احلف بمن هو رفعها سبع= وانزل بها سبع سبحانه
لابيع خوة ردي الطبع= بالرخص لو الذهب زانه
ويرزقني الله مخوة سبع= في لازمي ترجح اوزانه
وافخر بصيته مابين الربع= ومد الوفاء ساس جدانه

حل المساء والجروح تلم= تبقى تعود مواطنها
وقامت حنايا الفؤاد تهم= تنعش مواقع مكامنها

كل ماقبل الفرح صادف جرح= وكل ماطفت نار قادة نار
ويني انا وين ذاك الفرح= وجرحي من الفرح طالب ثار

جو الاجازه يذكرني= بيامنا في بلاد الشام
لاشو مالك وتأبرني= وذاك الهناء والسرور التام

لاسرهد الليل قمت ابكيه= مشتاق له يابعد حالي
ياوجد روحي على ماضيه= واوطان مرت على بالي

يابن الحلال الآمر خيره= وانته تخير ولاتحتار
ان كنت بتفضها سيره= انسى وبنسى معك ماصار

ياورد منك الغرام يفوح= ومكامن الآنس مخفيه
اتعب خفوقي كثير النوح= والبعد باعذار وهميه

خابر جنابك ولد دندون= وتقدر الي يقدركم
ارسلت لك فحوة المضمون= ورد النبأ ماورد منكم

طلع القمر واتضح ضوه= وللبر شوقي صرح بيه
يام الولد محملي طوه= وطوي معه مالزم ليه
باستاذنك وانبسط جوه= ولاغاب لابد لي جيه
عجل بعد ماطلع توه= ياحر دم الشقاويه

كان الهوىوالقلوب خفاف= وتعشق لها حي متعدي
اليوم ماهي على الميلاف = متقنعه لآخر الحدي
شاب النظر والعيون عجاف= من حظ متعب و متردي
حتى اللحم في متون اكتاف= من دونه ضلوع تنعدي

يالقايدي جيت وانصاني= بهر دلالك وشب النار
الماد يبغى الحميداني= وانته فى ميله من الشطار

خذني هوى ياهوى خذني= بمشي معك في دروب التيه
وراضي عذابك وعذبني= من غير لآسال واقلك ليه

النوم للمهتني راحه= والي بهمه منه مارتاح
مادام الافكار سواحه=كيف يتهنى بنزف اجراح

يانسمة الليل روحيله= وحسي لي الشوق فى اسراره
ولاقال لك اه قولي له= مغليك مثلك على ناره

دق الفرح عندهم وانا= في جالهم مادعوني فيه
ومابيننا جيرة اقنانا= ومدي لهم بالوفاء موفيه
مدري تدابير شيطانا= اخلف علينا صفاء نمشيه
واغوابهم عدل الاوزانا= وميراد مدي نهو ماضيه

ليلي سرى وانعرف تاليه= فى مشابهة ليل عشته امس
عجل ياصبح الآمل وانهيه= واطمس بقايا جروحه طمس

شوف المنازل بعد ماخلت= الي بها من رجال دهات
وصلت الى حد ماوصلت= وقفابهم هادم اللذات

يامن عليه اتجه وادعيه= ياخالق الخلق سبحانك
عبدك غوابه جهل ماضيه= واليوم طالبك عفرانك

كل مابصيص الآمل عشناه= مات الآمل وانقطع وصله
مامن تمنى ونال مناه= الا شتكى ماعترض سهله

لاحنا ضمايا ونشكي جوع= ولانار نشكي صهارجها
ولاحنا من الي خساس طبوع= ولاسلافنا من عوايدها
حروب وقت اللوازم طوع= فى صداف هبت عجايجها
من ساس واحد كثير فروع= ورجال عالي مناصبها
شجعان مانلتفت لرجوع= ونخوض فى اقصى نشايبها
ومهما انجبرنا نهل دموع= مانبيح خافي سبايبها
ولاازمت حالة الموضوع= نفتش لها من مراجعها
ولله وحده حنينا خضوع= مهما شكينا مصاعبها

بعض الهوى فيه صدق احساس= وبعض الهوى ماكذب احساسه
وبعض الهوى فيه بعد وياس= وبعض الهوى ماقرب انفاسه

جرحأ لجا وامتكن فى عضاه= وحال الدواء دون الامكاني
اليا سمعته يقول الاه= اسمع صدها فى وجداني
ولاشفت دمعه وحرق ابكاه= تذرف دموعي من اعياني
ياخون كلن يقول الله= يشفي لنا ذاك مرضاني

يوم الجوادر غرف للنوم= ودولابهم كان صحاره
والرز بكه سمن ميدوم= وتهضيمهم كان بخضاره

خلك مع الله يطيب الفـال=واتقن امـورك بالاتقانـي
ولاتتبع القيـل تلـو القـال=من غير ادلـه وبرهانـي
واحسب حسابك من الاقوال=ولاتسمعـه قـول شمتانـي
وقر الخطاء واطرح المعدال=لاتسيـر فالحـق عميانـي
دام الحكـم بالدليـل الـدال=لاتتـزم فـوق الامكـانـي
ولاتصاحب الا رجال ابطال=عادتهـم مشـي الاقنانـي
ولادق سيل المزون وسـال=احذر معه رجح الاوزانـي
بعض الثمر من خياسه مال=وبكره تعلا فالاغصاني
ياكم تاهو فحـول رجـال=في معمعة غمز الاعيانـي
وعقدو عليها كثيـر امـأل=ولامـال مـاد الحميدانـي
واشرب لكيفك بكـور دلال=بوجودهـا نعمـة العانـي
ولاحل واجب مع المرسال=اسري له الليـل وحدانـي
هـذا كلامـه محمـد قـال=من حب صادق فى وجداني
للي سمعنـي مـن العقـال=وكلن يفكـر فـى قيفانـي

شوف التفرق اساسه من = تعرف هدف صاحب الفكره
وليا عرفته تحذر عن= اللي مدبر لك الدبره
بعض العرب كاسرين القن= يمشي من الجرف للحفره
حاله كذا صار لين ادمن= ماتنكره ناس بالنكره

يبرق بريق الذهب وآلماس= ويغر الاعيان ببروقه
اثره مدوكر بساس نحاس= من منطقه بان منطوقه
اللي نباته على النوماس= يجري مع الدم فعروقه
واللي نباته خبيث الساس= ماينشري لو رخص سوقه

الليله الليل يابن بدين= حل المساء والمصافى زان
مايقبل القاف صبر الدين= صرفه على الكاش فالميدان

البارحه النوم ماجاني=ولاينفرض للشقاويه
وبهرتها بن صنعاني= ونهجتها للصفاويه
ودقيت سلف المريكاني= لاصحابنا فالدعيجيه
اللي لهم قدر الاعياني= اقولها صادق النيه
وصار الملاقى بالاخواني= في بسط وهروج عفويه
وقيفان ليحي وليحاني= وردود فالحال فوريه

من شاف هيج الهوى واغواه=ميت ضماء يارحم حاله
يجري وراء اللي بعيد مداه= والسيف سيفه وقتاله
ياما غووبه رجال دهاه= والكل نادم على افعاله
حكم البنادم حسب مبراه= ومن حال فعله يسواله

ياسيد صبر المواعد طال= واهتز قلبي من حموله
ليه الجفاء منك والآهمال= ماهو كذا الحب ووصوله

يامن بهجره جرحني جرح= وسبب لي الاه واشقاني
مع غيبته غاب كل الفرح= واستوطنت جملة احزاني

مر الهوى وانتهض جرحي= واختل قلبي عن اوزانه
ان طعت له واستعد فرحي= ويني انا وينها اوطانه

داعب خفوقي هواه بهمس= وبعمق الاحساس حسيته
وبعد امتنع باقتراب اللمس= غيره هوى ماتمنيته

يوم الوثايق كتبناها= وختم الهوى صادق الاقوال
كانت دروب ومشيناها= وشبنا هوى والدروب طوال

ماهو هوى قول ميت فيك= واعشقك واعشق ثرى ماطاك
قلب الشقي ينعشه صاليك=ياوجد روحي على مرباك

قلبي هوى وابتلاني حي= واسهرني الليل واشقاني
ويهل مزنه بهدر المي= واحرق ضمايه ولاسقاني

الله يرحم زمان اول= قفى وقفت معه ناسه
لاشكيت حالك بعد طول= كلن معك يصدق احساسه

هبت عليه هبوب عصير= واشغلني الشوق للديره
الله يذكر اهلنا بخير= في قربهم تنشري جيره

وش حدنا نتبع المقفين= ومدرك البيت بركانه
ويمضي علينا القسى من لين= ماتختلف عدلة اوزانه
ونحلف بعهده ليوم الدين=مانلتفت غير لاوطانه
ونمشي دروب الهوى لاهين=ونعصى لنا رب سبحانه

يبناخي الوقت قاسيته= من قبلكم عايشه وامشيه
ماجاز لي ماتمنيته= وقصر وفايه وانا موفيه
صبيت له شهد واسقيته= واصبحت ضامي على ساقيه
ونقض جروحي وداويته= ومافاد ني طب مستوفيه
ياكم صاحب وخاويته= ولاهو على مارجيته فيه
خلك كما الذيب في صيته= ماكل شاطر قدر يرميه
وارحم فمن هو توليته= لاتشب له نار وتكويه
ولابان خصمك وداعيته= عد الوثايق قبل تشكيه
ولاتمن في شي واعطيته=يعلم به الرب ماتخفيه
هذا كلامي وعديته= من قلب مخلص لكم مهديه
اما اتبعه واستقريته= والا كلامي لكم عديه
لجلك بناخي وعزيته= واجب عليه لكم بابديه