ترى العاقل اللي يعرف النقص والزود= قبل مايعرف الـدار يعرفـه دروبـه
بذلنا على وضح النقاء كل مجهـود= لكـن انـت لابـدك تلاقـي صعوبـه

ترى العاقل اللّي ياخذ الحق بشهـود= ونفسك على الطرقه مهيب مغصوبـه
ليا صار فالميدان حـاوي ومـردود= انا اصل العرب واصلي يعرف العروبه

سلامي عليكـم عـد مارفـرف البـراق=عدد من يسج الخيل فـي كـل ميدانـي
أشوف العصيمي في دروب العرب مشتاق=قضـى دوره الاول وزل دوره الثـانـي

هلا مرحبـا ترحيبتـن طعمهـا ينـذاق=عدد مايلوح البرق فـي غـر الامزانـي
أنا وان نخاني صاحبي ماثنيـت السـاق=وجاين على شانه وجاين علـى شانـي

مرحبا ترحيبـةٍ ينشـط لهـا القلـب المعَنَـى=عدّ همال السحاب اللـي بروقـه مـا تباتـي
من يخاوينـا نبـا نرويـه مـن هيـلٍ وبنّـا=واشهدي لي يالنجـوم اللـي علينـا مرقباتـي

بارك الله فيـك ويجيـك الخبـر والعلـم منـا=مانسينـا فعـل سيفـك فالليـال الماضياتـي
في نهار الخوف لا تطـرح شـدادك ياجملنـا=لقمـةٍ مـره ,ولقمـة كنهـا سكـر نبـاتـي

الليل يا صاحبي صياف= يا طيب الصوت و السيرة
خابرك شاعر و لك ميقاف= و ان جيت تفرح بك الديرة

يا جارنا طوّل المحراف= و نقول يا طيّب الجيرة
سوق الجمل ما عليك خلاف= علمٍ مضى يا الله الخيرة

ابا افزع واطب المعركه عقب قر الهوش=وابا اضرب بسيفي فارس القوم صيافي
وابا اخذ حصانه ثم اقفل عليه الحـوش=ولاعاد نسمع فالبلـد صوتـه الخافـي

ياطيبك ليا حولت فالمنـزل المفـروش=وعند العلـوم الثانيـه كيـف تنشافـي
تعين لواحد تقدره ثـم حوشـه حـوش=وكسر حسابك ثم يطلـع لـك الصافـي

ياهيال البدو لو بالمدارس تدرسون = مايخش العلم في روسكم مثل الحضر
تعرف عيال البدو بالدراسه يفهمون = والحضر بالوقت صايبهم اجنون البقر
ياحبيب العازمي قالو نزلت البلد = عساك سالم ومستور البطل يسلمي
اليا استوا دربها ياذيب وين الوعد = ياللي رفعت العلم وانا رفعت علمي
.........................= عساك سالم ولا تضلم ولا تضلمي
خل الوعد لليلة الاثنين والا الاحد= واسجل رسالتك في دفتري بقلمي
العازمي عازمي كان قام والا قعد = لكن خل الحديده تبرد وتحتمي

الا يالعارفه كانك توردها لصاف الجم = نبا منك السوالف والسوالف لاتصرفها
عطيناك العلوم وروحة يومن اذانك صم = وذا الحينه سواة مكحلن عينها ومطرفها

يا سـلام الله بقـاف تولـع منـه نـار= واستمع في جابتي يا ولد وافطـن لهـا
أنت ثوبك فيـه بنزيـن والبنزيـن ثـار= والمطافي تطفي النار لـو ترسـل لهـا

مرحبا يا الشاعر اللـي يقررهـا قـرار= والمكاسـب فـي جيوبـه ومتحثِّلـهـا
لو عيونك شوفها زيـن وتحـق العيـار= كان مـا دورت مـن للطريـق يدلهـا

جينا ومعنى علوم وندور مع العالم علوم = وللي معه علماً يكنه وسط جوفه يطلعه
ماعندنا غير العلوم اللي تغلق بلزوم = وللي معه علماً ماهو طيب يعودبع معه
سلام وسلم على راس الصغير مع الكبير = من خوف احد منكم يقول العود مارد السلا م