ياجماعة لفة الأيام واللفة سريعة=أقبل الشهر الفضيل وكل أبونا نحتريه
الحصيل اللي يخسِّر قبل ما يبدأ نبيعه=وإن توفَّقنا وصمنا ما نعوِّد نشتريه

يهتني به من يصوم و يجتهد بقيامه= الله انه يقبله من كل مسلم ثابر
لا بديت بيوم يا مسرع مرور ايامه=بس في فضله تميّز و المثابر خابر

برمجات جمعوها لتلهي المسلم قيامه=غاويات ن سافرات ن كاشفات ن السراير
ياعسى المسلم يناصح كل من جرح صيامه=وياعسى الله يهدي اللي في الغواية صار يكابر

برّكوا عوص النجايب يا أهل الملتقى ذا الليله= و ادعوا الله يقبل صيامنا في وقت حرِّه زايد
كل منا يحتسب في الصيام ويبعد التظليله= عن عيونه و يتلمّس قبول من الكريم الجايد

هل شعبان وبعده يهل شهر ن للفضيله=الحظيظ اللي يُسجَل اسمُه لله عابد
في صيامه وفي قيامه صحة ن لنفس ن عليله=ياهني اللي رصيده من الفضيله في تزايد

اجركم يالصائمين اجر ن جزيله=وبالتهاني كل عام ن انتعايد
ربنا إجعل لنا القرآن دليله=ياعسانا دائماً عمَّار المساجد

جداي اهل الدمع من محجر العين= على وليف راح من غير Goodbye
لولاي من ربعه و انا عارفه زين= نسيت وده واعتبرته من عداي

هاجوس فكري شغل فكري وعناني=اسهر والا ذوق طعم النوم بالمره
والسبـه اللي يواعـدني والا جـاني=وأخاف أنا موت ياالأجواد من حره

بهّرت لي دلةٍ من بن خولاني= و صبيتها للرجال اللي تقدِّرها
يستاهل الكيف من جا مجلسي عاني= المجلس اللي رعا الناس و مشاعرها

المشاركة الأصلية كتبت بواسطة الصييفي (المشاركة 635372) بهّرت لي دلةٍ من بن خولاني= و صبيتها للرجال اللي تقدِّرها يستاهل الكيف من جا مجلسي عاني= المجلس اللي رعا الناس و مشاعرها

في مجلسك يالصييفي النجر رناني= والشعر رديتن محدن يعذربها
واحلى اذا كل شاعر شارك الثاني= من صافي القول كلن ومايجود بها

المشاركة الأصلية كتبت بواسطة ابوبندرالرشيد (المشاركة 661125) في مجلسك يالصييفي النجر رناني= والشعر رديتن محدن يعذربها واحلى اذا كل شاعر شارك الثاني= من صافي القول كلن ومايجود بها ابوبندرالرشيد

سلام رديتن من يم بدراني =وموجه للنشامي في مواكبها
ماني غريب وسط ربعي وخلاني=والغاليه لاجلهم ماني بحاسبها

ياحرب يا مكرمين الضيف والعاني =يالابة كل طيب مايجنبها
في مدحكم يارفاقه يعجز لساني = ياللابه اللي عطيبات ضرايبها

المشاركة الأصلية كتبت بواسطة الصييفي (المشاركة 662082) مع كل التقدير للمشاركين الفكره كما بدأت هي أن تبدأ بالحرفين الأخيرين من البيت الثاني لمن سبقك و حتى صاحب الفكرة ابو بندر الرشيد خالف القاعده رغم أنه قال في البدايه: "بسم الله الر حمن الر حيم السلام عليكم ورحمة الله وبركاته اخو اني اعضاء ملتقى حرب الرسمي اود ان اطرح فكره جديده وارجو من الجميع التفاعل وهي كالا تي هذه بيتين من الشعر ابتديت بها وعلى من ياتي بعدي ان يبدا بالحرفين الا خيره" وللجميع تحيتي و تقديري

هانت وانا كنت احَسبِ ان الأمر صعبي= ربك يسهِّل لما يصعب على عبده
إفهم ترى بعض الاشيا لو بدت لعبي= تصعب و تكوي سديد الراي في كبده

دهرك ترى يومان امر ربي=زود الثواب للي صبر على الشده
بعد العسر انتظر يسرن على الدربي=كل من زرع زرعن جنا كده