ياوجدنا للي بهم عزه ودين=اهل الجزيله والثمينه والثمين
من حضر وإلا بدو ذربين اليمين=واللي يبرهن هرجته بفعالها
لاكن زمان اليوم يالله النجاه=كل(ن) على الطيب يومي في عصاه
والخط ابو عنوان بان لمن قراه=هي تصفق اليمنا بدون شمالها
هبت من الغربي ذعاذيع الرياح=اللي تحول كل ممنوع(ن) مباح
حنا بعصر العولمه والانفتاح = الشجره اللي مايظل ظلالها
وقمنا نقلد كل صعلوك اجنبي=والنفس نمشي في هواها اللي تبي
هلاكنا فالبعد عن نهج النبي=عزالها بعض البشر عزالها
اكالت القصعا قريب خيمت=بعض علامات القيامه تيمت
كان الرجال الفاضله ماقيمت =تراء البقيه ماتسرك حالها
يمكن بعد مده يسوقن الحريم =والوضع لاسالم ولاهو بالسليم
يالله تزينها وسترك ياكريم=ياعالم(ن) بقصارها وطوالها
يعني يصير الامر بيدين المره=هذا التحرر كم من بيت دمره
والرجل ماب ايده من الامر شعره=فرس بدون عنان ياخيالها
ونشوف شي(ن) يالنشاما مايقال =مير الامل بالله ثم بابو العيال
اللي مربيهم على سلم الرجال=تبي الرعيه واحد(ن) يصحا لها
ذارب بلا شارب وراء بعض الشباب= لايحسبون اللي مسوينه صواب
قلنا شنب واحسب لكلمتنا حساب=الطايله مثل الرجال ارقالها
وان سادوا اللي مايعرفون الاصول=ان كان مالك واسطه مالك قبول
يعني تعلم للنطاله مع نطول=والكف تفداء السيف لوهو شالها
اللي حصل له منصب(ن) دونه يذود=غير الغرابه مال احد عنده وجود
باع الامانه والعوايد و العهود=العنصريه ذا زعيم رجالها
بالواسطه يكثر من طار ورقا =للمنصب اللي به جنابه ماهقا
ومدور اللقمه يدور مالقا=يالقمة(ن) كل البشر تشقا لها
ولاهو بكل الناس هذا طبعهم=ياكثر ناس(ن) مثل زمزم نبعهم
اهل الوفاء يعم دايم نفعهم=صحيح نذخر للثقال اجمالها
واختامها يالله تحمى المسلمين =من شر من به شر وغواه اللعين
امين قولوها معي بالسامعين=جعل الهزايم للعداء تشتالها