بحر الشِّعِر واسع و يبغى شواعير=و انته و انا طحنا ببحر الشعر سَبْحْ
وين البقيه يا سليل المناعير؟= اشوف حرف الملعبه ضاع أو ذبح

بحارة الابحار كل(ن) له اقياس = وكل(ن) على قيسه يميل الغزيرة
ومشاغل الدنيا ترى تشغل الناس = والظن فالاجواد طيب السريرة

رهاوي المنطق رهاوي معاني=تسد لازم من نشد ويتشرّه
لوكان مالي غير باللي نصاني=كل بثوبه دلق وألايزرّه

رهن الاشاره في حديد السناني=واللي بليا نفع مابه مضره
يازين بنيك يارفيع المباني=واللي مثل شرواك لله دره

ردي أقوله عن رفيع المكانه=وعن باقي الشعار من دون تقصير
يامرحبا ترحيب مرفوع شأنه=يامرحبا ياحسين ذخر المناعير

يرعاك ربي ردكم حيل وافي = عساك باقي ياسلالة بني يوب
اقولها للناس بين وخافي = اليا لبست الثوب سديتم النوب

يرعاك ربي ردكم حيل وافي = عساك باقي ياسلالة بني يوب
اقولها للناس بين وخافي = اليا لبست الثوب سديتم النوب

وبل الحيا يسقى الديار السنية=ويرد مرواها ويحي شجرها
وقلبٍ عمره الود لا واهنيه=الود لاطب القلوب يعمرها

هام السحاب البرق فوقه يلوحي = وانا ضمنت الغيث من شوفة البرق
وقلب يود الخير دايم سموحي = يلقى وداده مع هل الغرب والشرق

رقَّت قلوبٍ خوف من برق يتلاه=رعَّاد يرزم يصحبنِّه صواقع
حده جهدها تقول يالله يالله=لا تواخذ الأمة على فعل واقع

قعدت افكر بقاف ن ماحدن جابه=قلت اكتب القاف حرف الدال ومردد
دندنت ساعة وهل الغيم صبابه=في صفحة النت والموضوع متجدد

ددان لاصكت من يمين ويسار=ودارت رحاها والوعد قد تقرر
ما يعود لو هو من تحت وابل النار=الا الأسير المنتخي قد تحرر

قعدني الرعاد من لذة النوم = يوم المصيح قام يكثر صريخه
قالوا تريح وانت صاري من اللوم = كل(ن) على ماقيل ياكل طبيخه

(خه) كلمة(ن) ما لها معنى(ن) اعرفه يالعبيدي= جبته علشان هذا مطلبك عند البدايه
دورت كلمه بها خاء(ن( و هاء(ن) في القصيدي = و ازريت احصل و كفّنته بقوسين و عبايه

دمت ياليوبي نبي هذا الدليل= دام عندك عنه معلومه فهات
أعرف ان (خه تشنق) صيني(ن) نبيل= مسلم(ن) بحار قبل قرون مات

أمة(ن) تسمع تعاليم النبي محمد= ما تضيع ودينها هو ناسخ الادياني
دينها حي(ن) سوي و دين غيره رمّد=ودام جبت العلم ياليوبي محد لك شاني

نيّام ياهل الملتقى ليه نيّام=وين الصييفي وين باق الشواعير
الملعبة ماهي مثل كل الاقسام=تشكي من الهجران والناس في خير

يرعاك ربي يالفريدي و يبقيك=أنا هنيا و البقيه ملابيد
حاولت احركها بكل المحاريك= لكنها ما جت على مثل ما اريد

ودك قبل ترمي كلامك جزافي= تعرف وش الهرجه و تعرف نحاها
و ما دام ما به نار، ليش المطافي؟= المسأله كلمه و ردّة غطاها

هاجت مقاصدنا و جاها انحرافي= متى نريح نفوسنا من عناها
وجهة نظرك مقدّره يالسنافي= لكنها ما بينت وش وراها

هاتوا لي المعمول مع بن صافي=ذا مشتهى نفسي وهذا مناها
الله خلقها بين نونٍ وكافي=والعبد ما يقوى على مشتهاها

هاتوا لي الدلّه و صبوا لــ "لافي"= برّية ن يثنى على من شراها
سبحان من نزّل خيار الصحافي= على محمّد خاتم الرسل، طه

هذا هوى روحي ومنية شغافي=لاجات من ربعٍ يشرِّف قراها
سبحانه اللي عالمٍ بالخوافي=واللي سكن في الأرض واللي مشاها

هاج الهجوس و قلت يالله تعينا= عسى العلوم اللي حدت هاجسي خير
يا شعري اسعفني و هات السمينا= و لا تخلف العاده بكل المشاوير

ياراحتي على رمالك من ذهب=صيفك اللي طاهرن من الدرن
نحمد الله الخيرعام الشعب=والسياحه شامله كل ن حسن

سنّة الخير متبوعه و مثني(ن) على اللّي سنّه= و سنّة الشر مقطوعه و لا يثنى على راعيها
و من تبع سنّة(ن) قشرى بتاليها يجرّ الونّه= يلحقه شرها من شر راعيها و يكوى فيها

هادي الدنيا محمد نتبع له سنه=سنة الله جابها للخير والجنه جزاها
وسنة الطاغوت اغوت من تسمو بالفننه=تايهين في طريق ن ماحسبو للي وراها

هات يا راع العلوم الطيبه ما عندك= ودّي اسمع علم زين بوقت كله بلوى
يالله انك ترحم الامّه بقوة جندك= و تحفظ الاسلام من اعداه و اهل الغلوى

بيض الله وجيهكم وصح الله السنتكم
ومشاركه على السريع يالغالين