تسأل عن الحال وش تبغى= مايسد ظلمك وهجرانك
حالي تلف كان مايبقى= وضيعت عمري على شانك

وا سيدي اللي نحا للشرق= قفى وروح وخلاني
احرق عليه فؤادي حرق=كثر البكا خرب اعياني

ليت المرض مرك وعداك=غافل ماشافك وجاء يمي
ما ودى انه يجي شرواك = يافرحتي انت ياهمي

تعال عجل بلا تجريح=اتلفت حالي بهجرانك
من جور مابي لقمت اطيح= مشتاق نظره لاعيانك

لجل غلاوتك ماسيبك= مادام يجري في جسمي دم
تفرض محبتك من طيبك= والي سواتك ترى يخدم

فاض الصبر هاتو علاجي=وينه طبيب الهوى نبقاه
الجرح وسط الحشاء لاجي=مجاحده مير مانقواه

بكتب نصيبك من الميراث=القاف والمرجلة والود
لجلك ينايف من الوراث=أظنها وانا ابوك تسد

أكتب على الصخر ويجاوبك=حربي انا والوفا دربي
وقت الله الله ترى يعجبك = لاقال قول وفعل حربي

اجامل الناس ياقاسي= وبانت بي جروح مخفيه
الحق قبل لاالفظ انفاسي= يالي بك الروح مابليه

قابلت صدفه زعيم الروم=في حي الاجواد متعدي
الوسط قضبه ومشيه زوم =في مشيته يقول من قدي
ناديت ماترحم المحروم=محروم سار الزمن ضدي
قالي مشينا ويالله قوم= مادامك محب ومودي
جلست فى ضيافته لى يوم=كل مازهم قلت ياودي
صحيت اثر العلوم احلوم=حطيت يدي على خدي

اناظر الشمس لاغابت =وقول لسع يجي بدري
معقول امالنا خابت =يمكن حصل شي ما ندري

هي يابحر فوق موجاتك=خذني انا وداعج العينين
لهبت الصبح نسماتك = ماودي ان الشروق يبين

يازارع المر في قلبي=دمع المتيم عليك يهون
جرحتني جرح وش ذنبي = خليت كل العرب يدرون

ردو على رنة الجوال=يالي على شوفتك تبخل
يالى تقول الملاقى محال=عندي امل يوم بايحصل

هيا بغطيك وابوسك=تصبح على خير بكرة اجيك
خايف من النامس يحوسك=ما ارضى على قرصته بيديك

وين الدوى هلت العبرات=من جرح وسط الحشى عايب
اردد الاه والزفرات = على الذي عننا غايب

ياسيد ياشين فرقتنا =وقت الملاقاء مع العربان
ماكنكم من أحبتنا=والود وسط العيون يبان
ضاعت آمالي وهقوتنا=ياناوي الصد والهجران
عجل ورجع علاقتنا= إ ن كنت مخطي ماعوده كان

حمدان لاينشغل بالك = لاسار قوله كذى مغريه
ذاك ان تجاهلك بقوالك= تجاهله بكل مايبنيه
ويازين يوم تطري ديارك= وبديرته المثل يكفيه
من حرب كيف اللقب جالك =ياسالك عاشق تعال افتيه
خلك رجل وحفظ السانك= وهرج القفى شوفني مابقيه
من حمد ربي ماني جارك= ومثلك من المنطقه ننفيه

الود ماهو على كيفك=حزات تعشق وحزه تصد
عند العرب تشهر بسيفك=ولاسرت وحدي علي ترد

يالله ماغيرك اناجي = يالي جميع العرب ترجاه
ياربنا عجل افراجي= ابعد علينا الذي نهواه
وسط الحشا نار وهاجي=يامصعب الفرق مانقواه
بين العرب كني اللاجي=غيره من الخلق ما نبغاه

قوم اسمع العاشق الشاكي=عساك تسمع له و تفتيه
طيرن وقع وسط الاشباكي=قناص مايتركه يعفيه
يبكي اذا شافه الحاكي=بالنار مايحس لو تكويه
على مخدة حزن تاكي =الشوق وسط الحشاء ضانيه
لو شافه الجاهل الزاكي=عاف الثدي كره مايبغيه
مافاده الطب ف نطاكي=وطب العرب ماتفسل فيه

اكرهك كره العمى مابيك=ان غبت ون جيت قدامي
لاعاد يومن جمعني فيك=لاوحسايف على ايامي

رحنا ضحايا الدلع والغنج=وذابت قلوب الهواويه
تهنا بساتين فيها ترنج=ماحشت منه ولا بليه

قلنا عوافي قالة تيكه= يموت من شاف منظرها
ساري دلع كله انتيكه = ترطن ولا قدر اراطنها

لجلي شويب محق الشوف = تمر ماتقول وش حالك
اخيه يا ناسي المعروف = ضيعة عمري على شانك

قولة عوافي تراها تسد=تكفي عن اشارةايديه
من خوف واحد علينا يلد=ثمين نمنع من الجيه

تامر على العين خذها لك= تسد وحده تقديني
ياناحل الخصر مايسدك = ليلي ونهاري مبكيني

ياليت وسط الصدر قلبين=كلاتها اسكنك فيها
لان انت النظر فالعين =يامعذب الروح داويها

سلام وزكى من الكادي=يالي لكم في فؤادي ود
لي سيد ناوي بالبعادي=انا اترجاه ولى اصد

يامرحبا يابن الاجوادي=واسمع ياحمدان علم الجد
ابحث فالاسباب يستاذي=وشوف لجل ايش يبغى يصد

حلو الشعر ربطته كعكة=وزمام سيدي ذهب غالي
من مبسمه حرك العلكة= مال وسقاني من الحالي

كان الهوى كان كبيناه= لومر ماعاد نشقابه
شبنا ماحشنا الذي نبغاه= الشوف عسم من اسبابه

يامن بفرقاه كاويني= يالي عن احوالنا تسئل
ماغيب ونته نظر عيني=ارحل معك وين ماترحل
انا ترى الشوق ضانيني=ونت الذي بالحشى محتل
رغم انه الحزن غاشيني = افرح اذا جيتني ولامل

الحق علي لايفوت الفوت= نبغى اللقا والرضا لاغير
انت الدوا ومشربي والقوت= انــتــه سـمـايــه وانــــا لك طــيــر

تحت الثرى يوم ودعناه=بكيت اكثر من انجاله
عقب لنا الطيب ماننساه=يالله عسى الخلد منزاله

ياشمس لاتشرقي بدري=تاخري فالشروق شوي
انا معي ناحل الخصري=جوه رمنسي مايبغى الضي

تناصف الصيف ياخلي=والصيف ماله حلى بلياك
شوف العنب سار مدلي=زيده حلى بلمسته لشفاك

حققت لك كل احلامك=واشوفك اليوم اخذ جنب
لاتزهق الروح قدامك=تجنى اسيه وتكسب ذنب

تــدري غـلاكـم يـسـاوي كـــم=انت النظـر داخـل عيونـي
وشريان فالقلب يوصل دم=دنـيــاي انـتــه و مـضـنـونـي

ودي اعايدك قبل العيد= ياخوف بعدين ممداني
مانامن ظروفنا ياسيد =يمكن يجي امر يحداني

جثمان ماضيك شيعته = واليوم انا ارثيه باشعاري
وقلبي عن الود حذرته = و انت عن اللي حصل داري