الشاعر منيف الحنيني

البارحه هب الهواء والهواء صلف
وقامت تناقرها هبوب الجنوبي
وسرت هواجيس ًلها بالحشى ولف
ثم استهلت في خيالاً نصوبي
وعديتها لمروي الرمح والشلف
في لحظةً لاضيقنا الدروبي
سعدابن دومان ماينتكس خلف
لا ثارت الهيجا وشبة شبوبي
رايك بهمز السين والنون والالف
في معجم المفصوح تكتب قلوبي
ولا نقسمها على خانة الالف
يصبح عددها واضحً ومحسوبي

******************
رد الشاعر سعد المحمدي

منيف غناها على دقت السلف
وخلا الخبر لناس شبه محجوبي
تمر مايدري بها ريس الحلف
لو حركه من يمت الشرق لوبي
عشرين بالونه لها في عدن بلف
واطير لاهبت عليها هبوبي
يامنيف عن قوم المزامير والزلف
ارفع جنابك وانت رجل محسوبي
طلقة كرامه خير من وطيت الضلف
ومن جاك يمشي لاتجيله تحوبي
على مهدين الصعب بالزمن الف
اليا غزاك الوقت من كل صوبي

*دعاني الطيب عشير المشاكيل*

*سعد وريث اهل الكرم والشجاعه*

*وجيته وفاء من باب رفقه وتجميل*

*ماني مضريها على الانهزاعه*

*يسوقني ياحرب سوق الفناجيل*

*بيدين قرمن مانقص كيل صاعه*

*الواجب اللي يدركه كل حلحيل*

*ويعطيه علباته خبيث البضاعه*

*سلام يارجال اليزد ياهل الخيل*

*حماية اللي للموده ولاعه*

*حمرن بواد الحمض يوم المصاويل*

*يرعن ولا يوخذ عليهن ارتاعه*

*بالرمح والبندق وحد المصاقيل*

*يرعن حيا وادي تقانب سباعه*

*وغير الشجاعه للعوارف دواليل*

*واهل صياني يوم وقت المجاعه*

*يتلون شيخن طيب معدن وتكميل*

*غازي ولد متروك صدق وقناعه*

*النفس رافعها عن القال والقيل*

*عنده عن علوم الهزاله مناعه*

*عليه ماتلقى خصومه مداخيل*

*لو حاولو بالوقت لويت ذراعه*

*فاصل وخذ لب الخبر بالتفاصيل*

*يالناشد اللي فيك مكر ولكاعه*

*العام طفى نور كل القناديل*

*نجمن غطى روس النوازي شعاعه*

*على شعاعه تنزل البدو وتشيل*

*والسر يالنجوم السماء برتفاعه*

*مافيه نجمن لاطلع طلعت سهيل*

*ولافيه كنزن مثل كنز القناعه*

*معثور ياراع الشرك والمحابيل*

*مالك على بعض الامور استطاعه*

*لو جيت مابين الجمل والجماميل*

*الاوس تدرك ماتريده خزاعه*

*ياذاك لاتمشي ورى حاطب الليل*

*وانت الوديع اللي حفظت للوداعه*

*ان طعت شوري بالليال المقابيل *

*عليك لايضفي حنيفه اشراعه*

*العام جليته ورى شاطي النيل*

*واليوم جانا من جهتكم خداعه*

*من حرف التورات حرف للانجيل*

*مايجوز بالدين الحنيف اتباعه*

ياوجودي وجد من خصمه رجال الداخليه

في قضيه حكمها الادنى سجن باقي حياته

استغلو صغر سنه بالزمان الداعشيه

ودركوه بسوهم قدام مايجمع شتاته

امه اللي تحتريه يعود قدام العشيه

مادرت بالفاجعه ياغير من صيحة خواته

وجد حالي وجد حاله بالخلاص من القضيه

شوف غالي يابدر ماعندي الا ذكرياته

تالي الاخبار فيه العام عشر من الضحيه

في ديارن جوها تصفا الضماير من صفاته

علها دهم السحاب اللي بروقه عقربيه

من طلوع الشمس لين الليل تسترنا عباته

ان كان تنشدني عن عيال براك

اشهد شهادة حق نعم العيالي

لا حدك الوقت القساوي على اقصاك

محزم ليابان الخلل بالموالي

صافين مافيهم منافق ونماك

يابعدهم عن الردى والهزالي

صغيرهم عنده مفاهيم ودراك

وكبيرهم شامخ شموخ الجبالي

وسوالك الثاني عسى الرب يرعاك

دوك الجواب المختصر والمثالي

للبيت باب وجانب الباب شباك

ماهن سوا لو في الاشجار مالي

واليا تساوت في نظر ذاك مع ذاك

شوحي سما ماني قريب مدالي

الشاعر فهد محمد الهبيري

لاصبو الفنجال والهيل به خن

على سعد عدوه ياهل الفناجيل

اغلا من الدولار واغلا من الين

شطرٍ لبن دومان وسط الرياجيل

والليا وزنت الشطر وزنه يجي طن

صافي ذهب مافيه شك ومداخيل

ياهل الشعر فنه ترا يفرق الفن

ماكنه الا من ورا الجدي وسهيل

***************
رد الشاعر سعد المحمدي

يالله ياللي للمخاليق مزبن

عليك في كل الامور التساهيل

من بعد ذكر المعتلي للشعر حن

هاجوس شاعر مايجيب المهازيل

هلا هلا ياللي له الصعب يذعن

دايم بيوته بالمعاني محاميل

نزيه يابعده عن الشك والظن

فدوه عميان القلوب المعاليل

خذ اختصار العلم ظاهر وباطن

ياطيب المعدن عشير المشاكيل

الشعر له راوي وهادم ومتقن

في كل دار وكل ياصاحبي جيل

يامهبط الوحي ياديرة هل العوجا

عيشي بأمن وزدهار بحكم سلماني

اعداك لو حاولو بالحمله الهوجا

تقليل شانك خسو عباد الاوثاني

دره ثمينه ودونك عالي الموجا

يغرق بمده عميل ايران وايراني

حبك بقلبي بناله عرش وبروجا

ياقبلة المسلمين ودم شرياني

هذا زمانٍ فيه صير مغفل

في حال والا حال خلك صاحي

يجيك فيه الجاهل المطفل

ويجيك فيه السارق المزاحي

ميز مابين اهل الوفاء وسفل

دنياك تبغى معرفه وكفاحي

واللي يضوي بالمراح الغفل

خله يوده بالزمن ويتاحي

عيسى رباح المحمدي

شفنا من وجيه الرجال وعفنا

وقلنا ومعنى قولنا ينظر به

وعلى البسيطه يابن عمي طفنا

سـياح ولا سـيرتـنا الــغربـه

وان حال فينا عيه وخالفنا

قلنا كلامك للسنع ياقربه

عن المغازي والجهاد انكفنا

مادام ماتسوى ذباب الحربة

لاتقول ماانصفنا ترانا انصفنا

حبل ارتخى بيدك تركنا كربه

