ياطيرياخفاق يارافع الريش=ياللي بعرض الجو دربك سمــــــاحي
ماشفت لي نقاض سود العكاريش=عليه من لمحات ظبي البراحي
عنق المها راع العيون المراميش=سود بها ياطيرموت ذحاحي
والخد براق سرى بالغطاليش=براق وسم في دجى الليل لاحي
حلو النبا مثل القراح النقاريش=هرجه عسل لوقيل ماني بصاحي
احرق فوادي مثل مايحرق الفيش=لولا الحيا ياطيرلارفع صياحي
ساكن بداري بس جت له نواطيش=حسبي على منهوسعى له وراحي
مما بصدري قلت ليش السفرليش=قال ا لبواخرتنتسفها الرياحي
ماهوجفى والا خيانه وتطنيش=امرمقدرواستبيحك سماحي

سوق السحاب يسوقني يمك الشوق=سوق الرياح لسحبها في فضاها
هبت ويتبعها ضهى المزن برفوق=غربية قام يتصافق هواها
اظلم سماها واكتسى الجو من فوق=وركد اثقال المزن وانهل ماها
ديم مطرها وارتوى كل زملوق=من فضل ربي يوم ربي عطاها
مراحب يرتع بها راعي النوق=خضراءغدت يوم الربيع اكتساها
فيها النفل فيها الخزمى لها اطروق=فيها ام سالم ساجعه في غناها
انا على ذكرالحيا دوم مطفوق=انسق الرحلات واسعى وراها
مجهزالعزبه معي وسط صندوق=عيسى الرشودي لونسى مانساها
فنان بالجمري مقلقل ومسلوق=وان جيت للكبسه معي ماعلاها
ومهيله تنعش وبراد محبوق=والناس منهوعاد يدرك ارضاها
وخدمة خويي واجبي خيرمنطوق=عتزفيها وافتخرواتباها
الصحبه اللي بالسفركلهم ذوق=عن سيرة الانذال تكرم لحاها
مابينهم خدعه ولابينهم بوق= خوة رجال عاليا مستواها
فلة حجاج وكل مطرود ملحوق=ولادامت الدنيا لحيا بغاها
القاف ابا سجه على كل طاروق=مع سكة اخطوط بعيد مداها
مع القريحة بين سابق ومسبوق= نوب تعصاني هي ونوب اعصاها
ابعد عن النمة وهرج بمخلوق=مجالس مايانس اللي لفاها
والمزح احبه دائم يمه اتوق=طبعي وربعي ماتضايق عساها
وقلبي خضروان شاف له زول غرنوق=على الشرف والا الرديه حشاها
مايستترمن يرتدي ثوب مشقوق=السمعه اغلى من حياتي غلاها
والعلم كنز وتاخذ الطاق مطبوق=سلعه ثمينه ماخسرمن شراها

قريت لك في دفتر الشعر يازيد=ابيات شعرٍتعجب اللي قراها
كل ما انتهت من طيبها اعيد واعيد=لين انطبع في وسط صدري صداها
كل من سمعها قال لي بالله تعيد=قصيدةٍ مثل الذهب محتواها
ورددتها لمنقد الشعر ترديد=لكن ولوهي غلطةٍ ما لقاها
وعرضتها على الرجال النواقيد=لعل توجد كلمةٍ قد نساها
قالوا عليها مالقينا مناقيد=قصيدةٍ جزل المعاني سداها
حطيتها تحت المجاهر تراديد=من اول ابياتك الى منتهاها
قصيدتك عن كل ملحوظه بعيد=ابعد من نجوم السماء عن وطاها