ويش رجال على غفله تنفس = وانفسه عقب على جاره مضره
ان تبين شر لين انه يخفس = جعل رب صلطه يبعد بشره

انشدك عن رجل ليا جيت حوله = تكسب حدى الثنتبن مانته بخسران
والثاني اللي يوم تعبوا وجوا له =اللي كسب ثنتين ماهو بربحان
كلام سابق كل عاقل يقوله = واللي يقوله له دليل وبرهان

ويـش الـذي يومـر وفي فعله العنف = ولاينفع الا فـــي يمين تشيلـه
ليا عجزت اخته نابها بفعله الصلف = ولاهو بغايه لكن انه وسيلــه
ليا ارتفع ما ضــر وليـا نـزل هــلف = ويمنى مفرق من تجمع دليله

انشد عن اللي وين ما عشت تدراه = واجب عليك وواجب انه يداريك
الله عليــــك بكــــل الاديـان وصــــاه = وانته عليه بكل مذهب مـوصيك
من الشهامـــــه مـــا تعقّـب خــطاياه = ومن المــروه مايغثـك ويـوذيــك

انشدك عن رجل وقف موقف شجاع = يصمد لضارية السباع الجايعه
لكن بطبعه لايطيع ولا يطاع = والعهده اللي يستلمها ضايعه
لاينفع مهاجم ولاينفع دفاع = ولايطلب الفزعه ولا له شايعه

انشدك عن ورع على صاحبه طوق=مثبت رجل عروقه تشده
رجل تعلا حامل الحمل من فوق = اللي خدم رجل بيسر وشده
ورع ضمن ثلاثة كنها عروق= والكل باسم وثابت عند حده

المشاركة الأصلية كتبت بواسطة غدير بن فهد الوهبي (المشاركة 763165) صح السانك يابو خالدوالله لغزك مشربك بين الشداد والحقب والبطان والرسن

يامن عرف بنت تغطت عن العين = تشابه الفنجال واكبرشويه
لياكملن ثنتين للحرمه يدين=حرمه قديمه كلها قابليه
وتجودن بلين والناس ماشين=في حرمه اخرى فوق وسق المطيه

يامن يخبرني عسى الله يقويه =عن العيال الصامدين الصناديد
اللي عملهم غيرهم مايسويه =وااكثر عملهم بالصحاري وبالبيد
مع عودهم وان قام تجودوا فيه= وكلن ثبت من عقب جلد وتحديد
يجلدهم اللي كل واقف يمشيه=مع الوطى من دون شرط ولاقيد

اذاكان عبد للكرم طوعه عمه =مضافة ارجال كلهم ما يحبونه
توصط بقلب العاصمه تقل بالقمه=ولاهمه اضيوف الشرف لويهينونه
لياحان وقته شفت به ناس ملتمه==وليا صدروا مقفين قاموا يسبونه
اذا انك عرفت العبدبالاسم لي سمه= ترى العبد مات وحالت اسنبن من دونه

يامن عرف بنت تأدي عملها= باوصط اعيال ويدفع البنت حرمه
تدخل صفوف اعيال على مهلها = وتحطهم نصفين ليدين قرمه