|
اعذرك واخلق لك الأعذار = واغض طرفي عن عيوبك واقدم الطيب والمقدار = ولا ني مؤاخذك باسلوبك |
عادات من يعمل المعروف = مايمن فضله مع اصحابه يبقى سوات الجبال النوف = دايم وهو فوق مرقابه |
نادي تعلا صروح المجد = واثرى سجل انتصاراته اهلي واحبه ابا عن جد = واحب حتى شعاراته قلعه منيعه عليها سد = اسس على يد ساداته اللي لهم مجد ماله حد = و تاريخهم في سجلاته |
ياشمس ياللي عليك غيوم = يابهجة الصبح واشراقه طرفي عليك اشتكى مظلوم = من ظلمة الليل وارهاقه ومن السهر بان فيه رسوم = سارت شواهد على اشواقه للي من اوصالهم محروم = وودهم داخل اعماقه |
شفنا العجب من طبايع ناس = جرح الخواطر طبايعهم ياما جرحوا للمود احساس = ولا قدروا موقفه معهم |
يامن لي الود قدمته = وقدمت ليا الوفا برهان غالي وموقفك ثمنته = ولا يمكن ارخصك مهما كان |
البدع من الشاعر جمعان المجيريشي= حل السقم في العظام وذاب = واجتاح زادي ومشروبـي واليوم جيت انشد الاصحاب = راشد وبو حسين واليوبـي الرد من راشد الزهراني ((المحيط))= احضر لك الطب والاطباب = واسعى لك شمال وجنوبي مالي عن اهل الوفا مجناب = وراحاتهم جل مطلوبي |
امسيت انا وانت والقمرا = نكتب على صفحة الأيام والحبر بالدمعة الحمرا = اللي تخطه لك الأقلام |
اسمع نغم باعذب الألحان = ومصدره من وتر قلبي اللي ضناه الغرام وبان = واثر عليه ومثلبي |
محيط فكري بدون حدود = ولا مراسي ولا مينا نبحر بغزره سوى ونعود = ودر المعاني بيادينا منظمه عقدها منضود= غصبا عن اللي يعادينا وعذب المثايل عليه شهود = ويشهد لنا عهد ماضينا مجاراه من الشاعر الكبير والمبدع عايش الاحمدي الرحال
صحيح هذ الأدب مشهود=نبعه من العذب يروينا مافيه ناقد ولا منقود=رايق على حسب امانينا من منهله صافى المورود=مايعكره شى ياخينا ولصاحبه بالأدب مسنود=شاديه غرهد بوادينا |
الحرف فن وادب واخلاق = محفوظ بقلوب عشاقه اللي لهم بالمثل ميثاق = وصانوا عهوده وميثاقه |
اكتب بماء الذهب حرفي = واهديه مني وفا واحساس لجناس ما قدروا ظرفي = ولا عندهم للوفا مقياس وانا الذي كم سهر طرفي = واسقيتهم من زلال الكاس وكان مثل الذهب صرفي = معروف سعره ما بين الناس |
الله لو تعلم اللي بي = ماكان تعتب عليه يوم ولا تزيدني فوق تعذيبي = اللي منه ما اهتني بالنوم |
أناهمومي من احمولي = اللي سوات الجبال الصم منها حصيلي ومحصولي = عيا حسابه معي لا يتم |
نسعد معك وين ما نلقاك = ياللي اكتمال المعاني فيك ربك بحسن الأدب حلاك = ومن كل معنى مثل معطيك |
جاني وهو في عيونه شوق = وصورة حزن هزت كياني وقاللي عيوني جرحها الموق = وتعبت من كثر ما اعاني واستجدي اهل الفهم والذوق = قدام لا يطول حرماني ويسوقني للمآسي سوق = اللي على المر تحداني |
موعود واناظر الساعه = من شد حرصي على الميعاد لأنها الروح ملتاعه = والموعد المنتظر ما يعاد |
مثل السحاب المراكم مر = طيفه عليه وذكرني لكن ياللأسف ماقر = وأتلف لي الروح واسهرني |
فضايحه شبه يوميه = وسارت علومه عراض طوال كانت عن الناس مخفيه = واليوم بالنت والجوال في صفحة النقد مقريه = وعندي عليها الدليل الدال وافعاله تعد دونيه = مايسلك دروبها رجال ولاهي طريقه حضاريه = يمشي على نهجها الأجيال صوره من الزيف مطويه = رسامها خيب الآمال رد من الشاعر الكبير والخلوق عايش الاحمدي ((الرحال))
كلام ميه على ميه=يافارس القيل ياخيال يروى من قلوبها حيه=اللى توردعلى المنهال |
ياضبي فوق الشفا مرعاك = والحسن والزين كله فيك سبحان من صورك وانشاك = وصور جمال الطبيعه فيك |
اقتباس:
وهنا رد من الشاعر الكبير والخلوق البحار خالد الجدعاني
ياطيب الأصل والنية=الله حمانا من المحتال ربي وقانا من السية=ومن فتنة الأعور الدجال يبدي لنا الطيب !!! وشوية=يقلب كما قلبة ابوجعال عايش على احلام وهمية=شايب ولاكن من الجهال حوله عساكر نبشتية=ودونه عصابة من الأنذال له دور في مسلسل رقية=وريه وسكينه وعبد العال فالخيف اتوسم بكية=وفالشرم سوى لهم موال لاظل عنده ولا فية=فسوق المثل ما يساوي ريال |
ليلة فرح واجتماع احباب = وجه السعد في سماها بان ونجمه ظهر بعد طول غياب = واستيسر القلب والوجدان |
من واقعي اكتب المعنا = اللي علىّ انكتب حرفه من يوم ماالولف ودعنا = وعنا نحى وابعده ظرفه |
لك روح عرضتها للنقد = لا وا اسافه عليها روح سجنتها وسط ذاك العقد = وخليت باب الزرى مفتوح |
اعوذ باالله مالحاسد = اللي مسمى من الحساد دايم عسى مخططه فاسد = لا له على وردنا ميراد |
يادار مرت سنه محروم = اقاوم الشوق في ذاتي ليت الاجازه مداها يدوم = وتدوم فيك اجمل اوقاتي |
مليت من كثرة اسفاري = اللي مداها عليا طال وطول بها خط مشواري = واتعبني الحل والترحال |
ودعتهم والدموع تهل = وامنتهم ساعة وداعي يسقون ورد الهوى والفل = اللي زرعته على ذراعي |
يالايمي آه لو تدري = عني وعن قلبي المجروح اللي انينه حرق صدري = واتعب بقايا الجسد والروح |
البدع من الشاعر خالد الجدعاني ((البحار))= لاااااا يارفيق العمر هونك=لاتغيب مهما حصل لاتغيب لااااا تترك اللي يودونك=وانتا الصفا منبعة والطيب لااااا تبتعد هِل بمزونك=اروي قلوب العطاشا وجيب لااااا يهمك اللي يعادونك=ومثلك فبحر المعاني ذيب الرد من راشد الزهراني ((المحيط))= تسلم تسلملي عيونك = ياراعي الطيب والتهذيب الله يحميك ويصونك = من كل حاسد عدو حريب قريت حرفك ومضمونك = وليا مع اهل الوفا تجريب وانتا من اهله يعدونك = فالقائمه اول التريب |
البدع الشاعر احمد العمودي= شوقي هوا نص يوم اقراه=يهز قلبي ووجداني سلام ياحرف شاهدناه=في ملتقى حرب زهراني الرد راشد الزهراني ((المحيط))= يامرحبا بالمثل وبناه = اللي من اهل الوفا جاني ياعد عذبه مراوي ماه = معناه من عده ارواني العمودي= تبقى ولي قلب من شكواه= أسهرني الليل واشقاني لعل عندك علاج لداه=من غير ماتعرف الجاني راشد= لا باس يا مشتكي مأساه = من جرح خافي ودخلاني داري على جارحه وادراه = وعيد النظر بالسبب ثاني العمودي= لا تترك القلب في بلواه=ضايق من الجرح ويعاني وأللي جرحني منه لله=أللي بلا ذنب عاداني راشد= انا عليك الأسى ما ارضاه = حاسبك واحد من اخواني والمرء لاشاجروه اعضاه = من تحت تأثير شيطاني تأثيرهم لو يصل لقصاه = ويتعب منه قلبه الحاني يعفي ويكسب رضا مولاه = باسلوب هادي ورحماني |
طالعك بعد الطلوع ادبر = ولا اظن تصل المكان الزين تبقى صغير ولا تكبر = ولا شوفتك يوم تملى العين جاهل وغرك زمان اغبر = ودايم حصيل المغره دين وأهل المثل فالكلام أخبر = ويميزون النقي والشين |
اقطف حروف المعاني ورد = من روضة أهل المثل لجلك يامن غرامك هجير وبرد = ولا فيه بعدك ولا قبلك |
ياظلم الأيام يكفيني = تعبت ماعاد بيا حيل اول زماني مصافيني = لكن تبدل نهاره ليل |
اقتباس:
تعديل حرف نسيته ((فالقائمه اول الترتيب )) |
شهر الهدى بشر هلاله= والكل في طلته فرحان ياحظ من تصلح اعماله = ويكسب الأجر والرضوان ويبارك الله في ماله = من يوصل الأهل والصدقان ويعوده الله على اجياله = بالمن والخير والإحسان |
وش ينفع الخافق المجروح = اللي قضى فالا نين ازمان لا سار سده قوي ما يبوح = ودمعه محرم عليه يبان |
كلن فرح في ليالي العيد = ومن فرحته عايد احبابه وانا المدامع عليا تزيد = على الذي طال مغيابه |
سلام مني لأبو فياض = من قلبي تخطه اقلامي [/quote]ياعد اعده سند وعواض = راجح موازين وعصامي دمع العيون الحزينه فاض = وسالت مراويه قدامي مايدري إني بقايا انقاض = ابكي الم معظم ايامي الرد من الشاعر ابو فياض
ترحيب ياللي سلامك هاض=حسب العوايد والاسلامي [/quote]لن كنت فتال انا نقاض=واقرى وافسر للاحلامي يشفيك ربي من الامراض=يامشتكي بُعد الاقدامي المؤمن بما كتبله راض=وليا رضا حل الاحرامي |
مشاعري كلها يمه = لا فيه غيره ولا بداله واثريه سالي ولا همه = ومنوالنا غير منواله نسي الفؤاد الذي ضمه = ومسكنه وسطه لحاله ووده مغذيه من دمه = مخصوص صافي مصفاله |
الساعة الآن 09:29 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir