نبغا طرب يجذب الالحان = يبهجك من روعة افنونه
مخصوص مني على بخيتان = نبغا البشر به يغنونه

لاتشغل الفكر بغيابه = مادام يسوا الذهب والدر
واللي على الطيب يهنابه = تجيك عنه العلوم اتسر

العـيـد يجــدد لنا الـفــرحـــه = ويزيد ولف الاحبه فيه
واللي مضى فاالزمن جرحه = انساه لا تفتكر طاريه

وليف الشوق=
سلام وافي إلى سلمان = من قلب باالطيب يغليكم
مايختلف طيلت الازمان = واغلا التهاني نهنيكم
حرب=
ترحيب ياحر من لحيان = ياللي عزيزه مبانيكم
وحنا نهنيك ياشيهان = عساه بالخير ياتيكم
وليف الشوق=
تسلم لنا يارفيع الشان = الطيب دايم مباديكم
محسوب عندي من الاخوان = غالي ولي قلب شاريكم
حرب=
الله يسلمك يالربان = وفالطيبه من يجاريكم
ياللي كما النون فالاعيان = دايم على البال طاريكم

العيد هلت تباشيره = للكل اسما معاني الحب
وليف اطلق تعابيره = باالتهنئه من لسان وقلب

وليف الشوق=
أزف التهاني لأبن عايد = من بعد رفرف هلال العيد
ولابد مانجـيـك ونعـايـد = ويالله عليكم عساه يعيد
الماهر ابوخالد=
دايم في سبق الوفا رايد = ما ينقص الطيب منك يزيد
وعيني على الباب يالقايد = من ليل عيدي لنهار العيد

ولــــــــيــــــــف الــــــــشــــــــوق =
يـاهـمـس جــابــت نتـايـجـنـا = طلـع لنـا ناتـج المحـصـول
اكـثــر مـــن الــلــي تـوقـعـنـا = يفوق وصفه عن المعقول
هـــــــمــــــــس الـــــقـــــوافـــــي=
مــبــروك فـرحـتــك تـفـرحـنـا = وهذا جزى جهدك المبـذول
الــشــكــر لـــلـــرب خـالــقــنــا = من بعد حقق لك المأمـول
ولــــــــيــــــــف الــــــــشــــــــوق =
يـسـعــدك ربـــــي ويـسـعـدنــا = وابـيـك انـتـه معـايـه تـنــول
وكـــان الـمـقـاديـر تجـمـعـنـا = ويسيرفيه الوصل موصول
همس القوافي=
انـــا مــعــك فــــي تـجـارتـنـا = لـو انـهـا ربحـهـا مجـهـول
لـــكــــن حـــــــدد وعـيــدتــنــا = ريح لنا الخاطر المشغول
وليف الشوق=
ابـشــر يـاغـالـي تـشـرفـنـا = عندي طلبكم تراه مقبول
والـربــح مـاغـيـر خالـقـنـا = يعلـم علـى كـل مابنـقـول

سلام لهل الوفا ونزيد = في اول ايام من عيده
للكل مني بلا تحديد = واللي بدا حرفه يجيده

ابيك تدري عن اللي يصير = اللي عنه انت ماتدري
حتى الامر تأخذه بتدبير = والحاصل اللي معه يجري
اللي حصله من التقصير = توفيه والحق ما يزري
سارع قبل لا يجي تطوير = وكل المساعي معك تزري

ماكل ماشفت تشقابه = وكل اهتمامك عليه يزيد
خلك على اللي تهقوابه = ياتي على ماتبي وتريد

المنتظرارسل المرسول = والرد للآن ماجاني
بالله هات الخبر لايطول = من بعد ما وصل لخواني

وليف الشوف=
ابـدا بذكر النبي اللي = عليه من يسمعه صلا
سلام باالطيب متعلي = للي فدرب الوفا علا
حرب=
ياذاكر المصطفى نصلي = عليه من قلب ما ملا
ترحيب يا بدر متجلي = اعلى المراتب لها احتلا

وليف الشوق=
لجلك ياماهر من الغالين = اللي لهم داخلي حشمه
اللي تقدم من الوافين = ماجابلي ناتج القسمه
الماهر ابوخالد=
اعرف مقامي وقدري زين = عندك وانا اعطيت لك رسمه
عني وعن حضرة الباقين = كلن بحسمه اخذ قسمه
وليف الشوق=
ماخطيت ياراعي التثمين = والمبتدا فالخبر حسمه
الكل يبقى فنون العين = والطيب مايختلف وسمه

وليف الشوق=
يا سالم ابغاك تفتيني = وتفيدني في جوابك لي
اليوم وضعي معنّينـي = عيّت حلولي تفيد بشي
سالم البشري=
يابو منى كـان توحينـي = انا لعينـاك دامـي حـي
اشرح لي الوضع واعطيني = نبذه وتلقى لشمسـك فـي
وليف الشوق=
عادتك وافـي موفّينـي = لاكن وضعي صعب ياخي
واليوم معـاد يمدينـي = أضل صابرعلى اللي في
سالم البشري=
أيامه المرء نوعينـي = مُرّه ومنها عذيبة ري
وقدّام لاوضعك يبينـي = مااقدر أبدل ظلامه ضي
وليف الشوق=
الوضع من حي مشقيني = خلالي الفكر رايح جاي
وكل ما بغيته يواسيني = يكوي فؤادي بناره كي
سالم البشري=
طبع الشقا فالموديني=ياكم ضامي فجال المي
ومثلك مايبغى مدلّيني=داريه واصبر عليه شوي

اتـبـخــرت كل احـــلامــي = حتى اصبحت في سماي غيوم
تمطر ولا تروي الضامي = لوكان وسط البحور يعوم

الى متى والعقول صغار = والناس بعقولها كبرت
تبقى العقول الكبار كبار = وكباربعقولها صغـرت

خل الوفا درب في وصلك = لاتختلف فاالمبادي شي
الطيب مدك وساس اصلك = والناقصه ماتهم بشي

ياكثرهم ناقصين اعقول = كلمه توديه وتجيبه
حتى الذي باالموافا يقول = اليوم معاد ترهيبه

وليف الشوق=
سلام مايحـتـمل تاخـير = اسرع من البرق فمزونه
اللي على الطيبه مايدير= ماأكدو علم يعطونه
هذي رساله تصل تذكير = لابد فاالوضع تفتونه
لوكان حاصل على تغيير = توفيه باللي تسوونه
بخيتان البشري=
ترحيب مايلحقه تقصير = ولا يختلف سير مضمونه
صاحب ولك عندنا تقدير=واللي بدوا علم يوفونه
يارايق الفكر والتعبير =حنا على ماتخبرونه
ماغير ماتخبرون يصير= ولوصار تغيير توحونه

هذي نصيحه لمن يفهم = ابعد عن الشر وغنيله
وانا اعرف الحر لويعلم = مايقترب من تهاويله

هذي نصيحه لمن يفهم = ابعد عن الشر وغنيله
وانا اعرف الحر لويعلم = مايقترب من تهاويله

كل يوم وحنا فقيل وقال = ماننتهي من مشاكلنا
مدري متى ينتهي ذلحال = اللي غدى شغل شاقلنا

وليف الشوق=
ياسرور مده لكم متبان = غايب علينا ولاتظهر
واليوم ياصقرياشيهان = انكان تسمح لنا حضر
نبغى افادتك ياربان = تثبت بتقريرباالمحضر
عن ماحصل فالغياب وكان = عطناالحقيقه اذا تقدر
سرور البشري=
قلبي معك طيلة الأزمان=طال العمر بي اوقصر
حاضر وعن ساحة الميدان=قدام والله ما وخر
وانت تعرف الظروف أحيان=تجبرك وانت الذي أجدر
وبابومنى يعمر البنيان=ويشّيد ابناه ويعّمر

تبرمجت فاالفكرفكره = اطرت على خاطري فالحال
كلماصرف عنها النظره = ترجع وتشغل عليه البال

خيّبت كل الهقاوي فيك = ولا عاد لك عندنا قيمه
اعاملك بالوفا واوفيك = ولياك ما تعرف الشيمه

وليف الشوق=
انكان يسمح لنا السينات = ودي بحرفه يجارينا
راعي وفا كامل الطيبات = ابن الرجال الميامينا
سؤال محتاجله جابات = من العارفه اليوم يفتينا
اليوم كثرت لنا الجبهات = حتى من اقرب مودينا
السينات=
أحفظ لك الود فيما فات=واليوم طيبك مغطِّينا
واللي له الأولة بالذات=دايم على الحق يا خينا
ياما الجبل يحتمل صدمات=وانت جبل في اراضينا
ما تهزك الريح والحايات=راسي وثقلك يرسِّينا

دارت بنا دورة الاقدار = اللي طلع ضوها نوره
مايدري ان الزمن دوار = وضح لنا كامل الصوره

وليف الشوق=
سلام طيبه وعذر مود = مع شوق صادق لبونايف
وياليت اوفّي جزيل المد = اللي له المنزل النايف
ابوفرح=
ترحيب ماله مدى او حد = ياراعي المنطق الكايف
لك في خفوقي غلا مع ود = الله في قلبي لها شايف
وليف الشوق=
هيا استمع ياعريب الجد = اليوم من وضعنا خايف
البعض اصبح يزل الحد = حتى تجاوز الى الطايف

تبرا وكل الجروح تهون = مهما نعاني قساوتها
الا من اللي عليه نمون = جمره وفالقلب حرقتها

وليف الشوق=
عـداد منهــو يـقـيـم الفرض = وعداد نجم السما العالي
ســــلام مــني يـهـــز الارض = لا قـيـل فــأول ولا تــالي
الصـاحـب اللي عـليك يعـض = فالخلف وان جيت هـلالي
حكم العرب اش عليه يفرض = افــيـدنـي فيه يالغالي
المختلف=
عـداد منهــو يـقـيـم الفرض = وعداد نجم السما العالي
ســــلام مــني يـهـــز الارض = لا قـيـل فــأول ولا تــالي
الصـاحـب اللي عـليك يعـض = فالخلف وان جيت هـلالي
حكم العرب اش عليه يفرض = افــيـدنـي فيه يالغالي

وليف الشوق=
سؤال يا طيب السيره = نبقا افاده عليه اتجيب
اللي تغير معي سيره = له الوفا معتلي بالطيب
خلاني اليوم في حيره = فكري يودي معي ويجيب
عجل بشورك وتدبيره = الله عسى شوركم مايخيب
سالم البشري=
وليف صدّر فتعبيره=سؤال بنيه على ترتيب
وسالم لعيناه بيشيره=بالذوق والصدق والتهذيب
الأول اسمع معاذيره=يمكن توفّي بلا تأنيب
وصاحبك لايقل تقديره=دمح الخطا لو حصل مايعيب

ارقا به الحرف للعالي = لايهمك اللي يجيب الهمز
من يعرف القيل والقالي = يلقى لساس المعاني رمز

اتعامل الناس بالطيبه = تحبب جميع الخلايق فيك
وابعدعن الشك والغيبه = تحصل على كل مايرضيك

وليق الشوق=
اسبوع ليه ابعرف ليش = مافيكم اللي سأل عني
اماتوضح لنا لاجل ايش = ولا على الحق كملني
بخيتان البشري=
بآلله ابعتذر لك بيش = يلزمني الحق لك مثني
ابشر اكمل بلا تفتيش = منك الوفا والجفا مني
وليق الشوق=
تسلم لنا دوم يانبريش = على الوفا كل ماتجني
عساك سالم 0 عساك تعيش = لاهل الوفا ذخر والقني
بخيتان البشري=
ماعاد زادك عليّ تحريش = خاطرك 0 والا احسن اظني
لك قدر يابو مُنى مانيش = عالي ومحفوظ صدقني
وليق الشوق=
غير الوفا عندنا مافيش = وانا انتظر 0 لك مستني
الناقصة ماتأكل عيش = ياللي على الطيب متهني
بخيتان البشري=
الناقصة وزعة الدرويش = ما اشقى بها 0ولي ماتعني
بعض العرب لو نبت له ريش = مايحُول مابيننا يعني
لابد مانطنشه تطنيش = وانته وانا عنه نستغني
ولا كل منهو انفصله فيش = ابنتبعه 0 كان تسمعني

يامحاسب الروح قبل تروح = لك جنة الخلد تكسبها
لاكن بعد ماتروح الروح = ماعاد يمديك تحسبها

وليف الشوق=
سـؤال عـنـدي لأهل القن = ودي اجــابه يـوفـــوني
سـلام باغـلا عـبـيـر الفن = للكـل واللي بـيـفـتـوني
اللي بـدا فالغياب يـزن = وتقديرله داخل عيوني
ياهل ترى ماحكاه اكن = والا له ابـيح مـكــنـوني
فايز المحسن=
أخذ الإفاده من محيسن = والحل في داخل غصوني
ترحيب جوهر ذهب توزن = ومايختلف كيل ماعوني
اللي بدى للغياب يحن = وبايع على ناس يشروني
السر لا ينتشر ممكن = بي رده الشوق مغبوني

وليف الشوق=
ياهمس اسمع بقلك شي = مصدرمآسيه من ذاتـي
كل منتها ذاك يبـدا ذي = ولاعاد ندري عن الاتـي
لاقلت هذا حبيب وخـي = زود عليـه معـا ناتـي
واليوم مابين شمس وفي = ياكيف الآقي علاجاتـي
همس القوافي=
بذلت كل ما املكه في يدي = لاجل الصفا والمسراتـي
اقدر اللي ضميـره حـي = اهدي له ازكـى تحياتـي
والجاهل اللي يعيش فغي = ماهو محـل اهتماماتـي
اخر علاج المريض الكي = ان كـان تبغـى افاداتـي

وليف الشوق=
سلام والحال لك اشكيه= ياسالم ابغاك تفتيني
اللي بروحي انا افديه = لجله من اغلا موديني
اليوم خيب عشمنا فيه = من عندنا يمر مايجيني
ياهل ترى فزلته اعفيه = ولا له احد سكيني
سالم البشري=
ترحيب للطيبين اقريه=يوفيك مدّه ويرضيني
ومن كان غالي عليْ اوفيه=وينزل بمنزال غاليني
وقدّام لااحكم عليه اجيه=أبدي له العلم ويبيني
أمّا يجي لي عذر يبريه=أو حق والحق يكفيني

وليف الشوق=
سلام باالخمس لك يصفح = يااللي على الطيب توفينا
وانكان وقتك لنا يسمـح = ساعه من الوقت تعطينا
بخيتان البشري=
ترحيب الاوزان به ترجح = ياللي له الـود يحوينـا
الليل عن مابكم افصـح = كل وقتنـا لـك ياخينـا
وليف الشوق=
كل ماظوى ليلنا لصبح = النـوم معـاد يهنينـا
من هاجسن فالفكريسبح = كل ماهـدا زاد يعنينـا
بخيتان البشري=
طول الكرى والعنا يذبح = لاصار به فكر مشقينـا
لكن عن مابكم وضـح = الامـر لازال خافيـنـا
وليف الشوق=
اللي طوى خاطري وافلح = معاه تاهت خطاوينا
لاجيت بافرح معه يجرح = وعلقم من المر يسقينا
يخيتان البشري=
هذا الهوى نوب به نفرح = وأحيان نشكي مآسينـا
مهما له حروفنا تشـرح = يبعد بنا عن شواطينـا
غير الصبر حل ماينجح = وعيش الامل والله يعينا
والا تجنـبّ ولاتطمـح = في ودّ من هـم مقفينـا

بنيت لك سد يمنعني = وكل يوم وانته تشيد ابناه
واليوم ماعاد تسمعني = ولاعاد فيك الامل ارجاه