|
الطيب ياللي تريد الطيب مثل الدرج
اما طلعت ادرجه والا نزلت ادرجه توفيق من ربي اللي في رسوله عرج ويصعب على راعي التطبيل والبهرجه لو كل واحد يطوله بالزمن لاهرج ماحد يفكر بمدخاله والا مخرجه يشدا لقمة جبل دونه يطيح العرج ياكثر ماشفت من دونه تجيه اعرجه لاجيت اعدل مفرج من يعدل فرج تعبت والنفس صارت بالزمن محرجه |
الشاعر سعيد مصيول المحمدي
ياسيفنااللي محتسينك للاخصام.. اليالتفتنالسيوف الشطيره انت الذي بالفعل لك بصمة إبهام.. عسى يمينك ماتجيهاالجبيره وانت الذي عندالقى درع واحزام.. واشاوره بالوله والاخيره وش رايكم بالمسرحيه والافلام والانحسب غلطة جحامثل غيره ياكثرماشفناونسمع من العام.. واشعيل مزعجناارغاه وهديره ومكه حصينه عن صواريخ الاقزام.. ايران والحوثي عليهم عسيره اللي يحجون النجف عقب صدام.. الله لايعمي ألخلقه بصيره لولاجهلهم مايعبدون الأصنام.. واللي يقدس له صنم يستشيره وياهل القلوب الحاقده زرع الألغام .. على دروب من الأمور الخطيرة فعولكم ماهي على شرع وانظام .. وايدينكم وقت الفعايل قصيره يأهل الفتن وأهل الضغاين والاجرام .. فيكم جهل والا بكم شر غيره اللي بوسط عقولكم فكر هدام .. واغويتم اصحاب العقول الصغيره رد الشاعر سعد المحمدي يابو محمد يابعد كل نمام تسلم يمال العافيه والستيره مدحتني واسهمت في مدحي اسهام وانا سلمت ودمت ضمن العشيره اشوف طيب عزوتي تاج ووسام وعليه مارضى بالزمان الكسيره والاش مهما صار ماني له اليام لو كبرت راسه قناة الجزيره وحول الكلام اللي سمعنا من ايام من ناس حول النايفه والحفيره خلك وسيع ابطان والشوح قدام الناس تفرق بالذهب والنجيره اللي بنا مصر الجديده والاهرام كبير بعيون الرجال الكبيره سجل بكشف محطمه كل الارقام يوم الشواوي راس ماله بعيره مايصير بالعالم حزازات واقسام لو كل من سولف يحكم ضميره العام لازعل اليمن يزعل الشام واليوم حد السيف ياكل جفيره اشد من قطع العصب قطع الارحام والطيب كايد والرحا مستديره |
اجاحد ظروفن قاسيه من ثلاث اشهور
ولا ودي اعلم بها كل رجالي وبعد ماعرفت اني على ذكرها مجبور تخيرت قرمن لصعيبات حلالي ابو يامن اللي بالوفى والعطا مذكور وسيع البنايد لثقيلات شيالي من العزوه اللي فعلها بالزمن مخبور بلي مكرمين الضيف حماية التالي وقبل شرحها يافريح لاعاضبة معذور عن الوم والشرهات بالمرقب العالي انا من ظروفي بالدغارير دون اشعور لو الناس حولي يافتى كني الحالي بها شي يدرابه وفيها من المحذور مايعلم بها ياكود سبحانه الوالي عطيتك علومي كامله وانت راعي كور تروس الجميع وتعرف المر والحالي اخير الكلام المختصر والحيا مذكور على جرته يرحل متاحي وبالي |
هن ياللي كلامك خبث مدري غشامه
نوب في جلد ضب ونوب في جلد حيه منت ميزان عدل ومنت صاحب فخامه ياكبير الشدوق وياقليل الحميه خذ كلامن عليه اعطيك مية علامه ان حفظته مثل حفظ الوصي للوصيه راس مايعز متنه لو كسيته عمامه مثل من حط فوق الثور سرج العبيه مايفيدك بيومن مثل يوم الرغامه لاعتزى في جدوده حامل البندقيه بين سيف الكويت وبين ساحل تهامه ماجهلت الحرار وماجهلت الحديه الفعايل تخلد لين يوم القيامه والمهايط بدون فعول ذنب وزريه وجد حالي على اللي ماتراقل عظامه بين حدب السيوف وسلة النافعيه في نهار الله الله يلتفت في حزامه مايهاب الجموع ومايهاب المنيه الرجل مايقلل هيبته واحترامه غير طمس الحقايق والعلوم الرديه |
الشاعر سلطان نهار الاحمدي