واللي غفل عن واجبه واخلفنا

مانختلف لو موقفه عذر به

ما الله تعالى بالعرب كلفنا

وكلن على ماقيل يلقى دربه
//////////////////
مجاراه سعد المحمدي

عيسى بجزلات البيوت اتحفنا

تقول شاعربي وانا شاعربه

لي جاز منطوق الفتى وردفنا

ابيات في كبد السما تشهربه

الطيب يبقى ورديه تفنا

ويجسر على المضماه راع القربه

في راس مزمومة حجا لاشرفنا

البوسني خله يحالف صربه

عطيت روس اقلام من مصرفنا

بالعمله الصعبه لنافخ ذربه

من لايشوف الناس له ماشفنا

كلام مابين الملا نجهربه

عسى ربي يجملني وجمل*

*رجالن يستحقون الجماله*

*مقابيس الوغا سقم الاعادي*

*ليا ركب الرشا فوق المحاله*

*دعوني والعذر يصعب عليه*

*مايقبلني عذر في كل حاله*

*اللبي دعوة الداعي وقدر*

*رجال الطيب ورجال الشكاله*

*مثل زيدان لامنه دعاني*

*من الدار البعيده ينعناله*

*يشرفني حضوري حفل أقامه*

*بطيبه طاب راع الطيب فاله*

*سلام الله بعد ماجيت عاني*

*سلامن يعطي الفاهم دلاله*

*على قو الترابط بالقبيله*

*ودحر العنصريه والجهاله*

*يعم الحاضرين وكل غايب*

*جنوب الدار والا في شماله*

*واخص اللي لهم بالطيب مقسم*

*قناديل الدجا واهل الاصاله*

*مخلف عون من دنياه جارت*

*عليه وكدرت بالحال باله*

*باذن علام مايخفى علينا*

*تحل اللي تعقد من حباله*

*وعلى الجيران وضيوف وقرابه*

*مثل وبل الحيا لاقبل خياله*

*لهم بارض الحجاز ونجد هيبه*

*قبل مايسودها حكم وعداله*

*عطيت المستمع موجز ونبذه*

*مثل ماقيل عنوان الرساله*

*قليل الهرج يكفي عن كثيره*

*على المنبر ماودي بالاطاله*

ابيات مهداه
للاخ راجح رجاء المحمدي

هذا ولد شايب على الطيب رباه

كريم سبلا يوم لزاد فاقه

يفرح بهتاش الخلا كل ماجاه

ماحط دونه باب مغلق وطاقه

بيت الشعر في مرتع النوق مبناه

لضيف والجيران فاتح رواقه

ماهو كرم من صور الضيف وقراه

وشحن لنشره من رصيده بطاقه

الطيب ياراجح جميله مزاياه

راعيه مثلك ماتجيه الاعاقه

باذن الكريم اللي نعبده ونخشاه

مصخر لعبده محمد براقه

////////////////////
مجاراه من الشاعر راجح فتيل المحمدي

هذا سميي سلم الله يمناه

عزالله انه محتميً كل ساقه

ولد رجاء يزهاء المدايحً وتزهاهٌ

يعشق جزيلاتٌ المراجل اعشاقه

محمدي من حرب ساسه اومجناه

أهديت له من ندر الشعر باقهٌ

ندر ابيوتنً لبو تركي امجاراه

شاعر اومن خيرت رجال الرفاقه

ياسالم ابن حليس بلغ سلامي

بندر سعيد معرب الجد والخال

انشهد انه قدها يابو سامي

لاصعبت الدعوى على كل رجال

برسالة الجوال رحب وقامي

ساعة قراء مضمونها قال بالحال

ابشر يابن عمي رفيع المقامي

الوضع عده منتهي مابه اجدال

هذا الرفيق اللي نعده حزامي

صحيح مال الكايده غير الابطال

*ياحسام عمر الشماسي طيب السيره*

*العلم ماضن يخفاكم ويخفاني*

*انا لقيت الحرامي داخل الديره*

*يسرق من افلان وده يرضي افلاني*

*العام حتى الثلاثه يالله الخيره*

*فيهن بدا يم عدوانك وعدواني*

*ياليت راعي سدير اينام بسديره*

*مايبلش الناس من جده لخيطاني*

*اليا دعاني من هل الطيب رجال*

*اجيه لو عني بعيده دياره*

*ضاري على قطع المسافه بالاميال*

*ماني بضبن جرته حول غاره*

*يامرحبا ترحيبتن فال وعقال*

*فيها من البن اليماني حماره*

*ولذ من طلع النخل كل مامال*

*على الجريد اللي خطير انكساره*

*تعم كل اللي حضر قدر وجلال*

*ابدا بها من طيب راس ونعاره*

*عن شايبن للضيف والجار مدهال*

*يدل هتاش الخلا ضو ناره*

*اعقيل اللي له محبه ومنزال*

*غالي وعالي عند ربعه وقاره*

*العزوه اللي لعتزى كل خيال*

*فيهم على العدوان نوف وجساره*

*واليا رجعنا للقدايم والاطلال*

*لهم بواد الحمض مدرك وغاره*

*مهما بصبيان اليزد صغت الامثال*

*ابقى مقصر في صريح العباره*

*لهم معي ماقف يسجل للاجيال*

*ماقف وفاء ماهو هياط وعياره*

*الصدق نفتح به صعيبات الاقفال*

*ونبني على حسن النوايا اجداره*

*والكذب سلعة كل فاشل ومحتال*

*مافيه مر وماب دمه حراره*

*ياسامع اسمع قول شاعر اليا قال*

*الصدق في دنياه دايم اشعاره*

*الحر مشرافه على المرقب العال*

*يبعد عن الدار الوبيه مطاره*

*والبوم وشباهه من اطيور ورجال*

*عن الشواهق بالوطا والجحاره*

*بالقول ماخصيت عاذل وعذال*

*تاكيد لمحب الفتن والاثاره*

*ياضامن الدنيا ترى الوقت ميال*

*بعد الحلا لابد كاس المراره*

*ماحي فيها مقيم ياساتر الحال*

*يالله سترك يوم كشف الستاره*

الشاعر سالم الغرابي
ياطيب المقياف ماعاد لي شف....
انشهد اني يافتى الجود عايف.....
ماني خوي المرخمه والملقف......
بعض الاوادم ماعليها حسايف......
ونته شجيع وبالموافيف تعرف.......
مادام راسك حي ماني ابخايف......
*************
الشاعر سعد المحمدي
الوضع ياسالم له ايام موسف
اشوف مانته يابيض الوجه شايف
خذ راي يابن العم عاقل ومنصف
ماحركه هرج الغشيم المهايف
صدك عن اللي مقصده يقسم الصف
يرفعك ياسالم على راس نايف
لو كل مارجف ميت احساس نرجف
لابد فينا مايعودن نكايف
ترى السلاح اللي مع الرمي يردف
مايحتزم به يافتى كل حايف

