ياطي قلبي طي والله يابوضي=طي الرشا من فوق هدب المحالي
من قصة ماهي بزينه خبرسي=اسمع بها راع النميمه يلالي
شي سمعته يفدح القلب فدحي =خطرعلى عقلي يصيبه اهبالي

جاني على الجوال مزاد جرجي=ابيات شعرمن عزيز وغالي
ضاعت بي الافكارجدي ومزحي=وهاضت شجون القاف ياهملالي
هلاهلا من قلب من ضامرحي=مثل العسل مثل القراح الزلالي
عداد ما تشرق وتغرب وتضحي=عد النخيل اللي لسوقه اظلالي
طلع النوى مابين شقراء وبرحي=قدوع بن وصت صفرالدلالي
يامرحبا مليون والكل يوحي=عملة وفا ماهي بعملة ريالي
على يمينك ساعدك دامني حي=مدام راسي فوق الاكتاف عالي
والله من دونك بروحي لاضحي=افداك بالغالي ولاني امبالي
وراع النفاق اصحى لمقال توحي=اللي على عثرة رفيقه يلالي
ضعيف عقل وعرف ماهو بصاحي=سفيه ماله مع هل الطيب فالي
واسمع وانا اللي يمك ابديت نصحي=اعلاجه الحقران موت اسلالي
هذا دواه المتخذ لجل يصحي=لاصارماهوكفوا ليه الجدالي
الكلب مايمرح لياحس نبحي=ذيخ تقدابه اضعوف الرجالي
ومجادل النقناق مامنه ربحي=ولاياصل العليا قصيرالحبالي
وعن سيرته بيطول قولي وشرحي=ارفع مقامي عنه عفن المجالي
لاكاسب من ذكرالانذال مدحي=ولامكلف بالناس حالي لحالي

المشاركة الأصلية كتبت بواسطة علي هليل الحربي (المشاركة 341107) لمعه يدي تحكني على النقد وإن كانت أشياء بسيطه أو واوات زائده أرجو أن تقبل بصدرٍ رحب لا أخفي إعجابي بهذه الأبيات الرائعه تحيتي لك

والله ما ادري ياعلي ويش ابا اقول=لكن ارى اني ياعلي ما اتكلم
لو اتكلم قالوا الناس مهبول=ابحث عن علاج الالم واتألم
هواجسٍ في فكري تصول وتجول=سرع انها تودع اليها تسلم
واصبحت من كثر الهواجيس مذهول=لاشك ما اقدر يا ابو مشعل اعلم
يدرون عني قوم عاذل ومعذول=ثم يحسبوني من عناي اتظلم
احسن لي اسكت واترك السرمجهول=واصبر ولو جوي من الحزن ظلم

المشاركة الأصلية كتبت بواسطة نداء الغيداني (المشاركة 341238) لو اتكلم قالوا الناس مهبول=ابحث عن علاج الالم واتألم