ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   الـــمـــلـــتـــقـــى الــــــــــعــــــــام (http://www.m-harb.net/vb/forumdisplay.php?f=47)
-   -   ((مليون)) رساله إلى غائب (http://www.m-harb.net/vb/showthread.php?t=30015)

لمعة الجليد 28-06-08 09:03 AM

أول الليل جرح وأخر الليل جرح
والسوالف دموعك والخدود الورق

ابتدا الوصل ضحكه وانبنى مِنّه صرح
وانتهى الوصل غصن بصيف شمس احترق


ماتبي سالفتنا أي جمعٍ وطرح
القرار النهائي أننا نفترق

لاتطول السوالف مامع الحزن شرح
سيّلت عينك الدمعه وخدك بَرَق


سلملي على اول جرح وهناك جرح
يمكن ايكون أخر جرح قبل الغرق
(( منقول ))

نداء الغيداني 28-06-08 09:09 AM

صح لسان الشاعر
وشكرا لك على النقل وعلى نشاطك المتواصل00

لمعة الجليد 28-06-08 09:11 AM

وأستجديتُ البكاء رحمةً ... فكان هو العناء ...

لمعة الجليد 28-06-08 09:13 AM

من عهودِ حللتكَ ...
أبحتُ لك كل ما كان محرماً بوجودي ...
فهذه دنياكَ ... فأرتع بها كما تشاء ...

علي هليل الحربي 28-06-08 10:15 AM

اقتباس:

المشاركة الأصلية كتبت بواسطة عيسى العوفي (المشاركة 356956)
لاضـاق صـدري يـم الاصحـاب سجيـت=دخـلـت مجلسـهـم رجــال حشـامـي
اهـل الكـرم والطيـب معهـم تسلـيـت=اكــن انــا للطيـبـيـن احـتـرامـي
اشعارمجلسهم هـلابـك وحيـيـت=ترحيبهـم بالضـيـف قـبـل السـلامـي
الـعـود الازرق بالمجـالـس ليـاجـيـت=والـبـن الاشـقـر بـالـدلال الكـرامـي
وسوالـف تطـرب لهـا كــل موحـيـت=علـى النقـا والطيـب زيـن الكـلامـي
ان جـيـت هلـوبـك ولامـنـك اقفـيـت=مـاهـم بـسـدك ناقلـيـن الـمـلامـي
والـيـا بـدالـك لازم مــا تبـاطـيـت=ميقافهـم جنـبـك حـشـى ماتضـامـي
عرف الرجال اللـي لهـم بالوفـا صيـت=يادحيـم والله بالفـخـر لــك وسـامـي
والا تـرى بعـض المعرفـه لـو اوحيـت=حلـو اللسـان تـقـول ذيــب قطـامـي
والـيـا بـدالـك لازم لـــه تعـنـيـت=اصفـى الـروى مايسقـي الجـم ضامـي
المدح مايرفع مقام الهتاهيت=وماينـقـص الطـيـب كــلام الخمـامـي
ولـوكـل هــراج لماقـالـه اصغـيـت =نزلـت نفسـي مـن رفـيـع المقـامـي
=عيسى الحربي


صح لسانك

الله يبيض وجهك وذاك الشبل من هذا الأسد

رائعه ومليئه بالمبادئ

شكرا أبا عبدالرحمن

عيسى العوفي 28-06-08 10:47 AM

اما انت ولاَ علني ما تشاوى=ياما عن الصقار هف النداوي

صح لسانك ياعلي

ابيااات روعه

سلمت قريحتك العذبه

عيسى العوفي 28-06-08 10:51 AM

اقتباس:

المشاركة الأصلية كتبت بواسطة لمعة الجليد (المشاركة 357181)
يا من يبشرني وأسوق البشارة
إما عطيته عنز وألا ولد شاه


لو إن ماني بنت راعي تجاره
وأخوي مفقرته يمينه بدنياه


يشهد على ما أقول ضيفه وجاره
ويشهد على ما أقول فعله بيمناه


كريم يمنى ما تهمه خسارة
أبو خويصه ما تسوي سواياه


أبيات لوالدة الأستاذ / نداء الغيداني ... رحمها الله ...