مـانـفـرح إلا سـاعـة الـرمـش رفـا • لارف رمـش الـعـين قمنا وطـحـنـا • كـذبـه إنـصـدقـهـا بيحيله ولـفـا • من شـان ننسـى بعض همن ذبـحـنـا • يـرف ثــم إيـهـل دمـعـن مـصـفـا • ومـن رفـتـه ماغـير دمعه ربـحـنـا • والـعـمـر روح يابو تركـي وقـفـا • والـرمـش ماهو دارين عن فـرحـنـا • يـلـعـنـك فرحه بالرموش إتـخـفـا • ويـلـعـنـك ياحظن ردين طـرحـنـا • ****************** رد الشاعر سعد المحمدي سلطان للمصباح ولع وطفا ويقول وقتي يالبناخي جرحنا في عالي الفقره مع الصبح شفا شكيت بامره يوم بدري نطحنا خايف يجدد للوليعي مهفا والعلم غير العلم مهما شرحنا واحد من الحب الحقيقي توفا واحد يباري لضعن لاسرحنا في خير من كل المشاكل معفا لو مايقوله صح لاصاح صحنا ******************* الشاعر راجح المحمدي الاحمدي شفاء ولا نال شفا وعلى ماكنه بالضمير اتضحناٌ وبسم سعد دومان صوت ولفا ابعلمً لجله كم سهرناً او نحنا وجاوب سعد صوته وفاٌ وكفا وانا واهجوسي بعدهم ماسترحنا وجاريتهم يوم الهجوس استخفاً ومع دربهم غصنا البحور وسبحنا جاريتهمٌ معجب بقافنٌ مصفا قافنً يفوق الشرح مهما شرحنا اعدود الرواءً الٌــي الضماء ماترفا ولاهم بحاجة مدحنا لو مدحنا |
الله يبيض وجه شيخ اللقامين
ماجد ولد نصار راع الحميه له نرفع البيضاء طليق الحجاجين على جبل ورقان صبح وعشيه ميقاف ابو تركي رجح بالموازين اقولها والشاهد الله عليه بالعقل والحكمه مع الحزم واللين انهى الامور الشايكه بضحويه الطيب نحطه على الراس والعين وله عندنا طول الزمن مقدريه ماهي علوم مشاورين النساوين معادلين الهيل بالجاونيه كلام شاعر يعرف الزين والشين الطيبه مايبيعها بالرديه |
دعاني العملاق غازي مغيران
ريف النشاما راعي المذهب الزين وجيته وانا مرابط على حد جيزان تقدير لطيب وريث الكريمين شاعر وله ماقف ولا فيه جحدان بين مثل روس الجبال المعايين باسمه عدد مالاح براق الامزان وجاله على نجد العذيه ودادين يامرحبا ترحيب من قلب والسان عداد زوار الحرم والمصلين بالضيف والجيران وشيوخ وعيان اعم فيه اقصى العرب والقريبين احلا حلا من در زينات الالبان حمرٍتلاد وماخلطهن ملاوين مدهالهن بين الغرابه وشوفان وان اشملن لوادي الطبق ويمين وجنوب يرعٍ للحيا كل مازان لاما يشاف البيت بمجرد العين يرعٍ بظل الولد بسنان وعنان ايام فيها يعتزون المسمين ياما اذبحو من دونها وقت الاكوان شيخٍ يخلي مقدم الجمع قسمين ومن بعد مارحبت بطوال الايمان اكرام حلو في محل الكريمين علي حق الابتي كبر ورقان واكبر من اجبال السروات والصين حمايت لتالي طنا كل فسقان وقت المصامخ بمهات النياشين عن فعلهم نعطي للاجناب عنوان خوه وجيره وستقامه وافين حازو على كل المكارم وشجعان وزادو على الامجاد فك المساجين كم اعتقو بالمال من حد شامان سجين فاقد للامل بين جدرين تبون علمن له دلايل وبرهان ياسعد من حرب الدول له معاوين وقبل الختام وطي صفحات الالحان عندي كلام مسجله بين قوسين كلام معنيبه شبابن وشيبان ياهل الثلاث مرجحين الموازين دون الحنيني باب مغلق وسجان بينه وبين السيف خمس وثلاثين حزين جفنه بزرق الدمع غرقان والقلب تقل اتثور وسطه براكين امه وبوه وعصبته ياهل الشان على زكريا ليالي محازين لو الامل باللي فرض خمس الاركان ثم بقبيلة حرب راحو مجانين تكفون وقفتكم ترى وقتها حان ياتاج راسي يالرجال الميامين |
من لادرك الطولات باول حياته
لاشاب شرهاته على فعل يمناه اليا تساوى مع حياته مماته الناس ماتبغى قباله ولاماه فرق الرجل عن الرجل واجباته والدين والاخلاق وعفاك وعفاه ادري بوقتن زايده معضلاته احيان ماياتي على كل مشهاه ياكم فيه من البشر منهكاته عوب الظروف اللي تبيح خفاياه مير الرجل بعد النظر من صفاته عن الردى يبعد مساره بدنياه في مقتبل عمر الفتى كان فاته الطيب ومرافق هل العرف والجاه قلت منافيعه وقلت حلاته من شاف زوله يالمناعير هباه |
مبروك ياسلطان منصب وشيخه
تستاهل الثنتين يامعدن الجود ابوك قبلك بالمواقف طنيخه وانته عوضنا يابيض الوجه بالعود ليته فدوه اهل الهروج المصيخه لو الفتى عمره بالايام محدود سود النوايا والقلوب الفضيخه فريس هرج ومالهم فعل محمود ياكثرهم عند الكريم وطبيخه وياقلهم لاصار حاوي ومردود قد الوجع كلن سمعنا صريخه كلام له عندي سنادات وشهود ياراس قوم ابطال ماهم شليخه ياعل كل ايامك اسهود ومهود |
السلام عليكم ورحمة الله وبركاته تم في يوم الاحد الموافق١٤٣٨/٦/٢٧ تنازل الشيخ رشيد الحبيشي الجهني عن قاتل ابنه سلطان عاتق الشماسي المحمدي لوجه الله بدون اي مقابل
الله يرحم ابنه عبدالله ويكتب لشيخنا الفاضل رشيد الحبيشي الاجر والثواب قال الذي جزل المثايل حدابها يقنص نوادرها ويرفع جنابها شاعر وشعره بالمواقف يشرفه الهينه يختار عنها اصعابها واليوم في رد الثناء لاهل الثناء يكشف عن البنت الجميله حجابها فيها يعبر عن رشيد ومواقفه ويعلم اللي بالملا مادرابها عن قاتل ابنه قال هذا تنازلي يبغى من الله دون خلقه ثوابها عسى فقيده جنة الخلد منزله وذويه رب الكون يجبر مصابها من حكمته عساه يسلم من العطب دعواه ماسكر عن الصلح بابها قدر حقوق الجار من طيب معدنه ماباع بالارقاب والا شرابها اقدم على فعلن يخلد مع الزمن ماينمحي لاما يشيب غرابها له نرفع البيضاء على عالي الحجا بكل الديار اللي وطينا ترابها ولحبيش ربعه نرفع البيض مثلها على شوامخها وقمة هضابها اهل فضل ماتجحد الولد فضلها شيبانها واطفالها مع شبابها ارجال دنيا ودين نبراس للوفى افعولهم بين العرب يقتدابها يفدى رجال حبش تجار بالبشر للمال دون الدين عوجن رقابها الطيب ماكل المخاليق تقدره درة بحر ماكل سباح جابها |
تريحو يامسامرين العجايز
لاتزعجون الحي والحي هادي كثر الكلام الابسات البلايز مايستوي لمخضبين الهنادي ماكل مايطري على البال جايز لكن عسى ماصار كبوة جوادي مات الشجاع اللي على النعم حايز حرن ينومس في نهار الهدادي واليوم يافواز صفق لفايز وارقص على موال عمك عبادي والوجه الأخر ماتطوله لازايز يامطولين السالفه والعنادي للقبه الخضراء سلاح وركايز اليا سرق عين الشرود الرقادي |
السلام عليكم ورحمة الله وبركاته
انتقل الى جوار ربه المرحوم باذن الله سعود غنيم السليمي ( ابو فهد) يوم الخميس الموافق ١٤٣٨/٨/٨ نبذه عن سيرته عرف بالدين والاخلاق النبيله والكرم الحقيقي وحسن الجوار والخوه جمع بين الصفات الحميده معروف ومقدر عند الجميع من حرب والقبايل الاخرى دايم حريص على التلاحم وصلة الرحم مجلسه دايم مفتوح للجار والمسير الله يرحمه ويجعل قبره روض من رياض الجنه ************************ مالوم عيني يوم تبكي على سعود لو ان دمع العين بالحيل غالي مرحوم ياللي كل مافيه محمود انشهد انه من زحول الرجالي ان قلت راعي جود من منبع الجود وان قلت راعي دين مابه جدالي يالله يامعبود ياخير معبود تغفر ذنوبه ياعظيم الجلالي وتثبته لاغادرت قبره اوفود في ساعتن يسمع قريع النعالي يبطي عليه القلب ضايق وملهود عن راعي الجزلات ماهو بسالي عندي يقين انه مع الوقت مايعود ياما غدت بااحباب سود الليالي ان جيت اسلي خاطري وقت محدود له صورتن ماتنمسح من خيالي بيني وبين الهم حاوي ومردود والكبد يصلاها من الحزن صالي |
لله در قروبنا يابو شادي
طلع نضيح اهل القلوب المعاليل دفانة الجمر الحمر بالرمادي دايم سوالفهم نميمه وتظليل نقرا ونسمع ماتقول السرادي ونسكت عسى يدخل على الخط عقيل ومع الاسف زاد الخطاء والتمادي من ناس ماموره على القال والقيل اسرجت صفراء ضاريه لطرادي لرخيت حبل اعنانها كفت الخيل جموح لاراجت تغيض الاعادي ماتهاب طعن ارماحهم والمصاقيل اقول ياقصار النظر والايادي كلمه ماتقبل بالنقاشات تاويل ان ماهداكم تالي الوقت هادي خليت زمل عقيل ترجع مخاليل |
تبي تستريح ابعد عن المدن والوتساب
تنحر ديارن مابها ناس ورسالي مع الجيب والرشاش والاحمر الشباب افراشك وماتحتاج ياطيب الفالي وتخير ثلاث اثنين من خيرة الاصحاب مطانيخ مافيهم منافق ومحتالي ترى اللي يغيض النفس ويوتر الاعصاب صديقن يبيعك وانت شاريه بالغالي يحاول يحطك بالزمن بين ضرس وناب على كسر عظمك يزعج الصوت ويلالي لو السيف والرشاش والرمح والمشعاب غدينا طماعه للمعادي والانذالي |
يادار احبك من غلاك وغلا اهلك
تقودني يمك سلوك الحريري مع الخطوط اللي من البعد تاصلك اجيك لو دونك يطول المسيري والله ماتقطن عدانا مناهلك مدام مالك غيرنا من مجيري لاخانك اللي بالزمن مايجملك نرويك من دم العدى بالشطيري الله يرحم يالحبيبه مهلهلك ذراك باليوم العبوس الكبيري ابوك يسئلني عنه قبل يسئلك واقول تكفى تسئل انسان غيري |
ياهاجسي للجزيل افرد جناحك وطير
لاما تشوف الجبال الشم كبر القطا حلق سما في سما نجد العذيه عصير شاعرك للكايده دايم سريع الخطا ان كان ماطربت جمعن بنتظارك غفير منته بمشكور من بعد انتظار وبطا سلام تسليمتن تشمل كبير وصغير فروعها بالسماء وعروقها بالوطا مضمونها من وفاء وحروفها من حرير وغلافها من ذهب والعود الازرق غطا يالعزوه اللي لكم بالدار شانن كبير ايام شبه الجزيره بين صح وخطا هباريه من مزينه جابرين الكسير اهل البيوت الذريه والكرم والعطا يوم الليالي رحاها بالفتن مستدير رجالهم فيه مع زود الشجاعه سطا بالشلف والرمح والبندق وحد الشطير كم جمع زاحوه ماهو هرج ناس اعبطا لالاح برق المشاكل ثم صاح النذير ياما اجدعو من عقيد وكم وكم اربطا اهل السلوم الشريفه حاشمين القصير واهل وفاء ورث جد ولرفيق اصفطا كلام شاعر يحكم بالكلام الضمير لحصان صدق النوايا بالزمان امتطا مايذم واد الرمه من شان واد الجرير ومايرفع اللي قبل حكم الامام ابسطا يبعد عن الكلمه اللي للمشاكل تثير ومايشت شمل الولايف والضعون اخلطا ياحادي العيس قدامك طويل المسير ياكثر مافيه غيرك بالمجال انشطا ان كان منته مع الفرجه شجاع وبصير لو انت محتاط غيرك بالرجال احوطا مال الحمول الثقيله غير غارب بعير يقطع بها البيد لو دربه غراز ولطا عليه لازادت الحمله يقض الهدير وماينثني عظم ساقه بالوحل لاوطا |
الشاعرسعد المحمدي
من لادعاني ماخطرته طراسه ليه مواجيب وعليه مواجيب اغيب وقت العافيه والوناسه وماغيب في يومن به الحاضر ايغيب يقوله اللي ماحنى الوقت راسه مجرب اهل السيف واهل المشاعيب ********************* مجاراة الشاعر نايف البشري والف ونعم ياللي على العز ساسه يامعرب الجدين مايلحقك ريب شاعر ونعرف قو شعره وباسه وغير الشعر معروف شرواك بالطيب مفروض وقفاتك تدرس دراسه لرجال دايم فيهم الهقوه تخيب ******************** الشاعر سعد المحمدي نايف تكلم من وفاه وحماسه ياعل شمس معرب الجد ماتغيب شاعر وشعره فيه فن وسلاسه صغير سن ومن كبار الواعيب يابو سعود الوقت فيه انتكاسه تقدمت روس الرجال الزواريب ماودي ادخل في عميق السياسه من خوف هرجة شاذبين العراقيب |
الشاعر سعد المحمدي
يابو جمانه لو لقيت اللي لقيت بعد الثلاثه قبل وقت الاربعه طرقا بها ياطيب الفال ابتليت فوق الجمال البنت زود مدلعه امديك لاهلحين باقي ماضويت بالسوق يامال السلامه تتبعه وبعت النياق اللي بهن قبل اعتزيت وعذرك تقول الذود مابه منفعه ///////////////////////////// الشاعر عبدالله فالح الفريدي ذكرتني بيتٍ يساوي كم بيت اسمع كلامي واسمع البيت اسمعه كلٍ علی همه سری وانا سريت اتبع هو البل وانت صاحبك اتبعه ممشاي عند البل دقايق لامشيت يسوى بنات السوق والمتلمعه انا هويت الذود يوم أني هويت هذي طماعتنا ونعم المطمعه |
ايام ماتميز التمره من الجمره
وحنا نضد الاعادي ياملس الساقي والا انت ماغير رقص وهز لزمره ذكرت ربي عليك عيون وخلاقي خلك بظلي ياراع الروج والحمره قدام يسرق زهابك كل سراقي ابوك ياعل ماالله يمهل بعمره علمك ماعلمه لطوال الاعناقي |
الشاعر سليم سعود الجابري
اي والله انا احب يامقشر الحب حب(ن) تغلغل في مافيه دبره ياهب يا ها الحب ياهب ياهب يدخل بقلب الادمي مدخل ابره تكفى يابن دومان دور لنا طب اطعمت حب(ن) مر تقال صبره حب ( ن) شبكني شبك مامنه مهرب ضفي عليه يابيض الوجه شبره يوم العمر وقت الصبا كنت انصب واليوم مثل الباركر دون حبره عطني حلول تعالج الوضع الاشهب ان كان عندك يابيض الوجه خبره ******************* رد سعد المحمدي سليم ينخاني وورده على غب والمشكله مابين عظمه وهبره بالبيت بنت اجواد حشمه ومنسب تاريخهم معروف كلن يخبره عقل وجمال وطيب جوهر ومذهب وسليم مابه عيب ماغير كبره ان طعتني جنب عن الحب جنب مالك ومال الضلع وعله وبره وان قلت لا لا يالصقيل المذهب اللي كسر عظمك مكلف بجبره |
للطيب يامقبل زمان ورجاجيل
ماكل من يبغاه يقدر يسويه دايم على الرديان صعب المناويل قمة جبل يالقرم صعبه مراقيه وانته على القمه فدوك المهازيل سهاجة الواجب كبار المشاريه ابعد يابو فيصل من النجم ابو ذيل عن الردى ياحاضره مثل ماضيه ربعك حمول الخيل ذباحة الحيل سترالبنات بيوم ماكبر بلاويه بني علي يوم النمش والمصاقيل كم شيخ عن داره غصيبه تجليه اليا اقبلت باهل السطر قرح الخيل وثار الغبار وطوح الصوت راعيه في يوم كنه بالضحى دلجة الليل ياما ابلجن خلو نواعيه تنعيه وقصيرهم مايلحقه بالزمن ميل تبني له البيت المثومن وتعطيه غنى المطوطح في جزيل التماثيل كلن درى عن قصته من قوافيه قال الصحيح الوايلي بالتفاصيل الله على قول الحقايق يجازيه ذكر الرجل مايخلده يالمشاكيل الا فعل عبر الزمن يقتدى فيه هذا الصحيح اللي عليه المعاديل ياليت بعض الناس تفهم معانيه |
يابرج التجاره بعد رفع الحصانه عنك
نظامك برفع الفايده يزعل التجار زباينك عام العام تعطي وتاخذ منك واشوف السنه هاذي بها وعي واستكبار تعامل براس المال حسب الطلب واذهنك تبيع الرخيص بداخل السوق بالدولار ترى العمله الصعبه لها بالمدينه بنك بها ترجح الكفه وخلف الجدار اجدار ياراع الذهيب اللي عرفنا بها معدنك تحريت عنك وجبت من صادق الاخبار انا من وفايه بالزمن مانويت اطعنك اقدرك وانت العكس يالثعلب المكار سقى الله عام الفين يوم العرب تامنك قبل ماتحاول غدرها تالي المشوار بنيت العماره من جريد النخل والزنك عسى بالجريد القابله ماتشب النار ترى من قتلك بطلقة الحق مايدفنك بيومن ماتنفع فيه توبه ولا استغفار |
*بأسم ولد عمي وبأسم اخوانه*
*وحنا بحفله محزمه وخوانه* *عبدالمجيد اللي مانجهل ساسه* *من ربعنا ومعربه جدانه* *يامرحبا بضيوفنا وضيوفه* *ترحيبتن ماصدرت عريانه* *مغلفه بالمسك والريحاني* *والعود الازرق لاوقف دخانه* *تشمل جميع الحاضرين الليله* *الضيف واهل النوب مع جيرانه* *حضرت حفله من تبوك امبارك* *بمناسبة ياحرب عقد اقرانه* *ناسب بني وايل ونعم المنسب* *عون القريب اليا نخى ويلانه* *اهل الكرم ومزبنين الخايف* *ان ثار عج الخيل في ميدانه* *افعالهم بين العرب مشهوده* *يوم الفتيل يولعه صوانه* *على النضا والخيل قبل معزي* *الموت تارد بالقى حيضانه* *وحنا قبيلة حرب عز وهيبه* *لاقام يرقص للفتن شيطانه* *من دون حمرن لرجال اولاعه* *كم شيخ ناخذ بندقه وسنانه* *اهل الثلاث اللي لنا حصريه* *ماجيب علم الا معي برهانه* *الاوله دون الخوي لنويشى* *يوم اعتلى من غيض سرج احصانه* *دونه قتل سته ويمنا خاله* *ماقال ثاره تاخذه حيانه* *والثانيه فيها البلالي فازي* *ياعل روحه في نعيم اجنانه* *ارخص حياته من وفاه لجاره* *يوم ادركوه بغزوته عدوانه* *والثالثه لناحلي ماسومه* *محذي كبار الروس من مرحانه* *يقري ويحذي من وفاه وجوده* *ايام مايملك عشى ورعانه* *وغير الثلاث المعجزات الحصري* *الطيب حرب مرجحه ميزانه* *منا مخيمر ياعساه الجنه* *ماعنده الا سانية بستانه* *عقاب ليل بهجعه العرباني* *عشا بها حلو النبا ضيفانه* *ماقال بكره كيف ابا اسقى زرعي* *امفوض امره للولي سبحانه* *ومنا الذويبي والذويبي حجرف* *اسمن لمع بالجود بين اقرانه* *والبشري اللي قال جار وصاحب* *من حشمته ضفا عليه احسانه* *قال العوض من واحدن له نسجد* *والجار حقه مانقلل شانه* *وياكثر غير اللي ذكرت اسماهم* *من مثلهم حرب الدول مليانه* *وماقول مابه مثلنا بالعلم* *كلن ورى حقه وسيع ابطانه* *الطيب منهل والرجال اوروده* *ورادته لكن حسب ذرعانه* *اللي بدلوه خض صافي جمه* *واللي يصافق بالدلي جيلانه* *وماكل واحد بالكلام يوفق* *بالناس واجد من كلامه دانه* *كلام شاعر بالزمان مجرب* *ومن قال قول الصدق صح السانه* |
خذ من كلامي مايهمك بدنياك
اعجبك والا خل هرجي مكانه عدو جدلك لو ضحك لك وحياك وبالهرج حطك واحدن من خوانه لابد مايلوي مع الوقت يمناك ويسقيك من كاس الكدر والخيانه تسهل عليه اليا درى عن خفياك يحتاج وقتك بعد شوح وذهانه ولا تصير شماعه لذولا وهذولاك اشرف على راس الجبل عن طمانه |
العام حطيتك على راس مشراف
وحطيت في محزمك مية رصاصه واليوم في ماقلت ماعندك انصاف ان كان ودك بالكلام الخلاصه شريف مكه تعرفه كل الاشراف يالقاضي اللي دون كرسي وماصه |
ملف القضيه تم حفظه يابن مكتوم
بعد ماقفلنا الباب لاتفتح الطاقه ترى الوضع صاير فيه بعد العلوم علوم اشوف السحاب اللي نشا لاح براقه تبي علم فارس بالشدايد يصد القوم لاتمسح دموع المبتلى وانت خناقه |
*دنياك ماعندك عليها مضامين*
*لابد ماسود الليالي تفاجيك* *قبلك طوت صفحة رجالن مسمين* *خلك حذر قدام الاقدار ترميك* *لو عشت فيها ايام وشهور وسنين* *لازم تودع حي فيها مصافيك* |
*الشاعر والأديب خلف غالب المريخان*
*تعيش ياحامي مراتع ربوعه* *لا كلش الشارب عن الضرس والناب* *فارس وهومات العدا ماتروعه* *به ميزة من فعل ابا زيد وذياب* *له ماقف ياقل شكله ونوعه* *في ساعة حضروا بها ناس غياب* *حما حمى اللي طاش واعلن رجوعه* *اللي فتح للشر طاقات وابواب* *سعد بن دومان حر طلوعه* *للطيب والجزلات حاوي وكساب* ×××××××××××××××× *رد الشاعر سعد المحمدي* *ياراعي الفنجال قرب قدوعه* *ومده على اللي لشقر الكيف شراب* *قرمٍ متينه بالمواقف ضلوعه* *مفراص ماص اليا حصل خزم كلاب* *عن ماتصوبه مايسكر سموعه* *العلم والاسباب من بطن الاسباب* *نفسي كذى ربي خلقها جزوعه* *مرضى خطا الاقصين وعفون الاقراب* *اصعب على المزهاف من حب كوعه* *ماعندي الا للعدى حرق الاعصاب* *رجال للعدوان يعلن خضوعه* *وعلى الجماعه حد شلفا ومشعاب* *ودك على خده بكفك تصوعه* *وتملى كرمت ومن سمع وجهه اتراب* *قال المثل طلع الشجر من جذوعه* *والسيف ماينقل بلا حد ونصاب* |
معشوقتي جتني على هجعت الناس
وحضنتها من حبها وحضنتني قامت تمشيني على حد الامواس وعلى دروب الخوف ياما حدتني لبستها عقدن من اللول والماس حفظتهاعبر الزمن وحفظتني يلومني في حبها ميت احساس عنها تخلى وقتها وزبنتني قلت ابشري قدرك على العين والراس شهرت فيها للفضاء واشهرتني هاذي علومي ياولد راعي الفاس ماني بحال اللي بها عيرتني |
عاش ابو سلطان شيال الثقايل
المزيني ياعسى ايامه طويله عن لزومي ماتعذر بالرسايل فز فزت حركساب الجميله قال تبشر بالسعد والراس طايل نفتخر في خدمة افراد القبيله مقترن قول المزيني بالفعايل قول شاعر داعم القول ابدليله ان مدح يمدح حميدين الخصايل الرجال اللي يشيلون الثقيله والردي لو يدعي طيب وكمايل يعتبر مدحه على المادح فشيله |
*في محفل الوفيان ماضين الافعال*
*ربعي هل الوقفات والمذهب الزين* *اهل الكرم والجود والمعدن العال* *عون الرفيق مرجحين الموازين* *عيال عم وكلنا نسل رجال* *مابيننا مايجعل الصف صفين* *يوم القبايل بين نازل ورحال* *تشهد لهم بالكون جرد الميادين* *ياما ثنو دون الضعن باشهب الال* *بعلط الرماح وطيبات النياشين* *يتلون شيخن لصعيبات حلال* *جامع مابين الطيب والعرف والدين* *احمد سعيد معرب الجد والخال* *شيخن مضى له في زمانه براهين* *بأسمه وبأسم اكبار ربعه والاشبال* *اعيال وافي ملحقين المخلين* *يامرحبايامرحبا عد مامال* *ظل الجبال الشامخات المعايين* *ترحيبتن من طيبها تشرح البال* *بكل الحضور اقصى العرب والموالين* *من بعدها مبروك ياشبل الابطال* *ياتركي الفالح وريث الكريمين* *الله يجمع بينكم باحسن الحال* *ويكفيك شر اهل الحسد والشياطين* *يقوله اللي يوم غنا بالامثال* *مايجيب غير النادره للميامين* *شاعر مايبحث في قصيده عن المال* *عنده رضاء ربعه يساوي ملايين* *من دونهم يلعب على كل موال* *ويحط طيبهم على الراس والعين* |
