حفيد الحجيري =
في خط ما فيه غير جيوب = عايـنـتـلـي فــيــه ماكـسـيـمـه
عـلـى قـفـا قـزازهــا مـكـتـوب = ساهـر فـي درجـي تعاميمـه
بخيتان البشري =
ساهر في كل الخطوط يجوب = وحدد مراكز لتنظيمه
ما شي في صدافها محجوب = ويمر من دون تغريمه
حفيد الحجيري =
كل المراكز ما فيها عيوب = كــل مـركـز نظـامـه يقـيـمـه
المشكلـه لـوحـة المطـلـوب = فـحـروفـهـا فــيـــه تـعـتـيـمـه
بخيتان البشري =
كل شي في شاشته محسوب = ويتم رصده وتسليمه
واللي حسب غلطته ملعوب = يلقى بالاثبات تقييمه
حفيد الحجيري =
ساهـر راداره كـمـا الحـاسـوب = مــا يـعـرف الـعـفـو والشـيـمـه
ومع سرعة المكسيما مغلوب = يكـشـح ولا يـسـجـلّ اِقسـيـمـه
بخيتان البشري =
ياللي تغني على المسحوب = من قبل تُوزن تقاسيمه
العزف لاصار لك مرغوب = لابد تتقن تصاميمه
حفيد الحجيري =
تايب عن العزف وانتَ توب = أيــامــكــم مـــاهـــي مْــديــمـــه
ما يِلْبَسَ البشت قبل الثوب = والــوقــت صــكـــه وتـعـلـيـمـه
بخيتان البشري =
ماحي سالم بدون ذنوب = والفرض يختم بتسليمه
والقيض يعرف براده شوب = ولله حُكمه وتحكيمه

ابن وازن =
والله بخيتان ماهو ذاك = قربه تزاعل مع وصاله
ياعد صافي تعكر ماك = عزيز والكل يسعاله
بخيتان =
مايختلف طبعك ومبداك = ويطيب وجهك على فاله
ومن عد صافيه كم اسقاك = وارواك من صب فنجاله

البتار=
لــي راي ياجـيـديـن الـســاس = فـــي ملـتـقـى حـــرب بـاقـولـه
ماينعطى وجه بعض الناس = وان تــتــركـــه زاد مــفــعــولــه
جاهل ويشكي من الافـلاس = مـايـعــرف الــقــن ووصــولــه
لاهـــو فـقـيــده ولاهــــو راس = يسـتـاهـل الـسـحـب بـرجـولـه
بخيتان =
صحيح ياحر ياقرناس = في ملتقى حرب 0 محصوله
لا قيس يحسب ولامقياس = للشعر والفكر ودلوله
ولاظنتي يمتلي به كاس = للحق ماتشرِف فعوله
الملتقى مايجيله باس =ثابي وقايم بها حموله

فراق وفراق فيها فرق = ل مفارق الحي والميت
مفارق الحي يحرق حرق = كل ما دروب الوصل عيت

صحيح بك تاه بي طرفي = فيما حوى نونها طرفك
يقرأ بك الصمت لي حرفي = في صمت مايكتبه حرفك

خط الهوى كان ماتدري = اربع مسارات للعشاق
مزحوم 0 واللي يجي بدري = يوصل معه مركز الخفاق

بخيتان =
سلام من حاضر المجلاس = بحضور حضرو فمجلاسه
بيت الوفا طيّب النوماس = بالطيب عزه ونوماسه
علي عيد =
يامرحبا يا اعز الناس = منا على العز من ناسه
بيتٍ ذكرته جويد اساس = مبناه ثابي على ساسه
بخيتان =
لاقست فأهل الوفا بقياس = كيل الوفا يرجح قياسه
طيب النبا صاحبه ينقاس = من طيب راع الوفا قاسه
علي عيد =
عليك مانزود ياقرناس = الوافية كيل قرناسه
درب الوفا كاسبه نبراس = مايجهل الدرب نبراسه
بخيتان =
كل مالزمن يفتح القرطاس = دوّن لمافيه قرطاسه
افراح من عاش به واوناس = وماعشت بشكيلك اوناسه
علي عيد =
علي معك باذل الانفاس = ولايكل جهده وانفاسه
منك انتظر ياعسى ماباس = ياكم شاكي آسى باسه
بخيتان =
ماحس ياطيب الاحساس = اللي معي فاقد احساسه
كل مالفى الموقف الحساس =ما يلتقى قلوب حساسه
علي عيد =
مادام حيل الامل ينراس = لايقترب من عنا يأسه
لا يصيب قلبك عليهم ياس = خل الرجا يمتلي كاسه

الحكم يصدر على الظاهر = كلاً وله فالمنازل قدر
لاتضيق الصدر والخاطر = ماضاق بك خاطري والصدر

شفتك وسومات صابتني = النبض قيسه وقيس الضغط
بعد المقادير جابتني = شخصتّلك حالتي بالضبط

علي عيد =
يامن على العرف ساس بناك = فـشــرواك مـــا تـخـيــب نـظـرتـنـا
انــــــــــــا وقــــلــــبــــي تــــــواردنــــــاك = نـبـغـاك تـنـظــر فــــي خصـمـتـنـا
بخيتان =
مثلي 0بعرفك ثبى مبناك = دايم تجي قيس هقوتنا
فيها يابو عيد قدمناك = وبحضوره العدل خُصتنا
علي عيد =
فالمحكمه اليوم عيناك = بالعدل تنظر قضيتنا
سنين ليه معه فاعراك = مايوم معه شفت راحتنا
بخيتان =
بعد اطلعنا على دعواك =للخصم تشرع وكالتنا
يرضخ لك القلب ماينهاك = ولك حكم صادر في جلستنا
لو ما اهتنا القلب ماهناك = فيما تنصه شريعتنا
ولك عقل فالصايبة قداك = وختامها لك تحيتنا