[ يالله يا أستاذ جريح ويا أستاذ عيسى وينكم ...
مو اتفقنا تجيبون قصائد والد الأستاذ
: نداء ]

تسلمين والله
قصيده رائعه والله يرحمها الشاعره
واخذتيها علينا انا وجريح
لكن عطونا مهله نبحث

عيسى العوفي 28-06-08 11:47 AM

الجـادل اللـي صيفـت فـي فيينـا= والعام في روما وقبلـه إباريـس !!
ماعـاد تعجبهـا مصايـف وطـنّـا= لو إنها . . أقصى طموح المفاليس !!
مالله كتب تسـأل مـن هنـاك عنّـا= وشلون تتركنا لنـار الوساويـس !!
الحال مـن عقـب المفـارق تدنّـى= مالي رفيق إلا كبـار الكوابيـس !!
أكتـب وجرحـي بالكتابـات غنّـى= أرقى الأغاني من شعور وأحاسيس !!
لوكان لـي بالحـب عـزم المثنـى= وإلا صبر أيوب وإلا أمرؤ القيـس !!
ماكـان عـود المـوز لامـن تثنّـى= ذكرني اللـي تستثيـر النسانيـس !!
ولاكـان غاليهـا ليـا مـن تمنـى= دعى لها رغم إختلاف المقاييـس !!
مابيـن قلـب ٍ بالوصـل ماتـأنـى= ومابين قلب ٍ أسس الهجر تأسيس !!
الله يعيـنـك ياخـفـوق المعـنـى= صيفت مابين الحزن والهواجيـس !!
الحـزن منّـا والهواجـيـس مـنّـا= وأنا أذكر الله وأتعوذ مـن أبليـس
=منصورالمعمري

عيسى العوفي 28-06-08 12:00 PM

ماكل من صوت له جاب الاصوات=ولا كل من جيته لحاجـة قضاهـا
ولا كـل ورادٍ حبالـه رهـيـات=ولا كلٍ مـن دلـى دليـه ملاهـا
ولا كل من غامر يحصل سلامـات=ولا كلٍ من يبغا السلامـه لقاهـا
ولا كل من يرقا طلـع بالطويـلات=ولا كل من هاز الطويلـه رقاهـا
الطيب صعبٍ والمراجل عسيـرات=من دونه الرديان تابـس اشفاهـا
ولو هو بسوق المشترى والمبيعات=ريال بعض النـاس ستّـر رداهـا
لاكن وهايب من ولـي السمـاوات=كرامـتٍ للعبـد ربـه عطـاهـا
ومن لا على قده مشى بالخطـوات=تهف به هف الدلي مـن رشاهـا
ذا قول من عنده عن الوقت خبرات=مجـربٍ مـر الليـال وحـلاهـا
والتجربه برهان للرجـل وأثبـات=بأهل التجـارب تستـدل اعلماهـا
ولا أقول انا الكامل بكل الكلافـات=الكامل اللـي عالـم فـي خفاهـا
لاشك أخذت من الليال اعتبـارات=درست مع ليـن الليـال وقساهـا
والناس كلٍ لـه معرفـه وميـزات=عرفي وخلق الله صعيب رضاهـا
الناس واحد مير فيـه أختلافـات=أنضارهـا متفاخـتٍ مستـواهـا
ناسٍ نضرهـا شايـحٍ للبعيـدات=وناسٍ نضرها قاصرٍ عن أخطاهـا
وناسٍ ليا ضاقت فجوج الوسيعات =مثل الجبال اللـي يـذري ذراهـا
وناس تطيب مع الليال الرخيـات=ولا امتست الشدات قصـر مداهـا
وناس ليا شافت جيوبـك مليـات=تغليك لو إنك عـدو مـن إعداهـا
وإن قل مالك لو من أدنا القرابـات=لقتك عرض أكتوفهـا مـع قفاهـا
=سالم المخلفي الحربي

عيسى العوفي 28-06-08 12:38 PM

لاصار مانت بكثر الأشوار مشروك=عليك بالعليـا علـى كـل حالـه
ترى العرب لاشان مذهبك عافوك=ماينفعه لـو جـد جـده وخالـه
نوبً يغيضك واحد من ضنا ابوك=ونوبً يعزك واحدا ً مـن قبالـه
ليا قبلت دنيـاك تنقـاد بسلـوك=وان ادبرت تقطع مثانـي حبالـه
قلته وانـا لادك بالقلـب داكـوك=اعليت قطـاع الفيافـي رحالـه
وليله حلل في روضه مابهـا دوك=الذ من حيـرا ً تجـاوب محالـه
=محمد الحداري الحربي



الساعة الآن 07:06 AM

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi