ياخال لاتشقى ولاتعيش مشقي=لاتزرع الالغام داخل حقولك
اول تقول البيض مامثلهن شي=واليوم عنهن منكفاتٍ خيولك
من اولٍ تمدح باهذه وهاذي=واليوم مافيهن مطابق ميولك
ياللعجب وش غير الحال ياخي=معاد تهذل مع ضعنهن ذلولك
مدري عقلت وصرت ماتتبع الغي=ولا الزمن جاير وثقلت حمولك
البيض هن البيض من خلقة الضي=مامن تغير خل من سولفولك
لو العشاء حبة شورماء وببسي=ياخال منهن ماش شين يهولك
كلٍ يعيش بدنيته مثل ماهي=مواكب العصره فلا يطق جولك
راضين فيهن والزمن غصب يرضي=ناظر وشوف الناس حولي وحولك
اسمع سمر وش سولفت عن سفر مي=على جبال الالب وانت (بدخولك)
عايش بصحراء ماتلاقي بها في=جو الحضارة مايناسب بقولك
اعطيت لك نبذه عن الحال وشوي=نصيحتي خل البشر لايجولك

خلو الخوذة بدل لبس الشماغي=الوطن يبغى مواقيفٍ عظيمه
ياجنود الحق دقو كل طاغي=علموه ان الوطن هيبة وقيمه
دام عقله عن دروب الحق زاغي=لاتكون قلوبكم لجله رحيمه
من يعق امه يقول الدين باغي=كيف ينسى حضنها راس البهيمه؟!
عقها بالفعل واللسانٍ يلاغي=جندوه اعداه بفكارٍ سقيمه
لين قتل النفس منه يستساغي=وصار قتل الاخ مكسب مع غنيمه
شوه الاسلام مقطوع الرساغي=جعل ماياطى على رجلٍ سليمه

ذكرى الوطن ماهي كلامٍ وتهميش=نعيشها فرحة وشكر وصلابه
ولاياوطنا ماتهزك خفافيش=اللي على درب الظلال تعدابه
علومهم شينه وفيهم خرابيش=من يوم مقصدهم ديار الصحابه
ظلو طريق الخير مثل الدراويش=غدابهم علمٍ ردى من مشابه
معششٍ بعقولهم جهل تعشيش=يقودهم زيد وقاته زهابه
غيب لعقله عقب جلسة و...=يحلم بكرسي الحكم من عذابه
ماله بعلم الدين ذرة ومعليش=العلم لا بن باز دين ومهابه
ماهو لكم يازارعين الخشاخيش=ياحلمين بحكم طول غيابه
عشرين عام وشيخكم يجمع الريش=في سهلةٍ يطرد سرابه سرابه
خابت هقاويكم وجيتو مخاريش=اتفجرون انوفسك يالزلابه
منتم كفو لمرويين المراهيش=سلوبكم غادروحيلة خيابه
ودايم نهايتكم على دقة الفيش=بيدينكم بئيس المصيروعذابه
لاتحلمون بموطني قدمكم جيش=عيال القبايل بين اسود وذيابه
قد شفتو فعوله هاك العام يالخيش=ظلل على الحد الحنوبي سحابه
وامطر غضب عقبه غديتم مخافيش=واللي بقى منكم جلبهم جلابه

بعض البشر ودك عن الارض ينزال=ولا بعمق الاطلسي يدفنونه
لاهو بلا حرمة ولاهو برجال=مجنون حتى شهار مايقبلونه
يومي براسه ياعني مثل ميقال=ان السنع عنده وهم يجهلونه
ضايع1 ومتخبط 2وجهال3 وعيال4=وامصيبة اللي يعرب يعرفونه
عرفه من علوم المطاليق لعقال=لبسه وطاح ومامسكنه متونه
حاله بوسط المجتمع مثل تمثال=لاحساس 1لاغيرة 2ولامن معونه3
عسى تراب القبر عليه ينهال=حتى مدورة الحكي يفقدونه

العين تدمع والفؤاد يتفطر=والروح جبار الآلم يعتصرها
من واقع الأمة ودمٍ يهدر=بسم الجهاد اللي بزوره شطرها
مع الأسف ماله جهاد المكفر=اللي يدمر ديرتها مايعمرها
كيف المساجد بالقنابل تفجر؟=ايات شرع اللي ومر منتحرها؟؟
لايا شباب الأمة الوضع مخطر=عودو قبل شب الفتيل وسعرها
من يقتل النفس البرية يئزر=اقرو كتاب الله فالق صخرها
حتى اليهود بقتلها منت مؤجر=حرام قتل النفس لك يختصرها
قول الرسول بخطبته يوم خبر=بخطبة وداعه قالها فحتذرها
احذر من الاثم الكبير وتبصر=من مستفيد لفعلتك يابشرها؟
ياغير عدوانٍ بحقدٍ تزمجر=مجوووس مالله ناصرٍ من نصرها
هذا وفي اختامها الله وكبر=بسمه نعوذ بلادنا من قشرها

سوو لي الكافية سكر زياده=القلب والله ماتضمه حنياه

من فرحتي طار الكرا مع نكاده=عايشت فرحة في خفوقي مغناه

قبل الفجر جنا الخبر في وكاده=قالومحمد عينه عالي الجاه

ولي عهد المملكة لاالرياده=ومحمد السلمان حطوه يمناه

فرحة وطن والشعب عاش السعاده=واستبشرو في بيعته والله اعلاه

درع الوطن ضد العدو ورباده=شمس اشرقة من طلته في محياه

رجلٍ تقي ومجتهد بالعباده=وريث نايف سدد الله مرماه

يالله على خير الطريق ورشاده=انك تكلل له نجاحه بمسعاه

على الارهاب ومحدثين الفساده=سويت ياسلمان فينا مفاجاه

الله يعزك يا زعيم القياده=ياسيدٍ سايد بفكره ومبداه

اعلنت حربٍ مابعدها هواده=على الجهل والتفرقه للمواساه

سويت لدروس السياسه اعاده=في درس يبقى مابقي حي يقراه
10/7/1436هـــــــــــــــــــــــــــ=

[TABLE1="width:95%;background-color:black;"]

اخذت من علم القيافة تجاريب=من صغر سني والعيون بشقاها
وطرقت باب المعرفة بالمناجيب=فكر وثقافة عاليٍ مستواها
عرق الضعافة مايبين به الطيب=ولاتنبت الصبخى ولو نج ماها
ولا ينخي من لايعرف المواجيب=لن الردي نفسه يعثره رداها
ولاتصفي الدنيا بحلو المشاريب=في مرها دايم تعقب الحلاها
ومن لاسعى للمرجلة قبل ميشيب=لاشاب تصعب لو بغى ماقواها
والضيف قالو مايلوم المعازيب=سلم العرب عيبٍ لامنه شناها
واحذر عدوك لو يزيد التراحيب= نفسه على حبل الردا ملتواها
كتبتها والقيل مخطي مع مصيب=وحرفي يجود رميته لارماها
ليه سلوبي بين كل الاساليب=حالة فخر ماهو غرورٍ كساها
نفسي تقول الصح ما يشبه العيب=وقالو كرام النفس تبعت هواها

اخو فهد ومن الفهد فيه عينه=فكره وفزعاته اليا صار ماصار
احساس نبضه من وتينه وتينه=مع الحمية1 نخوته2دمه الحار3
سلمان لاغابت عن الدار عينه=انكانهم ريحن ترا شيخنا عصار
ياسبع ضاري مايقرب عرينه=صيحات جارك حِيرت فيها الافكار
ولاحتار فكرك يوم لبيت وينه= وين العدو اللي يهدد بالاخطار
وارسلت سربٍ من جهنم ودينه=ودك المعاقل كلبوها والاسوار
احرقت معقلهم مدينة مدينه=ياناصر المظلوم يالصاحب البار
من قام بالواجب يابالله يعينه=وانته على الماجوب ماسمت الاعمار
شريتها بغلا ثمن دافعينه=روحك مقدمها على كف بيطار
والشعب قدم لك ارواحه رهينه=اهل الوفاء لااهل الوفا تشعم النار
وراع المكارم ما اترب يمينه=اقدم بها في ومرتك كل مغوار
بعد الله الوالي تجيب الثمينه=افعولهم تشهد لها كل الاقطار
اضرب بهم عرض البحر سابحينه=ومن وين ماتامر يدقون الازوار
من صغرهم فعل الصطرراضعينه=من المهار اللي عفيفات وحرار
حصنٍ تصاقل فعلهم خابرينه=لادكت الهيجا ولا دق لاالزار
حوض المنايا بالوغى واردينه=يوم الحويثي بالغدريسبر الدار
جابو لنا راس الجدي ذابحينه=افعولهم تشهد لهم سر وجهار
لوحاولوغط الخبر عارفينه=الفين مع تسعة ركز ذيله الفار
واليوم يبغاها وذاق الغبينه=طاح بجمر ناره خس كل غدار
بإذن الله الوالي يترب جبينه=ويكوى على خشمه طناخات واصغار

ماقلت لك يابنت حكامنا غير=اهل الوفاء والطيب والمقدريه
مداتهم غيثٍ يغيث المعاسير=وكوفوفهم بالخير دايم نديه
شوفي و لد سلمان نسل المناعير=سمع الخبرواسرع بجلب الهديه
وزفو لابن قحطان كل التباشير=مدة محمد مثل سيل برديه
عطاه مايطلب بلايا محذير=يانعم في راع الحمى والحميه
قومو وصفو صفقو يالجماهير=الحكامنا حكام نجد العذيه
على العدا سم وسيوفٍ بواتير=ولشعب غيث وكلهم مرحميه
ماينحنون الا لوال المقادير=ولايخضعون الا لوال البريه
ابفتخر فيهم ولالي معاذير=مادام لي بالشعر باعٍ ريه
هذا شعوري صدق مافيه تزوير=يشهد علي الله وثمٍ نبيه
وصلاة ربي عد ماغرد الطير=على رسولٍ عزوته هاشميه

البعد به راحة للا انفاس والروح =اقلها ماتشكي الضيم روحك
لاصار قرب البعض مامنه مصلوح=ابعد وعلي نظرتك في شبوحك
وخلي ضعيف الخلق جارح ومجروح=واصدح بصوتك مع معانيه بوحك
الروح بعض احيان لعلاجها البوح=تلقى عذيب البوح يبري جروحك
اخير من هرجة ضعيف ومشفوح=عايش ظلام الفكر لوشِب ضوحك
يبحث ورا غرات الاجواد مفضوح=مهما نصحته متعض من نصوحك
جنب مجاله لسعة باب مفتوح=وعن مثل هذا زد مسافة نزوحك
والرزق بيد اللي حمى بالبحر نوح=عالم خفى نفسك وعالم شروحك

[TABLE1="width:85%;background-color:black;"]

المدح في بعض الرياجيل مايقال=وفي بعضهم واجب علينا نقوله
رجال لاقالو هل العرف رجال=ورجال مايعرف لمعنى الرجوله
يشامخٍ بالعز والعز له طال=ياحر مبطي بيناتٍ فعوله
كفيت ثم وفيت ياطيب الخال=يامنتهى طيب العرب والرجوله
وربي بمثلك طايبه لي الامثال=شـيهـان دايم بالمـعالــي نـزوله
لوكان لهل العرف والطيب تمثال=انا اعتبرك انت المثل في مثوله
لسباب لو نحكي بها شرحنا طال=مايكفي اكتابٍ تعدد افصوله
من قدم المعروف له يوم بينال=كلٍ حسب زرعه وجني محصوله
وانته زرعت الطيب في كل منزال=يومٍ غيرك ماقدر له ينوله
الله عسى مثلك عن الارض مايزال=لجلك من اللي ماشكا من حموله
تشيلها لو تازن اطنان وجبال=وغيرك شكا متنه رد ى .من سموله
ومن فوق هذه بين الاجواد يختال=يقول عنتر مهزمتني خيوله؟؟!!
ويعد نفسه مع مغاوير وابطال=وهو الردا كاسيه عرضه وطوله
مكشوف عند الناس لو قال ماقال=لو فيه جهالٍ غلط صفقوله
الطيب لهل الطيب دله وفنجال=ويساق لك فنجالها في حفوله
تمت وانا مالي من العلم مثقال=لكن حرفي والمعاني تقوله
انك كسبت الطيب في كل محفال=قسمك لو إن الناس ما قسموله

[TABLE1="width:95%;background-color:green;"]

لاوا هني اللي بلا حسـاس وشعـور
ولايفتـقـد مــن جـايـر الـوقــت طـــوره




يـنـام يصـحـي بـعـد مايطـلـع الـنــور
عـايــش حـيـاتــه مــثــل مــكــان دوره




مايشيل هـم الغيـر لـو كـان ماجـور
ولاحس في ضيم البشر كيف جوره




عـايـش بهالدنـيـا مـريـح ومحـصـور
فـكــره عـلــى لـقـمـة عـشــاه وفـطــوره




ولاشال قلبٍ بين الاضلاع معصـور
مــن هــم غـيـره ملـحـقٍ بــه خـطــوره




ياقلب وش لك بالعنا وانت مخطور
يكـفـيـك مـابــك لـــو تـحـمــل فــجــوره




جــرحٍ قـديـم وجــرح تــوه بــدا الـــدور
مــن واقــع الاحــداث جـتـلـك سـبــوره




ارحـــم رحـمــك الله مـالــي بـهـا شــور
ولاهـدمـت الــدار مـــن فـــوق ســـوره




خــــل الامـــــر لله واقـــــول مـشــكــور
ارحـــم ضـعـيـفٍ كـــل مـلـكـه شـعــوره

بعض الثمر لوكان داني وصايف=سمٍ يبتّ العرق ويفجّر الزور
وترا الصداقة ماتجي بالصدايف=لها ثمن مابين الاجود مذكور
حبٍ وصدق القول مابه كلايف=مشاعر الاحساس والقلب دكتور
يدرك معانيها مثل ماهو شايف=ويمنح لها تصريح ويعايش الدّور
واللي مْنَه هوجاس الافكار خايف=مايقربه قلبك على طول محضور
يبقى بعيد وحوله الشكّ حايف= لو تشهد العالم معه شهدة الزور
تابع احساسك وانتبه للحسايف=لاتغرك الضحكة على سن مسعور
ومن لايقدر جيتك لاتهايف=المَرّتَه لوكان عالم ومشهور
جنب لحيٍ عنك دايم يسايف=واشمخ بنفسك مثل مايشمخ الطور
ترا العمر ظلٍ من الشمس زايف=احفظ مكانك حي. لامت مقبور

تستاهلين المدح يابنت قحطان=ياللي على رجم المكارم رقيتي
قدمتي المعروف وحسان الاحسان=عز الله انك بالامانة وفيتي
انقذتي الك انسان بشعور الانسان=في لحظةٍ مبين حي و ميتي
الله يبارك بك ويجزاك غفران=عن كل قطرة دم منه احتويتي
ترفع لك البيضاعلى كل ميدان=بنت الرجال ومن عرب تستميتي
للواجب اليا قيل قحطان قحطان= توفي مواقفهم مثل ماوفيتي
انعم بهم واكرم على مر الازمان=اللي لهم صيتٍ فرق كل صيتي
اهل الكرم والطيب والعز عنوان=عز الله انك لانخيتي نخيتي
والله يجازي متعبٍ طير حوران= اللي على فعلك جزاك وسميتي
بنت الوطن يا اريج في عهد سلمان=عزٍ على عزٍ سماه اعتليتي
وطن ولاكن غير عن كل الاوطان=يثمن الجزلة مثل مالقيتي

[TABLE1="width:85%;background-color:black;"]

[TABLE1="width:95%;background-color:blue;"]

[TABLE1="width:95%;background-color:royalblue;"]

[TABLE1="width:85%;background-color:black;"]

[TABLE1="width:95%;background-color:blue;"]

هذا زمان البربرة والتخاريف=بربر وتلقا لك مع الناس قيمه
سولف لونك ماتجيدالسواليف=تصير نجم وتستحق العزيمه
قول اي كلمة لو كذبٍ وتزييف=وإن مقدرت اثغا سوات البهيمه
بتشتهر ماعاد تحتاج تعريف=وجمهورك الساذج كبيرٍ دهيمه
هذا هو الحاصل البعض المخافيف=فسناب شفناهم عقولٍ سقيمه
لاشفتهم تقول في قمة جنيف=كلٍ يقول انه وليدة صتيمه
متجمعٍ حوله فريغ وملاقيف=مثل الخصيم اللي يناظر خصيمه
الاغلبية وضعهم جداسخيف=والبعض لاوالله معنى وقيمه
مثل اللذي ينصح بليا تكاليف= والمتزن واللي علومه سليمه
عبرت عن ماشفت يادلة الكيف=والله يعز الحكم واللي يقيمه

[TABLE1="width:95%;background-color:blue;"]

[TABLE1="width:95%;background-color:black;"]

[TABLE1="width:95%;background-color:seagreen;"]

[TABLE1="width:95%;background-color:black;"]

ياللي حلمتي حلم والحلم ماصاب=اباسالك قدام لابدي جوابي
لحظة حلمتي به غفن سود الأهداب?=ولابيقظة. تطردين السرابي؟
اما عن الحظ المعوثر فلاحساب=انسيه وانسي شرهتك والعتابي
عندي شبيهه شايبٍ قبل ماشاب=عودٍ محرول ويتلقم زهابي
حاولت به لكن مافد. لاثاب=يا ما رجيته لاتزود عذابي
وقال اسكتي قدام لاشب الانشاب=واجيب فوق المعظلة فعل هابي
قلت استريح الله يسلمك ياشاب=انا الخطا مني وفكري رهابي!!
ولا انت ماقصرت يالفارس ذياب!!=شلفاك حتى الجن منها تهابي؟
هذي مقادير الولي مابها اطباب=الجي المن نزل شريف الكتابي
الياسجدتي دون حاجز ولاحجاب=له بيني شكوا برجوا الثوابي
مخاب من يشكي له الحال مخاب=يسقيه رحمة من متون السحابي

[TABLE1="width:85%;background-color:darkred;"]

[table1="width:95%;background-color:black;"]