ذوقتني الويـل فـي ليلـي=افز ويغيب.. عنـي النـوم
واخاف لا تهدلي ؟؟ حيلـي=وتبقى معي حادثه كل يوم !!

تركي البشري=
إن جاز قلنا من العايدين=ياأصحابنا جيت أعايدكم
قلوبنا بيض متصافيـن=وهذا الأمل في سريرتكم
أبو ذياب=
خذه على طول بالخديـن=وكل عام والخير صحتكم
بالصدق والطيب متحابين=وهذا الوفاء من شهامتكم

كلمه تعدي وكلمه تصيب = وكلمه ترى الكل .. يحسبها
((أحذر حذاري )) معاه تخيب = عند العرب عيب .. نحسبها

أبو ذياب=
طعنتنـي يـا أعـز النـاس=((وين العهد ؟؟ وين ميثاقك ))
أسقيتني مـن يدينـك كـأس=السم .. وأحسبه .. ترياقـك!!
أبو شيهانه=
اثر الهـوى يقطـع الانفـاس=اليا نوى الخـل فـي فراقـك
يقَطٌـع الجـوف بـالأمـواس=تلعب على الكيف في اعماقك

أبو ذياب=
في ذا الشهر أغتنم فرصتك=بالصوم وتلاوة .. القـران
اسعى وزيد الأجر حاجتـك=تنفعك لا اِلتفت .. السيقان
احمد الغشمري=
يالله ياخالقي رحمتك=طالب ياربنا الغفـران
ياباسط الكون بحكمتك=ثبت لنا الأجر يارحمن

ليت الألم والجروح تعود = وتجنب السوء لا لقيت
لا حزن يبقى واليالي سود = لكن محال يرجع الميت

لا تجرح الصوم يالصايم = بالقيل والقال واكذابك
خلك على نهجك القايم = بالصوم والفرض وكتابك

يامالـك القلـب مـن نظـره=أرحم فؤادي مـن .. الأجـراح
معقول ؟؟ ترضى لي الحسـره=واَبات ليلي بحزن .. ذباح !!

أبو ذياب=
أبو أثير عاشق الكسـرات=أسمك طبعته مـع الغاليـن
ياكيف أشكي الم حسـرات=لاكنت غايب مع الغايبيـن
مجروح وكلي وفاء=
مني إستمع هاذي الأبيات = واللرد منكم تقول آمين
يحفظك ربي من الآهات = ويسعدك ياذيب بالدارين

عاشق طيبة=
عندي ســؤال ويبيلــه حــل =ياللـي تعـرف الأفــاده قـــول
وشحيلت اللي للدموع يهل=وصابرعلى وضعه المجهول
وما يوم كـدر حياتـه الخـل= وافنى حياته على المجمــول
أبو ذياب=
بفتيك حسب الذي مُجمل =وتأخذ اللي عليه أقول
أكيد حبل الوصل مهمل =ولا غلا زايده المعسول
وان كنت تبغى الوضع أفضل = نظره تعيد الاَمل وتزول

الشيبه44=
القلب يكتب لكم كسره =ياهل الهوى زادت الاجراح
صابر على الضيم والحسره =واللي هويته تركني وراح
أبو ذياب=
لا تتعب القلـب فـي هجـره=وتشكي على اللي نوى المرواح
بيعـه وخلـه لكـم عـثـره=اَتجـاوزه وبـدلـه ورتــاح

أبو ذياب=
كيف ؟؟ الأفاده مع المجروح=فالـي تجـرع وشـرب الكـاس
عايش حياته فأسى وجـروح=واللي معه .. فاقد الأحساس
حامد الأحمدي=
داري على القلب قبل الروح=وأطرد هموم الأسى والياس
أصحى دموع الوداد تبـوح=لجل يتشفى عليك النـاس

أبو ذياب=
ردد مع الصوت لو أذن=الله واكبر يـذاك العبـد
من الاجر فيه لو تفطـن=مثل الذي في المساجد عد
نواف القرشي=
الأجر يا صاحبي مُعْلَن=وكل واحد حسب ما رد
انصحك ردد ولا تِسْتَّن =يثيبك الواحد الأوحد
أبو ذياب=
هذا الذي نأمله وحسن=نضاعف الأجر يوم الغد
هيا أغتنم وقتك الأثمن=وماتقدمه تأجده ينعـد
نواف القرشي=
نصيحتك بالذهب توزن =والاجر حسب التعب والكد
من لا سمعها فلا يامن=حساب ربه وهو ملحد

دمعة ندم يوم راح الشهـر=أحس بالضيـق والكربـي
حزني طغى من أساَيه وقهر=رأجيـك بالعفـو يـاربـي

من لا يصلي فـروض الله=معدود لاهي مـع اللـذات
مذموم ((خارج)) من المله=عايش ولكن .. من الأموات

كل عام والعيـد فرحتكـم=بالطيب والفل وباقـة ورد
والخير والسعـد يجمعكـم=يأهل الوفاء والصفاء والود

شكالي الـود لأصحابـه=يشكي قهر من عتب مزاح
وأنا الذي كابـد أتعابـه=بسبأبه الروح ماترتـاح

ياشوق .. زاد الاَسى فينـي=بُعدك عن القلب لـي نيـران
محتاج !! حبُـك يصافينـي=ويطفي لهيبي .. لقا واَحضان

بعض البشر عكس ممشاهم=تعمل بطيب ورضاء عادوك
والله مع الوقـت تلقاهـم=اِن سقتهم بالعصى راضوك

أحزن لمن مانوى العمره=وماقابل البيت وأركانـه
والله لـو فاتتـه بكـره=يندم على أجر قد كانـه

أبو ذياب=
سـلام ياطيـب المعـدن=ياوافي الطبع والأخـلاق
ياحر لو تسمـح وتمكـن=نعزف حروف المعاني لاق
عبدالأله الشريف=
على سفوح الهوى والفن=نسمع نغم يحي الأشواق
جس المثل يالأديب وغن=وأهل الهوى للنغم تنساق
أبو ذياب=
شاجيتني لطرب يـا فـن=ياراقي بأسلوبك الـذواق
بعزف لك أيقاع نبرة حزن=أهات من جرحي الحراق
عبدالأله الشريف=
اعزف بالإيقاع واتسلطن=وابدي الذي داخل الأعماق
مثلك بالألحـان لا دنـدن=تطرب معه كامل الأذواق
أبو ذياب=
وجه المليح الذي ماحن = جافي على القلب مايشتاق
وأصبحت في وضع مايطمن = شك وحقيقه ومابين أفراق
عبدالأله الشريف=
اللي سبى القلب واستوطن=مهما يسبب من الإرهـاق
حاول تداريـه بالأمكـن=لجله فؤادك معـه خفـاق
أبو ذياب=
على حسب دربنا قد كن = وافي على العهد والميثاق
والحين قاسي عليه شن = درب الأسى واحكم الأغلاق
عبدالأله الشريف=
اسعى وشوف البلا مِن مَن=لاصك باب الوصال وضاق
بلكن سعى بينكم وافتـن=حاسد بغى فرقة العشـاق
أبو ذياب =
حاولت بمعاتبه لاكن =شفته ولا حس فيني وفاق
حتى انبعث في الحشى مسكن = منه الخيانه بخداعه ساق
عبدالاله الشريف=
إن مارضى باللتي أحسن=ولاظهر لك معه مشراق
عنّه يكون البعاد أهـون=من حالة الذل والإشفاق

نخبة النخبه=
من بعد غيبه رجعنالـك=يا منتدى نخبة الشعـار
ظرفي حداني عن وصالك=يا الله عسى تقبل المعذار
أبو ذياب=
نـورت يالنخبـه منـزالـك=ونبديلـك الفـل والأزهــار
وافي وعلى الطيـب أفعالـك=وان غبت لك في الحشى مقدار

عطني سبب ؟؟ في بّعادك لي = ياغايتي يا .. مناة الروح
لا تترك (الدمع)!! ينهلي = يعزف ألم من نزيف جروح

أبو ذياب=
بعض البشر عكس ممشاهم=تعمل بطيب ورضاء عادوك
والله مع الوقـت تلقاهـم=اِن سقتهم بالعصى راضوك
ناصر الحجوري=
صادق وماحـي يبغاهـم=اللي على وصفهم حـدّوك
لاتقرب اللي همج ماهـم=دور على اللي زلال اسقوك

علي بن عيد =
سلام نبعه عذا من عّـد=اعذب من الشهد موروده
من رأس بالمعرفه موجّد=للكل يدلـي بموجـوده
أبو ذياب=
ترحيب نبعه نقى من ورد=عطره من العود معدوده
شاعر ولك بالمعاني حد=والكل يرقـى بمجهـوده

أبو ذياب=
كيف ؟؟ الأفاده مع المجروح=فالي تجرع وشرب الكـاس
عايش حياته فأسى وجروح=واللي معه .. فاقد الأحساس
محمد المكيدي=
دامه بلا حس ما له روح =مثله وجع قلب قبل الراس
ما لك معه ياخوي مصلوح ..= سقها ودوِّر بداله ناس
نواف القرشي=
لو كان درب الهوى مبروح=ما شفت بين العرب محتاس
طعم الهوى في طلوع الروح=والنار هي للحلاوه ساس
تركي الصخري=
هـذا جوابـي لكـم مشـروح=فيه القضايـه مبيـن اقـواس
((من قبل تبْني كثيـر صـروح=ارجع وعيد النظر في الساس ))

أبو ذياب=
سؤال ويخص أهل العرف=ساس الأدب خبرة المعنـا
صرف الأسى كيف يتصرف=مـن جـار أسـي مّذينـا
مشعل النويمي=
خذها نصيحة وغض الطرف=واصبر على الجار ياخينـا
ون زاد حاول بلين الحـرف=ياكم بهـا الطيـب تعطينـا

طعنة غدِر والتفاف الهرج = بانت على وجهك الكذاب
والله أكتشفناك يالأعرج = يالمصلحي يا شبيه الداب

ياقرة العين يكفـي هم=كسـرت قلبـي بدمعاتـك
مدري العتب ؟؟ بيننا بلسم=ولا شقا .. يزيد طعناتك ؟؟

خلك من الشـك والريبه=وأرمي هواجيسك بقاعـه
المرء يحسـب أحسيبـه=وكل ن يرى الناس بطباعه

لك مده غايب ؟؟ وذاك الصد = شقى !! فؤادي اَسى واَحزان
ياقاسي بدري .. لحنين الود = من بعد ما ماتت الاَغصان

عاشق العلقيمة=
لي جرح عيا الدواء يشفيه=العكس كثر الدواء زاده
واللي علاج الحشااا بيديه=مازااال باقي على عناده
أبو ذياب=
حسب الذي ما اراء يابيه=يحتاج عطفك على مراده
اَصبرعلى ودك وداريـه=وبسياستك تأصل فـؤاده

قلبي عليه الأسى شاكي = واونتي من عذاب الحب
دمعي تمحجر !! ولا يباكي = يائس وحاكم .. عليه الغلب

أبــــو ذيــــاب=
سـلام ياواحـة الشعـار=من ضيف لافي لكم شاري
ياملتقى الطيب والمقـدار=طالب وفاء رد معيـاري
قــادم مــن بعـيـد =
يامرحبا بالصديق البـار=اللي بهـم نـورت داري
اهل الوفا والصفا والكار=فى اول القيل واشعـاري

اَبو ذياب=
حسب الطلب يرفاقا جيت=غالي دعاني لحضرتكـم
سلام للطيبـه ولاقيـت=فن الطرب راق صفحتكم
صلي على النبي=
منزالك القلب قبل البيت = واطلالتــي لجـل طلتكـــم
حييت ياصاحبـي حييت = وسع الفضاء وطيب دلتكم

أبو ذياب=
بصميم قلبـي أنـا عانيـت=غيره و محبه على خلـي
لكن .... يعالم أنا تمنيت=يحبني واحـداً (ملـي)!!!
العمده=
ماتنفعك في الهوى ياليت=لوكنت في الحب متجلي
يكفي المحبة لها أوفيت=والعشق لا عاندك صلي

أبو جاسم=
ياما تحمل فؤادي السب=والجور والصد والنكران
ذليت نفسي عشان اكسب=ودّ الحبيّب ولا شي بان
أبو ذياب=
دامه على السوء لاتتعـب=ولا تشقي القلب مهما كان
أجزيه عكس الذي مرُغب=يأتيك صافي وقلبـه لآن

الرحال =
جف النهر والنخـل يابـس=وذيك الحصون اصبحت اطلال
شاجانـى المنظـر العابـس=وطرف بكا لذكريات اجيـال
أبو ذياب=
ذكرتني فنخلنـا الغـارس=يوم انزعت وأصبحت منزال
ولازلـت متألـم وحابـس=ياليتهـا تنجلـي يـاخـال
الرحال=
ماشى فيه الزمن جالـس=سبحانه مغيـر الأحـوال
يروح فارس يجى فـارس=وكل وقت له دولتن ورجال

أبو ذياب=
لك مده غايب عن الكسرات=يالله عسـى خيـر يالغالـي
لك حرف يطرب لنا الساحات=ويشهـد لـه كـل رجالـي
علي بن عيد=
في خيرابشرك والراحات = تكمن على كل الاحوالي
ولاجت فاقه من الفاقات=انا على الدرب طوالي

أبو فرح =
وش عندكم طب للمجروح=اللي على البعد مايقـوى
من يوم فارق وليف الروح=سارت حياتـه ولاتسـوى
بخيتان =
يامن سؤاله لنا مطروح=ويبغى إجابة لِما يحـوى
ماله دواء لو كثير جروح=الا وصال الذي يهـوى
سرور=
يابو فرح بالصبر منصوح=ولاغير حيل الله الأقـوى
وللعبد ماينكتب فاللـوح=ماللأطبـاء بـه جـدوى
أبو ذياب=
أهل الهوى بينهم مصلوح = لاقدم المدعي دعوى
يسعون في معالج المجروح = رجال تدرس لك الشكوى