الاجازه لها وجهين حسنه وسيه=كم تجمع حبايب كم تفرق حبايب
والاوادم قضتها بين روحه وجيه=والحبايب بها مابين حاضر وغايب
اربع ايام مانامت عيوني شقيه=والاجازه هي العله وهي السبايب
الاجازه يابو فواز تثر عليه=سجلت في الفواد وفي العيون الضرايب

غازلت قلبي بحبك ليييين حبيتك=وتركتني في متاهات الخلا الخالي
ماعاد تسمع لصوتي لو ناديتك=اقفيت عني وانا اناديك ما تبالي
ماني بناسيك لـو انـي تناسيتـك=دايم خيالك على بالي على بالي
لو ما انت غالي ياغالي ماتمنيتـك=غالي وتبقى على طول المدى غالي

يالله لاتسقي ديار البداوين=حيث انهم عن صاحبي بعدوني
تاخذ ثلاث سنين والا اربع سنين=على ثراها ماتهل المزوني
ومن بعدها تمطر عليهم ودادين=بأول ليال الوسم ويربعوني
تسقيهم الامطار حينٍ باثر حين= دايم ربيع وصيف مايمحلوني
ويصبح راع الاعلاف كنه مسيكين=في منطقتهم مالقاء له زبوني
كيس الشعير يصير سعره ريالين=ولو قال لهم بريال مايشتروني
عقب الدهر تصير مثل البساتين=ويستانسون اللدو ويسامحوني

الغالي اللي سكن مابين حدب الضلوع=عشيته القلب والكبده وبعض الشوى
سكن صباح الاحد حتى صباح الربوع=ثلاثة ايام لكن للسفر مانوى
طقيت صدري عليه وقلت حان الطلوع=ترى انتهت الاقامه قال مالك لوى
شكله يبى يستريح اسبوع بعدالسبوع=يمرح ويسرح بوسط الصدرومااحتوى

لاوا لله الا غدا عيسـى مـع الحـره=اللي بهـا للحبـاري والظبـا طـاري
عيسى لقـا للحبـاري والظبـا جـره=وراح يتصيد مهو عـن الخطـر داري
قد قلت لـه لاتطـب المنطقـه مـره=لكن عصى الراي لين انه جرى الجاري
مايدري ان الهوايـه هـاذي تضـره=تتعب عيونه وقلبـه والجسـم بـاري
ياعيد عيسـى تهـرّب عنـه لاتمـره=تمشي مماشيه ثم تصبح له امبـاري
قد قيـل ماكـل مـره تسلـم الجـره=وانته لبعض النصايح كاتـب وقـاري

لله درك صديق شوفي يسره=وانا لشوفه بعد لوينشرى شاري
ياصاحبي يانداء محتار بالمره=عجزت ابرر حيال الموقف اعذاري
ياطرجيبي كشفت السر ياطره=الظاهر انك عملت محلل اخباري
ريموت باب الولع قلب العنا فره=والاجهزه تشتغل في طوعه اجباري
شوف الجوازي مع المسراب منثره=ربيع قلبي ومثلك عارف وداري
ونصحك على الراس لكن الهواء شره=باين عليك اعترف بالحق ياجاري
بنشدك شعر الغزل والوجد وش سره=معك يوم انه طوال الليل سماري
هذ صديقي نداء لاحرني حره=به علة خافيه مفعولها ساري

هنيت ناس تنام الليل ما تسهر=مابينهم والمنام الا شراشفهم
وانا انظر الشمس حتى نورها يظهر=كني خفيرن ارقدهم والحفهم
من سبتك ياحبيب(ن)عرْفتك تقهر=والناس تحرص على عرفة معارفهم
ماتدري اني على هالحال لي اشهر=وابين الوضع لجلك مير ماتفهم
لذا شكيتك على راع الوفاء سمهر=اعرف رجال الوفاء والناس تعرفهم
في مدح سمهر نبى نكثر نبى نجهر=حيثه من اللي كثيرات مواقفهم
يبحث عن الطيب مايبحث عن المظهر=قبيلته في مواقيفه مشرفهم

لا لا تعاندني يضرك عنادي=وش عاد لوانك هوى البال والروح
وقف عنادك لا يطول التمادي=وتتعب وتتعبني على غير مصلوح
ترى الزعل يصنع صعيب البعادي=وتروح في دربك وانا بدربي اروح
عقب الغلا يصبح مفارقك عادي=ما دام في قربك معاناه وجروح
الا توافق في مرادك مرادي=وعن كل ما بصدورنا نبدي البوح
وننه الخلاف بمدنا للايادي=وتقول لي مسموح واقول مسموح

الحاتمي مايشكي الغيض والهم=مهما كثر غيضه ولو زاد همه
يصبر على ماصار مهما تألم=مايعرف همومه ولو ابن عمه
مايبدي الاسرار للخال والعم=وسرارهم يحذف بها وسط جمه
ثقيل عقل وبالمواضيع يفهم=حسن التصرف والركاده تهمه
ماهو اهوج(ن)بعلومه الناس تعلم=والسر مايقدر بصدره يضمه
لو شاف له زول جميل يتحطم=يضيع في معنى الكلام ويخمه
وش عاد لو جاه يتخطى وسلم=يصير به كسره وفتحه وضمه
من خف عقله بالكلام يتلعثم=ويشغل يدينه بين جيبه وكمه
عساه يقرا ماكتبته ويعلم=ان الكلام اللي كتبته يهمه

ان كان به بيني وبينه قرابه=هي شعر وشويه هموم وماسي
صحيح في نهج القصيد انتشابه=وهجر العيون لنومها والنعاسي
ونداء قصيده حافظه في حسابه=وانا قصيدي حافظه وسط راسي
وانت الذي ظنك تحقق صوابه=والاظنون الناس مثل التكاسي
والظن معروف اثم والكل هابه=اذكرك اياه كان انت ناسي