايـد مستعـدة ماتشكي الجور صبارة ولو زو د لهـا الكيـل= أرسل ولدها على قلب الهدف وان جات ضدة واليا طرى القنص والمقناص رحنا بالتساهيل= أخذتهـا محتسـي ماتطلبـه حسيـة وعـدة ركبت جيب مضـرى للمسـاري والتهاويـل= ماينهزع يوم سواقه علـى العسـرة يحـده اروح يم القرى ثـم اخـذ الديـرة بتفصيـل= امشي مع الحرة اللي مابهـا درب و مجـدة الصيد يبغى ولد نشمي على الشدات حلحيـل= ضاري لقطع الفيافي لانـوى مااحـد يصـده وليا لقيت السمين اللي لها الحـرة مداهيـل= ارمـي علـو الكحـال ورميهـا كـل يعـده واخذت مايقسمه ربي وما جا من محا صيـل= وان قام حظك خدمك وجاك كل اللـي تـوده رجعت عند المهيـد وثـم دنيـت المعاميـل= شبيت ناري ومن جا للشبـب مااحـد يـرده وسوي القهوة اللي مكرمـة بالبـن والهيـل= والطرقي اللي يبي من صيدنا قسمـه نمـده نجلس نسولف تحت ضو القمر نضرب تماثيل= ماهي سوالف جهاز ماعرف مزحـه وجـده خوياني بريـك وابراهيـم ومحمـد مشاكيـل= الكل منهم مـدرّك فعـل ابـوه وفعـل جـده يعجبك سبع الخلا لاراح يقنص يذبح الحيـل= ماهو كما اللي ليا راح الخلا دمعه فـي خـده الناس تبغى السفر وتروح يم الهنـد والنيـل= وانا تمشايتـي فالبـر ماهـو سـوق جـدة عسى يجيها هليل الغيث ثـم يعلهـا السيـل= ويزين مرباعهـا والخيـر ماينقـاس حده واللي يحب البداوة ماعليـه مـن الغرابيـل= يالو بنى قصر فالحـارة مـن البكـرة يهـده ولي طلبة منك ياربي وانا باختم بهـا القيـل= الخير جيبه لنـا والشـر نطلـب منـك رده |
الساعة الآن 09:09 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir