يوم يتكلم ناقص الدين منصور=بسم القبيلة والقبيلة برية
حنا لنا ماقف نقوله على الفور= ونسجله بالحال ضد القضية
هرج الروافض بسمنا شي منكور=وقلوبنا من كل رجسٍ نقية
دون العقيدة من سكت غير معذور= اقولها والشاهد الله عليه
ربعي قبيلة حرب دورٍ ورى دور=سنة واهل تقوى وعرف وحمية
ومن شذ مايحسب علينا ومدحور=منبوذ ماله عندنا قابلية
حنا لنا القران منهج ودستور=وسنة نبي الله خيرالبرية
مانضرب الابدان في يوم عاشور=لطم الخدود بمذهب الرافضية
رجالنا بالصدق والدين مشهور=وعزومنا بالوقت دايم قوية
يدرى غضبنا كل فارس وممرور=في حاضر الايام والجاهلية
عشنا كذا مانقبل الذل والجور = احرار ماحشنا حياةٍ دنية
من دون واجبنا سلاطين وصقور=نرقا سنود ومانحب الخطية
العلم مثل النور وابيض من النور= الحر يفهم والحدية حدية
علمٍ على وجهين للناس منشور= من خوف توسيع العلوم الردية