*الشاعر صالح براك المحمدي*

*افتخر يوم ان ابو تركي زميلي*

*يوم ضمتنا سنَوات الدراسة*

*غير ابو تركي ومثله وش حصيلي*

*جعل يفداهم مدورة البلاسة*

*واذكر انه كان للسطوة يميلي*

*جامعٍ للطيب مع عند وشراسة*

*مايهمه لا مدير ولا وكيلي*

*ينهرون ولا يزيد الا حماسة*

*ولا يداري عيلة انسانٍ يعيلي*

*من براسه حب يطحن حب راسه*

*وان نخيته باللقى ماهو بخيلي*

*ساس نخوة والرجل يرجع لساسة*

*والا انا رجال رايح في سبيلي*

*اقضي الايام في لعب ووناسة*

*مذهبي ماهو على مذهب خليلي*

*زاد ابو تركي عليَّه بالفراسة*

*وان نشدني قلت له هذا دليلي*

*الـ بنادم مايخذله قو باسه*

*كِبْر ابو تركي وهو قرمٍ مهيلي*

*وكل يوم تزيده الدنيا مراسة*

*يوم شبَّت قام يقدح بالفتيلي*

*والمعادي ماارعبه خيله وناسه*

*مير انا بختامها بسأل زميلي*

*هل تعود ايامنا مثل الدراسة*

*وهل نسيم فياضنا يرجع عليلي*

*وهل يطيب العود الاخضر من يباسة*

*او رجوع اللي يروِّح مستحيلي*

*خبّراللي خاطره زاد احتواسه*

***************
*رد الشاعر سعد المحمدي*

*ياولد براك ياحرز الذليلي*

*الكلام الزين يجبرك اقتباسه*

*الفخر ليه عسى عمرك طويلي*

*ياحزامي لاغطى نوري دماسه*

*في نهارن فيه رحال ونزيلي*

*تفرق العريف لوله من نحاسه*

*ماعلا شرواك يالشهم النبيلي*

*زود والدنيا تبي صبر وسياسه*

*وعن سوالك ياشبا السيف الصقيلي*

*يوم ماب وجيه خلق الله عباسه*

*لاذكرته جاب ياصالح حصيلي*

*وكن في عيني مثل شوك الهراسه*

*لو جبل ورقان يعلن بالرحيلي*

*مامضى مايعود والرحله عساسه*

*فيه من يكسبّها علمن جميلي*

*وفيه من يمشي بها مقلوب طاسه*

*من بغى للقوم بالفرجه دليلي*

*علمه لاجاك لايكبر مقاسه*

*يوم وخر راس قوم وحط ذيلي*

*من جهل يالقرم والا من نجاسه*

*اللسان اللي تقل خرطوم فيلي*

*ياعسى راعيه مايسمع حساسه*

*لاح براق المعاني بالمخيلي*

*واغرق الشاوي على طباخ فاسه*

*سعد المحمدي*

*ربعي قبيلة حرب هامات واحرار*

*لعيونهم وقت المزايد نزيدي*

*ان كان ماني دونهم درع وستار*

*في يوم مادونه مصد ومحيدي*

*وقت الرخا غيري بالالاف شعار*

*ماهم بحاجة يالعوارف قصيدي*

***************
*مجاراة الشاعر نايف سعود البشري*

*مجربينك باللقا سيف بتار*

*سيفٍ يابوتركي شطيرٍ حديدي*

*مانته ليا طاش المعادي بمحتار*

*قافك يطوع كل خصمٍ عنيدي*

*لك الحميه والوفاء رمز وشعار*

*ياجعل بالطاعات عمرك مديدي*

****************
*سعد المحمدي*

*حي البيوت اللي مثل قطف الازهار*

*من شاعرٍ ماعده الا عضيدي*

*الله يفكه من صواديف الاقدار*

*ويعيش في دنياه دايم سعيدي*

*يانايف ابن سعود ماخفيك الاسرار*

*الناس ماتبغى بمثلي تشيدي*

*ادناهم اللي صار له عج وغبار*

*البارحه بين السبر والقعيدي*

***************
*الشاعر محمد سعود العلوي*

*الله يجيرك من بلى كل غدار*

*وعسا سنينك ياالسنافي تزيدي*

*يالسيف يالبتارفي وقت الاخطار*

*مضى المجرب ماتبي لك شهيدي*

*والهرج لايزعج من كل ثرثار*

*مثلك يطوف لو سمعت الجحيدي*

***************
*سعد المحمدي*

*امين ياحلو النباء واف الاشبار*

*يادرع جنبي بالنهار الشديدي*

*لاغاب مسموم العقيده والافكار*

*وغاب المنافق والردي والبليدي*

*خذ ياعريب الساس موجز للاخبار*

*عبر محطات الفضاء والبريدي*

*صاحبك يامحمد مسالم ومغوار*

*بعيد شوح ولا يهمه وعيدي*

*الشاعر سعد عامر الضبيس المحمدي*

