سلام ياغالي دعانا وجيناه=من روس بالحارث عريبين الانساب
عبدالله اللي يرفع الراس طرياه= مع القرايب فيه نسمع والأجناب
أبو سعيد معشي الضيف لاجاه= راعي كرم للمال مايحسب أحساب
قلت عيوبه يوم كثرة مزاياه= رجال عرف وللجمالات كساب
تحيته لأقبلت تكفي عن أقراه=بالعود للخطار واقف على الباب
أنا اشهد انه تفعل الطيب يمناه=للضيف يذبح حيل مع حلوا ترحاب
أبوه من صغره على الطيب وصاه=ماخاب من وصاه بالطيب ماخاب
يالله عسى الجنة مقره وماواه=في يوم مابه لاوسائط ولا أصحاب
معربٍ من روس قومٍ مسماه=قومٍ تحل الكايده عند الانشاب
لاسيقت لعطفه نهار المثاراه= وحمي الوطيس وصار للخيل ركاب
عدوهم كنه على الجمر ماطاه= لاشافهم كنه وطاء بالقدم داب
على ظهور الخيل فرسان ورماه=عوق العديم أليا فتل روس الاشناب
كلام حربي فاهم أقصاه ودناه=أليا حضر عن حرب في محفلٍ ناب
حربي وربعي خصمها ماترضاه=يوم القبائل بين غالب وغلاب
من عال عن دربه بالأقدام ناطاه=يوم أنها بالسيف ودقاق الارقاب
منا نويشي بالخوي كلن اوحاه =شطر إل سبيل وعدت شطره من إعجاب
عند الخوي سته قتلهم بشلفاه=ويمين خاله قصها تقل قصاب
على البسيطه من يسوي سواياه= ماينجبن مثله جميلات الأهداب
ومنا البلالي في قصيره سمعناه= فداء قصيره في حياته وما جاب
نجأ القصير وغاض في موته أعداه= حقايقٍ ماهي خرافات و اكذاب
أم المطيري فوق عامين تنعاه= تقول في روحه فداء سيد الأحباب
قصيدها كلن سمع به وغناه= ماحرفوه اهل الرشاوي والأحزاب
وباق القبائل طيبها ماجحدناه=كلن ورى حقه رهاوي وطلاب