*ياحفاد فارس له مضى ذكر وفعال*
*البل لحقها يوم وسقت لحاله* *القوم عن وجهه تعزل تعزال* *وعقيدهم مافال الاجواد فاله* *الدم من جوفه على القاع شلال* *صابه دخيل الله ويتم عياله* *ماينصفط للموت مقدام الابطال* *فارس وشيخ ومن عوارف رجاله* *لكن يالعريف هذا هو الحال* *يوم ان كلن دون حاله وماله* *جينا نشاركم فرحكم يالاشبال* *مبروك يارمز الوفى والاصاله* *وعن اذنكم قدام مبدا بالامثال* *بيتين في شيخن كريمه سباله* *له بين كل الناس تقدير وجلال* *غازي ولد متروك طيب وجزاله* *رجال ماباع القريبين بالمال * *ويشوم عن درب الردى والهزاله* *شيخ الازد سم المعادي اليا عال* *حماية التالي رجال الشكاله* *ايام واد الحمض صولات وقتال* *بفعالهم تشهد رواسي اجباله* *منهم حمير يوم للخيل خيال* *كم ابلجن بالكون يقصر حباله* *على الطويسه لعتلى والقى طال* *عنه المجوخ يدرق في ضلاله* *حقايقن ماحولها شك وجدال* *ومن لايريد الصدق ماني بحاله* *شاعر وحر الراي في كل الاحوال* *وعشقي مع اهل الطيب طيب وجماله* |
*الشاعر فهد عبدالله المزيني*
*يستاهل التكريم مثلك وشرواك* *ياشاعرٍ عالي مع الناس شانه* *خسران منهو ياسعد من تحداك* *موقفك يشهد لك بصدق وأمانه* *دم الحميّه في عروقك تولاك* *وقام ايتدفق بالسطر والذهانه* *حرب تفاخر كل ماحل طرياك* *ياشاعرٍ دون القبيله لسانه* *ماهي مجامل لا عسى الله يحماك* *ماقف ابو تركي قليل بزمانه* *بالمرجله لامست بالكف الأفلاك* *ولاهي غريبه يارفيع المكانه* *والله لو حنا نعدد مزاياك* *زادت رقوم المدح للناس خانه* *انا اشهد ان الله من الطيب اعطاك* *وتوجته بتاج العقل والرزانه* *************************** *رد الشاعر سعد المحمدي* *حياك ياراع التماثيل حياك* *ياشاعرن غير الجزاله تكانه* *ياطيب مكنونك وياطيب مبداك* *وافي ولك عصم الشوارب مدانه* *بالطيب جعل الله يديمك ويرعاك* *ويكفيك شر اهل الفتن والعانه* *مدحتني وانا اخطايه على اخطاك* *ماني بزايد عنك شعر وفطانه* *يسلم لسانك يالمزيني ويمناك* *ياللي عن الهزلات عندك حصانه* *العود جعله جنة الخلد رباك* *ورفعك فوق النايفه عن طمانه* *ذكر الحقايق يافهد من مزاياك* *والهرج عن هزله تخير سمانه* *هذا مردي يابيض الوجه وعفاك* *حسب البيوت الوارده والميانه* |
*عسى الله يجملني وجملك ياسلطان*
*وجمل قبيلة حرب شيخان وافرادي* *ورد الجميل اللي عليه كبر ورقان* *من اللي لهم بالطيب مصدر وميرادي* *ياشيخ الشداد اللي ورثته من الجدان* *حقايق وثايقها بهجري وميلادي* *قبل بالبلاد الطاهره تامن العربان* *تجيرون من حاديه في دنيته حادي* *اهل منسفن يشبع به الجار والضيفان* *واهل بالزمان الملتهب سرج وشدادي* *حضوري زواجك يارفيع النسب وشان* *علي الحرام انه شرف لي ومرادي* *انا محمدي وعد نفسي من الحصنان* *مساء اليله اللي كنها صبح الاعيادي* *هلا مرحبا بالضيف والجار والصدقان* *تحية محبه تشبه المسك والكادي* *تعم الحظور وتفرق الوزن بالميزان* *لها من عصر في داخل الجاش رعادي* *ياسلطان راع الطيب والمحزم المليان* *وسيع البنود وللخوي عون وسنادي* *عسى ابوك منور راعي الجود والاحسان* *يظله نهار البعث في ظله الهادي* *رحل والعوض في راسك اللي سطر مليان* *ياراع الوفى والطيب كساب الامجادي* *بعد مادخلت البيت مع واسع البيبان* *تبا تشوف في دنياك مخلص وحسادي* *يجيك البعيد ابثوب صادق من الصدقان* *ويجي من عباتك جاحد الملح وزادي* *لاوصيك وانته ماتوصى كفو وحصان* *مايخفاك ماقوله على روس الاشهادي* *سما ياولد منور سما والعلوم اسمان* *على ساقة الاسلاف حامين الاذوادي* *خذ العلم ياريف النشاما مع البرهان* *على الطيبه معذور لو تقطع الوادي* *يقوله من الشعار شاعر وسيع بطان* *مع الدرب مايمشي مخالف ومتحادي* *يعرف الرجال وبالمجادل فصيح اللسان* *ولو الطيبه عبر الفضا صار روادي* *اخير الكلام المختصر والكريم امعان* *ترى من عرف شعبان مايجهل اجمادي* |