*علوم الناس واجدو الحقايق تكشف المقصود*

*عليه الله ومانه ماتجاهلها وانا داري*

*اعرف ان السحابه ضافيه فيها برد ورعود*

*بروق الصيف تومر بالخيال وتكشف الساري*

*غريب الدار يرثاله يحسب ان السباع رقود*

*يصوت بالهجاد ويدرق بالضل ويباري*

*الاياجارنا اللي كنت لاحاسد ولامحسود*

*علامك صرت سيه وارتديت حزامك الناري*

*علاقتناقديمه وش صفق راسك براس العود*

*تصفق للحشود وتعتزي بالضد وتماري*

*ولكن الرجال اهل الوفاء مقدارهم ماجود*

*نشيد بفعلهم ومجادهم لجالهم طاري*

******************

*مجاراة الشاعر سعد المحمدي*

*كلام الناس واجد واسمع اسمع علمي الماكود*

*دعمته بالحقايق لايجيبه شك ونكاري*

*طلع من عنق رحم الست شايب بالليال السود*

*سفينة نوح فيها دق له عشرين مسماري*

*نصحنا والنصيحه زادت الشايب عيا وجحود*

*يصلي بالجماعه بالمساجد والجسد عاري*

*ونفذ صبر الحكيم وقرب الشعله من البارود*

*بعد مابان ماخلف المحيط وخلف الاسواري*

*تولم يالضبيس العلم به حاوي وبه مردود*

*اشوف الوضع مزري والسبب من غدر الاشراري*

*علي ادعس على روس الافاعي والحم العبرود*

*وعليك المركي ان ثارت يمين وثارت ايساري*

*يستاهل الفنجال شيخ ٍولد شيخ*

*ماشيخته عامين والا عريه*

*مقدام قوم وله مكانه وتاريخ*

*مواقفه دون القبيله جليه*

*تدللو ياهل القلوب المفاضيخ*

*بفعول حلال الامور العصيه*

*فوق الجبال الراسيات الشواميخ*

*له نرفع البيضاء زبون الونيه*

*ماهي علوم اهل الوجيه المصاليخ*

*من الحيا والمرجله والحميه*

*بالهرج تسقط عابرات الصواريخ*

*وعند الشدايد مابهم منفعيه*

*مطنوخ يامساعد وربعك مطانيخ*

*يشهد على ماقول رب البريه*

*ابناء السريحي يوم وقت المناويخ*

*فعولهم ماهي علينا خفيه*

*اليا قبلت خيل العدابالمجاويخ*

*مايذبحون الا عقيد السريه*

*ماهز ذعذاع الهوا لشماريخ*

*مني لكم ياهل المواقف تحيه*

أحب الوطن حب العصافير لتغريد

وأحب الملك حب الملك للوطن والشعب

حماك الولي ياموطن العز والتوحيد

من المغرضين اللي تثير الفتن والرعب

نجدد ولانا للملك دون شرط وقيد

زعيم العروبه درعها بالنهار الصعب

*علي دين وجيت سداد لدين*

*حول السنه وانا اتحرا سداده*

*والحمد للي يسره ياحمر العين*

*ياطيب الرفقه قوي الاراده*

*العام ياصالح طليق الحجاجين*

*زرعت زرع وحان موعد حصاده*

*وانا على رد الوفى للوفين*

*حريص جعل ايام عمرك سعاده*

*سيفن تحده ياصعوط المجانين*

*مواقفن تحتاج صبر وجلاده*

*سلام من سكر نبات ورياحيين*

*صدق المشاعر والمحبه قناده*

*يعم بالمحفل جميع المراوين*

*مافيه نقص ولا يجيبه زياده*

*اهل السطر ومرجحين الموازين*

*لاسل مسنون الشبا من غماده*

*اكرام وابناء اكرام قومن عزيزين*

*يستاهلون الوافيه والاشاده*

*ابيوتهم مثل الجبال المعايين*

*مزبان في حر الزمان وبراده*

*في ظلهن بعد السهر ترقد العين*

*عين الدخيل اللي بعيده بلاده*

*يامن تبي مني دليل وبراهين*

*عندي لخطلان الايادي شهاده*

*مصادري فيها من الشعر بيتين*

*من مصدر الاحداث قولي وكاده*

*ماجيب غير اللي عليه المضامين*

*وماكل ماسمع به يتم اعتماده*

*صادق وماليه مع الناس وجهين*

*واشوف في بعض التغافل عباده*

عطيتك الاخبار موجز وتفصيل
من دون يالنشاد ذكر الاسامي
مكانها بالحاويه والبراميل
الحاجه اللي ماتليق ابمقامي
لاتحط يالجمال من عصر وتشيل
ويطيح من خشم الهنوف الزمامي
يكفيك عن نور الصباح القناديل
وانا تكفي هيبتي واحترامي

*دق المنبه مادرى للمنبه*
*راع العيون الحول مسموم الافكار*
*ينفخ على جمر الغضى لين شبه*
*وطار الشرار من الهوا واشعل النار*
*العام في حلقه عن الهرج طبه*
*اسمه ماسجل في سجلات الاحرار*
*واليوم طاحونه طحن فيه حبه*
*ياعل ماهو من طويلين الاعمار*

محزمي مليان بانواع الذخيره
وفي يميني باشة الصندوق والم
ادفن الركبه ليا شفت المغيره
دون مسروح العريقه والسوالم
من معه ياهل الوفى بصر وبصيره
في محيطه مايدور للمثالم
مع وسيع الدار يبعد في مسيره
مايعلم بالزمن رجال عالم
قاله اللي يعرف السيف وجفيره
ماطلع فوق الكتوف ولسلالم
طلعه فعله مع اجناب وعشيره
مايحب الظلم مظلومٍ وظالم
لو كثير من البشر حكم ضميره
ماحلم بحقوق غيره كل حالم

*عتيق ياجعلك عتيقن من النار*

*للتف ساق بساق يوم القيامه*

*حضوري الليله محبه ومقدار*

*وملبي الدعوه كفيت الملامه*

*دعاني محمد ولا عنه معذار*

*ابو تميم الله يرفع مقامه*

*الوافيه عندي لها تاج وشعار*

*بالشرق والا في سواحل تهامه*

*والناقصه وزعة قصيرين الانظار*

*ماني بها ملزوم ومع السلامه*

*الله خلقني حر من ضمن الاحرار*

*سمعت ياسلمان مدري سلامه*

*الشعر لشعار غايه ومضمار*

*وماكل من غناه حقق مرامه*

*شاعر على صوت المزامير والطار*

*يرقص ويومي في جناح العمامه*

*وان قيل يومك لاتوخر وتحتار*

*قامت تراقل بالمواقف عظامه*

*وشاعر ليا شانت وعمين الابصار*

*مفراص ماص ويلتفت في حزامه*

*فاصل وواصل في حديثات الاصدار*

*شرد عليهن للجزاله علامه*

*في حفل من تثني ورى عكش الاوبار*

*في يوم يشدا يوم حرب الرغامه*

*ابناء الزغيبي لامكر كل مكار*

*محزم ضفر ورجال طيب وزعامه*

*اهل البيوت اللي لها ضل وستار*

*وللضيف والجيران فيها كرامه*

*وقصيرهم محشوم من كل الاقطار*

*يزود مع زود الزمان احترامه*

*مامال غصن الورد من طيب الاثمار*

*صلو على المختار بازكى سلامه*

الشاعر خلف بن غالب المريخان

سلام يـاراسٍ عــلى الطــيب مـرفــوع
دون القبيله لـه هجوم ودفاعــي
للصاحب احلا مــن قـراطيــع ينبــوع
وعـلى العدا يشبه سموم الافاعي
اقــولــها مــن جـد مـانــي بمــدفوع
صاحـي وفكري للمناقيد واعـي
واليا مدحت امدح على فعل واطبوع
وامجّد الطيب طـويل الذراعــي
ســعــد بــن دومــان للضــد قـامــوع
يامــا ردع مـن عنجهين يعاعـي
له مــاقف مايجـحـده كـود مــسبـوع
والا قــلوب بالنجاســه شباعـي
مــاقـف شجاعــه شـايفينه ومـسموع
ماهي سواليف الرخوم الرعاعي
اللــي تناطــح بالــرخا افراد واجموع
وعن الشدايد يلبسون القناعـي
عـطـيت روس اقــلام والغيض منزوع
يامـدوريــن للــزعل والـنـزاعـي
مـن لاهــرج بالصـدق يفلـج ومردوع
هـذا حسب رايي وهذا اقتناعي

----------------------------------
سعد المحمدي

يامرحبا ترحيب مثني ومربوع
يعكس رضايه ياخلف وانطباعي
عليه من شغل العجم ورد وشموع
وعليه من نور الحقايق شعاعي
ياشوق من تزها الخلاخيل وردوع
الناس قامت للمصالح تراعي
اليوم تقدر تملك الناس بسبوع
اهم شي المال لو انت راعي
اخص من يرضى على النفس بخضوع
قصير بالثنتين نظره وباعي
اشداد من روس العباريد مصنوع
مايستوي للي فخرهم صناعي
عليه لايشره مهايط ومخدوع
مايصد قوم ولاشكروه الجياعي
من باب صنعاء يالجميلي لميقوع
الناس تعرف صاع غيري وصاعي
ثناك من قلبن به الطيب مزروع
مالوثه حقدن على غير داعي
مالك ورى ماقلت غايه ومنفوع
غير الحقايق يالصدوق الشجاعي

*زاكي البشري*

*كنا على تحقيق الاحلام مرهين*

*واليوم ما نبغى ياكود السلامة*

*ياوقت لاتجرح شعور العزيز ين*

*ارسم على وجه العزيز أبتسامه*

********************

*سعد المحمدي*

*الصبر مفتاح الفرج ياحمر العين*

*راعيه لابده يحقق مرامه*

*جرح الزمن يبرا وجرح القريبين*

*يابو علي يبقى على القلب شامه*

******************
*عيد سمير البشري*

*المرجله ياطيب العرف والدين*

*اللي قناهن ماتجيه الملامه*

*وقرابة،، يشدون حد السكاكين*

*الله يقومها عليهم قيامه*

*******************

*سعد المحمدي*

*قلت الصحيح اللي عليه البراهين*

*من تجربه ياعيد ماهي غشامه*

*شاعر علم ياراعي اللمنطق الزين*

*شعر النبط ياعيد عندك وسامه*

*سعد المحمدي*

*كبير ياعيد في شعرك ومقدارك*

*وتواضعك من ثقه بالنفس يالبشري*

*من الفويلق تجيني عاجل اخبارك*

*شمال غرب الحبيبه جار للمشري*

*غالي ياعيد السمير وعالي اجدارك*

*عن حذف الاقزام يابن العم والدشري*

*******************
*عيد سمير*

*ياكبربالصدر مقدارك وتعبارك*

*ياعقب عبدالله الدومان يالعشري*

*سوق الردا مانجيه ولاهو بكارك*

*وسوق الوفا لادخلنابه منه نشري*

*كل القبيله تفاخرفيك وديارك*

*عساه يفداك ابووجهين والقشري*

*****************
*فرحان البشري*

*ياعيد كلٍ يشيد بندّر اشعارك*
*في كل ديوان لك دره ولك نشري*

*اشاد بك شاعر بالملتقى شارك*

*وانته وهو بالجزاله كلكم خشري*

*سعد عشير النشاما لانطفت نارك*

*من يومك اليوم حتى ساعةالحشري*

*********************
*سعد المحمدي*

*يابعد شوحك يابن عمي ومضمارك*

*الله يجيرك من اهل الغي والقشري*

*شميت ريحة عبير الورد وبهارك*

*ياعل يفداك راع الحسد والفشري*

*دقيت بعيون راع الخبث مسمارك*

*مغدي الضيف تونه والعشاء كشري*

*بدايت خير مبدابه كلامي*

*وانا مسؤل عن مجمل كلامي*

*ذكر علام مايخفى علينا*

*تنام عيون خلقه ماينامي*

*على العرش استوى جلا جلاله*

*تسير الفلك بأمره والغمامي*

*بعد ذكره هلا مليون مره*

*نيابه عن رفيعين المقامي*

*قبيلة حرب ربعي درع جنبي*

*ذرايه تاج راسي والحزامي*

*وانا من دونهم سيفن مجرب*

*ماني وقت الصعيبات انهزامي*

*لاعنت للمواجه كل سردا*

*لبست الجوخ وشهرت الحسامي*

*ارحب باسمهم بالحاضرينا*

*من الاجناب وعيال العمامي*

*بحفل الشاعر اللي شاع صيته*

*قريت اسمه مع اكبار الاسامي*

*نوادر لبو نادر صنفوها*

*عصاميات والشاعر عصامي*

*مجمل يالضبيس بكل حاله*

*واعدك سيف يالحر القطامي*

*حفيد اللي على سرج الاصيله*

*كسر جمعن يضيم ولا يضامي*

*عقيد القوم طشه لذيابه*

*وباق القوم غاشيها العسامي*

*كلامن ماعليه اثبات زايل*

*وعلى ماقلت وقع يابهامي*

*ابارك للمكرم والمكرم*

*باليله ساميه والحفل سامي*

*وابا عرج على شيخ المراجل*

*عسى بطنن حمل به لرحامي*

*ابو سلطان غازي حي فاله*

*من اول مانشا للمجد رامي*

*مقدر طيب السيره مقدر*

*من اهل الطيب والناس الحشامي*

*على حق وحقيقه يتبعونه*

*بعيدين الهقاوي والمرامي*

*مداغيش الازد نعم الحموله*

*اهل فزعه واهل خيل وجهامي*

*لهم في وادي الحمض المسما*

*فعايل كنها بدر التمامي*

*هديب الشام ياسلطان غازي*

*لك التقدير مع زود احترامي*

*نصاك العلم قلت العلم عندي*

*على هداج وردن الضوامي*

*وسمت السالفه وسم المطيه*

*فدوك اهل الحسد واهل الملامي*

*احب الصدق لا طمس الحقايق*

*واحب النور جلاي الظلامي*

*ياربعي حرب مسروح وسوالم*

*على المنبر قبل مسك الختامي*

*معي يفداكم الحاسد نصيحه*

*نصيحة من حوا خمسين عامي*

*مجرب بالزمن حلوه ومره*

*يعرف اهل الاشده والمسامي*

*تكاتفنا ونبذ العنصريه*

*يزيد الصف قوه والتحامي*

*مع الجاهل ليامنا جهلنا*

**تفرقنا وماصرنا ليامي*

*وترا الرجال ماله غير ربعه*

*يمن والا يسوق الركب شامي*

*على ماقيل يمنا دون يسرا*

*ضعيفه يالكرام من الكرامي*

*بيوت العز ترفعها عمدها*

*وبيوت الذل ترجع الهدامي*

هدية اللي لاعطا يجزل العطا
ومن عادة الطيب يقدم ثمينها
حمرا يسر العين بالحيل شوفها
يشعى راع البل من غلاها حنينها
ضحى من العقله سقى السيل جالها
ارسل بها قرم العيال وذهينها
قدام مايمشي علي الفور حاسبه
وعطاه خط السير وقبل بحينها
بعد الغروب ودلجة الليل ضافيه
وصل تبوك الورد ياعارفينها
حملتني حملٍ ياحمدان مقدره
حيث الجمايل ثقل شوفان دينها
الاوله ياصعب يالقرم ردها
بعسر الليالي ياالسليمي ولينها

اه ياقلبن تزايد تناهيته
لاتذكرت اليالي وماضيها
يوم وقتي غايبتن عفاريته
قبل لاذراعي غثا الوقت يلويها
من تجملبي ترديت مااوفيته
لعنبو دنيا الفنا ويش تاليها
فليح الهابس
—————
شاقني معنى فليح وجاريته
محزمي لا كدر الوقت صافيها
ان سقاك الوقت مره وحلتيته
غيرك اللي صافي السم مسقيها
الليالي تجرح الجرح وتميته
ان صفة يومين ماكثر بلاويها
سعد المحمدي
——————
ياسعدسلم على فليح انجيته
وانت تسلم ياسعد من بلاويها
حي قاف الشعروالشعرحييته
والجماعه يسعد البال طاريها
فزقلبي واصطفق ثم ناديته
حطني في صف ربعن نجاريها
عوض طالع

الشاعر حمود السكراني

الا واوجودي وقتن أقفى يابن دومان

طوته الليال وخيم البعد من دونه

زمانه شباب العمر ومشاهد الخلان

مع الخوة اللي دونك العمر يدنونه

عليكم سلام الله ياساكن بلودان

مكانن سهجته يوم الأوطان مامونة

جنوبه على الاردن شماله حدود لبنان

جباله خضار ومدهل لكل مزيونه

شربنا حلاته مير ماكن شي كان

توارت ملذاته وذكراه مكنونة

نشدتك عن اللي شاب لاشك بالوجدان

مساحة بها هوجاس تخضر به غصونه

ليادك داكوكه تسابق له القيفان

تفيض المشاعر له وترقص على لحونه

وانا ادري بطبع الوقت مايرد شئ كان

ولكن مثل شرواك لهم رأي يبدونه
----------------------------------
سعد المحمدي

عليك السلام ورحمته يارفيع الشان

حسب سنتن لناس سمحه ومسنونه

لو ان البيوت من اخر النص للعنوان

تعذر سلامك يارفيقي ومضمونه

يقولون يالانسان ماتترك النسيان

وانا اقول راس حمود عزه من امتونه

ترى مامضالك حط ماقول بالحسبان

من الصعب يرجع لكن الحل تنسونه

وجودي على شيخ الكرم مكرم الضيفان

ماحاشه لخطاره يحطه علي صحونه

محنك عساه بجنة الخلد والرضوان

ياصعبه بحال وحال ياحمود ياهونه

وبعد ياوجودي وجد من فيه وقته خان

على الفارس اللي جمرته فوق غليونه

رحيله خساره فادحه ياشقر الجنحان

عطيتك من الموضوع ياحمود مضمونه

ااااأااااااااااااااااا

*يازياد مايقبلني العذر يازياد*

*كيف اتعذر حفلكم ياخوالي*

*لو قستها يازياد من كل الابعاد*

*مالي عذر ياعيال سمح القبالي*

*الشايب المرحوم كساب الامجاد*

*عساه بالجنه كريم السبالي*

*رجال عرف ويحفظ الملح والزاد*

*بكر على قبره صدوق الخيالي*

*من عزوتن يوم انها سيف وزناد*

*من العيون وغرب ووجه شمالي*

*في ضفهم حمرن مثل دم الاكباد*

*قصير المغزل عليهن يلالي*

*وسم لحبالين المكارم والاسياد*

*قدام يذن بالمناره ابلالي*

*ياللي عن ارموز المناعير نشاد*

*اعطيك نبذه حول نص السوالي*

*منهم سعد راعي معاميل وشداد*

*عقيد قوم وللخطر مايبالي*

*سجل على خشم المصيقر للاحفاد*

*فعلن مخلد من قديم الليالي*

*شاعر جهينه فيه بالمعركه شاد*

*قال الصحيح وماب قوله جدالي*

*ومنهم خلف سم الافاعي للاضداد*

*سبار طرشن دونها النزل حالي*

*الراي قال الراي ياقروم الاولاد*

*الدرب ياطا نزلهم لامحالي*

*وصاح الصياح وراجة الخيل بالماد*

*وقفو على البل مبعدين المدالي*

*وطلق لربعه بالزمن عون وسناد*

*يبرم ولا تبرم عليه الرجالي*

*شيخه وصينيه ودله وبراد*

*يوم السنين اعجاف والجيب خالي*

*الحق لو يزعل محمد وحماد*

*والله لقوله كان جاله مجالي*

*حربي وحر الراي ماني بجحاد*

*وعن الخطا والعيب قاصر حبالي*

*ولاشفت لوجيه المخاليق عباد*

*فريس هرج وبالمواقف ثعالي*

*ماني لهم تابع ولاني برواد*

*نفسي تروم الكايده والمعالي*

*على الصراحه وبلج الحق معتاد*

*وماقف على الجرف الطويل الهيالي*

*الشاعرسالم الغرابي*

*شاعر قبيله يتعب الخصم رده*

*درع الحروب وللصعيبات حلال*

*بالماقف الغصاب لا قام سده*

*دون القبيله سيف كان العدو مال*

*له ماقفٍ باالشعر كلن يعده*

*سجله التاريخ من عرض الابطال*

*سعد المحمدي*

*ياسيفي اللي يقطع الراس حده*

*يامعرب الجدين يالمعدن العال*

*ياعل يفدونك حمير المكده*

*سهاجة الواجب خبيثين الاعمال*

*لو يتحقق للفتى مايوده*

*شفت العجايب يالغرابي والاهوال*

*للخيل خياله وللحرب عده*

*وماكل من يشره على الطايله طال*

لاصار مالك عند ربعك قبولي

اكيد منته عند الاجناب مقبول

عيد النظر في سيرتك يامهبولي

قدام لاتصبح عن الناس معزول

على الخطا لاتصير دايم ميولي

منته على العالم موكل ومسؤول

انصحك لايغرك قريع الطبولي

الناس تعرف كل صاحي ومهبول

((سعد المحمدي))

‏ورتكم عد الروى بالكليبين

ومن الثرا رفعتكم لثريا

ولقيت فيكم للمعادي معاوين

حاولة اعدل عوجة العود عيا

مير اسمعو مني من الشعر بيتين

ماكل ماتبغى الخلايق تهيا

((راعي المكاشيت))

‏‎كفــو يابــوتركي كعــام المعادين

يالنــادر اللي بالمـواقف وفــــيا
،
يومـنها بانت فـردت الجـناحين

وكويت عدوانك على الكبد كيا
،
سقيتهم من علقم الشعر كاسـين

وعطيتهم من فيض شعرك حميا
،
وعلمتهم درسٍ يدرس من سنين

ماتمشـي العوجــا عـلينا كذيـــا
،
((‎ خلف المريخان))

‏‎كفو وفعلك له شهود وبراهين

مايجحده ياكود نذلٍ ... وعيا

صنديد لاعدوا رجال الميادين

كفك على لطم المعادي مهيا

واقبل تحيات الوفاء ياحمر العين

من صاحبٍ رد القوافي حميا

((سند العريمه))

‏‎انا اشهد انك وافيٍ .. بالموازين

وتكوي عدوك .. بالعباريد .. كيا

وانته نجاحك غَث كل الحسودين

اللي ..هقاويهم .. لعوبة .. عميا

لاجاء نهار .. الكارثه .. والأكاوين

تقول مامنهم .. ولاشخص .. حيا

ولاجاء نهار السلِم جونا مغيرين

من عجهم نصف البسيطه ..غميا

((س الصبحي))

أنصح لكم بالفرض وملازم الدين

فرض الصلاة وصوم مادمت حيا

الشعر عندي بيت يسوى الملايين

احكم معاني الشعر واطويه طيا

بالفعل والقوة نهزم السلاطين

والترك دسناهم هناك وهنيا

((تركي المحرول))

مافيك شك الياغداء العلم علمين

الراس يقدح بالسطر والحمياء

هذا الكلام اللي عليه البراهين

والحر يعرف والحديه حدياء


((‎‏‎سعد عبدالله الفريدي:))

انااشهد انك داهية يا احمر العين

ويديك بالفعل المشرف مليًا

وسورا على ربعك مثل سور برلين

كان المنازع والمعاند تهيا

وحصل مثل حرب العرب في فلسطين

عزالله انك تكوي الخصم كيا

((نايف غازي الحنيني))

فعلك بميدان البطولة براهين

وراسك تقادح بالسطر والحميا

درعٍ على الشدات وسط الميادين

وسيف ٍ على العدوان فعله سطيا

لاجاء نهار (ن) فيه للعلم علمين

ضلك به العربان دايم تفيا

ولاينكر المعروف كود الرديين

ووقت الشدايد ماتكلم بشيا

*حديتني ربي يحدك على اقصاك*

*عن مايدور بخاطرك من سوالك*

*علي لاتشره وتكثر خطياك*

*وانا موفي ماقصر من حبالك*

*تبغى الصحيح اشره على فعل يمناك*

*والشايب اللي مانشد عن خوالك*

*وبعدين ننظر في كلامك ودعواك*

*نعطيك في سرد القضايا مجالك*

*سعد المحمدي*

*اشوف بالدنيا تحول مريبي*

*يالله ثبتنا على دين الاسلام*

*يمكن غراب البين فيها يشيبي*

*نمشي يمن والدرب يرجع بنا شام*

*الجرح عيا لدواء يستجيبي*

*عطا عنه تقرير دكتور الاورام*

*بين المهدي والمرض والطبيبي*

*مافيه عامل مشترك غير الاوهام*

*اليوم مابه شي باقي غريبي*

*حتى الفرس ماودها سرج والجام*

*ياهاذبه يكفيك غي وهذيبي*

*تراجعي خطوه ترا الشر قدام*

*لطارفه يقنب على الريع ذيبي*

*مع غفلة الرعيان تحقيق الاحلام*

*ان طاح حبل السانيه بالقليبي*

*ياقف على طيه ثلاثين هدام*

*سعد المحمدي*

ياللي تحاول بالزمن ترضي الناس
الناس يارجال كايد رضاها
قد قيل مرضيها مثل طابخ الفاس
حضيض يامخلوق سالم غثاها
بعيد عن مايوجع الكبد والراس
في ديرتن يكفيه نفحة هواها

الكذب ماحنا على الكذب ضارين

يالشايب اللي نافخ ابليس راسه

السانك اللي بالقفى تقل سكين

مغراف قلب ٍفيه حقد ونجاسه

ان كان سيفك ملحمه بالقريبين

حنا على العدوان فينا فراسه

ياما فلجنا بالحقايق بعيدين

يوم انت مابين الغنم والغراسه

مايبلش الصاحين غير المجانين

يقطعك ياعرق الحسد والخساسه