فرس عربيه اصيل هديه من الشيخ
ماجد سعدون بن غميض هديه اللي لاعطا يعطي الخيل ويعطي كبار الروس طيب وجماله ماجد ولد سعدون ريف المشاكيل شيخن هواه الطيبه والشكاله من روس حامين الضعن بالمصاويل يوم ان كلن هيبته من رجاله اعيال الابيض حي روس الرجاجيل ماضي وحاضر طيب راي وبساله اليا اقبلت باهل العزاوي جحافيل قحص المهار معربات السلاله ياما اجدعو من فوقهن بالمصاقيل مقدام قومن من عمامه خواله |
(سعد المحمدي)
سئلت صور المقبره ياسليمان عن ميتن باقي مع الناس حيا وردت علي المقبره يابن دومان جسمه ثرا والروح فوق الثريا واللي على داره شوايا ورعيان عليك يالنشاد مابه كميا قلت الله الله ياتصاريف الازمان اااااا ( مجاراة الشاعر سالم محمد السليمي ) بالصبر حـارب ياسعد مر الأحزان وشـــرواك مـاتـخـفــاه هـــذي وذيا المـوت سـنـه قـافـي الإنـس والجان ومـن عـادة الـدنـيـا تـسـوي كـذيا بصدوفـهـا لو نـلـتـفـت ياسعد كان يـبـطـي بـنا جـرح الـصـواديف نيا لـكـن ترى اكبر نعمه احيان نسيان واحــــيــان والله لــــو بـغـيـنـاه عيا واكـبـر وفــاء للـراحل اللي بالاكفان ادع وتـــصــدق عــنــه فــيـمـا تهيا (سعد المحمدي) دنياك ياسالم بها الداين امدان ومن لاصبر تطويه الايام طيا الصبر مفتاح الفرج ياكحيلان والبدو قالو تالي الطب كيا ليت الخلف مثل السلف باهل الشان ونقول ياشجار الغضى فيك فيا شتان مابين الفريقين شتان هناك والا يالسليمي هنيا حطيت للموضوع طاقه وبيبان ورد السلام ان جيت سمح المحيا |
سالم محمد السليمي
بالصبر باسي يا ابن دومان مالان لي تحت عرفي عن لضى الجهل فيا ويــوم الـصـبـر لمحّكم العقل عنوان بالـدرب صـبـري لأضـلـم الليل ضيا واللـي تـقـول وشفت شفته بالاعيان اشـكـي عـلـيـك اللـي شـكـيـتـه عليا والـشـكـوى لله لـو لـنـا عـقـدهـا بان لافــــي يـــدك حـيـلــه ولا فـــي يـديا للـطـيـب تلقى براعي الطيب نشيان وعـلــى الــــردي لابـد مـاتـشـوف غيا /////////////////// سعد المحمدي ماقول فيك اقصور ياطير حوران شاعر والا انته يالبناخي رديا الدرب من جده ليا حد خيطان يلزمك قصه يالشجاع الذكيا البحر الاحمر فيه لولو ومرجان والبر فيه من الجمل للحديا ارفع لها مع طلعت النور نيشان ويمكن تحل رموزها ياخو هيا |
عسانا ليا حتجنا من الناس شخصن ما
ماترمي بنا الحاجه على واحدن رمه على الطيبه وفعول الابطال مايضما يجسه ردى ماروث من خاله وعمه افتش من البارح يابو زيد بالاسما وحذفت الكثير ومطلبي عالي القمه اعشق الصباح اللي جلا نوره الظلما ولا حب بندق عن هدفها بها زمه |
ان كان تبغى الكلام اللي يفض الجدال
يالمسلم اللي تحكمه بالزمن مسلمه ياحبتي لرجال اللي تخصم الرجال وماحب واحد عن حقوقه تجيه اطرمه افهم ترى العوج ماتمشي عليه عدال بيت ل سبيل المزيني طيعني ولزمه العام مالك مع اهل القول يذكر مقال واليوم تبغى تسوي بالرخا ملحمه ياشين طبع الغشيم ال يعترض للغفال يشتالها بين عظمه بالزمن والحمه |
من مايحز بخاطري في زماني
الكلمه اللي جرحها بالحشا جرح ياليتني عنها قفلت الاذاني قدام ماعرف ناتج الجمع والطرح طمرت عن ماصار طمرت حصاني يكفيك يالنشاد بيتٍ عن الشرح حفظت عن بعض السوالف الساني ماني سوات اللي يعود على المرح |
الساعة الآن 04:52 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir